އެމްޑީޕީގެ ދަފްތަރުން ރީކޯ މޫސަ އުނިކުރަން އެދެފި

އެމްޑީޕީގެ ޖަލްސާއެއްގައި މޫސަ ވާހަކަ ދައްކަވަނީ: އޭނާ ދަފްތަރުން އުނިކުރަން އެމްޑީޕީން ވަނީ އެދިފައި. -- ފޮޓޯ: މައުރޫފް ހަލީލް

ފަޒީނާ އަހުމަދު، މިހާރު

31 އޮކްޓޯބަރ 2016 - 22:45

11 comments

ރައްޔިތުންގެ މަޖިލީހުގެ ހުޅު ހެންވޭރު ދާއިރާގެ މެމްބަރު ރީކޯ މޫސާ މަނިކު އެމްޑީޕީން ވަކިކޮށްފައިވާތީ އެ ޕާޓީގެ ދަފްތަރުން އޭނާގެ ނަން އުނިކުރަން އިލެކްޝަންސް ކޮމިޝަންގައި އެދިއްޖެ އެވެ.

އެމްޑީޕީގެ އޮފިޝަލަކު ވިދާޅުވީ ރީކޯ މޫސައާ މެދު ޕާޓީން ފިޔަވަޅު އަޅައި ޕާޓީން ވަކިކޮށްފައިވާތީ އެކަން ތަންފީޒުކޮށްދޭން އިލެކްޝަންސްގައި އެދިފައިވާ ކަމަށެވެ. އޭނާގެ ނަން އުނިކޮށް މަޖިލީހަށް ވެސް އެކަން އަންގައިދޭން އެދިފައިވާނެ ކަމަށް އޮފިޝަލް ވިދާޅުވި އެވެ.

މޫސަ ޑިސެމްބަރު 22، 2014 ގައި އެމްޑީޕީން ވަކިކުރަން ނިންމީ ސުޕްރީމް ކޯޓުގެ ފަނޑިޔާރުން މަދު ކުރަން ރައްޔިތުންގެ މަޖިލީހުގައި ނެގި ވޯޓުގައި ޕާޓީގެ ތްރީ ލައިން ވިޕާ ޚިލާފުވެ ވަޑައިގަތް މައްސަލައިގަ އެވެ. އެހެންވެ، ފިޔަވަޅު އަޅާ ކޮމެޓީން ނިންމީ މޫސަ މާފަށް އެދިވަޑައިގަތުމަށް ފަހު، 50 މެމްބަރުންގެ ސޮޔާ އެކު އަލުން ޕާޓީ އޮފީހަށް ފޯމް ހުށަހެޅުމަށެވެ. އަދި އެމްޑީޕީގެ އެއްވެސް އިންތިހާބެއްގައި ވާދަކުރުން ފަސް އަހަރަށް ވަނީ މަނާކޮށްފަ އެވެ.

ސިޔާސީ ޕާޓީތަކުގެ މެމްބަރުންގެ ގޮތުގައި ތިބެވޭނީ އިނގިލީގެ ނިޝާނާ އެކު ފޯމު ހުށަހަޅާ މީހުންނަށް ކަމަށް ގާނޫނަށް ގެނައި އިސްލާހާ އެކު އިނގިލީގެ ނިޝާން ހަމަކުރަން ޕާޓީތަކަށް ދިން އެއް މަސް ދުވަހުގެ މުއްދަތު ހަމަވިއިރު ވެސް އެމްޑީޕީން މޫސަގެ ފޯމު އިލެކްޝަނަށް ހުށަހަނާޅަ އެވެ.

އެކަމަކު، އޭނާ ޕާޓީން ވަކި ނުކޮށް، ފިންގާޕްރިންޓާ އެކު ފޯމު ހުށަހެޅި ހިންނަވަރު ދާއިރާގެ އެމްޑީޕީ މެމްބަރު އިބްރާހިމް މުހައްމަދު ސޯލިހް (އިބޫ) އާއި ގަލޮޅު އުތުރު ދާއިރާގެ އެމްޑީޕީގެ މެމްބަރު އީވާ އަބްދުﷲގެ އިތުރުން ޖުމްހޫރީ ޕާޓީގެ މެމްބަރު ފައިސަލް ނަސީމް ޕާޓީން ވަކިކޮށް އިލެކްޝަނުން މަޖިލީހަށް ވެސް އެންގި އެވެ.

މޫސަ ވަކި ނުކޮށް މި ތިން މެމްބަރުން ވަކިކުރި މައްސަލާގައި އިލެކްޝަނަށް ފާޑުކިޔުން އަމާޒުވި އެވެ. އެ ތިން މެމްބަރުން އަލުން ދަފްތަރުގައި ހިމަނައި އިލެކްޝަނުން އެކަން މިހާރު ވަނީ މަޖިލީހަށް އަންގައިފަ އެވެ.

އެމްޑީޕީ ސިޔާސީ ޕާޓީ ރައްޔިތުންގެ މަޖިލިސް މޫސާ މަނިކު (ރީކޯ) މަޖިލީހުގެ މެމްބަރުން އިލެކްޝަންސް ކޮމިޝަން

11 ކޮމެންޓް, 65 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ހަސަނު

01 November 2016

އަސްލު އިލެކްޝަނަށް ވަނީ މޫސަގެ މައްސަލާގަ ހަދާނެ ގޮތެއް ނެނގިފަ.. ސަރުކާރުން އެބަ ބުނޭ މޫސަ އެމްޑިޕީން ކަނޑާ ނުލާ ބަހައްޓާށޭ.. އަނެއްކޮޅުން ހަމަ ސަރުކާރުން އެބަބުނޭ ޕީޕިއެމް މީހުން ގިނަކަމަށަ ދެއްކުމަށް ފިންގަ ޕުރިންޓު ނެތް އެންމެން އެމްޑިޕީން ކަނޑާޅާށޭވެސް...

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގާދިރު ސޭޓް

01 November 2016

މޫސާއާ ނުބެހޭނެ. އެހެން އެންމެން ވަކި ކުރިޔަސް އެބާރެއް އިލެކްޝަނަކު ނެތް. މޫސަގެ ބާރުން ހޮވާފައި ތިބި މެމްބަރުން އެތާ ތިބިހާ ދުވަހަކު ތިކަމެއް ކުރާކަށް ލާހިކެއްނޫން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މުހަންމަދު

01 November 2016

ތިކަންކުރުން ލަސްވެސްވެއްޖެއެވެ. ތިޔަށްވުރެ އެމްޑީޕީއަށް ޣައްދާރުވީމީހަކު ނުހުންނާނެއޭވެސް ބުނެވިދާނެއެވެ. ޕާޓީގަހުރެގެން ޖާނުންފިދާވިއެވެ. ތެދެކެވެ! އެކަމަކު އެއީ ޕާޓީއަށްޓަކައެއްނޫނެވެ. ފޮރުވިފައޮތް އެދުންތަކަކަށްޓަކައެވެ! ދެމިހުންނަން ބޭނުންވާނީވެސް ހަމައެކަމަށްޓަކައެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އައްޑޫ ރަދުން

01 November 2016

ކޮމިޝަނުން ކިތަންމެ މަސައްކަތް ކުރިއަސް މޫސަގެ ނަމާ ހަމަޔަށް ނުދެވޭނެ.މޫސަގެ ނަންއޮތީ އަތްފޯރާ ފަށައް ވުރެން މަތީގަ..

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މައްތު

01 November 2016

މިހާރު މޫސައަކީ އެމްޑީޕީގެ މެމްބަރއެއް ނޫން އޭނަޔަކީ އެހެންނޫނަސް މިހާރު ޔަމިންގެ މީހެއް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަކުނުފުށި

01 November 2016

މީ އަރަތެއްކަހަލަ ކަމެއް. އީވާ އާއި އިބޫ ގެ އިގިލީގެ ނިޝާން ނެތީމާ ޕާޓީގެ ލިސްޓުން އުނިކުރެވޭ. މޫސަގެ ފޯމްގައި އިގިލީގެ ނިޝާން ނެތަސް އުނިކުރާކަށް ނުކެރޭ. ހަމަހަމަކަން ކޮބާ؟ ދެން ހަމަ އެކަަހަލަ އަނެއް އަރަތް. ޕާޓީއެއްގެ ތެރެއިން ތިމާ ބޭނުންނުވެގެން އުޅޭއިރު ހަމަ ފައިވިއްދާފަ އޭގެން ނުނެއްޓެވިގެން މިއުޅެން ޖެހޭގޮތެއް ނޭގުނު. ދުރަށްދިޔައިމާ ނިމުނީނު ކޮންކަމެއް! ގަޓް ނުހުއްނަނީބާ މިޒާތުގެ މީހުންގެ؟