ފުލުހުންގެ ދިފާއުގައި އިދިކޮޅުން މުޒާހަރާ ކުރަނީ: އެމީހުން ވަނީ ފުލުހުންގެ އަގު ވައްޓާލަން ކުރާ މަސައްކަތް ހުއްޓާލަން ގޮވައިލައިފައި-- ފޮޓޯ؛ އަހުމަދު އަވްޝަން/ މިހާރު
22 ޖޫން 2020 - 11:53
ފުލުހުންގެ އަގު ވެއްޓޭ ގޮތަށް ރައްޔިތުންގެ މަޖިލީހުގެ މެމްބަރުން ވާހަކަ ދައްކަމުން ގެންދާ ކަމަށާއި ފުލުހުންގެ ގާނޫނަށް ބަދަލުތަކެއް ގެންނަން އުޅޭ ކަމަށް ބުނެ އިދިކޮޅު ޕީޕީއެމް/ޕީއެންސީގެ ސަޕޯޓަރުން މިއަދު މުޒާހަރާ ކޮށްފި އެވެ.
ސޯސަންމަގު، މަޖީދިއްޔާ ކަންމައްޗަށް ތިރީހަކަށް މީހުން އެއްވެ މުޒާހަރާ ކުރިއިރު އިސްކޮށް ހުރީ ޕީޕީއެމްގެ ކައުންސިލް މެންބަރު އަހްމަދު ނަރީޝް އެވެ. އެ މީހުން ދުރުދުރުގައި ތިބެ، ފުލުހުންގެ ދިފާއުގައި ލިޔެފައިވާ ބޯޑްތަކެއް ހިފައިގެން އަޑު އުފުލި އެވެ. ބައެއް ބޯޑުތަކުގައި މަޖިލީހުގެ ރައީސް، ރައީސް މުހައްމަދު ނަޝީދާއި މަޖިލީހުގެ ނައިބު ރައީސް އީވާ އަބްދުﷲ އާ ދެކޮޅަށް ޝުއޫރުތައް ލިޔެފައިވެ އެވެ.
މިއަދު 10:00 ގައި ފެށި އެ މުޒާހަރާ ބައި ގަޑިއެއްހާއިރު ތެރޭ ނިންމާލިއިރު މުޒާހަރާ ރޫޅާލުމަށް ފުލުހުން އެއްވެސް ކަމެއް ނުކުރެ އެވެ. ނަމަވެސް މުޒާހަރާގެ ބައިވެރިންނަށް މަޖިލީހުގެ އިދާރާ ކައިރިއަށް ނުދެވޭ ގޮތަށް އެ މަގު ބަންދުކޮށްގެން ސެކިއުރިޓީ ބަލަހައްޓަން ގިނަ އަދަދެއްގެ ފުލުހުން ތިއްބެވެ.
ފުލުހުންގެ ދިފާއުގައި އިދިކޮޅުން މުޒާހަރާ ކުރަނީ: އެމީހުން ވަނީ ފުލުހުންގެ އަގު ވައްޓާލަން ކުރާ މަސައްކަތް ހުއްޓާލަން ގޮވައިލައިފައި-- ފޮޓޯ؛ އަހުމަދު އަވްޝަން/ މިހާރު
ކޮވިޑް-19 ފެތުރޭތީ ރާއްޖޭގައި ސިއްހީ ނުރައްކަލުގެ ކުއްލި ހާލަތު އިއުލާން ކޮށްފައިވާއިރު، މުޒާހަރާ ކުރުމާއި އެއްވެ އުޅުމަކީ މަނާ ކަމެކެވެ.
މުޒާހަރާގައި ވާހަކަ ދައްކަމުން ނަރީޝް ވަނީ ފުލުހުންގެ މުއައްސަސާގެ އަގު ވެއްޓޭގޮތަށް މަޖިލީހުގެ މެމްބަރުން ދައްކަވަމުން ގެންދަވާ ވާހަކަތައް ހުއްޓާލުމަށް ގޮވައިލައިފަ އެވެ. އަދި ފުލުހުންގެ ބިލުގައި، ރައްޔިތުންގެ މަޖިލީހުގެ ސަލާމަތީ ހިދުމަތްތަކާ ބެހޭ (241 ކޮމިޓީ) އަށް ބޮޑެތި ބާރުތަކެއް ދޭން ހިމަނާފައިވާ ބާބު އުނިކުރުމަށް ވެސް ވަނީ ގޮވައިލައިފަ އެވެ.
އޭގެ އިތުރުން ޕޮލިސް ކޮމިޝަނާ މުހައްމަދު ހަމީދާއި ރައީސް މުހައްމަދު ނަޝީދުގެ އިތުރުން ރައީސް އިބްރާހިމް މުހައްމަދު ސޯލިހްގެ އިސްތިއުފާ އަށް ވެސް މުޒާހަރާގެ ބައިވެރިން ވަނީ ގޮވާލައިފަ އެވެ.
Fuluhunge hagguthah dhifaaukuran idhikolhun thibee thayyaarah: Adhurey
The most trusted news source in the Maldives
Mihaaru
ފުލުހުންގެ ދިފާއުގައި މަސައްކަތް ކުރާނެކަން އިދިކޮޅުން އިއުލާން ކުރުން
ފުލުހުންގެ ހައްގުތައް ދިފާއުކުރަން އިދިކޮޅުން އޮތީ ތައްޔާރަށް ކަމަށް އެ ކޯލިޝަނުން ވަނީ ކުރިން ބުނެފަ އެވެ. ޕީޕަލްސް ނެޝަނަލް ކޮންގްރެސް (ޕީއެންސީ)ގެ ރައީސް އަބްދުއްރަހީމް އަބްދުﷲ ކުރިން ވިދާޅުވީ ދިވެހި ފުލުހުންނަކީ ދިވެހިންނަށްޓަކައި ގިނަ ގުރުބާނީތަކެއް ވަމުން އަންނަ ބައެއް ކަމަށެވެ. އަދި އެ މީހުންގެ އަގު ވެއްޓޭ ގޮތަށް ރައްޔިތުންގެ މަޖިލީހުގެ އެމްޑީޕީ މެމްބަރުން ވާހަކަ ދައްކަވަމުން އަންނަ ކަމަށް ވިދާޅުވެ، އެކަމާ މެދު ކަންބޮޑުވާ ކަމަށް ވިދާޅުވި އެވެ.
މަޖިލީހަށް "ދިވެހި ފުލުހުންގެ ހިދުމަތުގެ ބިލް" ބަލައިގެންފައިވާ އިރު އެ ބިލުން މަޖިލީހަށް ބޮޑެތި ބާރުތަކެއް ލިބެ އެވެ. އެގޮތުން އަލަށް ހުށަހެޅި ބިލުގައި 241 ކޮމިޓީގެ ބާރުތައް ބަޔާންކުރާ ބާބުގައިވާ ގޮތުން ޕޮލިސް ކޮމިޝަނަރާއި ހޯމް މިނިސްޓަރު ޖަވާބުދާރީ ކުރުވުމުގެ އިތުރުން ފުލުހުންގެ ހިދުމަތަށް ގެންނަން ޖެހޭ އެކި ބަދަލުތައް ގެންނަން އެންގުމުގެ ބާރު ކޮމިޓީ އަށް އޮންނާނެ އެވެ. އެއީ ފުލުހުންގެ މައްޗަށް ނުފޫޒު ފޯރުވަން ކުރާ ކަމެއްކަމަށް ބުނެ ފާޑު ކިޔުން ވަނީ އަމާޒުވެފަ އެވެ.
ފުލުހުންގެ ބިލަށް މަޖިލީހުގައި ބަހުސް ކުރި އެމްޑީޕީގެ ގިނަ މެމްބަރުން ވަނީ ފުލުހުންނަށް ވަރަށް ބޮޑަށް ފާޑު ވިދާޅުވެފަ އެވެ. ފުލުހުންނަކީ އަނިޔާވެރި ބައެއްގެ ގޮތުގައި ސިފަކޮށް އަނިޔާތަކަށް އިންސާފު ލިބެން ޖެހޭ ކަމަށް ބައެއް މެމްބަރުން ވަނީ ވިދާޅުވި އެވެ.
Majilis idhaaraage dhoshah evvumun gadha kamun fonuvaalaifi
The most trusted news source in the Maldives
Mihaaru
ހެނދުނު ކުރި މުޒާހަރާގެ ބައިވެރިން ފަހަތަށް ޖެއްސުން
މިއަދު ހެނދުނު ވެސް މަޖިލީހުގެ އިދާރާ ކައިރީ މުޒާހަރާ ކުރި އެވެ. "މަޖިލިސް ހޭލައްވާ" ގެ ނަމުގައި ރައްޔިތުންގެ މަޖިލީހުގެ އިދާރާ ކައިރިއަށް މިއަދު ހެނދުނު އެއްވެ މުޒާހަރާ ކުރަން އުޅުމުން ފުލުހުން ބާރުގެ ބޭނުންކޮށް މުޒާހަރާގެ ބައިިވެރިން ވަނީ ފަހަތަށް ޖައްސާފަ އެވެ. ގާތްގަނޑަކަށް 10 މީހުންނާއެކު އެ މުޒާހަރާ ކުރީ ސިޔާސީ، އިޖުތިމާއީ އަދި އިގްތިސާދީ ގޮތުން ރައްޔިތުން ބާރުވެރިކުރަން މަސައްކަތް ކުރާ ވާތުފިޔައިގެ ސިޔާސީ ހަރަކާތެެއް ކަމަށްވާ "ނަވާނަވައި" އިންނެވެ.
Copyright © 2024 Mihaaru · Terms and Conditions · Privacy Policy
ކޮމެންޓްތައް
ރީތި މޫސަ
23 June 2020
މިޤައުމަކު ފުލުހުންކީއްކުރަން އެއްވެސްރައްޔިތަކަށްވެސް ނަޝީދު ސިޔާސީ މައިދާނުގަހުރިހާދުވަހަކު ހަމަނެވާލާކަށް ލާހިކެއްނޫން މައިބަދައަށް ބޭސްކުރުއިރު މެންޓަލީ ޑޮކްޓަރަކަށް ދެއްކުނުނަމަ ކިހާރަނގަޅުވީސް އޭރުންގައިމު ރައްޔިތުންނަށްވެސް ޔަގީންވީސްދޯ
އެދުރު ރަހީމު
22 June 2020
އެޗް.ޕީ.އޭ އިން ބުނީ 3 މީހުންނޭ އެއްމެގިނަވެގެން އެއްވެވޭނީ. ޕީ.ޕީ.އެމް އަށް 3 ފެނުނީ 30 ކަމަށް. އެހެންވެ 30 މީހުން އެއްވީ. އަދުރެމެޓިކްސް؟
ބޮޑުމީހާ
22 June 2020
ބޯހިޔާވެހިކަން ހޯދަން، ވަޒީފާގެ އަޅުވެތިކަން ނައްތާލުމަށް، އިންސާފާއި ހަމަހަމަކަން ގާއިމުކުރުމަށް، މާލެއަށް ހުރިހާ ބާރެއް ޖަމާކުރުމާއި، ފުލުހުންގެ ގާނޫނަށް އަދި ވަޒީފާގެ ގާނޫނަށް ގެންނަ ބަދަލުތަކާއި ދެކޮޅަށް މުޒާހަރާ ކޮށްގެން ނޫނީ އަލިމަގެއް ނުފެންނާނެ
އޮރެންޖް
22 June 2020
ތީ ފުލުހުންގެ ދީފައުގައި މުޒާހަރާ ކުރިބައެއްނޫން. ނަމަވެސް އެމީހުން މުޒާހަރާކުރީ ފުލުހުންގެ ތެރޭގައިތިބި ރައްޔިތުންނަށް ބޮޑެތި އަނިޔާތައް ދީފަތިބި މީހުންގެ ދިފާއުގައި.
ވަހީދު
22 June 2020
ޕީޕީއެމުން ހައެއްކަ މީހުން ކަރުދާސްކޮޅެއް ހިފައިގެން މަގުމަތީގައި ހުއްޓިލާއިރަށް އެމްޑީޕީ މެމްބަރުން މިގޮވަނީ ބަޤާވާތް ކޮށްގެން ސަރުކާރު ވައްޓަނީއޭ. ބޮޑުވަރު ބިރުގަތަސް.
ކަސްމަތިބެ
22 June 2020
މުޒާހިެރާކޮށް އެއްވާން ގާދޫ ކޮލާދިމާލުގައި ބަޑެއް ބާވަން ވީއެވެ. އެއަށް އަރާތިބެ ޖަހާނެ ސަކަރާތެއް ޖަހާނީއެވެ.
ާއަލީ!.
22 June 2020
އަނެކާ ބަގާވާތަކަށް ތައްޔާރުވަނީ؟!
ނަރާޝް
22 June 2020
މުޒާހަރާ ކޮންޓްރޯލްކުރެވޭ ވަރެއްނުވި މުޅި މާލޭ ސަރަހައްދު ގުޑުންއަރުވާލައި ބިރުން ތުރުތުރުލާވަރުކޮށްލި މުޒާހަރާއެއް! ޔާމީނަށް އަންގާ ވެރިކަމާއި ހަވާލުވާން ތައްޔާރުވާށޭ
ޝައިޚް.
22 June 2020
ބަލަ ޕީ.ޕީ.އެމް. މިހާރު ނެތޭ، މީހަކު ނުނިކުންނާނެ މުޒާހަރާއަކަށް، އެނިމުނީ އެކަން، ނުވެސް އެނގޭ ، ނުވެސް ކުރެވޭނެ މުޒާހަރާއެއް، އެމް.ޑީ.ޕީ.އަކީ ފިސާރި މީހުންއުޅޭ ޕާރޓީއެކެ،
ވައިސޫރި
22 June 2020
ތިޔަޖަހަންފައްޓަނީ ބަޣާވާތުގެ ރަނގަބީލު މަޖުލީހުގެ މެންބަރުންވެސް މަޖުލީހައްނުގޮސް ބޮޑުމުސާރަ ނަންގަވާގެން ކޮންވާހަކައެއް ނިމިދިޔަ ދައުރުގާ މެންބަރުންނައް އަނިޔާކުރަމުންދިޔައިރުވެސް އެތަނައް ދެވޭތޯ އުޅުނު އެންމެފަހުން ތަޅުލާގެން ވަނަނުދީ ހިފެހެއްޓި މިހާރު އެންމެ މީހަކައް ކަމެއްވެލީމާ ތިޔައޮތީ ހުންއައިސް ރަޖާލައްވާގެން ފިަޑިވެފާ