21 އޯގަސްޓް 2020 - 22:50
11 comments
ކޮވިޑް ޖެހިގެން ރާއްޖޭގައި އިތުރު މީހަކު މިރޭ މަރުވެއްޖެ އެވެ. މިއީ މި ބަލީގައި މަރުވި 26 ވަނަ މީހާ އެވެ. އަދި މިއީ ކޮވިޑް ޖެހިގެން މިއަދު މަރުވި ދެވަނަ މީހާ އެވެ.
އެޗްޕީއޭ އިން ބުނީ، މިރޭ އަށެއް ޖަހާކަންހާއިރު މަރުވީ، މިދިޔަ އާދިއްތަ ދުވަހު ކޮވިޑަށް ޕޮޒިޓިވް ވި، މާލޭގައި މަސައްކަތް ކުރާ ބަންގްލަދޭޝްގެ އުމުރުން 62 އަހަރުގެ ފިރިހެނަކު ކަމަށެވެ. އޭނާ އަށް ފަރުވާ ދެމުން އައީ ދަރުމަވަންތަ ހޮސްޕިޓަލުގެ "ޑީއެޗް16" ގައި ކަމަށް އެޗްޕީއޭ އިން ބުންޏެވެ.
ކޮވިޑަށް ޕޮޒިޓިވް ވެގެން ފަރުވާ ހޯދަމުން އައި، ސިފައިންގެ ކުރީގެ އޮފިސަރަކު ވެސް ރޭ ދަންވަރު ވަނީ އަވަހާރަވެފަ އެވެ. ސިފައިންގޭގައި 41 އަހަރަށް ވުރެ ގިނަ ދުވަސް ވަންދެން ޚިދުމަތް ކުރެއްވި ލެފްޓިނެޓް ކާނަލް (ރިޓަޔާޑް) އަބްދުލްޣަނީ އުމަރު 82، އަވަހާރަވީ ހުޅުމާލޭގެ މެޑިކަލް ފެސިލިޓީގައި ފަރުވާ ދެމުން އަންނަނިކޮށެވެ.
ކޮވިޑްގައި ރާއްޖޭގައި މަރުވާ މީހުންގެ އަދަދު ކުއްލި ގޮތަކަށް އިތުރުވާން ފަށާފައިވާއިރު، މި މަހުގެ މިހާތަނަށް ވެސް 10 މީހަކު ވަނީ މަރުވެފަ އެވެ. އެ ބަލި ޖެހިގެން މިހާތަނަށް ރާއްޖޭގައި މަރުވި 26 މީހުންގެ ތެރެއިން ދިވެހިންގެ އަދަދަކީ 19 އެވެ. ދެން އުޅެނީ ބަންގްލަދޭޝްގެ ހަ މީހަކާއި ފިލިޕިންސްގެ މީހެކެވެ.
ކޮވިޑް ޖެހިގެން މިރޭ މީހަކު މަރުވި އިރު، މި އޮގަސްޓް މަހު ރާއްްޖޭގައި އެ ބަލި ޖެހުނު މީހުންގެ އަދަދު އެހެން މަސްތަކާ އަޅާ ބަލާއިރު ގިނަ އެވެ. އެޗްޕީއޭގެ ތަފާސްހިސާބުތައް ދައްކާ ގޮތުގައި މިމަހުގެ މިހާތަނަށް 2،745 މީހަކު ވަނީ އެ ބައްޔަށް ޕޮޒިޓިވް ވެފަ އެވެ. އެގޮތުން އިއްޔެ ހަވީރު 6 އިން މިއަދު ހަވީރު 6 އަށް އެކަނި ވެސް އަލަށް 194 މީހަކަށް ކޮވިޑް ޖެހުނެވެ.
ތަފާސްހިސާބުތަކުން އެނގޭ ގޮތުގައި މިއީ މި މަހުގެ މިހާތަނަށް ތިން ވަނައަށް އެންމެ ގިނަ މީހުން ކޮވިޑަށް ޕޮޒިޓިވްވި ދުވަހެވެ. ޖުލައި މަހުގެ 29 އިން ފެށިގެން އެންމެ ގިނަ މީހުން އެއް ދުވަހެއްގައި ޕޮޒިޓިވް ވީ މި މަހުގެ ދެވަނަ ދުވަހު އެވެ. އެ ދުވަހު 243 މީހަކު ބައްޔަށް ޕޮޒިޓިވް ވި އެވެ. ދެވަނަ އަށް އެންމެ ގިނަ ބަޔަކަށް ބަލި ޖެހުނީ މިދިޔަ އަންގާރަ ދުވަހު އެވެ. އެ ދުވަހު 201 މީހަކަށް ބަލި ޖެހުނެވެ.
ރާއްޖޭން ކޮވިޑް ޖެހުނު މީހުންގެ އަދަދަކީ މިހާރު 6،564 އެވެ. އޭގެ ތެރެއިން 3،915 މީހަކު ރަނގަޅުވި އިރު 26 މީހަކު ވަނީ އެބަލީގައި މަރުވެފަ އެވެ. ކޮވިޑްގެ އެކްޓިވް ކޭސްތަކުގެ އަަދަދަކީ މިހާރު 2624 އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މޯޑް
22 August 2020
ކޮވިޑް ޖެހިގެން މަރުވާ މީހުންނާއި ބަލިޖެހޭ މީހުން އިތުރުވާ އިރުވެސް އެޗްފީއޭއިން ބަލި ކޮންޓްރޯލު ކުރަށް ހަރުދަނާ ފިޔަވަޅުތަކެއް އަޅާތަނެއް ނުފެނޭ. ފަރުދީ ޒިންމާއޭ ކިޔާ ރަށްއިތުން ބޮލަށް ކަޑާލަނި.
ރީތި މޫސަ
22 August 2020
މިގޮތަށްމިދިމާވަނީ އާއްމުފަރުދުންގެ ފަރުވާކުޑަކަމުންތޯ ނުވަތަ ސަރުކާރުގެ ކަމާބެހޭފަރާތްތަކުގެ ދޯހަޅިސިޔާސަތުގެ ސަބަބުންތޯ ހަމަގައިމުވެސްއެނގޭކަމަކީ ސިއްޙީމާހިރުންގެ އެންގުންތަށް ބޮލާލާޖެހީ މަޖުލީހުގެ ރައީސާ އޭނަބުނާހާބަހަކަށް އާބަސްބުނާ އޭނަގެ ބައިވެރިންކަން ނަމަވެސް ވޭނާހިތާމަ އުފުލަންމިޖެހޭނީ ނިކަމެތި ރައްޔިތުންނަށް
ބަޑިބުރުޒު
22 August 2020
ބަލިޖެހޭ މީހުންގެ އަދަދާއި މަރުވާ މީހުން ގެ އަދަދު އިތުރުވަނީ. މިއީ ދިވެހިން ބޭނުންވާ ގޮތް ހެއްޔެ. އާނ މިއީ ދިވެހިން އެދޭ ގޮތެވެ. އެހެންނޫންނަމަ ބޮޑު މޮޔައަކު މީގެތެރެއަށް ވައްދައިގެން އަތްޖަހަޖަހާ ނުތިބޭނެ. ހުރިހާ ނުބަޔަކީ އެކަލޭގެ.
ނަންލިޔާ ދެންވެސް
22 August 2020
ކިތައް މީހުންނަށް ކޮވިޑް ޖެހި ކިހާމީހުނެއް މަރުވަންދެންތޯ ބަލަހައްޓާގެން ތިތިބީ. އެންމެ މީހަކު ކޮވިޑް ޖެހިގެން މުޅި މާލެ ބަންދުކޮށް ހަޒާނާ ހުސްކޮށްލީ ކީއްވެ . މިހާރު 200މީހުން ދުވާލަކަށް ބަލިޖެހޭއިރު ނޫސްތަކަށް މިވެނިވަރަކަށް ޖެހިއްޖެއޭ ބުނުން ފިޔަވާ އިތުރު ކަމެއް ނުކޮށް މިތިބީ ބަލިޖެހޭނެކަމަށް އަންދާސާކުރި 10000މީހުނަށް ޖެހެންދެންތަ.
ފާރިހަތު ޖަލީލު
21 August 2020
إِنَّا لِلَّٰهِ وَإِنَّا إِلَيْهِ رَاجِعُونَ މައްޔިތާއަށް ސުވަރުގެ މިންވަރު ކުރައްވާށި.
މޯޑް
21 August 2020
އެޗްފީއޭ ވަނީ ބޮނޑް ތަނުން ފެއިލްވެފަ
ޑެބީ
21 August 2020
މައިމޫނާ، އިބްރާހިމް އަފްޒަލް، އަލީ ލަތީފް، މުހައްމަދު އަލީ އަދި ނަޒްލާވެސް މިހާރުން މިހާރަށް އިސްތިއުފާދީ.
ކޮތަރު
22 August 2020
ފެއިލްވީ ރައްޔިތުން. މަގުތަށް ފުރިފަ.
ހާމިދުު
21 August 2020
إِنَّا للهِ وَإِنَّـا إِلَيْهِ رَاجِعونَ
ހޯގުޅާބެ
21 August 2020
إِنَّا لِلَّٰهِ وَإِنَّا إِلَيْهِ رَاجِعُونَ މައްޔިތާއަށް ސުވަރުގެ މިންވަރު ކުރައްވާށި.
މުހައްމަދު
21 August 2020
إِنَّا لِلَّٰهِ وَإِنَّا إِلَيْهِ رَاجِعُونَ