ހުޅުލެ: ޖުލައި 15، 2020: ކޮވިޑް-19 އިން ރައްކާތެރިވުމަށް އެޅި ފިޔަވަޅުތަކުގެ ތެރެއިން، ރާއްޖޭގެ ބޯޑަރު ގާތްގަނޑަކަށް ހަތަރު މަސް ދުވަހަށް ބަންދު ކުރުމަށް ފަހު އަލުން ހުޅުވާލުމުން އެންމެ ފުރަތަމަ ވީއައިއޭ އަށް ޖެއްސި ގަތަރު އެއާވޭސްގެ މަތިންދާބޯޓުން ޓޫރިސްޓުން ފައިބަނީ.-- ފޮޓޯ: ނިޝާން އަލީ /މިހާރު
15 އޯގަސްޓް 2020 - 10:36
28 comments
ރާއްޖޭގައި ޗުއްޓީ ހޭދަކުރުމަށް ފަހު އެނބުރި ގައުމަށް ފުރާ ޓޫރިސްޓުން ކޮވިޑް-19އަށް ޓެސްޓް ކުރުމުގައި އުނދަގޫތަކެއް ކުރިމަތިވެ ޝަކުވާ ބޮޑުވެފައި ވަނިކޮށް، ފުރާ މީހުންނަށް އަވަހަށް ޓެސްޓް ކުރެވޭނެ އިންތިޒާމް ހެލްތު ޕްރޮޓެކްޝަން އެޖެންސީ (އެޗްޕީއޭ) އިން ހަމަޖައްސައިފި އެވެ.
ރާއްޖެއިން ބޭރަށް ދެވޭނީ އެޗްޕީއޭގެ ގައިޑްލައިނާ އެއްގޮތަށް ކޮވިޑަށް ޓެސްޓުކޮށް ނަތީޖާ ނެގެޓިވްވުމުންނެވެ.
އެ އެޖެންސީން އާއްމުކުރި ގޮތުގައި ފުރާ މީހުންނަށް ފަސް ތަނަކުން މިހާރު ޓެސްޓް ކުރެވޭނެ އެވެ. އެއީ، އައިޖީއެމްއެޗާއި އޭޑީކޭ ހޮސްޕިޓަލާއި ޓްރީޓޮޕް ހޮސްޕިޓަލާއި ހދ. ކުޅުދުއްފުށީ ރީޖަނަލް ހޮސްޕިޓަލުގެ އިތުރުން އައްޑޫ އިކުއިޓޯރިއަލް ހޮސްޕިޓަލެވެ.
ފުރާ މީހުންގެ ޓެސްޓް ކުރިއަށް ގެންދަން ކުރިން ހަމަޖައްސާފައި އޮތީ ޕްރައިވެޓް ދެ ހޮސްޕިޓަލެކެވެ. އެކަމަކު ފަހުން ބަދަލުކުރީ، އެޗްއީއޯސީ މެދުވެރިކޮށް އައިޖީއެމްއެޗުން އެކަން ކުރިއަށް ގެންދާށެވެ. އެކަމަކު މިހާރު މިވަނީ، ފައިސާ ދައްކައިގެން އަވަހަށް ޓެސްޓް ކުރެވޭ ގޮތް ހަދައިފަ އެވެ.
އެޗްޕީއޭ އިން ބުނީ އަވަހަށް ނަތީޖާ ބޭނުންވާ ނަމަ، ފުރުމުގެ 48 ގަޑިއިރު ކުރިން ސާމްޕަލް ފޮނުވަން ޖެހޭނެ ކަމަށެވެ. އެއާއެކު ދަތުރުކުރަން ހަމަޖައްސާފައިވާ ޝެޑިއުލްގެ ކޮޕީ އަދި ޓެސްޓު ލެބުން އެދިފައިވާ އެހެން ތަކެތި ވެސް ފޮނުވަން ޖެހޭނެ އެވެ.
ޓެސްޓް ހަދަން ހަމަޖެއްސި ތަންތަނުގެ ތެރެއިން އެންމެ އަގުހެޔޮކޮށް ޓެސްޓު ހަދައިދެނީ އޭޑީކޭއިންނެވެ. އެ ހޮސްޕިޓަލުން 1،500ރ. އަށް ކޮވިޑަށް ޓެސްޓުކޮށްދޭއިރު އައިޖީއެމްއެޗާއި ކުޅުދުއްފުއްޓާއި އައްޑޫ އިކުއިޓޯރިއަލް ހޮސްޕިޓަލުން ޓެސްޓް ހަދައިދޭން ހަމަޖައްސާފައިވަނީ 1،534ރ. އަށެވެ. ޓްރީޓޮޕް ހޮސްޕިޓަލުގައި 2،000ރ. އަށެވެ.
ހެލްތު އިމަޖެންސީ އޮޕަރޭޝަން ސެންޓަރު (އެޗްއީއޯސީ)ން ކުރިން ބުނެފައިވާ ގޮތުގައި އަތޮޅުތަކުގެ ހެލްތު ސެންޓަރުތަކާއި ރިސޯޓްތަކުގައި ޕީސީއާރު މެޝިން ބަހައްޓައިގެން ޓެސްޓްކުރަން ބޭނުންވާ ހުށަހެޅުންތައް ބެލުމަށް ފަހު އެތަނުން ކަނޑައަޅާފައިވާ މިންގަނޑުތަކާ އެއްގޮތަށް ޓެސްޓް ކުރުމުގެ ހުއްދަ ދޭން ވަނީ ނިންމައިފަ އެވެ. ސީއެސްއާރުގެ ދަށުން ބައެއް ކުންފުނިތަކުން ހެލްތު ސެންޓަރުތަކުގައި މެޝިން ބަހައްޓަން ހުށަހެޅުމުން އެ ހުއްދަ ދީފައިވާ ކަމަށް އެތަނުން ބުންޏެވެ.
ރިސޯޓްތަކުގައި ވެސް އެ ފުރުސަތު އޮންނާނެ ކަމަށާއި ހުއްދަ ދޭ ގޮތަށް އަދި ހަމަޖައްސާފައި ވަނީ ޕީސީއާރު ޓެސްޓަށް އެކަނި ކަމަށް ވެސް އެޗްއީއޯސީން ވަނީ ބުނެފަ އެވެ.
ރާއްޖެ އިން މިހާތަނަށް 5،500 އަށް ވުރެން ގިނަ މީހުންނަށް ކޮވިޑް ޖެހިފައިވާ އިރު މި ބަލީގައި 22 މީހަކު ވަނީ މަރުވެފަ އެވެ. އަތޮޅުތަކުގެ ބައެއް ރަށްތަކުން ވެސް ޕޮޒިޓިވް ކޭސްތައް ފެނިގެން ވަނީ ރައްކާތެރިކަމުގެ ފިޔަވަޅުތައް އަޅައިފަ އެވެ. ބައެއް ރަށްތަކަށް އަރައި ފޭބުން ވަނީ މަނާކޮށްފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަލިފްހާ
15 August 2020
"ރާއްޖެއިން ބޭރަށް ދެވޭނީ އެޗްޕީއޭގެ ގައިޑްލައިނާ އެއްގޮތަށް ކޮވިޑަށް ޓެސްޓުކޮށް ނަތީޖާ ނެގެޓިވްވުމުންނެވެ." މިއީ ސައްހަ މައުލޫމާތެއް ނޫން. ބައެއް އެއާލައިންތަކުން ނެގެޓިވް ޓެސްޓެއް އޮތުން މަޖުބޫރު ކުރަނީ. ބޭރަށް ދާ ކޮންމެ މީހަކު އަތުގައި ނެގެޓިވް ޓެސްޓެއް އޮންނާކަށް ނުޖެހޭ.
ތިލަފަޅު މޫސަ
15 August 2020
ޕޮސިޓިވް ވެގެން ގުޅާ ގުޅާ ފޯނުވެސް ނަގާތަނެއް ނޫން . ޕޮސިޓިވްވާ މީހާ ފިލައިގެން 14 ދުވަހު އުޅުނީމައި ފިޔަވަޅު އެޅުމުގެ ބަދަލުގައި ފިލައިގެން އުޅުމަށް ދެނީ އިތުރު ހިއްވަރު .. އެޗްޕީއޭ އަކީ ނުކުޅެދޭ މަރުކަޒެއް ! އެޗްޕީއޭ ގެ ނަންބޯޑް ބަދަލުކުރޭ !
ކަންނާޑި
15 August 2020
ރާއްޖެ އޮތީ ތައްޔާރު ވެފައި ކަމަށް ބުނެ ބޯޑަރު ހުޅުވާލީ ވާނުވާގައި ތިބެ ފަތުރުވެރިން ނުފުރި އަނެއްކާވެސް އިތުރުމައްސަލަ..
ޖުމާޏާ
15 August 2020
ރާއްޖޭގައި އެކި ކަންކޮޅުތަކަށް އަންނަ ފަތުރުވެރިން ޓެސްޓު ކުރުމުގައި ވަރަށް ބޮޑެތި ލުއިތަކެއް ލިބިގެންދާނެ. ބަޔަކު މީހުންނަށް ކޮވިޑް ކަންތައް ހަޖަމު ނުކުރެވުނަސް، މިފަދަ ކަމެއްގައި ރާއްޖޭގެ 5 ސަރަހައްދެގައި ޓެސްޓު ކުރެވޭގޮތަށް ސެންޓަރުތައް ހަދާ، 5 ސަރަހައްދުން ޓެސްޓުކުރަން ފަށާފައި މިވަނީވެސް މި ރާއްޖޭ ތާރީހުގައި އަލަށް. އަފީފުދީދީ ކޮންމެ އަނގައެއް ތެޅިއަސް އައްޑޫ ހޮސްޕިޓަލްވެސް ނިންމައި ދިނީ މިހާރުގެ ހެލްތު މިނިސްޓަރ. ޝުކުރިއްޔާ ޓީމް ހެލްތު.
ވިޔަފާރިވެރިޔާ
15 August 2020
ވަރަށް ރަނގަޅު ކަމެއް. ސަރުކާރުން ޓެސްޓުކޮށްދިނުން ހުއްޓާލާ، ރިޒޯޓް އޯނަރުން އަގު ދައްކައިގެން ޓެސްޓު ހެދޭ ގޮތް ހަމަޖެއްސުމަކީ އެތައް ތަނެއް ލުއިވެގެން ދާނެ ކަމެއް. ޕީސީއާރު މެޝިނެއް ރިޒޯޓަށް ނުގެނެވެންޏާ މިވަރު ކުރެވޭނެ ކަމަށް ބަލަމާ.
އަހުމަދު321
15 August 2020
އަމީނޫ ރާއްޖޭގެ ކޮންމެ އަތޮޅެއްގެ އަތޮޅު ހޮސްޕިޓަލުން މިޚިދްމަތް ލިބޭނެ އިންތިޒާމް ހަމަޖައްސަންޖެހޭ. ނޫނީ ސާމްޕަލްތައް އުފުލަން އެތައް މިލިއަން ރުފިޔާގެ އިތުރުން ވަގުތު އިސްރާފްވެގެންދާނެ. މިހާރުވެސް ވެއްޖެ. މިހާރު ޓޫރިސްޓުން މަދަސް އެކަޝީގެންވާ އަދަދަކަށް ޓޫރިސްޓުން އަންނަން ފަށައިފިނަމަ މިހާރު ހުރި އިންތިޒާމް ތަކުން އޮބި ނޯންނާނެ.
ރޭޑިއޯ123
15 August 2020
ކުރިއަރާފައިވާ އެމެރިކާފައިވެސް ހުރިހާ ހޮސްޕިޓަލެއްގައި ޓެސްޓު ހެދޭގޮތެއް އަދި ނެތް. ކޮވިޑްގެ ދަތި އުނދަގޫ ވަގުތުގައިވެސް ރާއްޖޭގެ 5 ސަރަހައްދެގައި ކޮވިޑް ސެންޓަރުތައް ގާއިމުކޮށްދީ ޓެސްޓު ކުރެވޭނެ ގޮތް ހަމަ ޖައްސައިދީފައިވަނީ. ގައިމު މުޒާހަރާ ކުރި މީހުން ބުނި މިކަމެއްވެސް ނުވާނެއޭ.
އޮނަރަބްލް އަފީފު ދީދީ
15 August 2020
ސިއްޙީ ބޭސްފަރުވާގެ ގޮތުން ކުރިއަރާފައިވާ އަވަށްޓެރި އިންޑިޔާގެ އިތުރުން ސްރީލަންކާ އަދި ސިންގަޕޯރާއި، ޑްބާއީ ތައިލަންޑް ފަދަ ދަތުރު ފަތުރުކުރުން ގިނަ ޤައުމު ތަކުންވެސް ނިންމާފައިވަނީ އެ ޤައުމުތަކަށް އަންނަމީހާއަށް އެތެރެވެވޭނީ ކޮވިޑް ޓެސްޓް ކޮށްފައިވާ މެޑިކަލް ސެޓިފިކޭޓް ހުށަހަޅައި އޭނާގެ ގައިގަ ކޮރޯނާ ވައިރެސް ނެތް ކަން ޔަޤީންކޮށްދީގެން ކަމަށް. # އަހަރުމެންގެ ސަރުކާރުން ނިންމީ "ގައިގަ ހުރި ބައްޔަކާއި އެކުގައި ވިޔަސް" އުދުހިފަ އަވަހަށް އަންނާން؟!
ވޮޗްޑޮގް
15 August 2020
އައްޑޫ، ކުޅުދުއްފުށިން ދުވާލަކު ކިތައް ޓެސްޓް ހެދޭބާ؟ އައްޑޫ އަދި ކުޅުދުއްފުއްޓަކީ މިވަގުތު ކޮމިއުނިޓީ ސްޕެރެއްޑެއް ނެތް ތަނަކަށް ވުމުން އެ ތަންތާގެ ކެޕާސިޓީ އިތުކޮށް ޓޫރިސްޓުންގެ ސާމްޕަލް ޓެސްޓުކުރެވޭ އިންތިޒާމް ހަމަޖެއްސުން ރަނގަޅު. އަދި އެ ލިބޭ ފައިސާ ސީދާ އެ ހޮސްޕިޓަލެއްގެ ހިދުމަތް ރަނގަޅު ކުރުމަށް ބޭނުންކުރެވިދާނެ. 50،000 ޓޫރިސްޓުން 1،500 ރުފިޔާގެ ރޭޓުން ޓެސްޓު ކުރުމުން އެ ލިބެނީ 75 މިލިޔަށް ރުފިޔާ (4.8 މިލިޔަން ޑޮލަރު).
ހަބަރުނުކިޔާ ސުރުހީކިޔާ ގްރޫޕު
15 August 2020
ތިބޭފުޅާ ހަބަރު ވިދާޅުވިންތޯ؟ އެ އޮތީ ދޯ ޓެސްޓު ހަދަން ހަމަޖެއްސި ތަންތަނުގެ ތެރޭގައި ހދ. ކުޅުދުއްފުށީ ރީޖަނަލް ހޮސްޕިޓަލުގެ އިތުރުން އައްޑޫ އިކުއިޓޯރިއަލް ހޮސްޕިޓަލްވެސް ހިމެނޭ ކަމަށް.
ވޮޗްޑޯގް
15 August 2020
ހަބަރު ކިޔަފާއި މި ކޮމެންޓް ކުރީ.. ކޮމެންޓްގައި ނުބުނަން ޓެސްޓް ނުކުރެވޭ ވާހަކައެއް.ސުވާލަކީ މިހާރު ކިތައް ޓެސްޓުކުރެވޭތޯ ދުވަލާކަށް. އަދި މިހާރު ހުރި ކެޕެސިޓީ އިތުރުކޮށް ވައިލްޑް ސްކްލްއެއްގައި ޓޫރިސްޓު ރިސޯޓުތަކުން އަންނަ ސާމްޕަލްތައް ޓެސްޓުކޮށް ސީދާ އެ ހޮސްޕިޓަލަށް ފައިދާ ލިބޭނެ އިންތިޒާމްއެއް ހަމަޖެއްސުމަށް. ސީދާ އަތޮޅު ހޮސްޕިޓަލްއިން ރިޒޯޓްތަކާއި ކޮންޓެކްޓްކޮށްގެން ސާމްޕަލް ހޯދައި މާކެޓްގައި ޕްރައިވެޓް ހޮސްޕިޓަލްތަކާ ޗެލެންޖް ކޮންލަންޖެހޭ.
ސިރިސޭނާ
15 August 2020
ކަންކަން ފަސޭހަކަމާއެކީ ކުރިއަށް ދެންވޭ ގޮތަށް ހެލްތުން ތިޔަ ކުރައްވަމުން ގެންދަވާ މަސައްކަތަށް ސާބަސް. މޫސާގެފާނު ގައުމުގެ މީހުންނަށް ކަމުދާ އެއް ކަމެއް މެތަސް، ތިކަމުގެ ސަބަބުން އަވަހަށް ޓެސްޓު ހެދޭގޮތެއް މަގުފަހުވެގެން ދާ ނަމަ އަހަރުމެން ތިކަމަށް މަރުހަބާ ކިޔަން.
އެކޮޅުކޮޅުން
15 August 2020
"ރާއްޖެއިން ބޭރަށް ދެވޭނީ އެޗްޕީއޭގެ ގައިޑްލައިނާ އެއްގޮތަށް ކޮވިޑަށް ޓެސްޓުކޮށް ނަތީޖާ ނެގެޓިވްވުމުންނެވެ." ދިވެހި ރައްޔިތުންގެ ސަލާމަތަށްޓަކައި، އަދި ދަތި މި ދަނޑިވަޅުގައި ރައްޔިތުންގެ ފައިސާ އިސްރާފް ނުކުރުމަށް ކަންކުރަންޖެހޭނީ މީގެ އިދިކޮޅަށް ނޫންތޯ؟ އެކަމަކު ރިސޯޓްވެރިން އެއްބަސްނުވީމާ މިކަންވެސް ނުވެ ރައްޔިތުން ކަތިލަނީ. ޕޮޒިޓިވްވީމާ ދެންވީ އަނެއްކާ ވަގުތާއި ފައިސާ ބިދޭސީ މީހާއަށް ހަރަދުކުރަން.
ކިހާ ދެރަ ކަމެއް މި ދެން
15 August 2020
މި ހަބަރު ކިޔާބަލަ. އޭރުން އެނގިދާނެ ފައިސާ ހަރަދުކުރަނީ ސަރުކާރުން ނޫންކަން. އެކަމުގެ ޒިންމާ ނަގަނީ ރިޒޯޓަށް ފަތުރުވެރިން ގެންނަ ފަރާތުންކަން.
ބޮޓް
15 August 2020
"ކިހާ ދެރަކަމެއް މިދެން" ކަލޯ ސިއްހީ ވުޒާރާގެ ހަބަރުތަކާ ދެކޮޅަށް ހުންނަ ކޮމެންޓް ތަކަށް ރައްދުދޭން ހާދަ ވަރުގަދަ ބޮޓް ގުރޫޕެކޭ ދޯ މި އޮންނަނީ. ލައިކް ދީ، ސަނާކިޔާ، ރައްދު ދޭން ތަ މި ގުރޫޕަށް ރައްޔިތުންގެ ފައިސާއިން މުސާރަ ދީފަ މި ތިބެނީ. ކިހާ ދެރަކަމެއް މިދެން.