ޗެނަލް13 ގެ މައްސަލައިގައި ބްރޯޑްކޮމްގެ ކުއްލި ބައްދަލުވުމެއް މިދިޔަ ހޮނިހިރު ދުވަހު ކުރިއަށް ގެންދަނީ.---ފޮޓޯ: ބްރޯޑްކޮމް
07 ސެޕްޓެމްބަރ 2020 - 11:51
17 comments
ރައީސް އިބްރާހިމް މުހައްމަދު ސޯލިހުގެ ހަށިކޮޅަށް ގެއްލުން ދޭން، ޗެނަލް13 ގެ ލައިވް ޕްރޮގްރާމަކަށް ގުޅި މީހަކު ގޮވައިލި މައްސަލައިގެ ތަހުގީގު ފުލުހުން ކުރާތީ، މޯލްޑިވްސް ބްރޯޑްކާސްޓިން ކޮމިޝަން (ބްރޯޑްކޮމް) އަށް ޖަވާބުދާރީވާން އެ ޗެނަލުން މިވަގުތަށް އުޒުރުވެރި ވެއްޖެ އެވެ.
"ރައްޔިތުންގެ އަޑު"ގެ ނަމުގައި، ޗެނަލް13 އިން މިދިޔަ ބުރާސްފަތި ދުވަހު ގެނެސްދިން ލައިވް ޕްރޮގްރާމްގައި، ސަރުކާރުން ކަންކަން ކުރަމުން ގެންދާ ގޮތާ މެދު ޕްރެޒެންޓަރު ސުވާލު ކުރުމުން އެ މީހާ ވަނީ މި ވެރިކަން ވަގުތުން ނައްތާލައި، "މިހާރުން މިހާރަށް [ރައީސް] އިބްރާހިމް މުހައްމަދު ސޯލިހު ގައިގައި (ކަނޑާލާފައި) ޖަހަންވީ" ކަމަށް ބުނެފަ އެވެ.
އެ ޕްރޮގްރާމަށް ފޯނުން ގުޅި އެ މީހާ އިއްޔެ ވަނީ ތަހުގީގަށް ބަންދުކޮށްފަ އެވެ. އުމުރުން 47 އަހަރުގެ އެ ފިރިހެންމީހާ 15 ދުވަހަށް ބަންދުގައި ބަހައްޓައިގެން ތަހުގީގު ކުރިއަށް ގެންދަން ކޯޓުން ވަނީ އަންގައިފަ އެވެ. އެނގިފައިވާ ގޮތުގައި، އެއީ ތ. ވިލުފުށީ މީހެކެވެ. އޭނާ ދިރިއުޅެނީ ވެސް އެ ރަށުގަ އެވެ.
ފުލުހުންގެ އިތުރުން، ބްރޯޑްކާސްޓިން ކޮމިޝަނުން ވެސް އަންނަނީ މި މައްސަލަ ބަލަމުންނެވެ. އެ މައްސަލައިގައި އެ ކޮމިޝަންގެ ކުއްލި ބައްދަލުވުމެއް މިދިޔަ ހޮނިހިރު ދުވަހު ވަނީ ބާއްވައިފަ އެވެ.
މިކަމާ ގުޅިގެން ޗެނަލް13 އިން ލިޔުމުން ބްރޯޑްކާސްޓިން ކޮމިޝަނަށް ޖަވާބުދާރީވާން ދިން ދެ ދުވަހުގެ މުއްދަތު މިއަދު ހެނދުނު 9:00 އަށް ވަނީ ހަމަވެފަ އެވެ. އެ ކޮމިޝަނުން ޗެނަލް13 އަށް އަންގާފައި ވަނީ މިދިޔަ ހޮނިހިރު ދުވަހުން ފެށިގެން މިއަދާ ހަމައަށް ލިޔުމުން ޖަވާބުދާރީ ނުވެއްޖެ ނަމަ، ލިބިފައިވާ ހެކިތަކަށް ރިއާޔަތްކޮށް، މަައްސަލަ ބަލައި ނިންމާނެ ކަމަށެވެ.
މިކަމާ ގުޅިގެން، ޗެނަލް13ގެ ސީއޯއޯ ސަމާހު މުހައްމަދު "މިހާރު" އަށް މިއަދު ވިދާޅުވީ އެ މައްސަލައިގެ ޖިނާއީ ތަހުގީގެއް ފުލުހުން ކުރަމުން އަންނާތީ، ބްރޯޑްކޮމް އަށް ޖަވާބުދާރީވާން އުޒުރުވެރިވާ ކަމަށެވެ. އަދި އެކަން އެ ކޮމިޝަނަށް ލިޔުމުން އަންގާފައިވާ ކަމަށް އޭނާ ވިދާޅުވި އެވެ.
"ފުލުހުން މިހާރު ވަނީ ތަހުގީގު ފަށާފައި. އެކަމަށް އަޅުގަނޑުމެން މި އަންނަނީ އެއްބާރުލުން ވެސް ދެމުން. އެހެންވީމާ ފުލުހުންގެ ތަހުގީގު ނިމުމުން ނޫނީ [ބްރޯޑްކޮމް އަށް] ޖަވާބުދާރީ ނުވެވޭނެ ކަމަށް ބުނެ އުޒުރުވެރިވެފައި ވާނީ" ސަމާހު ވިދާޅުވި އެވެ.
އޭނާ ވިދާޅުވި ގޮތުގައި، ޕްރޮގްރާމް ދެއްކި ގަޑީގައި ސްޓޭޝަނުގައި ތިބި ބައެއް މުވައްޒަފުންގެ ބަޔާން ވެސް ފުލުހުން ވަނީ ނަގައިފަ އެވެ. އަދިވެސް ބައެއް މުވައްޒަފުންގެ ބަޔާން ނުނެގިވާ ކަމަށް ސަމާހު ވިދާޅުވި އެވެ. ނަމަވެސް ފުލުހުންގެ ފަރާތުން ލިބިފައިވާ މައުލޫމާތުތަކުގެ އަލީގައި ސަމާހު ވިދާޅުވީ، އެއީ ވަކި ތުހުމަތަކާ ގުޅިގެން ނަގާފައިވާ ބަޔާންތަކެއް ނޫން ކަމަށެވެ.
އޭނާ ވިދާޅުވީ ފުލުހުންގެ ތަހުގީގަށް ފަހު، ބްރޯޑްކޮމުން މައްސަލަ ބަލާ ނަމަ އެ ކޮމިޝަނަށް ވެސް އެއްބާރުލުން ދޭނެ ކަމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކުޑަބެގެކާފަދަރިއަބޯ
07 September 2020
ސިޔާސީގޮތުންވާދަވެރިވުމާއި ގޮވެލިތައް ގޮވަންޖެހޭ. ވާދަވެރި އަޑުގަދަކުރާ ޗެނެލްތައްވެސް ހުންނަންޖެހޭ. އެކަމަކު މުޖުތަމައެއްގެ މަސްލަހަތާއި ސިޔާސަތައްބަލާއިރު ތިކިޔާ ތޭރައަކީ އެއްވެސްގޮތަކުން ބަލައިގަނެވޭނެ އެއްޗެއްނޫން. ފިތުނަފަސާދަ ނޫން އެއްވެސްއެއްޗެއްނާދޭ. މިންގަޑަށް ފެތެންޖެހޭ ނޫނީ ބަލިމަޑުކަމުން އަރައިގަންނަންދެން ކޮރަންޓީނު ކުރަންޖެހޭ.
ބޭބެ.
07 September 2020
ރައީސް ވަހީދު މާފުކުރިހެން ރައީސް ސޯލިހް އަށް މާފު ނުދެވޭންވީ ކިއްވެ؟
ތުއްތޮންބެ
07 September 2020
ބަރާބަރު ދަގަނޑުކެނޑޭނީ ހަމަދަގަނޑުން.
ރަތްލާ
07 September 2020
އެއްޗަކުން ނިކުންނާނީ، އެއެއްޗެއްގައި ބުރި ދިޔައެއް! އެގޮތަށް ރ ޓީވީ އަދި ޗ 13 ދެންވެސް ހުރި ސިޔާސީ ޗެނަލްތަކުގައި މަސައްކަތް ކުރީ ނުވަތަ ކުރަނީ ހަމަ ރަތްލާ ޖެހި އަހަރެން ކަހަލަ ދިވެހިން! ވީމާ، ޚާއްސަކޮށް ސިޔާސީ މީހުން މުޒާހަރާކުރިޔަސް ޕްރޮގްރާމެއް ޕްރެޒެންޓްކުރިޔަސް ބަހުރުވަޔާ ޢަމަލު ހުންނަނީ އެއްގޮތަކަށް! ހިތަށް ގެނެސްބަލަ ޑރ. ވަހީދުގެ ސަރުކާރާއި ޔާމީނު ސަރުކާރުގެ ދުވަސްވަރު ރ ޓީވީގެ ބަހުރުވަ! ހަމަ ތިކިޔާ ޗ 13 ނުވަތަ އެއަށް ވުރެ ގޯސް! ކަމެއް ވެގެނެއްނުން މި ސަރުކާރުގެ ރިޔާސީ ވައުދެއްކަމަށް ވާ އެއްވެ އުޅުމުގެ މިނިވަންކަން ވެސް ދޫކޮށްލަން ނުކެރިގެން މި އުޅެނީ!
ކިޔުންތެރި7
07 September 2020
ތިއަށްވުރެ ތާކުންތާކު ނުޖެހޭ ޗެނަލްއެއް ނެތް އުވާލާ
ުވައި ސޫރި
07 September 2020
ޗެނަލް ތޭރައާމެދު ސިފައިންހިންގާ ތަހުގީގަކާ ބުރޯޑުކޮމްއިން ހިންގާތަހުގީގަކާ އެއްމަސްސަލައެއް ކަމުގާވިޔަސް ތަފާތުވާނެ ވީމާ ކިތެންމެ ވަރަކައްފުއްޕިޔަސް ޖެހޭނީހަމަ ޖަވާބުދާރީވާން މީޑިޔާތަކުގެ ބެލެނިވެރިފަރާތަކީ ޕީއެންސީއެއްނޫނެ އެފަރާތަކީ ބުރޯޑްކޮމް އޮޅިގެންނޫޅުއްވާ
ދޫނި
07 September 2020
ޗެނަލު 13 އުވާލަށް ލަސްވެއްޖެ. ފާޑް ފާޑް ތާކުން ތާކު ނުޖެހޭ ފުރޮގުރާމް ހަދާގެން ފުރެޒެންޓަރުން ނޭ ކިޔާފަ މިތިބޭ ކުދިން ވެސް ފެލި އަރުވަނި. އެއްވެސް ކަލަ ޑިސިފްލިން އެއް ނުހުރޭ. ވާހަކަ ދެށްކުމުގަ ރީތި ބަހުރަވެއް ނުގެން ގުޅޭ. ފިތުނަ އުފެންދުން ކަމަކީ.
މޯޑް
07 September 2020
ބުރޯޑްކޮމް ގަ ތިބި ބަޔަކު އެއްމެ ފުރަތަމަ ޖަވާބު ދާރީ ކުރުވަންވީ. ތަކުރާރު ކޮށް ޗެނެލް 13އިން ފިތުން ފަސާދަ އުފަށްދާ އެއްމެ ފަހުން ރައީސް ހަށިކޮޅުގަ އަލިފާން ޖަހަށް ގޮވީމަ ވެސް މަންސަލަ ބަލަނީ އޭ ކިޔާ ހަނު މި ތިބެނި. މިހާރު ދެން ފިޔަވަޅު އަޅާހާ ދުވަސް ވެއްޖެއްނު.
އާރީ
07 September 2020
ބުރޯޑްކޮމަކީ ބޭކާރު ތަނެއް. ތިކަހަކަ މުއަށްސަސާތައް ވީ އުވާލަށް. ބޭކާރު ރުފިޔާތަކެއް ހަރަދު ކުރަށް ކީންކުރަށް ބަހަށްޓާ ތަނެއް.
ބަކުރ
07 September 2020
ޗެނަލް-13 ބޭނުން ވަނީ އުޒުރުވެރި ވެގެން ބްރޯޑްކޮމްއިން އެ ޗެނަލްގެ ލައިސެންސް ހިފަހައްޓަން އޭރުން ކޮންމެވެސް ވާހަކައެއް ދައްކައިގެން މުޒާހަރާ ފެއްޓޭނީ... ބޭބެމެންވެސް ރާޒުވާ ކުޅެ ހަދަން ... ހެހެހެ