22 އޯގަސްޓް 2020 - 22:17
159 comments
މާދަމާ ރެއިން ފެށިގެން ރޭގަނޑު 8 އިން ފަތިހު 5 އާ ދެމެދު މާލެ، ހުޅުމާލެ އަދި ވިލިނގިލީގައި އެއްގަމު އުޅަނދުތައް ދުއްވުން މަނާކޮށްފި އެވެ.
ހެލްތު އިމަޖެންސީ އޮޕަރޭޝަން ސެންޓަރު (އެޗްއީއޯސީ) އިން ބޭއްވި ނޫސްވެރިންގެ ބައްދަލުވުމުގައި، ފުލުހުންގެ ޗީފް ސުޕްރިންޓެންޑެންޓް އޮފް ޕޮލިސް އަބްދުﷲ ޝަރީފް ވިދާޅުވީ، ކޮވިޑް- 19 އަށް ޕޮޒިޓިވްވާ މީހުންގެ އަދަދުތައް އިތުރުވަމުންދާތީ، ރޭގަނޑު 8 އިން ފެށިގެން އުޅަނދުތައް ދުއްވުން މަނާ ނަމަވެސް މީހުން ބޭރުގައި އުޅުން މަނާވާނީ ރޭގަނޑު 10 އިން ފަތިހު 5 އަށް ކަމަށެވެ.
ފުލުހުން ބުނިގޮތުގައި ރޭގަނޑު 8 އިން ފެށިގެން ވެހިކަލް ދުއްވާ މީހުން ހުއްޓުވައި ޖޫރިމަނާ ކުރާނެ އެވެ. ކުށް ތަކުރާރު ކުރާ ނަމަ ވެހިކަލް ޓޯކުރާނެ ކަމަށް ވެސް ބުންޏެވެ. އެ ވެހިކަލެއް ދޫކުރާނީ ކަނޑައެޅިފައިވާ ޖޫރިމަނާ ދެއްކުމުން ކަމަށް ވެސް ބުންޏެވެ.
ޖުލައި މަހުގެ 1 ން ފެށިގެން ލޮކްޑައުން އަށް ދިން ލުއިތަކާ އެކު، މާލެ ސަރަހައްދުން ކޮވިޑް-19 ޖެހޭ މީހުންގެ އަދަދު ވަނީ ވަރަށް ބޮޑަށް އިތުރުވާން ފަށައިފަ އެވެ. ބަލި ކޮންޓްރޯލް ކުރުމުގެ ގޮތުން ހެލްތު ޕްރޮޓެކްޝަން އެޖެންސީން އަޅަން ފެށި ފިޔަވަޅުތަކުގެ ތެރޭގައި މާސްކް އަޅައިގެން އުޅުން ވަނީ ޖުލައި 30 ވަނަ ދުވަހުން ފެށިގެން މަޖްބޫރުކޮށްފަ އެވެ. އަދި މާސްކް ނާޅައި އުޅޭ ފަރާތްތައް 1،000ރ. އިން ޖޫރިމަނާކުރަން ފެށި އެވެ.
ބަލި ކޮންޓްރޯލް ކުރުމަށް އަޅާ އިތުރު ފިޔަވަޅެއްގެ ގޮތުން ރޭގަނޑު 10 އިން ފަތިހު 5 އާ ހަމައަށް ބޭރުގައި އުޅުން ވަނީ މި މަހު 4 ވަނަ ދުވަހުން ފެށިގެން މަނާކޮށްފަ އެވެ. ރޭގަނޑު 10 އިން ފެށިގެން ކާފިއު ހިންގާތީ ވިޔަފާރިތައް ވެސް 9:30 ގައި ބަންދުކުރަން ޖެހެ އެވެ. މީގެ އިތުރުން މާލެ އާއި ވިލިމާލެ އާއި ހުޅުމާލޭގައި ކާފިއު ހިންގާ ވަގުތުގެ އިތުރުން އެެހެން ގަޑިތަކުގައި ވެސް ފަސް މީހުންނަށް ވުރެ ގިނަ މީހުން އެއްވުން ވެސް މިހާރު ވަނީ މަނާކޮށްފަ އެވެ.
ރާއްޖެ އިން މިދިޔަ މާޗް 7 ގައި ކޮވިޑް-19 އަށް މީހަކު ޕޮޒިޓިވްވި ފަހުން މިހާތަނަށް އެ ބަލި ވަނީ 6،660 މީހަކަށް ޖެހިފަ އެވެ. ބަލީގައި ވަނީ 26 މީހުން މަރުވެފަ އެވެ. ބަލި ޖެހުނު މީހުންގެ ތެރޭން 4،113 މީހުން ރަނގަޅުވި އިރު އެކްޓިވް ކޭސްގެ އަދަދަކީ 2،521 އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަބްދުއްﷲ
24 August 2020
މި ގަޑި ތަކަކީ ކޯވިދު ޖަރާސީމު އެންމެ ގިނައިން ވައިޖައްސަން ނިކުމެ އުޅޭ ގަޑިތައް.
މުހަައްމަދު އިބުރާހިމް
23 August 2020
އެކަނި އުޅަނދު ދުއްވުން މަނާ ކުރުމުގެ ބަދަލުގައި އެގަޑިތަކަށް ފިހާރަތަށް ވެސް ބަންދު ކުރުން ވަރަށް މުހިންމު، އަނެއްކާ ލޮކުޑައުން އަކައް ދިއުމަށް ވުރެ ހެދުނު 6 އިން އިރުއޮއްސި 6 އަށް ބަންދު ކުރުން ވވވވވ ރަގަޅުވާނެ،
ރަދުން999
23 August 2020
ޕޮލިސް ބަލާތި ރައްޔިތުން ހަނާއަރުވާލާއިރުވެސް ފެލާލެވޭތޯ؟ 1000 ރ މާމަދު ޖޫރިމަނާއަށް. 10000 ރ އޯކޭ. އަޅެފަހެ ހުރިހާ ރައްޔިތުން ޖާލަކަށް އަޅާލާފަ ޕޮލިސް އެމްއެންޑީއެފް ދެން ރައީސް އެކަނި މިނިވަންކަންމަތީ ހުރުމުން ބަލަ ނުފެތުރޭނެ.
މަޖޫރިން
23 August 2020
ކަސްޓަމްސް އިން މުދާނެރެން އުޅެފަ މުދާނެރެން އުޅޭކުދިން ހުޅުމާލެއަށް ހިނގާފަ ދާނެގޮތެއް ނުވިސްނުނު.
އިބިރިހިންބެއްޔާ
23 August 2020
ރޭގަޑުހޭލާތިބެ ފަތިސްވީމާ އެނދަށްއަރާ ކަންނެތް މީހުންގެ ގަޑިޔަށް ނުބަލާ ހެދުނު 6 ން ފިހާރަތަށް ހުޅުވުމުގެ ހުއްދަދިނުން ހަމަ ރަގަޅު. ހުޅުވާފައި ހުންނަ ގަޑިގިނަވާވަރަކަށް ތޮއްޖެހުން ކުޑަވާނެ. ޚާއްސަކޮއް ބޭކަރީތަކާއި ކާބޯތަކެތި ތައްޔާރުކުރާ ތަންތަން.
ރަށުމީހާ
23 August 2020
ކޮންފަހަރަކު 3 ކިލޯ 7ކިލޯ ގަންވަރަކަށް ފައިސާއެއްނުހުރެ ހުރި އެއްޗަކުން ފުއްދަމުން ނުދަމުން ދާތީވެ ބަސްތާ ގޭގާނުބެހެއްޓޭ.މިބުނީ ވަރަށް ބައިވަރު ވާހަކަ.
މީހުން މަދުވާ ގަޑީގަ
23 August 2020
މީދެން ކިހާ ދެރަކަމެއް. މީހުން އަމިއްލަޔަށް މަދުވާ ގަޑީގަ ލޮކް ޑައުުން ކުރުން. ސަރުކާރު ފެއިލް.
ގުއިއްޒު
23 August 2020
އިރުއޮއްސި 6 ޖަހާއިރު ހުރިހާ ފިހާރަތައް ރޭގަނޑު 9 ޖަހާއިރު ހުރިހާ ކެފޭތައް ބަންދުކުރާގޮތަށް ހަދާބަލަ. އަދި ހެނދުނު 6 ޖަހާއިރަށް ފިހާރަތަކާއި ކެފޭތައް ހުޅުވަން ހުއްދަ ދީބަލަ. ޅަދަރިން ހެދުނު ސައިނުބޮއި ހެދުނު 10 ޖަހަންދެން އެބަ ތިބެންޖެހޭ މިހަރު ފިހާރަ ނުހުޅުވައިގެން ހަކުރު ކިލޯއެއް ނުގަނެވިގެން.
ރައީސް2020
23 August 2020
ތިމާ މީހާގެ އަމިއްލަ ޒިންމާ އަދާނުކޮށް ކަންނެތް ދިރިއުޅުން އާދަވެފައި ތިބޭ މީހުންނަށް ކަމުދާ ގޮތަކަށް ހުރިހާ ކަމެއް ނުހިންގޭނެ. ހުޅުވާފަ ހުންނަ ގަޑީގައި ގޮސް ގަނޭ! އެވަރު ނުވަންޏާ ސައިނުބޯނީ!
އިބިރިހިންބެއްޔާ
23 August 2020
ރައީސް 2020 އަށް ޒިންމާއަދާނުކުރެވިގެން ޖެހޭހާ މައްސަލަ. ފިހާރަހުޅުވާ ވަގުތު މަދުކުރިވަރަކަށް ފިހާރަތެރޭގައި އަދި ކިޔޫގައި މީހުން ޖަމާވާ އަދަދު ވާނީގިނަ.
އޮނަރަބްލް އަފީފު ދީދީ
23 August 2020
އެޗްޕީއޭގެ "ކުއްލިބަދަލު އަންނަ ޤަވާއިދުތަކުގެ ސަބަބުން" މާލެއިން އެހެންރަށްރަށަށް މުދާގެންދިއުމަކީ ބޮޑުތަކުލީފަކަށް ވެއްޖެ. # މިކަންހައްލުކުރުމަށް ލޯކަލް ޤަވަރމަންޓް އޮތޯރިޓީ، އިކޮނޯމިކް މިނިސްޓްރީ، ޓްރާންސްޕޯޓް އަދި ފުލުހުން ހިމެނޭ ކޮމަޓީއަކުން ރަށްރަށަށް މުދާގެންދާ އޮޑިވެރިންނާއި ބާޒާރުމަތީ ފިހާރަތައް ހިންގާން ހުއްދަދީފައިވާ މީހުންނާއި ބައްދަލުކޮށް ފަތިހު 5:00 އިން ރޭގަނޑު 8:00 އަށް ބާޒާރު ހުޅުވާގޮތަށް ހަމަޖައްސާ ސަރަހައްދުގެ ޓްރެފިކް ބަލަހައްޓާދޭންޖެހޭ.
އިބްރާހިމްފުޅު
23 August 2020
މި ޤައުމަށް މިދިމާވާ ހުރިހާ މުސީބާތެއްގެ ޒިންމާ އަލީނަސީރު އެބަ ނަގަންޖެހޭ ، ދީނަށް ފުރައްސާރަކުރާ މީހުން ހިމާޔަށް ކުރާ %100 ޤައުމެއް މިނޫނީ ނެތް، އަދި ބިދޭސީން ދޭސިން ނަށްވުރެ ކުރީގައި އުޅޭ ޤަުމެއްވެސް މި ޤައުމު ނޫނީ ނެތް. މީ ހަމަ ދުނިޔޭގެ ރެކޯރޑް