ރައީސް އިބްރާހީމް މުހައްމަދު ސޯލިހު އިންޑިއާގެ ބޮޑުވަޒީރު ނަރެންދުރާ މޯދީއާ ކުރިން ބައްދަލުކުރައްވަނީ. އިންޑިއާއިން ވަރަށް އަވަހަށް ރާއްޖެއަށް އެހީދޭން އާ ޕެކޭޖެއް އިއުލާނުކުރާނެ.
25 ޖުލައި 2020 - 23:40
46 comments
ކޮވިޑް-19 އާ ހެދި ރާއްޖެއަށް ކުރިމަތިވެފައިވާ އިގުތިސާދީ ދަތިކަމުން އަރައިގަތުމަށް ޓަކައި މާލީ އާ ޕެކޭޖެއް ވަރަށް އަވަހަށް އިއުލާނު ކުރާނެ ކަމަށް އިންޑިއާއިން ބުނެފި އެވެ.
ރާއްޖޭގެ މި އަހަރުގެ މިނިވަން ދުވަހުގެ މުނާސަބާގައި އިންޑިއާގެ ސަފީރު ސަންޖޭ ސުދިރު ފޮނުއްވި ތަހުނިޔާގެ މެސެޖްގައި ވިދާޅުވީ އިންޑިއާއިން ވަރަށް އަަވަހަށް އިއުލާނުކުރަން ނިންމާފައިވާ މާލީ އެހީގެ ޕެކޭޖަކީ އެކަށީގެންވާ ބޮޑު އަދަދެެއްގެ ޕެކޭޖަަކަށް ވާނެ ކަމަށެވެ. އެއީ ރާއްޖޭގެ އިގުތިސާދަށް އެހީވުމަށާއި ކޮވިޑް-19 ގެ ފަހުން އިގުތިސާދީ ގެއްލުމުން އަރައިގަންނަން ރާއްޖެއަށް އެހީވާން ކަނޑައަޅާ ޕެކޭޖެއް ކަމަށް ވެސް އޭނާ ވިދާޅުވި އެވެ.
"އަޅުގަނޑުމެންގެ ރަހުމަތްތެރިކަމަކީ ހުރިހާ ތާރީހަކާ ގުޅިފައިވާ، މުސްތަގުބަލު އުޖާލާ، ހުރިހާ ހާލަތަކަށް ހެޔޮވަރު ގުޅުމެއް،" މެސެޖްގައި ސަފީރު ވިދާޅުވި އެވެ.
އިންްޑިއާއިން ރާއްޖެއަށް މާލީ އެހީތެރިކަންދޭން ކުރިން ތައާރަފްކުރި ޕެކޭޖްގައި ހިމެނޭ 400 މިލިޔަން ޑޮލަރުގެ ކަރަންސީ ސްވޮޕުން ފައިސާ ނެގޭނެ އިންތިޒާމް އެ ގައުމުން މިހާރު ވަނީ ހަމަޖައްްސައިފަ އެވެ. ސަފީރު ވިދާޅުވީ އެ އެހީގެ އިތުރުން ވެސް ކޮވިޑާ ގުޅިގެން އިންޑިއާއިން ރާއްޖެއަށް ގިނަ އެހީތަކެއް ދެމުން އަންނަ ކަމަށެވެެ. އޭގެ ތެރޭގައި ބޭސްފަރުވާ އާއި ކާނާގެ އެހީ އާއި މެޑިކަލް ޓީމުތައް ފޮނުވައިގެން ވީ އެހީ ވެސް ހިމެނެ އެވެ.
ސަފީރުގެ މެސެޖްގައި ދިވެހި ސަރުކާރާއި ރައްޔިތުންނަށް މިނިވަންދުވަހުގެ ތަހުނިޔާ ވިދާޅުވި އެވެ. މިއީ ރާއްޖެއާ އިންޑިއާއިން ޑިޕްލޮމެޓިކް ގުޅުން ގާއިމްކުރިތާ 50 އަހަރު ފުރޭ އަހަރު ކަމަށާއި އެހީ ވެސް ދެ ގައުމުން ފާހަގަކުރާ ކަމެއް ކަމަށް އޭނާ ވިދާޅުވި އެވެ. މިނިވަން ދުވަހުގެ މުނާސަބާގައި އިންޑިއާގެ ބޮޑުވަޒީރު ނަރެންދުރާ މޯދީ އާއި ރައީސް ރާމްނާތު ކޮވިންދު ވެސް، ރައީސް އިބްރާހީމް މުހައްމަދު ސޯލިހަށް މެސެޖެއް ފޮނުއްވި އެވެ.
އިންޑިއާއިން ރާއްޖެއަށް ކުރިން ދިން މާލީ ޕެކޭޖްގައި ހިމެނެނީ 800 މިލިޔަން ޑޮލަރުގެ ލައިން އޮފް ކްރެޑިޓް ފެސިލިޓީއެކެވެ. އެ ޕެކޭޖް ދޭން އެެ ގައުމުން އެއްބަސްވީ ރައީސް އިބްރާހީމް މުހައްމަދު ސޯލިހު 2018 ވަނަ އަހަރު އިންޑިއާއަށް ކުރެއްވި ރަސްމީ ދަތުރުފުޅުގަ އެވެ. އެ ޕެކޭޖްގައި ހިމެނޭ އުމްރާނީ ބައެއް މަސައްކަތްތައް މިހާރުވެސް ފަށާފައި ވާއިރު ބައެއް ބޮޑެތި ޕްރޮޖެކްޓްތައް ފަށަން އަންނަނީ ތައްޔާރުވަމުންނެވެ. ހަނިމާދޫ އިންޓަނޭޝަނަލް އެއާޕޯޓް ބޮޑުކުރުމުގެ ޕްރޮޖެކްޓަކީ އެގޮތުން އެންމެ އަވަހަށް ފަށާނެ ޕްރޮޖެކްޓެވެ.
ކޮވިޑް-19 ފެތުރުން ކޮންޓްރޯލްކުރަން އެހެން ގައުމުތަކުންނާއި ރާއްޖޭން އެޅި ފިޔަވަޅުތަކުގެ ސަބަބުން އާމްދަނީގެ ބޮޑު ބައެއް ވަނީ ހުއްޓިފަ އެވެ. ރާއްޖޭގެ އެންމެ ބޮޑު އިންޑަސްޓްރީ ކަމަށް ޓޫރިޒަމް އަލުން ފެށި ނަމަވެސް ޓޫރިސްޓުން އަދި އަންނަނީ ވަރަށް މަދުންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަހުރެން
27 July 2020
ރައްޔަތުންނަށް އޮޅުވާލުން ހުއްޓާލާ، އެހީއޭ ކިޔައިގެން މުލިންވެސް ދަރަނި
ގެރިބަކަރި1
26 July 2020
ހަގީގަތުގަވެސް އިންޑިޔާ ކިބައިން ސަލާންޖެހުން ވެއްޖެ ހުއްޓާލަން، ކްރެޑިޓް ފެސިލިޓީ ތަކާ ލޯނުތަށް އެއީ އެހީއެއްނޫން، ޖީއެމްއާރު ކަންތަށް ފުދޭ މިތަނާ ދޭތެރެ އެމީހުން ދެކޭގޮތް، 50 އަހަރު މިމީހުންނާއެއްކޮށް އަހަރުންނަށް ވީކަމެއް ނެތް، އަހަރުމެންގެ ލާރީގަ، މިމީހުންތަށް ބޮޑެތި ސިޓީތަށް އެއޮތީ ހަދާފަ، އިންޑިޔާ ޗައިނާވެސް ވާޝެކޭ ނޫން، ޑިޕްލޮމަސީ އަކީ ބެލެންސިން އެކްޓެއް، 50 އަހަރުގެ ޕާޓްނަރުވެސް ކަޑައިއްޔާ އިތުރު ގޮތެއް ހޯދުން މައްސަލައެއްނޫން
އުދުހޭ
26 July 2020
އިންޑިޔާގެ އަޅުވެތިކަމަށްވުރެ މަގޫފަތް ކައިގެން އުޅުންވެސް ހިތަށް ފަސޭހަ. މިނިވަންކަމުގެ އަގު މުޙައްމަދު ނަޝީދަށް ނުވިސްނެނީތަ؟؟؟
އެލް
26 July 2020
ޔާﷲ މި އިންޑިއާގެ ކިބައިން ރާއްޖެ ސަލާމަތް ކުރައްވާށި. އާމީން
ނައިސް .
26 July 2020
ތިހުރިހާ ޕެކޭޖަށްވުރެ ދިވެހިންގެ އަސާސީ ދަތުރުފަތުރު ނުކުރެވޭ އެތައްބަޔަކު އެބަތިބި ފުރަތަމަ އެމީހުންގެ އެހައްގު ހޯދުމަށް މަސައްކަތް ކުރުމަށް މިސަރުކާރަށް ގޮވާލަން އެއެންމެން އަބުރާ ފޮނުވާލަނީ އެއްވެސް ސަބަބެއް ނެތްކަމަށްބުނެ
Abdul Qadiru
26 July 2020
އިންޑިޔާގެ ތި ދަންތުރައިން މި ޤައުމު ސަލާމަތް ކުރައްވާށި! އާމީން
ފެނުކައްކާބޮލި
26 July 2020
އިންޑިޔާގެ ސިފައިން މިގައުމުން ބާލައި ހެލިކޮޕްޓަރާއި މަތިންދާބޯޓު ގެންދިއުނުގެ ކުރިން އިންޑިޔާގެ އެއްވެސް އެހީއެއް ބޭނުމެއް ނޫން.
އަލީރާޖާ
26 July 2020
ޝުކުރިއްޔާ އިންޑިއާ. ބައެއް މީހުން އޮޅުވާލަން އުޅުނަސް، ދިވެހި ރާއްޖޭގެ ތާރީޚުން ފެންނަން އޮތް މާޒީގެ 1000 އަހަަރުވެސް އިންޑިއާއިން ރާއްޖެ ހިފާ އަޅުވެތިކޮށްފައެއް ނެތް. އެމީހުން ބޭނުންވިނަމަ ވަރަށް ފަސޭހައިން ކުރެވެން އޮތް ކަމެއް. ބައެއް ދިވެހިންނަށް ސިޔާސީވެގެން ގޮސް ޝުކުރުވެރިވާންވެސް ނޭގޭ.
އޮރިޖިނަލް މޮހަނު
26 July 2020
ތިބޭފުޅާއަށް ތާރީޚު ކުޑަކޮށްވެސް އެނގޭނަމަ އެނގޭނެ ވޯރާއިންނާ މަލާބާރީންގެ ވާހަކަ. ބޮނޑިބަތް ކައިގެން ރީނދޫހުން ޖެހިފަތިބި މީހުނަށްނޫނީ މިހާރު ޤައުމަށް ވަމުންދާ ގޮތެއް އޮޅިފައެއް ނެތް.
ނާފިޒު
26 July 2020
ކަރަންސީ ސޮވޮޕް ގެ މާނަޔަކީ ރިޒާވުގައި އިންޑިއަން ރުޕީސް ބަހައްޓާފައި އެކޮޅުން އެވަރުގެ އަދަށް ޑޮލަރު ދީފައި ތަކެތި ގަތުން.. މިއީ އިންޑިއަން ކަރަންސީ ރާއްޖެއަށް ތަޢާރަފުކުރަން ޖަހާމަޅިޔެއް. މީގެ ކުރީންވެސް މިދައުރުގައި މިކަން ކޮށްފި.. އިސްތިގްލާލެއްނެތް..
ބަރަނި
26 July 2020
ކޮން އެހީއެކޭ ތި ކިޔަނީ؟ ތިޔަށް ކިޔަނީ ދަރަނި! ދަރަނި! ދަރަނި!