ދަރުމަވަންތަ ހޮސްޕިޓަލްގެ ޕްރައިވެޓް ރޫމްގައި ތިބި ބަލިމީހުންނާ ސީއީއޯއާ ގުޅުމެއް ނެތް: އައިޖީއެމްއެޗް
ދަރުމަވަންތަ ހޮސްޕިޓަލްގެ އެތެރޭގެ މަންޒަރެއް. އައިޖީއެމްއެޗުން ބުނީ ދަރުމަަވަންތައިގެ 18 ވަނަ ފްލޯގައި އެޑްމިޓްކޮށްފައި ތިބީ ސަލީމްގެ އާއިލީ ބައެއް ނޫން ކަމަށް.
21 އޯގަސްޓް 2020 - 17:47
32 comments
ޓްރީޓޮޕް ހޮސްޕިޓަލްްގައި އެޑްމިޓްކޮށްފައި ތިބި ބަލި ދެ މީހަކު ދަރުމަވަންތަ ހޮސްޕިޓަލަށް ބަދަލުކޮށް ފަރުވާ ދެމުން އަންނަނީ ކަނޑައެޅިފައިވާ އުސޫލާ އެއްގޮތަށް ކަމަށާއި އެ ދެ މީހުންނާ އައިޖީއެމްއެޗްގެ ސީއީއޯ ބަންދު އިބްރާހީމް ސަލީމާ ގުޅުމެއް ނެތް ކަމަށް އަައިޖީއެމްއެޗުން މިއަދު ބުނެފި އެވެ.
ދަރުމަވަންތަ ހޮސްޕިޓަލްގެ 18 ވަނަ ފްލޯގައި ދެ މީހަކު އެޑްމިޓްކޮށްގެން ފަރުވާ ދެމުން އަންނަނީ އެ ދެ މީހުންނަކީ ސަލީމްގެ އާއިލާގެ މީހުން ކަމަށް ވާތީ ކަމަށް ދޭހަވާ ގޮތަކަށް ބައެއް މީޑިއާތަކުން ވަނީ ރިޕޯޓްކޮށްފަ އެވެ. އެ ހަބަރަށް ރައްދުދީ އައިޖީއެމްއެޗުން މިއަދު ނެރުނު ބަޔާނުގައި ބުނީ އެ ދެ މީހުންނަކީ ސަލީމްގެ އާއިލާގެ ބޭފުޅުން ކަަމަށް ރިޕޯޓްކޮށްފައި ވިޔަސް އެއީ ދޮގު މައުލޫމާތެއް ކަމަށެވެ. އެކަމަކު އެއީ ހޮސްޕިޓަލްގައި ކަނޑައަޅާފައިވާ ނިޒާމުގެ ތެރެއިން ރަޖިސްޓްރީކޮށް އެޑްމިޓްކޮށްގެން އުސޫލުތަކާ އެއްގޮތަށް ފަރުވާ ދެމުން އަންނަ ދެ ޕޭޝަންޓުން ކަމަށް ވެސް އެބަޔާނުގައި ބުންޏެވެ.
"... އަދި މި ޕޭޝަންޓުންނަކީ އާސަންދައިން ކަވަ ނުކުރާ ޕްްރައިވެޓް ރޫމް ޗާޖް ފަދަ ހަރަދުތައް ވެސް ކަނޑައެޅިފައިވާ ގަވައިދާ އެއްގޮތަށް ބަރާބަރަށް ދައްކަމުން އަންނަ ފަރާތްތައް ކަން ފާހަގަ ކުރަމެވެ،" އައިޖީއެމްއެޗްގެ ބަޔާނުގައި ބުންޏެވެ.
އެ ދެ ބަލިމީހުން ދަރުމަވަންތަ ހޮސްޕިޓަލްގައި އެޑްމިޓްކުރި ސަބަބެއް ކަމަށް ހޮސްޕިޓަލްގެ ބަޔާނުގައި ބުނީ ކޮވިޑް-19 އަށް ފަރުވާ ކުރާ ތަނެއްގެ ގޮތުގައި ޓްރީޓޮޕް ހޮސްޕިޓަލް ބޭނުންކުރުމަށް ސަރުކާރުގެ ބޭނުމަށް ނެގުމެވެ. އެއީ އައިޖީއެމްއެޗުން ބުނި ގޮތުގައި ޓްރީޓޮޕް ސަރުކާރުގެ ބޭނުމަށް ނެގި އިރު ވެސް އެތަނުގައި އެޑްމިޓްކޮށްފައި ތިބި މީހުންނެވެ.
ދަރުމަވަންތަ ހޮސްޕިޓަލްގެ 18 ވަނަ ފްލޯގައިވާ ޕްރައިވެޓް ރޫމްތައް އާއްމުކޮށް މީހުން އެޑްމިޓްވާން ދޫކުރާ އުސޫލެއް ހަމަޖެހިފައިވޭތޯ އާއި ވާ ނަމަ އެތަންތަން ދޫކުރަން ފެށީ ކޮން އިރަކުތޯ އައިޖީއެމްއެޗުން އަދި ސާފެއް ނުކޮށްދެ އެވެ. އެކަމާ ބެހޭ ގޮތުން ސުވާލު ކުރުމުން އައިޖީއެމްއެޗްގެ މީޑިއާ އޮފިޝަލް ވިދާޅުވީ ބަޔާނުގައި ހުރި މައުލޫމާތަށް ވުރެ އިތުރަށް އެކަމުގެ ތަަފްސީލު ހޯދަން އަދި ވަގުތު ނަގާނެ ކަަމަށެވެ.
ބަޔާނުގައި ބުނީ ކޮވިޑް-19 ފެތުރޭތީ ރައްޔިތުންގެ ހިތުގައި ނުތަނަވަސްކަން އުފެދިފައިވާ މިވަގުތުގައި ދޮގުވާހަކަ ފެތުރުމުން އެކަން އެންމެ ހަރުކަށި އިބާރާތުން ކުށްވެރިކުރާ ކަަމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
211111
22 August 2020
ރައީސް ޔާ މީނުގެ ތަރައްގީ ފެނިފަ ހައިރާންވެއްޖެ
އައިއޭ
23 August 2020
ދަރުމަވަންތަ ހޮސްޕިޓަލަކީ ޔާމިން ގެނެސްދިން ތަރައްގީ އެއް ނޫން.. ޔާމިން އަށްވުރެ މާކުރިން، ރައީސް ނަޝީދު ވަނީ ތިތަން ހަދަން ވިސްނާފަ
ސަލާޙް
23 August 2020
އައިއޭ، ބަލަ ތި ނަޝިދު ނުވިސްނާ އެއް ކަމެއްވެސް ނެތްދޯ؟ ހޭބަލިވިޔަސް ތިވަރު ބޮޑު. ނަޝީދު ސިކުޑީގަ ވިސްނާފަ އޮތްކަމެއް ނަކަލުކޮށްގެން ދޯ ޔާމީނު ދަރުމަވަންތަ ހެދީ؟
ހަކީމް
22 August 2020
ސަލީމު އަކީ ކާކު ކަން ނުއެނގޭ މީހުން މަދުވާނެ. މީނަ އަކީ އެއްވެސް ހިންގުންތެރި މީހެއް ނޫން. ބަނޑޮސް ވަހިއްދީނަށް މީނަ ވަރަށް ރަނގަޅަށް އިނގޭނެ. ސޯލިހު ސަރުކާރުގައި ލައްޖެހިފަ ތިބިމީހުން ބައިވަރު އެބަތިބި. މ.ޑ.ޕ އަކި އަބަދުވެސް މިހެން ކަންކުރާ ބަޔެއް. ރަނގަޅު ނެތް އެއްބަޔަކުވެސް.
ނަދާލް
22 August 2020
މައްސަލަ އޭސީސީއަށް ލާ
ވާފިރު
22 August 2020
ތީ ވަރަށް ދެރަކަމެއް..މތާ އެކަކު ވެސް ބަލި މީހާގެ ވާހަކައެއް ނޫން ދައްކަނީކީ..ނާއިންސާފުގެ ވާހަކަ ދޯ..ކީއްވެ ޕްރައިވެޓް ވޯރޑެއްގަ ނުބޭއްވެން ވީ..10 ނަރުހުން ހިސޯރު ކުރާކަށް ނުޖެހޭނެ އޭރުންނެއް ދޯ.ގައިމު މަސައްކަތް ކުރާ އެހެން ނަރުހުން ނަށްވެސް ތަންކޮޅެއް ލުއި ވާނެ ތޯއްޗެއް...
ފްރަސްޓްރޭޓަޑް ނަރުސް
22 August 2020
އަޅުގަނޑުމެން އީ.އާރު ނަރުހުން މތިބެނީ ވަރުބަލި ވެގެން ގޮސް ހަލާކުވެފަ...މޮޔަވެފަ..ތިތަނުން އެއްބައި ނަރުހުންމިތަނަށް ފޮނުވަ ދެއްވާ މުނާ ސިސްޓަރ ޕްލީޒް. ތީވަރަށް ބޭއިންސާފު އިނގޭތޯ ބުރަކޮށް އުޅޭ ނަރުހުން ނަށް..ވެރިކަން ލިބުނީމަ ކަންތައް ތިކުރީ ހީކުރި ގޮތަކަށް ނޫން. މައިމޫނާ ސިސްޓަރ އެކޭ ތިވީ ހަމަ އެއްވަރު...މާފް ކުރައްވާ..ހިތުގަ އޮތް އެތިނުބުނެ ނުހުރެވުނީ
އެޑްމިން
22 August 2020
ޕްރައިވެޓް ވޯޑަކަށް ލިނަމަވެސް ހަމަ ރަނގަޅުވީސް ކަންނޭނގެ..މީ ޕްރައިވެޓް ހޮސްޕިޓަލެއް ނޫން ޕްރައިވެޓް 10 ނަރުުން ގެންގުޅޭކަށް. އަޅުގަޑުމީ ތިތާ މަސައްކަތް ކުރާތާ 20 އަހަރު ވީ މުވައްޒަފެއް. އަޅުގަނޑު ގެ ގާތް ތިމާގެ މީހުން ތިބުނާ 18 ވަނަ ބުރީގަ އެޑްމިޓް ކުރެވޭނެތޯ..އެފަދަ އުސޫލެއް އިނދޭތޯ؟
ނަޝީދީ ހައްޤު
22 August 2020
ވަރަށް ރަގަޅު ޥާހަކއެއް
ދުނިކަމަނަ
22 August 2020
10 ނަރުހުން ވެގެންބޮޑު ފެސިލިޓީ އެއް ހިންގާ ބެލެހެހްޓޭނެ. މިކަމަކާ ހެދި އަޅގަނޑުމެންގެ އެނުއަލްލީވް ހިފަހައްޓައިފި. އަދި ލީވްގަ ތިބި ނަރުހުންޑިއުޓީ އަށް ނެރުވައިފި.ސަބަބކަށް ބުނީ ފެސިލިޓީ ތަކަށް ނަރުހުން ފޮނުވަން ޖެހެގެން ވޯރޑަށް ަނަރުހުންމަދީ އޭ..ނުވި ތާކަށް ތަންކޮޅެއް ނަރުހުންވގިނަ ވޯޑެއް އިނިއްޔާ އެތާގެ ނަރުހުން އެހެން ވޯޑު ތަކަށް ގެން ގޮއްސި. އެކަމްވެސް މިބުނާ 10 ނަރުހުން ތިބީ ނަރސްމެއިޑްސް ހައްދާފަ ދަރުމަވަންތަ ނަރސިންގ ހޯމްއަކަށް ހަދާފަ
ހަފްސާ
21 August 2020
10 ނަރުހުން ވެގެން އެންމެ 2 ބަލިމީހުން އެބަލަނީ..ވާއޮ....ނޯމަލް ޕްރައިވެޓް ވޯރޑް ތަކުގައި 10 ބަލިމީހުން ބަލަން ޝިފްޓެއްގެ މައްޗަށް ތިބެނީ ދެ ނަރުހުން..މިއޮށް ނަރުހުން މަދު ވެގެން އުޅޭ އިރު..ފެސިލިޓީ ތަކަށް އެހާ ބައިވަރު ނަރުހުން ގެން ގޮސްގެން އުޅޭ އިރު ވޯޑުގަ މަސައްކަތް ކުރާ ނަރުހުން ހަމަ ގަނަ ތެޅެނީ...ކޮން އުސޫލެއްގެ ދަށުންތޯ ނަރސިންގ ޑިރެކްޓަރ މުނާ ތިިހާ ބައިވަރު ނަރުހުން ދީގެން ތިއުޅެނީ..މި ސުވާލު ނަރސިންގ ޑިޕަރޓްގައި ކޮށްށް ދެއްވާ މި ނޫހުން
މައިމޫނާ
21 August 2020
އެމްމެ ދެ ބަލި މީހުނަށް 10 ނަރުހުން ތިބި ވާހަކަ ދޮގު ނުކުރީ ކީއްވެ ބާ..
ރާއްޖެ
21 August 2020
ބަންދު ސަލީމަކީ ޖީ އެމް އާރ އެގްރީމަންޓް އެންމެ ރެޔަކުން ކިޔާލާފަ އަނެއް ދުވަހު ހެދުނު އޭގަ ސޮއި ކުރި މީހާ. އެ ފެންވަރު މީހުން ނަޒާހަތްތެރި ވާނެ ގޮތެއް ނޯންނާނެ.