ޚަބަރު / އަބްދުﷲ އަމީން، ކުރީގެ ހެލްތު މިނިސްޓަރު

ތަހުގީގު ނިމެންދެން އަމީން އަމިއްލަ އަށް މަސައްކަތްތަކުން އެކަހެރިވެވަޑައިގެންފި

މިނިސްޓަރު އަމީން، މީޑިއާ ބްރީފިންއެއްގައި.

17 އޯގަސްޓް 2020 - 18:58

ހެލްތު މިނިސްޓްރީގެ އޮޑިޓު ރިޕޯޓުން ފާހަގަވި ކަންކަން ތަހުގީގުކޮށް ނިމެންދެން، މަގާމުގެ މަސްއޫލިއްޔަތުތަކުން މިނިސްޓަރު އަމީން އަމިއްލަ އަށް މިއަދު އެކަހެރިވެވަޑައިގެންފި އެވެ.

ރައީސް އިބްރާހިމް މުހައްމަދު ސޯލިހަށް ފޮނުއްވި ސިޓީއެއްގައި މިނިސްޓަރު އަމީން ވިދާޅުވީ، ކަމާ ގުޅޭ މުއައްސަސާތަކުން މައްސަލަ ތަހުގީގުކޮށް ގޮތެއް ނިންމަންދެން ނުވަތަ ރައީސް ވަކި ގޮތެއް އަންގަވަންދެން ހެލްތު މިނިސްޓްރީގެ މަސައްކަތްތަކުން އެކަހެރިވުމަށް ގަސްދު ކުރައްވާ ކަމަށެވެ.

ސަރުކާރު ހިންގާ ކޯލިޝަންގައި ހިމެނޭ ޖުމްހޫރީ ޕާޓީގެ ނައިބު ރައީސް އަމީން، އެގޮތަށް ނިންމެވިއިރު، ހެލްތު މިނިސްޓްރީގެ އޮޑިޓު ރިޕޯޓުން ފާހަގަވި ކަންކަން ތަހުގީގު ކުރަން ރައީސް އިބްރާހިމް މުހައްމަދު ސޯލިހު މިއަދު ވަނީ ފުލުހުންނާއި އެންޓި ކޮރަޕްޝަން ކޮމިޝަން (އޭސީސީ) އާ ހަވާލު ކުރައްވައިފަ އެވެ. އެ ދެ މުއައްސަސާ އިން އެ ތަހުގީގު ކުރިއަށް ގެންދާނީ ޖޮއިންޓް އިންވެސްޓިގޭޝަނެއްގެ ގޮތުގަ އެވެ. މީގެ އިތުރުން ކޮވިޑާ ގުޅިގެން ޓޫރިޒަމް މިނިސްޓްރީން މަސައްކަތް ކުރި ގޮތް ބަލައި، އޮޑިޓަ ޖެނެރަލް ނެރުއްވި ރިޕޯޓުން ފާހަގަވި ކަންކަން ވެސް ތަހުގީގު ކުރުން ރައީސް ވަނީ އޭސީސީއާ ހަވާލުކޮށްފަ އެވެ. އެކަމަކު، ޓޫރިޒަމް މިނިސްޓްރީގެ ތަހުގީގުގައި އަދި ފުލުހުންގެ ބައިވެރިވުމެއް ނެތެވެ.

ހެލްތު މިނިސްޓްރީގެ އޮޑިޓު ރިޕޯޓުން ފާހަގަވި އެންމެ ބޮޑު އެއް ކަމަކީ ކޮވިޑާ ގުޅިގެން ރާއްޖެ އަށް ބޭނުންވާ 75 ވެންޓިލޭޓަރެއް ގެންނަން ދުބާއީގެ އެގްޒެކިއުޓާސް ޖެނެރަލް ޓްރޭޑިންއާ ހަވާލުކުރުމުގައި ބޮޑެތި އޮޅުވައިލުންތަކާއި ޖަރީމާތަކެއް ހިންގާފައިވާ ކަމަށް ތުހުމަތު ކުރެވޭ މައްސަލަ އެވެ. އެ ކުންފުންޏާ އެކަން ހަވާލުކުރީ ދުނިޔޭގެ ސިއްހަތު ޖަމިއްޔާ، ޑަބްލިއުއެޗްއޯ މެދުވެރިކޮށް ކަމަށް ހެލްތު މިނިސްޓްރީން އެންމެ ކުރިއްސުރެ ބުނަމުން އައި ވާހަކަތައް ވެސް އޮޑިޓަ ޖެނެރަލް ހަސަން ޒިޔަތު ނެރުއްވި ރިޕޯޓުގައި ވަނީ ދޮގުކޮށްފަ އެވެ.

Ventilator gathumugai Dubai kunfunyaa eku seedhaa makaraai heelaiy!

The most trusted news source in the Maldives

Mihaaru

ދުބާއީގެ އެގްޒެކިއުޓާސް ޖެނެރަލް ޓްރޭޑިންއަކީ، ވެންޓިލޭޓަރު ގެންނަން ހަވާލުކުރި ތިން ކުންފުނީގެ ތެރެއިން ސަރުކާރުން އެޑްވާންސްކޮށް ފައިސާ ދޫކުރި ހަމައެކަނި ކުންފުނި ވެސް މެ އެވެ. އެ މީހުން ވެންޓިލޭޓަރެއް ގެނެސްދެނީ 32،500 ޑޮލަރަށެވެ. އެ ކުންފުންޏާ މަސައްކަތް ހަވާލުކުރީ 34 މިލިއަން ރުފިޔާ އަށް ކަމަށް ވާއިރު އަގުގެ 90 ޕަސެންޓަށްވާ 30.9 މިލިއަން ރުފިޔާ ސަރުކާރުން ވަނީ ދައްކައިފަ އެވެ. މި ވެސް އޮޑިޓުގައި ފާޅުކޮށްފައި އޮތް ކަންބޮޑުވުމެކެވެ.

އަބްދުﷲ އަމީން، ކުރީގެ ހެލްތު މިނިސްޓަރު ސިއްހަތު ހެލްތު މިނިސްޓްރީ ފުލުހުން އެންޓި ކޮރަޕްޝަން ކޮމިޝަން އޮޑިޓާ ޖެނެރަލް އޮފީސް އޮޑިޓް ރިޕޯޓް

98 ކޮމެންޓް, 119 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ސަގަރޭ

18 August 2020

އޮޑިޓް ރިޕޯޓަކީ ފުރިހަމަ ތަހުގީގެއް އިތުރު ބަހަނާތަކެއް ދައްކާނެ ކަމެއް ނެތް، ތިގޮތަށް ވަށްކަން ގައުމުގައި ހުރިހާ ޑޯލަރަށް ބޭރުކުރީމާ މިހާރު ބެންކު ތަކުން ޓީޓީ އެއް އެލްސި ގަނޑެއް ވެސް ނެހެދި ވިޔަފާރިތައް ބަނގުރޫޓް ވެ މުދަލުގެ އަގުތައް އިންތިހާއަށް ބޮޑުވެ ބާޒާރުގައި މުދާމަދުވެ އިންސާނުން ތަކެއް ބަނޑަށް ޖެހި ޖަމާވަމުން މި ދަނީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފަހީމާއިބުރޭ

18 August 2020

ދެލޯފުޅާ ތިޔަ މިނިސްޓްރީގެ އިސްމަޤާމްތަކަށް ޑރން ދާހިތްވަނީވެސް މަންފާތަކެއް ނެގޭނެ ގިނަގުނަ ފުރުސަތު ތަކެއް އޮތީމަދޯ.މީޑިއާ ކުންފުންޏެއްގެ ބިޑްކޮމިޓީގެ ކޮންމެ މެމެބަރަކަށް ކާރެއްވެސް ދިނެވެ. ދެން ބިލިއަން ރުފިޔާގެ ބިޑްތައް ނިންމާއިރު ބިޑުކޮމެޓީ މެމްބަރުންނަށް ހެލިކޮޕްޓަރުވެސް ގަނެދެވިދާނެދެއްތޯއެެވެ.މީ " ޑީލް ބާގައިގެ މީހުން " އުޅޭ ރާއްޖެއެކޭ ބުނާތީއަހަމެވެ.އޮފީސްތަކުގެ ޕްރޮކިއުމަންޓް ، ފައިނޭންސް . ބިޑްކޮމެޓީ ސްޓާފުން ޚިޔާނާތްނުވާނަންކަމަށް 'ހުވާ"ކުރުވާށެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސާބިތު

18 August 2020

ނުފޫޒެއް ނެތި ބިޑް ކޮމިޓީއިން ނިންމި ނިންމުމެއްގެ ކަންތައް މިނިސްޓަރ ބޮލުގައި އަޅުވަން އީވާމެން އެ ކުޅެނީ އެހެން ސިޔާސީ ޑްރާމާއެއް. ދިވެހި ރައްޔިތުން ފާރަވެރިވޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނުހިފޭ

18 August 2020

އެމީހުންނާ އަތުގުޅައިގެން ސަރުކާރެއް ހެދިއަސް އެމީހުންނަކީ ކޮންބައެއްކަން ރަގަޅަށް ދަންނަންވާނެ. އެމީހުން ބޭނުންނުވާ ބަޔަކު މަގާމުގައި ދެމިނުބައިތިއްބާނެ. އެމީހުން ބޭނުންނުވާ މީހެއްގެ ވެރިކަން އެމީހުން ވައްޓާލާނެ. މިސަރުކާރުގައި ތިބި އެމީހުން ގަބޫލުނުވާ އެންމެން ބޭރުނުކޮށް އެމީހުން ނުހުއްޓާނެ. އެއްވެސް ހާލެއްގައި ބާރުތައް ދީފިނަމަ ގައުމު ހަލާކުކުރާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޓޯޚީ

18 August 2020

އިތުރު ތަހްގީގަކަށް ދާ ވާހަކަ ބުނީމަ މަޖިލީސް މެންބަރުން މިކަން މިހާ ރުޅި އަންނަނީ މީގައި އެއްފަޅި ދައްކަން ބޭނުންވާތީތަ؟ ކިހާ ދެރަ ކަމެއް މި ދެން. ރައްޔިތުން ގުބޯ ހެއްދުން ނޫން ކަމެއް މި މީހުންގެ ނެތް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކަތީބް

18 August 2020

ހެލްތް މިނިސްޓްރީގެ އޮނިގަނޑަށް ބޮޑެތި ބަދަލުތަކެއް ގެނަސްގެން ނޫނީ ރަނގަޅެއް ނުވާނެ. މިތަން ވީ ހިންދުކޮޅަކަށް ނަމަވެސް އުވާލަން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބަޖެ

18 August 2020

އިސްތިއުފާ. މިހާރު ރައްޔިތުންނަށް އިތުބާރުގެއްލިއްޖެ. ނޫސްވެރިން 3 މަސްވަންދެން ކޮންމެރެއަކު ތަކުރާރުކުރި މި ވެންޓިލޭޓަރ ތަކާގުޅޭގޮތުން އެކަމަކު ދިނީ ދޮގުމަޢުލޫމާތު. އަދި ބުނަން ތެލެސީމިއާ ސެންޓަރަށް ހެލްތުން ބަދަލުކުރި ބަޖެޓް ބަލަހައްޓަން ފިލްމްކުޅޭ ވަރަށް ކޮރޮޕްޓްމީހެއް. އޭނާވެސް ބަދަލުކުރޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދެން ރޯނުއެދުރުން ގިނަވޭ

18 August 2020

ބިޑު ކޮމިޓީގެ އެއްވެސް ނިންމުމަކަށް އެއްވެސް މީހަކަށް ނުފޫޒެއް ނުފޯރުވޭނެ. މިނިސްޓަރަށްވެސް. މިކަން ނޭނގެންޏާ ފުރަތަމަ ސަރުކާރު ހިނގާގޮތް މަޖިލީސް ރޯނު އެދުރުން ދަސްކުރޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރައްޔިތު ސޮރު

18 August 2020

ފަހުންވެސް ނޫސްވެެިންނާ ރައްޔިތުން ސަކުވާކުރީމަ އެމައްސަލަތް ނުބަލައި ފޮރުވީ ބޯކިބާއިން ބައެއް ލިބިފަ އޮތީމަ ކަމަށް ބެލެވެނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބޮސްގެ ބޮސް

18 August 2020

ނަޝީދުގެ ބޮޓުންތައް މިހާ ރުޅިއައިސްގެ މި އުޅެނީ ކީއްވެ ތަހުގީގު ކުރާ ވާހަކަ ބުނީމަ؟ އަޖައިބެއް، އިތުރަށް ތަހުގީގު ކުރީމަ ކަންކަން ސާފުވަނީ ނޫންތަ؟ ދެން އެވަގުތުގައި އަމީނު އޮފީހުގައި ނެތީމަ މިނިވަން ތަހުގީގަކަށް ޖާގަ ހުޅުވެނީ ނޫންތަ؟ ކަލޭމެން މިކަމާ ރުޅިއައިމަ ބޮޑަށް ހީވަނީ ތި ދައްކަން އުޅެނީ ރައްޔިތުންނަށް މީގެ އެއްފަޅިހެން. އަބަދުވެސް ކޮންމެ ކަމެއްގައި ރައްޔިތުންނަށް އޮޅުވާލުމާއި މަކަރު ހެދުން. މީހުން ބޮލުގައި ދޮގު ބަދުނާމު އުޅެވުން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަސްލުގާ

18 August 2020

އެމީހުން ބޭނުމެއްނުވާނެ ކަންކަން ސާފުވާކަށް، ތަހުގީގަށް ޖާގަ ހުޅުވައިގެން އެމީހުން ނުރުހޭ މީހެއްގެ ކުށެއް ނެތްތޯ ފެންނާކަށް. ރުޅިއަންނަނީ އެމީހުން ބޭނުންވާ ގޮތަށް ނުވެދާނެތީ. ކަމުގެ އެއްފަޅި ދައްކައިގެން މިގައުމުގައި ކިތަންމެ ކަމެއް އެމީހުން ހާސިލްކޮށްފި. ކިތަންމެ ބައެއްގެ ބޮލުގައި ހައްގުނޫން އިލްޒާމް އަޅުވައިފި. ރައްޔިތުންނަށް އޮޅުވާލުމާ މަކަރު ހެދުމަކީ އެމީހުން ކުރާ އެންމެ މޮޅު ކަންތައް.