މާލޭގެ ކާނިވާ ސަރަހައްދުގައި ހިންގާ ކެފޭއެއް: އެޗްޕީއޭގެ ގައިޑްލައިނާ ޚިލާފުވާ ތަންތަން ދެން ޖޫރިމަނާ ވެސް ކުރާނެ.---ފޮޓޯ: މިހާރު
23 އޯގަސްޓް 2020 - 10:32
19 comments
ކޮވިޑް-19 އާ ގުޅިގެން އެޗްޕީއޭ އިން އަޅާފައިވާ ފިޔަވަޅުތަކާ ޚިލާފަށް، މާލެ ސަރަހައްދުގައި އާންމުންނަށް ޚިދުމަތް ދިނުމަށް ހިންގާ ތަންތަނާ މެދު ފިޔަވަޅު އެޅުން ހަރުކަށިކޮށް، ޖޫރިމަނާ ކުރާނެ އުސޫލެއް އެ އިދާރާ އިން މިއަދު ކަނޑައަޅައިފި އެވެ.
އެޗްޕީއޭ އިން ކަނޑައަޅާފައިވާ ރައްކާތެރިކަމުގެ މިންގަނޑުތަކާ ޚިލާފުވާ ތަންތަން ވަގުތުން ބަންދުކޮށް، އެ ކަންކަން އިސްލާހު ކުރުމުން މީގެ ކުރިން އައީ އަލުން ހުޅުވަން ހުއްދަ ދެމުންނެވެ.
ނަމަވެސް އެ އިދާރާ އިން މިއަދު އާންމުކުރި އުސޫލުގައިވާ ގޮތުން ވަކި ހިސާބަކުން ދެން އެ ތަންތަން ޖޫރިމަނާ ވެސް ކުރާނެ އެވެ. އެކަމަކު ޖޫރިމަނާ ކުރާނީ އެޗްޕީއޭ އިން ކަނޑައަޅާފައިވާ ގޮތުން ނަމަ، ދެވަނަ ފަހަރަށް އުސޫލާ ޚިލާފު ވުމުންނެވެ. ދެވަނަ ފަހަރަށް އުސޫލުން ބޭރުން އަމަލުކުރާ ތަންތަން 1،000ރ. އިން ޖޫރިމަނާކޮށް، ތަން ހުޅުވުމުގެ ހުއްދަ ވެސް ދެނީ ތިން ދުވަސް ފަހުންނެވެ.
އެޗްޕީއޭގެ އުސޫލުތަކާ ތަކުރާރުކޮށް ހިލާފުވާ ނަމަ، 1،000ރ. އިން ޖޫރިމަނާކޮށް، ތަން ހުޅުވަން ހުއްދަ ލިބޭނީ ފަސް ދުވަސް ފަހުންނެވެ.
ކޯވިޑް-19 އާ ގުޅިގެން ޢާއްމު ޚިދުމަތްދޭ ތަންތަނުގައި ރައްކާތެރިކަމާއެކު ޚިދުމަތް ދިނުމުގެ އިންތިޒާމް ހަމަޖައްސައިފައި ނުވާ ތަންތަނާމެދު ފިޔަވަޅުއެޅޭނެ އުޞޫލު: https://t.co/C6UduvzQl7
— Health Protection Agency (@HPA_MV) August 23, 2020
އެޗްޕީއޭގެ އުސޫލާ ޚިލާފުވާ ތަންތަނާ މެދު އަޅާ ފިޔަވަޅުތައް
ފުރަތަމަ ފަހަރު ނަމަ އެ ތަނެއް ބަންދުކުރަން އެޗްޕީއޭ އިން ކަނޑައަޅާފައި ވަނީ 48 ގަޑިއިރަށެވެ. އެ ބުރުގައި ޖޫރިމަނާއެއް ނުކުރާނެ އެވެ.
އެޗްޕީއޭ އިން ބުނިގޮތުގައި، ފުރަތަމަ އިންސްޕެކްޝަނަށް ފަހު ވެސް، ކޮވިޑާ ގުޅޭ ޝަކުވާއެއް ނުވަތަ އެ އިދާރާގެ ގައިޑްލައިނާ ޚިލާފަށް އެ ތަނެއް ހިންގާކަން ފާހަވެއްޖެ ނަމަ ވެސް 1،000ރ. އިން ޖޫރިމަނާކޮށް، ފަސް ދުވަހަށް ތަން ބަންދު ކުރާނެ އެވެ.
އާންމުންނަށް ޚިދުމަތް ދޭ ތަންތަން ހިންގަނީ އެޗްޕީއޭގެ ގައިޑްލައިނާ އެއްގޮތަށްތޯ ބެލުމުގެ ބޮޑު އިންސްޕެކްޝަނެއް މިދިޔަ ދެ ހަފުތާއެއްހާ ދުވަސް ކުރިން ވެސް ހިންގި އެވެ. އެ ފަހަރު ވެސް ގިނަ ތަންތަން ބަންދުކޮށް، އިސްލާހު ކުރަން ފުރުސަތު ދިނެވެ. މިހާރު އެ އިންސްޕެކްޝަން މަޑުޖައްސާފައި އޮތް ނަމަވެސް އެޗްޕީއޭ އިން ކަނޑައަޅާފައި ވަނީ އަންނަ އަންގާރަ ދުވަހު އަނެއްކާވެސް ބޮޑު އޮޕަރޭޝަނެއް މާލެ އާއި ވިލިމާލެ އާއި ހުޅުމާލޭގައި ފެށުމެވެ.
މާލެ ސަރަހައްދުގައި ކޮވިޑް ފެތުރުން އާދަޔާ ޚިލާފަށް އިތުރުވުމާ ގުޅިގެން މިރޭގެ 8 އިން ފަތިހު 5 އާ ދެމެދު ވެހިކަލްތައް ދުއްވުން ވަނީ މަނާކޮށްފަ އެވެ. އަދި ކުރިއެކޭ އެއްގޮތަށް ރޭގަނޑު 10 އިން ފަތިހު 5 އާ ދެމެދު ބޭރުތެރޭގައި ވެސް އުޅުމަކީ މަނާކަމެކެވެ. ފިހާރަތަކާއި ކެފޭ/ރެސްޓޯރަންޓުތައް ވެސް ކޮންމެ ރެއެއްގެ 9:30 ގައި ބަންދު ކުރަން ޖެހޭނެ ކަމަށް ފުލުހުން ރޭ ބުންޏެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ސަސި
23 August 2020
ފުލް ލޮކްޑައުންގަ އޮތްއިރުވެސް، ކޮއްތުހަޓްއޮން ބަރާބަރަށް ޑައިންއިން ހިދުމަތްދެމުންދިޔަ
ދެފަ
23 August 2020
ކޮން އުސޫލެއް.ބިދޭސީން އެ ވިޔަފާރިކިރަނީ ކޮން ސާފުތާހިރުކަމަކުން.
ާއުނިމާ
23 August 2020
މާލަސްވެސް ވެއްޖެ، އަދިވެސް ފިޔަވަލުތައް މާލުއީ، ގިނަ ގައުމުތަކުގައި މިކަން ކުރީ ސިފައިންނެރެގެން
ދިއްދޫމީހާ
23 August 2020
ފުރަތަމަ މައިމޫނާ ޖޫރިމަނާ ކުރަންވީ، އެކަމަނާ ދަރުބާރުގޭގަ މާސްކު ނާޅާ އުޅެނީ، އެއީ ކޮވިޑް ފުރީތަނެތަ؟؟
ޖޫރީމައިނާ ކވޑ
23 August 2020
ދަބެސްޓްވޭ ޓު އާރން @ ކޮވިޑް
ޢަބުދުލް ޤާދިރު
23 August 2020
ޖޫރިމަނާ.. ޖޫރިމަނާ.. މި ނޫންކަމެއް މިސަރުކާރަށް ކުރަން ނޭގެނީތަ؟ މުޅިން ވެސް އާއްމު ރައްޔިތުން ފެލުން. އެހެންނުން ވާނީ މި ނޫންގޮތަކަށް ލާރިއެއް ހޯދަން އެނގެނީއަކީ ނޫން ވިއްޔާ.
ލީޝާ
23 August 2020
ބޮޑުހަގުރާމައެެއް ތެރޭގައިވެސް ޖޫރުމަނާ ނުކުރެވިގެން!
ވައިސޫރި
23 August 2020
ވަރައްރަނގަޅު އަދިކުއް ތަކުރާރުވާނަމަ މަހެއްހާދުވަހައް ތަންބަންދުކޮއްބަލަ ބަޔަކުކިޔާހާއެއްޗަކައްބަލާކައްނުޖެހޭނެ ބަލަންޖެހޭނީ ރައިއްޔަތުންގެ ރައްކަލައް
ބަޑިބުރުޒު
23 August 2020
ދެރަކަމެއް ދޯ؟ ފިޔަވަޅު ހަރުކަށިކުރުމުން އެއްބަޔަކަށް ދުއްޕާނަކަށް ވާއިރު އަނެއްބަޔަކު ބަނޑަށް ޖެހެނީ. މިހެންމިވަނީ ވިސްނާ އެންގަލް ތަފާތުވުމުން. ރެސްޓޯރެންޓްތައް ހޮޓާތަށް ފުރާލާ ބޭކާރު އަނގަތަޅަން ނުދިޔައަކަސް ބަނޑަށް ނުޖެހޭނެ. ދުއްޕާނަކަށް މިވަނީ ތިމާ ހިތުހުރިގޮތަކަށް ނޫޅެވިގެން. މުޖްތަމައެއްގައި އުޅޭއިރު އެކިއިރު އެކި ހުރަސްތައް ހުންނާނެ. މިއީ ގުދުރަތީގޮތުން ދިމާވިކަމެއް. ލުޔެއް ލިބެން އަދި އޮތީ ހަރަކާތްތަކާއި އެއްވުން މަދުކޮށްގެން.
ޓަކަފިރޯށި
23 August 2020
ގާނޫނުތަޢް މުގުރާފަ ބިދޭސީން ކުރަމުންދާ ވިފާރިތަކާ މަސައްކަތްތަށް ބަލާނީ ކޮންއިރަކުންހޭ؟ދިވެހިންގެ ކުދިވިފާތަށް ނެތިދަނީއޭ؟! މީރާ އާ ކަމާބެހޭ މުއަށްސަސާތަކުން ދިވެހިމީހާގެ ކަރަށް އަތްބާނާފަ ގޮހޮރުދަމައި ގަންނަނީއޭ! ބަރާބަރަށް ދިވެހި ޒުވާނުންގެ ސައިކަލުގަ ސްޓިކާޖެހެޔޭ! ބިދޭސީން އުޅޭނެގޮަކަށް އުޅި ކުރާނެ ވިޔަފާރިއެއް ގާނޫނުން ބޭރުން ކުރަނީއޭ..
ރަދީފްއޮފިޝިއަލް
23 August 2020
އެމެންގެ ވެރިކަން ، އެމެން ބޭނުން އެއްޗެއް ދޯ އެހަދަނީ.އެހެންވީމަ ދެންވެސް މަމެންގެ ވެރިކަމެއް ގެންނަން ރަނގަޅަށް ވޯޓު ކަރުދާހުގަ ފާހަނގަ ޖަހައްޗޭ.އިނގޭ.ސީރިއަސްލީ.ހެހެހެހެ.ވ.ވެދުން
މޫދުގެ
23 August 2020
މާލޭގައި ސަރުކާރު އިމާރާތެއްގައި "މޫދުގެ" ނަމުގައި ކެފޭއެއް ހިންގަމުންދާ ތަނުގައި، ސިނގިރޭޓާއި ވޭޕް ބުއިން ކުރިއަށްދޭ، ކެފޭއަކުން އެކަން ހުއްޓުވާކަށް އެއްވެސް ކަމެއް ނުކުރޭ.