ކޮވިޑް ޖެހުނު ދިވެހިންގެ އަދަދު ބިދޭސީންނަށް ވުރެ މަތިވެއްޖެ

މާރުކޭޓުގައި ބަޔަކު ހަރަކާތްތެރިވަނީ: ބިދޭސީންނަށް ވުރެ ކޮވިޑް ޖެހުނު ދިވެހިންގެ އަދަދު ވަނީ އިތުރުވެފައި-- ފޮޓޯ: ނިޝާން އަލީ/ މިހާރު

އާސިމާ ނިޒާރު، މިހާރު

04 އޯގަސްޓް 2020 - 18:03

19 comments

ލޮކްޑައުން އަށް ދީފައިވާ ލުއިތަކުގެ ކުރިން ރާއްޖޭގައި ކޮވިޑް-19 އެންމެ ބާރަށް ފެތުރުނީ ބިދޭސީންގެ މެދުގައި ކަމަށް ވިޔަސް އެ މީހުންނަށް ވުރެ ދިވެހިންގެ އަދަދު މަތިވެއްޖެ އެވެ.

ހެލްތު ޕްރޮޓެކްޝަން އެޖެންސީ (އެޗްޕީއޭ) އިން އިއްޔެ ހަވީރު 6 އާ ހަމައަށް އާންމު ކޮށްފައިވާ މައުލޫމާތުތަކަށް ބަލާއިރު، ރާއްޖެ އިން މިހާތަނަށް ކޮވިޑް ޖެހުނު 4،293 މީހުންގެ ތެރެއިން ދިވެހިންގެ އަދަދު އުޅެނީ 2،178 ގަ އެވެ. އެއީ ބަލި ޖެހުނު މީހުންގެ ތެރެއިން 50.7 ޕަސެންޓެވެ.

ރާއްޖޭގައި މަސައްކަތް ކުރާ ބިދޭސީންގެ ތެރެއިން އެ ބަލި ޖެހިފައިވާ މީހުންގެ އަދަދަކީ 2،115 އެވެ. އެއީ ޖެހުނު މީހުންގެ 49.3 ޕަސެންޓެވެ. އޭގެ ތެރެއިން ވެސް އެންމެ ގިނައީ ބަންގްލަދޭޝް މީހުންނެވެ. އެ ގައުމުގެ 1،687 މީހުން ކޮވިޑަށް ޕޮޒިޓިވްވެފައި ވެ އެވެ.

ބަންގްލަދޭޝް އަށް ފަހު ދެން އެންމެ ގިނައިން ރާއްޖެ އިން ކޮވިޑް ޖެހުނީ އިންޑިއާގެ މީހުންނަށެވެ. އެ ގައުމުގެ 302 މީހަކާއި ނޭޕާލްގެ 48 އަދި ސްރީ ލަންކާގެ 41 މީހުން ކޮވިޑަށް ޕޮޒިޓިވް ވެފައިވާ ކަމަށް އެޗްޕީއޭގެ ޑޭޝްބޯޑުގައި ހާމަކޮށްފައިވަ މައުލޫމާތުތަކުން ދައްކަ އެވެ.

COVID-19 DASHBOARD

COVID-19 Local Updates - Ministry of Health - Maldives

COVID-19

އޭޕްރީލް 15 ގައި މާލެ އިން ކޮވިޑްގެ ފުރަތަމަ ކޭސް ފެނުނު ފަހުން، ފުރަތަމަ ދޮޅު މަހު އެ ބަލި އެންމެ ގިނައިން ޖެހުނީ ބިދޭސީންނަށެވެ. އެކަމަކު، ތޮއްޖެހިގެން އުޅޭ ގިނަ އަދަދެއްގެ ބިދޭސީން ރައްކާތެރި ތަންތަނަށް ބަދަލުކުރުމުން، އެ މީހުންގެ މެދުގައި ބަލި ފެތުރުން ވަރަށް ކޮންޓްރޯލްވެގެން ދިޔަ އެވެ. އޭގެ ފަހުން ބަލި ޖެހުނު ދިވެހިންގެ އަދަދު ރެކޯޑު އަދަދަކަށް އިތުރުވެފައި ވެ އެވެ.

މިދިޔަ އާދިއްތަ ދުވަހަކީ، މާޗު 7 ގައި ރާއްޖެ އިން ކޮވިޑް ފެނުނު ފަހުން އެންމެ ގިނަ މީހުން ޕޮޒިޓިވްވި ދުވަހެވެ. އެ ދުވަހު އެކަނި ވެސް 215 މީހަކު ޕޮޒިޓިވްވިއިރު އޭގެ ތެރެއިން ދިވެހިންގެ އަދަދަކީ 149 އެވެ.

ކޮވިޑް ބަލިން 2،670 މީހަކު ރަނގަޅު ވެފައިވާއިރު 19 މީހަކު ވަނީ މަރުވެފަ ވެ އެވެ. އެއީ 13 ދިވެހިންނާއި ހަ ބިދޭސީއެކެވެ.

ކޮވިޑުން ރައްކާތެރިވުމަށް ރާއްޖޭގައި އެޅި ހަރުކަށި އަދި ވަރުގަދަ ފިޔަވަޅުތަކަށް ދިން ބޮޑު ލުޔާއެކު، އެ ބަލި ޖެހޭ މީހުންގެ އަދަދު ދުވަހުން ދުވަހަށް ދަނީ މަތިވަމުންނެވެ. ޚާއްސަކޮށް ކޮވިޑް ބަލި ދިވެހިންގެ މެދުގައި އާދަޔާ ޚިލާފަށް ބާރު ސްޕީޑުގައި ފެތުރެމުންދާތީ ހާލަތު ވަނީ މާ ބޮޑަށް ސީރިއަސްވެފަ އެވެ.

ހެލްތު ޕްރޮޓެކްޝަން އެޖެންސީ ހެލްތު މިނިސްޓްރީ ސިއްހަތު ބަލިތައް ބިދޭސީން

19 ކޮމެންޓް, 12 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ސަރުކާރީ މެހެމާން

05 August 2020

އެހެން ވީމަ ހުރިހާ ދިވެހިން ޑީޕޯޓް ކުރަން ވީ ނޫން ތޯ ، ބޭފުޅުން ބައިތިއްބާފަ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބޯގަޅި

05 August 2020

މިހާރު ޓެސްޓްކުރާ 95% މީހުނަކީ ދިވެހިން، އެޗް ޕީ އޭ އިން ދިވެހިންނާ ބިދޭސީންގެ ޓެސްޓް ކުރެވުނު ވަކިން އެގޭގޮތައް އިއުލާންކުރޭ، ހުސް ދިވެހިން ޓެސްޓްކުރީ މަ ޕޮސިޓިވްވާނީ ހުސްދިވެހިން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރުބެލް މިއާ

05 August 2020

މިހާރު ބަންގަލްދޭޝް މީހުން ބަސް އަހަނީ. ދިވެހިން ވެސް ބަސް އަހަންވީ. އޭރުން އަދަދު މަދުވަނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވައިސޫރި

04 August 2020

ދިވެހިންނައްޖެހޭ އަދަދު އިތުރުވެގެން ދިޔައީ މުޒާހަރާ ކުރަން ފެށުމުން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބައިސޫރި

05 August 2020

އެހެން ކަމަށްތަ އެޗްޕީއޭގެ ހިސާބުތައް ދައްކަނީ؟ އަމިއްލަ ސަރުކާރުން ނެރޭ އެއްޗެއްވެސް ގަބޫލުނުކުރަންވީމަ ނުކުރުން ތިއޮންނަނީ. މުޒާހަރާގެ ކިތައް މީހުންތޯ ޕޮޒިޓިވްވީ އަދި އެމީހުންގެ ކިތައް ކޮންޓެކްޓްތޯ ތިބީ ބަލާފަ މޮޅު ވާހަކަ ދައްކަން މަޑުކުރަންވީނު.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގަރޫޑާ

05 August 2020

ބައިސޫރި ތީ އެޗް ޕީ އޭ ގެ ރެސްޕޮންސިބްލްތަ؟. އެޗް ޕީ އޭ އިން އަންގައިގެން އޮފީސްތައް ބަންދުކުރީ ގިނައިން ޕޮސިޓިވްވަނީ އޮފީސްތަކުންނޭ ކިޔާފަ. މުޒާހަރާ ކުރަންޏާ ފެތުރޭނެ އެކަ މަކު އެފެތުރޭވަރު އެގޭނީ 2 ހަފްތާފަހުން، އިއްޔެގަކުރި މުޒާހަރާއައް މިދަކުނޫން ޕޮޒިޓިވްވަނީ!!. ރެސްޕޮންސިބްލްވެސް ތީ ކިތަންމެގަޅިޔަސް ކޮ މެންޓްކުރަން މުސާރަދީފަ ހުރި މީހެއްތަ؟.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގަޅިން

04 August 2020

ކޮވިޑުން ސަލާމަތްއޮތީ ޓެސްޓުކުރުން ހުއްޓިގެން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފަހުދު

04 August 2020

ތިކަހަލަ ކަމެއްގަ ވެއްޖިއްޔާ ދިވެހިން އުޅޭނީ ވަރައް ކުރީގަ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފީ ގައްޑާ ބައެއް

04 August 2020

އުޅުމެއް ނެތް ބަޔަކު ތިބި ތަނެއްގައި ކަންތައް އޮންނާނީ މިހެން. ހީވަނީ ތިމާގެ އަމިއްލަ މާމަ އާއި ކާފައަށް ބަލި ގެންގޮސް ނުދިނުމުގެ ފަރުދީ ޒިންމާވެސް އެޅިފައި އޮތީ ސަރުކާރު ވެރިން ބޮލުގައިހެން. އެވަރު ކަމެއްވެސް ކޮށްނުލުވޭ ބައެއް މި އުޅެނީ މާ ގައްޑާވެގެން ސޯޝަލް މީޑިޔާގައި މެޑަލް ޖަހަން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފަރީ

04 August 2020

ކިތަންމެ ހަރުދަނާ ފިޔަވަޅުތައް އެޅިޔަސް އެއްވެސް ހަމައެއް ލަމައެއް އުސޫލެއް ނެތް ބަކަރި ކޮށްޓެއްގައި ތިބި ބަޔަކު ހަމަ ވަގުތު ޖެހޭއިރަށް ދުއްވައިގަންނާނީ އެމީހަކާ އެމީހަކު ކިޔާ، އުސޫލެއް ހަމައެއް ލަމައެއް ސުމާރެއް އެއެއް މިއެއް ނުބަލާ. ދެން މިހެން އުޅުން ބަހައްޓާފައިވެސް ބުނާނީ އެޗްޕީއޭއަށް ކުރެވުނީ ކޮން ކަމެއްހޭ. އަޖައިބެއް ކަހަލަ ބައެއް!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޕްރޮފް އަދުރޭ

04 August 2020

މި ގައުމުގެ ހަލާކަކީ ކެނެރީގެ ނަޝީދު. މިކަން ވަރަށް ރަނގަޅަށް ކޮންޓްރޯލު ކުރެވިފައި އޮތްވާ ހަމަ ގަދަ ބާރުން މަޖިލީސް ހުޅުވީ އެހެން މީހުންނަށް ދަސްކޮށްދޭން އެޗްޕީއޭގެ އެންގުންތަކަށް ގޮންޖަހަން. ބޭނުމަކީ ސަރުކާރަށް ބަލި ކޮންޓްރޯލު ނުކުރެވުނޭ ކިޔާ ފަލީހަތް ކުރާނެ ޖާގައެއް ހޯދުން. މިހާރު އޭނަގެ ބައިވެެރިޔާ ޕްރޮފެސަރު އަދުރޭއަކީ. 2 މީހުން އެކުވެގެން މިހާރު މުޒާހަރާކޮށް ގައުމު ފުނޑަނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބާމުރައީސް

05 August 2020

ނަޝީދުއާ އަދުރޭ އެކުވީމަ ދެން އިބޫ ކީއްވެތަ ކަމެއްނުކޮށް އެ ހުންނަނީ؟ އަދުރޭއާ ނަޝީދު އެކުވެގެން ކޮންމެ ކަމެއް ކުރިއަސް އެކަން ހުއްޓުވާހާ ބާރުނެތް މީހަކު ވެރިކަމަށް ގެނެސްގެން ދެން ކޮން ވާހަކައެއްތަ ތި ދައްކަނީ؟ ކޮންމެވެސް ބައެއްގެ ބޮލުގަ ޒިންމާއަޅުވާލެވުނީމަ އެހިސާބުން އިބޫއާ އިބޫއަށް ވޯޓްލީ މީހުންގެ ޒިންމާ އެނިމުނީތަ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނަޝީދު.

05 August 2020

މި ދަނޑިވަޅުގައި މުޒާހަރާ ކުރުމަކީ ވަރަށް ކަމުނުދާ ކަމެއް. އެކަން ދިފާއު ނުކުރޭ. އޭރުން އަނެއްކާވެސް ތި ދަސްކޮށް ދެވެނީ އެކަން ކުރަން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަބްދުﷲ

04 August 2020

ޓެސްޓް ކުރި އަދަދުން ބަލާފަ ތިހެން ބުނަންވާނީ. މިބުނީ ސާމްޕަލް ޓެސްޓް ކުރެވުނު އަދަދު. ހީވަނީ ދިވެހިންހެން ގިނައިން ޓެސްޓް ކުރީ. ބޭރު މީހުން އުޅޭނީ ހައިޑު ވެގެން.