ރައްޔިތުންގެ މަޖިލީހުގެ ޖަލްސާއެއްގައި މެމްބަރުން ބައިވެރިވެެވަޑައިގަންނަވަނީ. ވަޒީފާއާ ބެހޭ ގާނޫނަށް އިސްލާހު ގެންނަން މިއަދު ފާސްކުރި.
06 ސެޕްޓެމްބަރ 2020 - 17:39
މިނިމަމް ވޭޖް ބޯޑުގެ ނަމުގައި އުފައްދާ ބޯޑެއްގެ ލަފަޔާ އެކު، ރާއްޖޭގައި ވަޒީފާ އަދާކުރާ މީހުންނަށް ދެވޭނެ އެންމެ ކުޑަ އުޖޫރަ ކަނޑައެޅުމުގެ ބާރު އިކޮނޮމިކް މިނިސްޓަރަށް އޮންނަ ގޮތަށް ވަޒީފާއާ ބެހޭ ގާނޫނު އިސްލާހުކުރަން ރައްޔިތުންގެ މަޖިލީހުން މިއަދު ފާސްކޮށްފި އެވެ.
ވަޒީފާއާ ބެހޭ ގާނޫނަށް ސަރުކާރުގެ ފަރާތުން ހުޅުމީދޫ ދާއިރާގެ މެމްބަރު އިލްޔާސް ލަބީބް ހުށަހެޅުއްވި އިސްލާހު މިއަދު ފާސްކުރީ އެ ބިލް ދިރާސާކުރަން މަޖިލީހުގެ އިޖުތިމާއީ ކޮމިޓީ އާއި އިގުތިސާދީ ކޮމިޓީ އެއްކޮށްލައިގެން އުފެއްދި ޖޮއިންޓް ކޮމިޓީއަކުންނެވެ. އެ ކޮމިޓީން ބިލު ދިރާސާކޮށް އެކުލަވައިލި ރިޕޯޓް މިއަދު ފާސްކުރި އިރު އެ ރިޕޯޓަށް ވެސް މެމްބަރުން ގިނަ އިސްލާހުތަކެއް ހުށަހެޅުއްވި އެވެ. އޭގެ ތެރެއިން ގިނަ އިސްލާހުތަކެއް ވެސް ރިޕޯޓާއި އެކު ފާސްކުރި އެވެ. އިސްލާހުތަކާ އެކު ރިޕޯޓް ފާސްކުރީ މަޖިލީހުގައި މިއަދު ބޭއްވި މިދައުރުގެ އެންމެ ފަހު ޖަލްސާގައި 55 މެމްބަރެއްގެ ވޯޓުންނެވެ.
ސަރުކާރުން ހުށަހެޅި ބިލްގައި މިނިމަމް ވޭޖް ކަނޑައަޅަން ހުށަހަޅާފައި އޮތީ ހަތް ދާއިރާއަކުންނެވެ. އޭގެ ތެރެއަށް ކޮމިޓީން ވަނީ ދެ ދާއިރާއެއް އިތުރުކޮށްފަ އެވެ. އެހެންވެ މިއަދު ފާސްކުރި އިސްލާހާ އެކު މިނިމަމް ވޭޖް ކަނޑައަޅަން ޖެހޭ މައިގަނޑު ނުވަ ދާއިރާއެއް އެބަ އޮތެވެ. އެ ދާއިރާތަކުން މިނިމަމް ވޭޖް ކަނޑަައަޅަން ފާސްކުރި ބިލްގައި އޮތީ އަންނަ އަހަރުން ފެށިގެންނެވެ.
1- މަސްވެރިކަމާއި ދަނޑުވެރިކަން
2- ޓޫރިޒަމް
3- ކޮންސްޓްރަކްޝަން
4- ޓްރާންސްޕޯޓް
5- ސިއްހީ ދާއިރާ
6- ތައުލީމީ ދާއިރާ
7- ކުދި އަދި މެދު ފަންތީގެ ވިޔަފާރި
މީގެ އިތުރަށް ހިމަނަން ޖޮއިންޓް ކޮމިޓީން ހުށަހެޅީ އިންފޮމޭޝަން، ކޮމިއުނިކޭޝަން އަދި ޓެކްނޮލޮޖީގެ ދާއިރާ ހިމެނުމަށެވެ. މިއަދު ބިލް ފާސްކުރީ އެ ދެ ދާއިރާ ހިމަނައިގެންނެވެ.
މިއަދު ފާސްކުރި ބިލްގައި މިނިމަމް ވޭޖާ ގުޅޭ ކަންތައްތަކުގައި މިނިސްޓަރަށާއި ބޯޑަށް ބޮޑެތި ބާރުތަކެއް ދީފައިވެ އެވެ. އެގޮތުން ކުންފުންޏެއްގެ މުވައްޒަފުންނަށް ދޭ މުސާރައާ ބެހޭ ގޮތުން މިނިސްޓަރު ނުވަތަ ބޯޑުން ހޯދަން އެދޭ މައުލޫމާތެއް ނުދީފި ނަމަ 5،000،ރ އިން ޖޫރިމަނާކުރުމުގެ ބާރު ވެސް ބޯޑަށާއި މިނިސްޓަރަށް އޮންނާނެ އެވެ.
ވަޒީފާއާ ބެހޭ ގާނޫނަށް އިސްލާހު ގެންނަން މި ބިލް ހުށަހެޅުއްވި ދުވަހު ހުޅުދޫ ދާއިރާގެ މެމްބަރު އިލްޔާސް ލަބީބް ވިދާޅުވީ މިނިމަމް ވޭޖްގެ ގޮތުގައި ކަނޑައަޅަން ސަރުކާރުން ނިންމާފައި ވަނީ 4000ރ. އާއިި 8000.ރ އާ ދެމެދުގެ އަދަދުތަކުން ކަމަށެވެ.
Copyright © 2024 Mihaaru · Terms and Conditions · Privacy Policy
ކޮމެންޓްތައް
ވޯޓު
10 September 2020
މިސަރުކާރުން ވެސް އުޅެނީ މަހުޖަނުންގެ ދަށުވެގެން މީދެންއަރަތެއް ވެރިކަމަށް އަރުވައިދެނީވެސް ބާލުވަނީ ވެސް ރަށްޔިތުންގެ ވޯޓުން
ރަށްޔިތު މީހާ
10 September 2020
ރަށްޔިތުންގެ ވޯޓުން ވެރިކަމަށް އައީ ރަށްޔިތުންނާ ދެކޮޅަށް ހުރިހާ ކަމެއް ނިންމަންތޯ މިރާޖޭގަ ކޮބާތޯ މިނިމަމް. ވޭޖުގެ ގޮތުގަ ކަނޑައަޅާނެ ކަމައް ވައުދުވީ 10000ރުފިޔާާ މަހުޖަނުން ދެކެ ބިރުން ތޯ އެކަންނުވެ ގެން ތިއުޅެނީ މިރާއްޖޭގަ ވެރިކަން ބަދަލުކުރުމުގެ ބާރު އޮތީ އަދި އޮންނާނީ ވެސް އެންމެ ނިކަމެތި މީހާވެސް ހިމެނޭގޮތަށް ރަށްޔިތުންގެ އަތްމަތީގަ ކަން މިހާ އަވަހަށް ހަނދާން ނެރުނީ ތޯ
ރަދުން
07 September 2020
ގަމާރުންގެ މަޖިލިސްއެއް.
ނަންރީތި ައލީ
07 September 2020
2އަހަރު ނިމިއްޖެ ހަމަ އެކަނި އިވެނީ މިނިމަން ވޭޖް ކިޔާ އަޑު. ފުރަތަމަ ތި ކިޔާ މިނިމަން ވޭޖެއް ފާސްކޮށްފަ އޭގެ ފަހަށް ޖޫރީމަނާ ކޮށްބަލަ.
އިކްލީން
07 September 2020
އެގާނޫނު ނުކިޔާތި ނޭނގުނަސް
ދިޔަވަތް
06 September 2020
ކޮންތާކު ހުރި ފައިސާއަކުންތޯ ދޭނީ ނެތޭ އިނގޭތޯ
ގައުމީދޫ001
06 September 2020
މާލީ ދާއިރާ ، މެރިޓައިމް ދާއިރާ ފެތެނީ ކޮން ގިންތިއަކަށް؟
ކަރުކެހި
06 September 2020
ކީއްވެގެންތޯ ސަރުކާރު ހިއްސާވާ ކުންފުނިތަކުގެވާހަ ޖަހަންނޭގުނީ އެބޭފުޅުންނަކީ އުޖޫރަހައްގުވާބައެއް ނޫންދޯ ދޯހަޅިބަޔަކު ތިބެގެން މުޅިގައުމު ހަލާކުކުރަމުން މިދަނީ ދައުލަތެއް ހިންގަންނޭގުނު ބަޔަކައް ދެވޭނީ ކޮންއުޖޫރައެއްތޯ؟؟؟
ބޭނުމަކީ
06 September 2020
ބޭނުންވަނީ އަވަހަށް މިކުރި ކަންތައް ކުމުނުދާކަމަށްދައްކަން، އޮތްއެއްޗެއްކިޔާނެކަމެއްވެސް ނެތް ނެގެޓިވް ކޮމެންޓެއްކުރެވޭތޯ ބަލާ؟
އާރީ
06 September 2020
65 މެންބަރުން އަގުލަބިންޔަތު އޮތީމަ ކުރިން ސެޓްފިކަޓަކާއި ނުލާއި ނެގެން އޮތް 30 ދުވަސް 15 ދުވަހަށް ބަދަލު ކުރީ. މީ ރަށްއިތުން ނަށް ހެޔޮއެދޭ ސަރުކާރުން ކަންތައް ކުރާނެ ގޮތެއް ނޫން.
ރަބަރު
06 September 2020
ކަމެއް ކުރަން ކުރީ. ތިއަކަށް އެންމެދަށް އުޖޫރަ ކަނޑައެޅުމޭ ނުބުނާނަން.