ޚަބަރު / ހޯމްލޭންޑް ސެކިއުރިޓީ މިނިސްޓްރީ

ޔާމީނަށް ވަކީލުންގެ ބައްދަލުވުން ނުދޭ ކަމަށް ބުނެ އުޅެނީ ޝަރީއަތަށް ނުފޫޒު ފޯރުވަން: ހޯމް މިނިސްޓްރީ

ކުރީގެ ރައީސް އަބްދުﷲ ޔާމީން: އެމަނިކުފާނުގެ ލޯޔަރުން މަސައްކަތް ކުރައްވަނީ ޝަރީއަތަށް ނުފޫޒު ފޯރުވަން ކަމުގެ ތުހުމަތު ކުރޭ. --ފޮޓޯ/މިހާރު

ފަޒީނާ އަހުމަދު، މިހާރު

13 ޑިސެމްބަރ 2020 - 13:06

26 comments

މާފުށީ ޖަލުގައި ހުކުމް ތަންފީޒު ކުރައްވަމުން ގެންދަވާ ކުރީގެ ރައީސް އަބްދުﷲ ޔާމީނާ ބައްދަލުކުރަން ސަރުކާރުން ހުރަސްއަޅާ ކަމަށް ވިދާޅުވެ، އެ މަނިކުފާނުގެ ގާނޫނީ ވަކީލުން އުޅުއްވަނީ ކްރިމިނަލް ކޯޓުގައި ހިނގަމުންދާ ޔާމީންގެ ޝަރީއަތް ލަސްކޮށް ނުފޫޒު ފޯރުވަން ކަމަށް ހޯމް މިނިސްޓްރީން މިއަދު ބުނެފި އެވެ.

ޔާމީންގެ ވަކީލު ބައްދަލުވުންތަކަށް މި ސަރުކާރުން އެކި ހުރަސްތައް ކުރިމަތިކުރަމުންދާ ކަމުގެ ތުހުމަތު އެ މަނިކުފާނުގެ ވަކީލުން ގެންދަވަނީ ތަކުރާރުކޮށް ކުރައްވަމުންނެވެ. އެންމެ ފަހުން މިދިޔަ ހަފުތާގައި ވެސް ޔާމީނާ ބައްދަލުކުރަން ފުރުސަތު ނުދިން ކަމަށާއި ބޭނުމަކީ ކޯޓުގައި ދިފާއުވުމުން މަހްރޫމުކޮށް ހައްގެއް ނިގުޅައިގަތުން ކަމަށް ވަކީލުން ވިދާޅުވެ އެވެ.

Usool aa eggothah edhumun Yameen aa badhalu kohdheynan: Corrections

The most trusted news source in the Maldives

Mihaaru

މަނީ ލޯންޑްރިންގެ ކުށެއް ސާބިތުވެގެން ފަސް އަހަރުގެ ޖަލު ހުކުމެއް ތަންފީޒު ކުރައްވަމުން ގެންދަވާ ޔާމީންގެ މައްޗަށް ދައުލަތުން މިހާރު އުފުލާފައި ވަނީ މަނީ ލޯންޑްރިންގެ އިތުރު ދައުވާއަކާއި ރިޝްވަތު ގަބޫލު ކުރުމުގެ ދައުވާއެކެވެ. ދެ ދައުވާއާ ގުޅިގެން ބައެއް ލިޔުންތައް ނުލިބޭތީ އެ މައްސަލާގައި ޖަވާބުދާރީވުމަށް އިތުރު ފުރުސަތެއް ކްރިމިނަލް ކޯޓުން އެ މަނިކުފާނުގެ ވަކީލުންނަށް މިދިޔަ ހަފުތާގައި ވަނީ ދީފަ އެވެ.

އެ މައްސަލައިގައި ދެން އޮންނަ އަޑުއެހުން ބާއްވާނީ އަންނަ ޖެނުއަރީ މަހު ކަމަށް އެ ދުވަހުގެ ޝަރީއަތުގައި އިސް ގާޒީ ވަނީ ވިދާޅުވެފަ އެވެ.

Aa dhauvaa thakaa gulhigen Yameen ge vakeelunnah anekkaaves ithuru furusatheh

The most trusted news source in the Maldives

Mihaaru

ރައްޔިތުންގެ މަޖިލީހުގެ ޖަލްސާއެއްގައި ހޯމް މިނިސްޓަރު އިމްރާން މަޖިލީހަށް ޖަވާބުދާރީވެވަޑައިގަންނަވާއިރު އަރިހުގައި ހޯމް މިނިސްޓްރީގެ ސްޓޭޓް މިނިސްޓަރު ނަޒީރު.---ފޮޓޯ: މަޖިލިސް

ޔާމީންގެ ވަކީލުންގެ ތުހުމަތުތަކާ ގުޅިގެން ހޯމް މިނިސްޓްރީގެ ސްޓޭޓް މިނިސްޓަރު އަލީ ނަޒީރު ވިދާޅުވީ ވަކީލުންގެ ބައްދަލުވުންތައް ހަމަޖައްސައިދޭން އޮންނަ އުސޫލުގެ ތެރެއިން ތަފާތުނުކޮށް ޔާމީންގެ ވަކީލުންނަށް އިންތިޒާމު އަބަދުވެސް ހަމަޖައްސައިދޭ ކަމަށެވެ. މިއީ ކޮވިޑް-19ގެ ހާލަތަށް ވުމުން، ހޯމް މިނިސްޓަރު އިމްރާން އަބްދުﷲ ނުވަތަ ކޮމިޝަނާ އޮފް ޕްރިޒަންސް އަހްމަދު މުހައްމަދު ޖަލަށް ވަޑައިގަންނަވަން ބޭނުންވިޔަސް އެޗްޕީއޭގެ ގައިޑްލައިނަށް ތަބާވެވަޑައިގެން އޮންނަ އުސޫލަށް އަމަލުކުރައްވަން ޖެހިވަޑައިގަންނަވާނެ ކަމަށް ވިދާޅުވި އެވެ.

ޔާމީންގެ ވަކީލުންނަށް އެ މަނިކުފާނާ އެންމެ ފަހުން ބައްދަލު ނުކުރެއްވުނީ 72 ގަޑިއިރު ކުރިން ހަދާފައިވާ ޕީސީއާރު ޓެސްޓެއް ހުށަނޭޅުއްވުމުން ކަމަށް ކަރެކްޝަނަލް ސާވިސް އިން ބުނެ އެވެ.

ނަޒީރު ވިދާޅުވި ގޮތުގައި ޔާމީނަށް އެ މަނިކުފާނުގެ ވަކީލުންނާ ބައްދަލުކުރެވޭނެ އިންތިޒާމު ފަސޭހައިން ހަމަޖައްސައިދޭން ކަރެކްޝަނަލް ސާވިސް އިން އަބަދުވެސް މަސައްކަތް ކުރެ އެވެ. ޔާމީން މާލެ ގެންނަވައިގެން ވެސް ބައްދަލުކުރެއްވޭނެ ގޮތް ކަރެކްޝަނަލް ސާވިސް އިން ހަދައިދޭނެ ކަމަށް ވަކީލުންނަށް އަންގާފައިވާ ކަމަށް އޭނާ ވިދާޅުވި އެވެ.

"ނަމަވެސް ލޯޔަރުން އެކަމަށް އެއްވެސް އިޖާބައެއް ދީފައެއް ނުވޭ،" ނަޒީރު ވިދާޅުވި އެވެ.

ކްރިމިނަލް ކޯޓް މަނީ ލޯންޑްރިން ރައީސް އަބްދުﷲ ޔާމީން ޕީޕީއެމް/ޕީއެންސީ އިއްތިހާދު ޕީޕީއެމް ވަކީލުން ކޮރަޕްޝަން ހޯމްލޭންޑް ސެކިއުރިޓީ މިނިސްޓްރީ ދިވެހި ސަރުކާރު

26 ކޮމެންޓް, 47 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޢެހެންތަ ހީވަނީ

14 December 2020

އަދީބުގެ ސަރީއަތް ވެސް ކުރިއަށް ގެންދިއައީ ގެއަށް ބަދަލުކޮއްފަ . މިވަރުގެ ކޮވިޑެއް ގައުމުގަ ފެތުރޭހާލަތްގަ މިވަރުގެ ޝަރީއަތެއް ހިންގާ ޖެހުނު އިރު ރައިސްޔާ މީންވެސް ގެއަށް ބަދަލު ކޮއްފަ ދެން ސަރީއަތާކުރި މަތިލާން އި މްރާނެއް ކަ މަކު ބުނެބަލަ ލޯޔަރުން އުޅެނީ ޖަލުން ސަލާމަތް ކުރަން ސަރުކާރުން ހުރަސް ތައް ކުރި މަތި ކުރާނީ ޖެހިލުންވާތީ .

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރަދީފްއޮފިޝިއަލް

14 December 2020

ހޯމް މިނިސްޓްރީގެ ސްޓޭޓް މިނިސްޓަރު އަލީ ނަޒީރު - (ފޮތް ފިހާރައެއްގެ ސޭޓެއްގެ މަގާމުން ސްޓޭޓް މިނިސްޓަރެއްގެ މަގާމް ލިބުނީމަ މީހާ ބައެއް ފަހަރު މީހާއަށް ވެސް އޮޅޭނެ). .ވެދުން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރޯނު

14 December 2020

ޖަމީލު ބޭނުންވާނެ ޝަރީޢަތް ލަސްކުރައްވަން ސަބަބެއް ނެތިއެއްނޫން 2023 ގެ އިންތިޚާބުގައި ވާދަކުރައްވަން ޖަމީލު އާއި، ވަހީދު އެހުންނެވީ ފެންބޮވައިގެންފައި. ހަމަ އެހެންމެ ޢުމަރު ނަސީރުވެސް އެހުންނެވީ އެކަމަށް ދެވި ހިފާފައި 3 މީހުންނަކީވެސް ވެރިން ދައުލަތުން ޔާމީންމައްޗަށްކުރާ ދައުވާ ވަރަށްމަދު މަޤާމުގެ ނުފޫޒް ބޭނުންކޮށްގެން ނާޖާއިޒް ފައިދާ ހޯދުމުގެ ދަޢުވާއާއި މިހެންގޮސް ވަރަށްބައިވަރު ދަޢުވާ ކުރެވެންއެބަޖެހޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސަންފުލާވަރ ފުޅު

14 December 2020

މިއީ ރޔ ވުރެ އަނިޔާވެރިި ކެހިވެރި ހިޔަޅު ސަރުކާރެއް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އިއްޒަތު

14 December 2020

ޔާމީނަށް ގިނަ ދަޢުވާ ކުރެވެން ޖެހޭ އިރުވެސް މަދު ދަޢުވާ ކުރައްވާތީ ހިތާމަކުރަން ވެރިކަމަށް އައުމާއިއެކު ނުހައްޤް މުއްސަދިކަން ލިބި އެކައުންޓްތަކަށް ގޮތްނޭގޭ އެތައް ފައިސާއެއްވަދެ ގޯއްޗެއް ބައްލަވައިގަނެ އެތަނުގައި 17 ބުރީގެ ޢިމާރާތެއް އަޅައި އެކި އެކައުންޓްތަކުގައި 100 މިލިޔަނަށްވުރެ ގިނަ ފައިސާ އާއި ޑޮލަރު ވޭތުވެދިޔަ 05 އަހަރުގެ ވެރިކަމުގައި ލިބުމަކީ ބަލަންޖެހޭ ކަންކަން. ވިދާޅުވަނީ ހަދިޔާއަކަށް ތިމަންމަނިކުފާނަށް ލިބި ލެއްވި ފައިސާކަމަށް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އިބްރާހިމް އަހުމަދު

13 December 2020

ޖަމީލު ތިޓީމުގައި ބައިވެރިވިހިސާބުން އެނގިއްޖެ ރަނގަޅަކަށްނުދާނެކަން. ޖަމީލު ބޭނުންވަނީ ބަދަލުހިފަން. ފިސާރި ރަނގަޅަށް ބަދަލުހިފާލާނެ. ދާއިމަށް ގޮޅީގައިބާއްވާފައި ޖަމީލު މިފަހަރު ތިޕާރޓީގެފަރާތުން އިންތިޚާބުގަ ނުކުންނާނީ. ބަލަންތިބޭތި.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ތެދުވެރިޔާ

13 December 2020

ރާއްޖޭގަ އިންޑީޔާ މީހުން ވަޒަންވެރިކުރުވަން އަންނަ އަހަރު ސަރުކާރުން ވަނީ ނިމްމާފަ. މީ ވަރައް ދެރަވަރުގެ ކަމެއް. ސެކަންޑް ކޯމްގެ ނަމުގަ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބުރޯތީ

13 December 2020

ތީ އާކަމެއް ނޫން. ތީތި ތިހެން އޮންނަތާ ލައްކަ ދުވަސް ވެއްޖެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނާސިރު ބޭނުމީ މިނިވަންކަން.

13 December 2020

ރައިސް ޔާމިންގެ ތަރައްގީ ހަބޭސް ދައުލައް އޮތީ ވަރައް ތަނަވަސް ކޮއްދިީފަ. ވިސްނާފިކުރު ކުރާބަޔަކައް މިކަން އިހުސާސްވާނީ. ޖޭޕީ އަދާލަތު ޕާޓީ މިވަނީ ބިރިޔާނި ކޮތަޅަކައް ވިކިފަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބަސް

13 December 2020

ޔާމީނުގެ ވަކީލުން އެކަންޏެއް ނޫން. ޝަރީޢަތް ލަސްވުމުން ކޮންމެވެސްކަހަލަ ރަނގަޅެއް އޮތްކަމަށް ފެންނަ ކޮޅާއި އެކޮޅުގެ ވަކީލުން އުޅޭނީ ލަސްކުރަން. އަނެއްކޮޅުން އުޅޭނީ އަވަސްކުރަން.