މިއަދު މަރުވި އިސްމާއިލް ރިޒާ (ކ) އާއި މިދިޔަ އަހަރު މަރުވި އޭނާގެ ބޭބެ އަލީ ރިޔާޒް
19 ޖުލައި 2020 - 22:55
31 comments
އެމްއެންޑީއެފްގައި ޚިދުމަތް ކުރަނިކޮށް، ހާޓްއެޓޭކެއް ޖެހިގެން ބޭބެ މަރުވިތާ އަހަރެއް ނުވަނީސް، ފުލުހުންގެ ޚިދުމަތުގައި ދެމިހުރި ކޮއްކޮ ވެސް ހާޓް އެޓޭކެއް ޖެހިގެން މިއަދު މަރުވެއްޖެ އެވެ.
ދ. ކުޑަހުވަދޫ ސިއްހީ މަރުކަޒުގައި ރެ އިން ފެށިގެން އެޑްމިޓްކޮށް ފަރުވާދެމުން ދަނިކޮށް މިއަދު ފަތިހު މަރުވީ، އެ ރަށު ފަހާގޭ، އިސްމާއިލް ރިޒާ 35، އެވެ. ޕޮލިސް ސާޖަންޓް، ރިޒާ ފުލުހުންގެ ވަޒީފާގައި އުޅޭތާ 14 އަހަރު ވެއްޖެ އެވެ.
އޭނާގެ ބޭބެ، އަލީ ރިޔާޒް 38، މަރުވީ މިދިޔަ އަހަރުގެ އޮކްޓޯބަރު މަހުގެ ތެރޭގައި ސިފައިންގެ ތަމްރީނެއްގައި ހުޅުމާލޭގައި އުޅެފައި ގިރިފުއްޓަށް ދިޔަތަނާ ހާޓް އެޓޭކެއް ޖެހިގެން ކަމަށް ވެ އެވެ.
ރިޒާ އާއި ރިޔާޒަކީ ކުޑަހުވަދޫ ފަހާގޭ މުހައްމަދު ރަޝީދާއި ޒުލޭޚާ އިސްމާއިލަށް ލިބުނު ނުވަ ދަރިންގެ ތެރެއިން ދުނިޔޭގައި ތިބި ހަމައެކަނި ދެ ކުދިންނެނެވެ. އެއް ދަރިފުޅު ދުނިޔެއާ ވަކިވިތާ ގިނަ ދުވަސްތަކެއް ނުވަނީސް އަނެއް ދަރިފުޅުގެ މަރާ އެކު، އެ ދެމަފިރިން ވަނީ އެކަނިވެރިވެފަ އެވެ. ދެމަފިރިންގެ އުމުރުން މިހާރު 65 އަހަރަށް ވުރެ މަތިވެދާނެ އެވެ.
"ވަރަށް ބޮޑު ހިތްދަތިކަމެއް އެ ދެމަފިރިންނަށް ކުރިމަތި މިވީ. ރިޒާ އުޅުނީ ތިން ދަރިންނާއި އަންހެނުންނާ އެކު މަންމަ އާއި ބައްޕަގެ ގޭގައި. އެ ދެމަފިރިންގެ ހުރިހާ ކަމެއް ބަލަހައްޓަމުން ދިޔައީ ވެސް އެ ދަރިފުޅު،" ކުޑަހުވަދޫގެ ކައުންސިލަރަކު ވިދާޅުވި އެވެ.
"ރަށާއި ގައުމަށް ޚިދުމަތްތެރި ދެބެން މިހާ ގާތުގައި ވަކިވެ ދިއުމަކީ ރަށަށް ވެސް ވަަރަށް ބޮޑު ދެރައެއް."
މައިންބަފައިންނާ އެކު ދިރިއުޅުމަށް، ކުޑަހުވަދޫ ޕޮލިސް ސްޓޭޝަނުގައި މަސައްކަތް ކުރަމުން އައި ރިޒާ އެ ރަށު ސިއްހީ މަރުކަޒުގައި ރޭ އެޑްމިޓްކުރީ ކުއްލި އުނދަގޫތަކެއްވާތީ އެވެ. އަމިއްލަ އަށް ހިނގާލާފައި އެތަނަށް ދިޔަ ނަމަވެސް ފަހުން ހާލަތު ގޯސްވެ، ކުއްލި ގޮތަކަށް މާލެ ފޮނުވާލަން ތައްޔާރު ވެސް ވި އެވެ.
"ފަތިހު ފްލައިޓަށް އަރުވާފައި ވެސް އޮކްސިޖަން ދަށްވެ، ހާލަތު ގޯސްވާތީ ބާލައިގެން ފަރުވާދެނިކޮށް ނިޔާވީ،" ކައުންސިލަރު ވިދާޅުވި އެވެ.
އޭނާ ވިދާޅުވި ގޮތުގައި ދެބެއިން ވެސް އަޚުލާގު ރަނގަޅުވެފައި މީހުންނަށް ކަމޭހިތައި، އޯގާތެރި އެވެ. އާއްމުންގެ ސަލާމަތާއި ރައްކާތެރިކަން ކަށަވަރު ކޮށްދިނުމަށް ރިޒާ ރަށުގައި ހުރެގެން ކުރި މަސައްކަތްތައް ކައުންސިލުން ފާހަގަކުރެ އެވެ.
ފުލުހުން ވެސް ވަނީ ރިޒާގެ ޚިދުމަތް ފާހަގަކޮށް، އާއިލާ އަށް ތައުޒިޔާ ކިޔައި ބަޔާނެއް ނެރެފަ އެވެ.
އެ ބަޔާނުގައި ބުނިގޮތުގައި ރިޒާ ހުރީ ސެންޓްރަލް ޕޮލިސް ޑިވިޒަންގެ ޓީޑީ އޮފިސަރެއްގެ މަގާމުގަ އެވެ. އޭނާ އަށް ލިބިފައިވާ މެޑަލްތަކުގެ ތެރޭގައި އަޚުލާގީ ކުލަ އެކެއް، ދޭއް އަދި މިނިވަން 50 ގެ މެޑަލާއި ފުލުހުންގެ ޚިދުމަތުގެ ކުލައިގެ އިތުރުން އިޚްލާސްތެރި ޚިދުމަތުގެ ކުލަ ހިމެނޭ ކަމަށް ފުލުހުން ބުންޏެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މުހައްމަދު25
20 July 2020
ކޮންފަދަ ބޮޑުހިތާމައެއް އާއިލާއައް މިލިބުނީ،، މިފަދަ ދަޑިވަޅުތަކުގައި ގައުމައް ހިދުމަތްކޮދެވައިފައިވާ ބޭފުޅުންނައް ވަޒީފާ އަދާކުރައްވާ މުއައްސަސާ އަކުން ކޮންމެވެސް އިނާޔަތެއް ދެއްވުން ރަނގަޅު ކަމެއްކަމައް އަަޅުގަނޑު ދެކެން، އަދި މަރުހޫމްގެ ފުރާނަފުޅައް ސުވަރުގެ މިންވަރުކުރައްވައި ، ލޮބުވެތި ދެ މައިންބަފައިންނައް ހިޔޮރަހުމަތްލައްވާ ، އެބޭފުޅާގެ ދަރިންނާއި އަންހެނުންނައްވެސް ހިޔޮގޮއްމިންވަރު ކޮއްދެވުންއެދެން ﷲ ގެ ހަސްރަތުން..
ދ، އަތޮޅު
20 July 2020
އާއިލާޔަށް ކެއްތެރިކަން ދެއްވާ މަރުހޫމް އަށް ސުވަރުގޭގެ ދާއިމީ ނިއުމަތް ދެއްވާށި. އާމީން
ކައްދާނިކެ
20 July 2020
ބޭބެ ހިތުގެ ބައްޔަށް މަރވުމުން އެއްބަޑު ކޮއްކޮ ހިތުގެ ޑޮކްޓަރަށް ދެއްކުނުނަމަ ބަލިއެގި ފަރުވާދެވިގެން ރަގަޅުވުމުގެ ޗާންސް ބޮޑު. ބޮޑަށް ހީވަނީ ކާޑިޔޯމައިބަތީ ގެ ސަބަބުން ދިމާވުމުން ހިތްހުޓުނީހެން.
އީތޭން
20 July 2020
ވަރަށް ވަރަށް ހިތާމަވެރި... މިދެބެއިންގެ އާއިލާތަކަށް އެހީތެރިކަން ފޯރުކޮށްދީ ބަލަހައްޓައިދޭން ޖެހޭ... އާއިލާޔަށް ކެއްތެރިކަން ދެއްވާ މަރުހޫމް އަށް ސުވަރުގޭގެ ދާއިމީ ނިއުމަތް ދެއްވާށި. އާމީން
ޝެމެކްޝް
20 July 2020
މަރުހޫމާ ފާފަ ފުއްސަވާންދޭން
ahmed
20 July 2020
اِنّا لِلّهِ وَاِنّا اِلَيْهِ رَاجِعُون ދެ ބެއިންނަށް ހެޔޮ ރަހުމަތް ލައްވާށި! އާއިލާއަށް ކެއްތެރިކަން މިންވަރުކުރައްވާށީ އާމީން
ރަދީފްއޮފިޝިއަލް
20 July 2020
އާމީން.
މާވަޑި
20 July 2020
ހިތާމަ ހުރި، އެހެނަސް ދުނިޔެމަތީގައި ﷲ ތައާލާ އަޅަމެން އިމްތިހާނު ކުރައްވާނެ، ދެބެންގެ މައިބަފައިންނަށް ކެތްތެރިކަން މިންވަރު ކުރައްވާށި. މަރު ވަނީ ތިބާއާއި ނުހަނު ގާތުގައި މަރައްތައްޔާރުވާށެވެ. ކައްވަޅުގެ އަޒާބާއި ޤިޔާމަތުގެ އަޒާބަށް ބިރުވެތިވާށެވެ. މަޖާކުރާކަށް ވަގުތެއްނެތެވެ. ދިވެހިރާއްޖޭގެ ޞިއްޙީ ނިޒާމް ވަނީ ބޮއްސުންލާފައި، އަވަސް ފަރުވާއަށް އަވަހަށް ބަލިމީހަކު މާލެ ފޮނުވުމަކީ ތުރާލެކެވެ. ކުޑަހުވަދޫގައި އެއާރޕޯޓެއް އެއާރލައިނެއ އޮވެގެންވީ ފައިދާއަކީކޮބާ؟
ހަޑިގިއްލާ
20 July 2020
އެއާރޕޯޓު އޮތީމަ ފްލައިޓް ޖައްސުނީ...
ކެތްތެރިޔާ.
20 July 2020
ﷲ ތަޢާލާ އެ ދެ ޒުވާނުންގެ ފާފަ ފުއްސަވާ ސުވަުގޭގެ ދާއިމީ ނިޢުމަތް މިންވަރު ކުރައްވާށި. އާމީން. އަދި ދެޒުވާނުންގެ މައިންބަފައިންނަކީ ކެތްތެރިކަމުގެ ނަމޫނާކަމުގައި ލައްވާށި. 9 ކުދިން ލިބުނުއިރު ދެކުދިން ފިޔަވާ ހުރިހާކުދިން ނިޔާވެ ދިއުމަކީވެސް ބަރުދާސްތުކުރަން ދަތި އުނދަގޫކަމަކަށްވާނެކަން ކަށަވަރު. އަދި ބޮޑުފިރިހެނުންކަމުގައިވެ ޤައުމީ ޚިދުމަތުގައި ތިއްބާ ނިޔާވެގެން އެދިޔަ ދެބެއިންނަށްޓަކައި އެ މަންމައާ ބައްޕަ ކުރާނެ ހިތާމަ އިޙްސާސްކުރަންވެސް ދަތިވާނެ.
މުހައްމަދު25
20 July 2020
ލޮލުން ކަރުނައިން ފުރިގެންދާވަރުވޭ، ﷲ މިންވަރުފުޅުން ދެރަގޮތެއްނުވާނެ
ފިފުޓީ ސިކުސް
20 July 2020
اِنّا لِلّهِ وَاِنّا اِلَيْهِ رَاجِعُون ދެ ބެއިންނަށް ހެޔޮ ރަހުމަތް ލައްވާށި! އާއިލާއަށް ކެއްތެރިކަން މިންވަރުކުރައްވާށީ އާމީން
ކަތީބް
20 July 2020
ހިތުގެ ބައްޔަކީ ގައިންގަޔަށް އަރާ ބައްޔެއްނޫން. އެއީ، އާއިލީ ބައްޔެއް.
އީތޭން
20 July 2020
ގައިން ގަޔަށް ނޭރިއަސް ހިތުގެ ބަލި އާއިލާގެ އެއް މެމްބަރެއްގެ ގައިގަ ހުރެފަ އަނެއް ބައި މެމްބަރުންގެ ގައިގަ ނުހުރެދާނެ... އަދި ހުރިހާ މެމްބަރުންގެ ވެސް ހުރެދާނެ... ޓެސްޓް ކުރުން ވަރަށް މުހިންމު...