ރާއްޖޭގައި ކޮވިޑް ޖެހޭ މީހުންގެ އަދަދު އިތުރުވެ އެ ބަލީގައި އެޑްމިޓްކޮށްގެން ފަރުވާ ދޭން ޖެހޭ މީހުންގެ އަަދަދު ވެސް އިތުރުވެ އެނދުތައް ފުރެން ފެށުމުން އެޗްޕީއޭ އިން ފިޔަވަޅުތައް ހަރުކަށި ކުރި. ނަމަވެސް އެ ފިޔަވަޅުތަކާ ޚިލާފުވާ މަންޒަރު ދަނީ ފެންނަމުން.
ވެހިކަލް ދުއްވުމުން މަނާކުރުމުން، ގިނަ ބަޔަކު ހިނގާފައި.-- ފޮޓޯ: ނިޝާން އަލީ/ މިހާރު
16 ފެބުރުއަރީ 2021 - 00:00
70 comments
ކޮވިޑުގައި ރާއްޖޭގެ ހާލަތު އެންމެ ގޯސްވެފައިވާކަމަށް ބުނެ ހެލްތު ޕްރޮޓެކްޝަން އެޖެންސީ (އެޗްޕީއޭ) އިން ޖެހީ އިންޒާރުގެ ވަރުގަދަ ރަނގަޅަބީލެވެ. އެ ބަލީގައި ހާލު ދެރަވާ މީހުންނަށް ފަރުވާ ދިނުމަށް ހާއްސަކޮށްފައިވާ އެނދުތައް ފުރެމުންދާ ކަމަށް ބުނެ، މިދިޔަ ހުކުރު ދުވަހުން ފެށިގެން ވަރުގަދަ ފިޔަވަޅުތަކެއް އަޅާފައިވެ އެވެ.
އެ ފިޔަވަޅުތަކުގެ ތެރޭގައި، ހަލުއިކަމާ އެކު ކޮވިޑު ފެތުރެމުންދާ މާލެ ސަރަހައްދުގައި ހަވީރު 6:00 އިން ހެނދުނު 6:00 އަށް ވެހިކަލް ދުއްވުން މަނާކުރުން ހިމެނެ އެވެ. އެކަމަކު ބޭރުގައި އުޅުން މަނާވާނީ ރޭގަނޑު 11:00 އިން ފަތިހު 4:30 އަށެވެ. އޭގެ އިތުރުން އެއްފަހަރާ 10 މީހުންނަށް ވުރެ ގިނައިން ބޭރަށް ނުކުތުން ވެސް މަނާކޮށްފައިވެ އެވެ.
މަނާ ވަގުތުތަކުގައި ވެހިކަލް ދުއްވާ މީހުން ހުއްޓުވަން ގިނަ އަދަދެއްގެ ފުލުހުން ހަރަކާތްތެރިވެ އެވެ. ނަމަވެސް ކަމާބެހޭ އިދާރާތަކުގެ އެންގުންތަކަށް ބޯލަނބާ މަންޒަރެއް މާލޭގެ މަގުތަކާއި ކެފޭ ރެސްޓޯރެންޓުތަކުން ނުފެނެ އެވެ.
ގައިދުރުކަމެއް ނެތި މަގުމަތީގައި އުޅޭ މީހުން މަދެއް ނުވި އެވެ. އެއް ބަޔަކު ގްރޫޕް ހަދާލައިގެން ވިޔަފާރިކުރުމުގަ އެވެ. ދެން ތިބި މީހުންނާ އެކު ކެފޭ ރެސްޓޯރެންޓުތައް އޮތީ ފުރިފަ އެވެ. ސިއްހަތަށް އެތައް ގެއްލުމެއް ލިބޭ ޝީޝާ އާއި ދުންފަތުގެ އިސްތިއުމާލުކުރަނީ އެވެ. އެޗްޕީއޭގެ އިންޒާރުތަކަށް ދިނީ ބީރު ކަންފަތެކެވެ.
ބަލިމަޑުކަމަކުން އަރައިނުގަނެވިގެން އުޅޭކަން ބައެއް މީހުން ހަނދާން ނެތީކަންނޭނގެ އެވެ.
ހަވީރުން ފެށިގެން 12 ގަޑިއިރަށް ވެހިކަލް ދުއްވުން މަނާކުރި އެއް ސަބަބެއް ކަމަށް އެޗްޕީއޭ އިން ބުނީ ރޭގަނޑު ބޭރުގައި އުޅޭ މީހުން މަދުކުރުމަށެވެ. އެޗްޕީއޭ އިން އާއްމުކޮށްފައިވާ މައުލޫމާތުތަކަށް ބަލާއިރު ވެސް އެންމެ ގިނައިން ކޮވިޑް ޖެހިފައިވަނީ ޒުވާނުންނަށެވެ. އޭގެ ތެރޭގައި، ފިރިހެނުންގެ އަދަދު ވަރަށް ގިނަ އެވެ.
ވެހިކަލް ދުއްވުމުން މަނާ ގަޑީގައި ވެހިކަލް ދުއްވި ބަޔަކު ފުލުހުން ހިފަހައްޓުވައި މައުލޫމާތު ހޯދަނީ.-- ފޮޓޯ: ނިޝާން އަލީ/ މިހާރު
ޒުވާނުންގެ ކެޓަގަރީގެ ތެރެއިން 21-30 ދެމެދުގެ 4،491 މީހަކަށް އަދި 31-40 އަހަރާ ދެމެދުގެ 4،520 މީހަކަށް ކޮވިޑް ޖެހިފައި ވެ އެވެ.
ބަލިން ރައްކާތެރިވުމަށް އެޅި ފިޔަވަޅުތަކަށް ބޮޑެތި ލުއިތަކެއް ދިނުމާ އެކު ކޮވިޑް ޖެހޭ މީހުންގެ އަދަދު ކޮންމެ ދުވަހަކު ވެސް ހުރީ 100 އިން މަތީގަ އެވެ. ފާއިތުވި 24 ގަޑިއިރު ހެދި ޓެސްޓުތަކުން 125 މީހަކު ޕޮޒިޓިވްވެފައި ވެ އެވެ. އެކްޓިވް ކޭސްތައް ވެސް 2،300 އިން މައްޗަށް އަރައިފި އެވެ.
ކަމާބެހޭ ފަރާތްތަކުން މަސައްކަތް ކުރަމުން ދަނީ މާލެ ސަރަހައްދު ފުލް ލޮކްޑައުނަކަށް ނުގޮސް މި ކަމުން އަރައިގަންނާށެވެ. ނަމަވެސް އެކަން މިހާރު އޮތީ އާއްމުންގެ އަތްމަތީގަ އެވެ. އެ ފިޔަވަޅުތަކަށް އަމަލުނުކޮށްފި ނަމަ އަނެއްކާވެސް، މީގެ އަހަރެއްހާ ދުވަސް ކުރިން މާލެ ސަރަހައްދުގައި އެޅި ފަދަ ފިޔަވަޅުތައް އެޅުމުގެ ފުރުސަތު އެބައޮތެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކިނބޫ
19 February 2021
ކޮން އެޗްޕީއޭއެއްތަ. ގުޅާފަ ތިހިރީ ކަރަންޓީނުގައޭ ބުނަން އެނގުނު. ގުޅާގުޅާ ފޯނެއް ނުނަގާ. ހާލުބެލުން އިން ސުވާލު ކޮށްކޮށް ވަރުބަލިވެއްޖެ. ލިބެންޖެހޭ ޑޮކިއުމެންޓް ލިބޭނެ ގޮތެއް ނެތް. ދެން ހަދަންވީގޮތެއް މާތްވެގެންވާ މިހާރު ނޫހުން ބުނެދީބަލަ. މިއޮތީވާ ކަމެއް.
ބެރު
17 February 2021
ކިތެއްމެ ފިޔަވަޅެއް އެޅިއަސް އެކަން ރަންގަޅަށް ތަންފީޒް ނުކުރެވެންޔާ ކަމެއް ހައްލެއްނުވާނެ.
ޒައިކް
16 February 2021
ނާހާނެތާ ވެހިކަލަށް އެކަނި ކޮވިޑް ޖެހެންޏާ.. އެބުނާހާ ސީރިއަސް ކަމެއް އޮތްނަމަ ސްކޫލުތަކާ އޮފީސްތަކާ ކެފޭތައް ދެ ހަފްތާއަށް ނަމަވެސް ބަންދުކުރީސްދޯ؟؟ އަދި އެވަރަށް ސޫރިއަސް ނުވަނީ
ންނން
16 February 2021
މާލޭގައި އުޅޭ ކޮވިޑް ވައިރަސް ބަލަނީ ރޭގަނޑު 8ގެ ފަހުން ދުއްވާ އެއްޗެހީގައި އުޅޭމީހުންގަޔަށް ވަދެވޭތޯ. އެހެންވެ އެޗްޕީއޭ އިން އެގަޑީގައި އެއްޗެހި ދުއްވުން މަނާކޮށްފައިވަނީ. ހިނގާފައި އުޅޭމީހުންގަޔަށް ނާރާނެތީ. އެޗްޕީއޭގެ ދޯހަޅި ސިޔާސަތު.
ޖޯރޭ 78
16 February 2021
ކީއްވެހޭ ފިޔަވަޅުނޭޅެންވީ؟ ތިއޮށް ބޮޑު މާލެ އެކަނި ލޮކްޑައުން ކޮއްލަބަލަ! ދެން ހުޅުމާލެއިން މާލެއަށް ޒަރޫރީ ބޭނުމެއް ނެތި ނާދެވޭ ގޮތް ހަދާބަލަ! ހުރިހާ ކަމެއްވެސް މީހުން ކައިރީ އާދޭސްކޮށްގެން ކުރަން ތިއުޅެނީ. ބަލަ ތިއީ ސަރުކާރު! ރައްޔިތުން ޖެހޭނީ ސަރުކާރުން އަންގާ ގޮތަށް އަމަލުކުރަން. އެހެން ނޫނީ ދާނީ ސީދާ ޖަލަށް! މަ މެންގެ އޯސަމް އެންޑް ފްލޯލެސް ސަރުކާރު އޮތް ނަމަ ދޯ! #ފްރީ ކަދުރު #ޕެސްޓްޓިކްލް ޖަލުގަ!
ސުވާލު
16 February 2021
ހަމަ ތެދެއް. އަހަރެމެންނަށް ކިތަންމެހާވެސް އުނދަގޫ ވާނެ. އެކަމަކު ސަރުކާރުގެ ނިންމުންތަކަށް ޢަމަލު ކުރާނަން.
ބޮންޑު
16 February 2021
ރަނގަޅަށް މަގުމައްޗައް ނިކުމެ ގުނާލަބަލަ، ގިނައީ ބިދޭސީން...
ހެވެއްނު
16 February 2021
އެމީހުންނަށް ކުރިން ވެކްސިން ދޭތީވެސް އެބަ މައްސަލައަކަށްވޭ އެކަމު. އެމީހުންނަށްވެސް ވެކްސިންދިނީމަ ބަލި ފެތުރުން ކޮންޓްރޯލްވާނީ. ގިނައިން ނިކުމެ އުޅޭ ބައެއްގެ ފަރާތުން ނުފެތުރޭނީ އެމީހުންނަށް ވެކްސިންދީގެން.
ފޮނިޓައްޕު ހަސަނު
16 February 2021
ސައި ހޮޓާ ތަކާއި ކެފޭ، ރެސްޓޯރަންޓްތަކުގައި އެތިބެނީ އެތަކެއް ހާސް ބަޔަކު މާސްކް ނާޅައި ކެެއުމާއި ސިނގިރެޓް ބުއިމުގައި.
އަލީ1960
16 February 2021
ރައްޔިތުންތޯ ދުވާލަކު 4 އެމިރޭޓްސް ފްލައިޓް ގެންނަނީ؟ ރައްޔިތުންތޯ ވޭރިއަންޓް އެންމެ ނުރައްކާ ޔޫކޭއިން ބްރިޓިޝް އެއަރވޭޒް ގެންނަނީ؟ އަދި ކަރަންޓީނު ނުވާން އެންގީ؟ ހޮޅި ވާހަކަ ނުދައްކާ ފެއިލްވެފައިވާ އޮތް ސަރުކާރު ދެންވެސް ރަގަޅު ކުރެވޭތޯ ބަލާބަލަ.
ވާންބެ
16 February 2021
ބަލަ ގަ ހަވީރު 6 ކުން ފަތިހު 6 ކައް ނޫން ތޯ ވެހިކަލް ދުއްވުން މަނަލީ . ހަވީރު 6 ކުން ރޭގަނޑު 1100 އައް ފައިމަގު ގަ އުޅެން ހުއްދަ ދީފަ ދެނ ްކީކޭތޯ ތިޔަކިޔަނީ ، ލޮލް
ވަހީދު
16 February 2021
މިދިޔަ ޖޫންމަހު މަ ރަށަށް ދިޔައީ އެޗްޕީއޭގައި އާދޭސްކޮށްގެން ހުއްދަ ހޯދައިގެން 14 ދުވަހު ކަރަންޓީނުގައި ހުންނަ ގޮތަށް، އެކުގައި ރަށަށްދިޔަ ނައިފަރުބައެއް އެއްފުލައޓްގައި، ރަށަށް ދިޔައީ އެއް ލޯންޗެއްގައި، އެމީހުން ކަރަންޓީންވާން ނުޖެހުނު. އެމީހުންދިޔައީ ކައިވެންޏަކަށްވާތީ. މަ ހުންނަން ޖެހުނު 18 ދުވަހު ކަރަންޓީނުގައި. މީތޯ މިފަދަ ވައިރަހަކުން ސަލާމާތްވާން ކަންތައް ކުރަންޖެހޭ ގޮތަކީ. ކޮންގޮތަކަށްތޯ މިގޮތް ބުއްދިއަށް ގަބޫލު ކުރެވޭނީ.