އެޗުއީއޯސީން ރޭ ބޭއްވި މީޑިއާ ބްރީފިންގައި ޑރ. ނަޒްލާ ވާހަކަ ދައްކަވަނީ.
07 ޖުލައި 2020 - 00:32
6 comments
ކޮވިޑް-19ގައި އިއްޔެ ފަތިހު މަރުވީ، ސަރުކާރުގެ މައި ހޮސްޕިޓަލް އައިޖީއެމްއެޗުގެ ތެރެއިން އެ ބަލި ޖެހުނު މީހެއް ކަމަށް އެޗުޕީއޭ އިން ރޭ ބުނެފި އެވެ.
އުމުރުން 80 އަހަރުގެ އެ މީހާ މަރުވީ ދަރުމަވަންތަ ހޮސްޕިޓަލްގެ ޑީއެޗް11 ގަައި ފަރުވާދެމުން އަންނަނިކޮށް އިއްޔެ ފަތިހު 4:30 ހާއިރު އެވެ.
ހެލްތު އިމަޖެންސީ އޮޕަރޭޝަން ސެންޓަރު (އެޗުއީއޯސީ) ން ބޭއް ބޭއްވި މީޑިއާ ބްރީފިންގައި އެ ސެންޓަރުގެ ތަރުޖަމާން ޑރ. ނަޒްލާ ރަފީގު ވިދާޅުވީ، އެއީ ދާއިމީ ބަލިތަކުގެ އިތުރުން އެހެން ބައެއް ބަލިތައް ވެސް ހުރި މީހެއް ކަމަށެވެ. އެއީ، އައިޖީއެމްއެޗުގެ އައިސީޔޫ އިން ވޯޑަށް ބަދަލުކޮށްފައި ވަނިކޮށް، ޕޮޒިޓިވްކަން އެނގުނު މީހުންގެ ތެރެއިން މީހެއް ކަމަށް ނަޒްލާ ވިދާޅުވި އެވެ.
އެއީ ޜާއްޖެ އިން ކޮވިޑް-19 ގައި މަރުވި 12 ވަނަ މީހާ އެވެ. އެއީ ހަ ދިވެއްސަކާއި ފަސް ބަންގްލަދޭޝް މީހުންގެ އިތުރަށް ފިލިޕިންސްގެ މީހަކު ވެސް ވަނީ މަރުވެފަ އެވެ.
އައިޖީއެމްއެޗުން ބަލި ޖެހުނު މީހަކު މަރުވެފައިވާ ކަމަށް ބުނެފައިވާއިރު އެ ހޮސްޕިޓަލުން މިހާތަނަށް ކޮވިޑަށް ޕޮޒިޓިވްވެފައި ވަނީ ޖުމްލަ 11 މީހުންނެވެ. އެއީ ހަތަރު މުވައްޒަފުންނާއި ފަސް ބަލި މީހުންގެ އިތުރަށް، ބަލި މީހުންގެ ދެ އެހީތެރިންނެވެ.
އައިޖީމްއެޗްއެޗުގެ އައިސީޔޫގައި ބަލި ފެތުރިފައިވާ ކަން އެނގުނީ އައިސީޔޫގައި ކެންސަރު ބައްޔަށް ފަރުވާދެމުން ދިޔަ މީހަކު ދެވަނަ ސާޖަރީއަކަށް ތައްޔާރު ކުރުމަށް ހެދި ޓެސްޓުން އޭނާ ކޮވިޑް-19 އަށް ޕޮޒިޓިވް ވުމުންނެވެ. އެކަމަކު ނަތީޖާ ލިބުމުގެ ކުރިން އޭނާ ވަނީ މަރުވެފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޝައިޚް.
07 July 2020
އައި.ޖީ.އެމް.އެޗް.ގެ ފަރުވާކުޑަ ރަހުމުނެތް ކަން، އަދިވެސް ތިތާ އެތެރެ އޮތީ ފޫގޮއްސަ، ބަލިފެތުރެނީ ތި ހޮސްޕިޓަލް ތެރޭން، ވިސްނޭބާ ތި ހޮސްޕިޓަލަކީ ދުވާލަކު ކިތަށް މީހުން ވަދެ ނިކުމެ އުޅޭތަނެއްކަން، ތި ތާ ތިބީ ގަމާރު ވެރިންތަ.؟
ހުވާ
07 July 2020
އިންޑިޮނޭޝިއާ މީހާވެސްއެއީ ތިތަނުން ބަލިޖެހުނުމީހެއް. އެކަމަކު އޭނާއެއް ނުގުނަ.
ޑެލްބޯއި
07 July 2020
ބަލި މަޑުކަމާއި ތަދު މަޑުކަމާއި އުފަލާއި ދެރައާއި މުއްސަނދިކަމާއި ފަޤީރުކަމާއި ދިރި ދުނިޔެއަށް އައުމާއި ނިމި މަރުވެ ދިއުމާއި އެއީ ދުނިޔޭގެ އާދައެވެ. މުހައްމަދު ޖަމީލު ވިދާޅުވެފައި އޮތް ފަދައިން "ދާމަގުން ދުނިޔެ ހިނގަމުން މިހިރިގެންދަނީ، އައު މަގެއްގައި ހިނގޭކަށް ނެތޭ އަންގަނީ."ޑޮކްޓަރުން ވެސް އަދި އެހެން ބޭފުޅުން ވެސް މިކަންކަން ދަނެގެން ކަންކަން ރާއްވަމުން ގެންދިއުން ނޫން ގޮތެއް އޮތް ކަމަކަށް ނުދެކެން.
ހަސަބު
07 July 2020
ތިހުރިހާކަމެއް ކުރަނީ ބޮޑު ވަޒީރު.
މަޖިލީސްގެ
07 July 2020
ކޮބާހޭ މަޖިލީސް ...؟ މިހާރުވެސް މިއީ ހެލްތު މިނިސްޓްރީ އިހުމާލެއް އޮވެގެން ވީ ކަމެއް ނަމަ ކުއްލި މައްސަލައާއި ގަރާރުތަކާއި ދުންމާރިއާއި ތާޅަފިލި ފުމެ މަޖިލީސް ކުރާގެ ބިމާ ހަމަ ކުރީސް. މިއަދު މީހެއްގެ ފުރާނަ ދިޔައިމަވެސް ނޭނގޭ ކަމަށް ހެދިގެން ތި ތިބެނީ ޕާޓީ މީހާވީމަތަ؟ ކޮބާ ހީވޭ ކަމެއްހެން. އަދިވެސް ބޮޑެތި މުޒާހަރާ ބާއްވާތި އިންސާފު ގާއިމު ކުރާނަމޭ ކިޔާ. 19 ވަނަ މަޖިލީހުގެ ރައީސަކީ ބޮޑު ޖޯކަރެއް. މަޖިލީހަކީ ސާކަސްއެއް.
ސިއްތި
07 July 2020
މިއީ އައިޖީއެމްއެޗްގެ ސީއީއޯ ބަންދު ސަލީމް އަދި ރައީސް އޮފީހުން އައިޖީއެމްއެޗް ކަންތަކާ ހަވާލުވެ ހުރި މިނިސްޓަރު އަލީ ޝިޔާމް ޒިންމާ އަދާ ނުކުރުވާ ދޫކޮށްލާ ވަރުގެ ކަމެއް ނޫން މި ކުރީކީ. ކޮބައިތަ އެއްކަލަ މީހުން ޒިންމާ އަދާނުކުރުވިގެން އުޅޭ މަޖިލީސް ކުދިންކޮޅު؟ އީވާ އަބްދުﷲއަށް ކެރެނޭތަ ކުއްލި މައްސަލައެއް ވައްދައިގެން މި މައްސަލަ ބަލަން؟ ނުވާނެ ދޯ ރޯޔަލް ފެމިލީވީމަ؟ ސާބަހޭ