ކޯސްޓްގާޑް ޝިޕެއް.، އިންޑިއާގެ ބޯޓް ރާއްޖޭގެ ސަރަހައްދުން ބޭރަށް ގެންދިޔައީ ކޯސްޓްގާޑްގެ އެހީގައި
11 މާޗް 2021 - 12:58
22 comments
ރާއްޖޭގެ ކަނޑުގެ ސަރަހައްދުގައި މަސްވެރިކަން ކުރަން އުޅެނިކޮށް މިދިޔަ ހަފްތާގައި އަތުލައިގަތް އިންޑިއާގެ މަސްބޯޓާއި އޭގައި ތިބި މަސްވެރިން ދޫކޮށްލީ އެ މައްސަލައިގެ ތަހުގީގަށް ބޭނުންވާ މައުލޫމާތު ނަގާފައި ކަަމަށް ފުލުހުން މިއަދު ބުނެފި އެވެ.
ފުލުހުންގެ މީޑިއާ އޮފިޝަލް ވިދާޅުވީ ބޯޓް ރާއްޖޭން ފުރުމުގެ ހުއްދަ ދިނީ ފިޝަރީޒް މިނިސްޓްރީގެ ލަފަޔަށް ކަމަށެވެ. އަދި ރާއްޖޭގެ ސަރަހައްދުން ބޭރަށް އެ ބޯޓް ދަތުރުކުރީ އެމްއެންޑީއެފްގެ ކޯސްޓްގާޑުގެ ބެލުމުގެ ދަށުން ކަމަށް ވެސް އޭނާ ވިދާޅުވި އެވެ.
"ފުރުމުގެ ހުއްދަދީފައި ވަނީ ފުލުހުންގެ ތަހުގީގަށް ވެސް އަދި ފިޝަރީޒް މިނިސްޓްރީއަށް ވެސް ބޭނުންވާ ހުރިހާ މައުލޫމާތެއް ނެގުމަށް ފަހު،" ފުލުހުންގެ މީޑިއާ އޮފިޝަލް ވިދާޅުވި އެވެ.
އެކަމަކު އޭނާ ވިދާޅުވިގޮތުގައި އެ މައްސަލައިގެ ތަހުގީގު އަދިވެސް ދަނީ ކުރިއަށެވެ.
އިންޑިއާގެ ދަ ހިންދޫ ނޫހުން ބުނީ ރާއްޖޭގެ ސަރަހައްދަށް ވަދެ މަސްވެރިކަން ކުރަނިކޮށް އަތުލައިގަތީ ޓުޓީކޮރިންގެ ބޯޓެއް ކަމަށެވެ. ޓުޓިކޮރިން އަކީ ދެކުނު އިންޑިއާގެ ބަނދަރުމަތީ ސިޓީއެކެވެ. އެ ނޫހުން ބުނި ގޮތުގައި މަސްވެރިން ރާއްޖޭގައި ހައްޔަރުވުމުން އެ މީހުން ސަލާމަތް ކޮށްދޭން އެދި އާއިލާތަކުން އެދި ހުށަހެޅީ ކަލެކްޓާ ސެންތިލް ރާޖް އަށެވެ. އަދި އެމީހުން ސަލާމަތްވީ އޭނާގެ މަސައްކަތުންނާއި ރާއްޖޭގައި ހުންނަ އިންޑިއާ ހައިކޮމިޝަނުން ކުރި މަސައްކަތުން ކަަމަށް ވެސް ބުންޏެވެ.
މި ސަރަހައްދުގެ ގައުމުތަކުން އެއް ގައުމުން އަނެއް ގައުމުގެ މަސްވެރިން ހިފަހައްޓައި ފިޔަވަޅު އެޅުމަކީ މިހާރު އާންމުކޮށް ކޮށް އުޅޭ ކަމެއް ނޫނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
1828
12 March 2021
މިޚަބަރު ނިންމާލުމަށް ސަރުކާރުން ދޭނީ 100 އަކުން 100. އެހާވެސް ފުރިހަމަ. ބޮޑުވަރު ސަރުކާރަށް ތައުރީފްކޮށް ސަނާކިޔާފައި ޚަބަރު ލިޔުނަސް.
ލޮލްދެން
12 March 2021
ވައްކަން ކުރީމަވެސް ދެން ނަން ނޯޓް ކޮށްފަ ފޮނުވާލާ ގެޔަށް
އަހުމަސު
12 March 2021
ފިލާފާނެ ކަމުގެ ބިރަށް ޖިހާދު ޕާސްޕޯޓް ހިފަހައްޓައިފި. އިންޑިޔާ ބޯޓް މައުލޫމާތު ނަގާފަ ދޫކޮށްލާފި. މީ މީހުން ދައްކާ ކަހަލަ ވަހަކަތަ ? ގައުމުގެ ނައިބު ރައީސްކަން ކުރައްވާފަ އެތައް ޒަމަނެއް ވަޒީރުކަން ކުރެއްވީމަ މަސްވެރިޔަކަށް ވުރެ ހާލު ދެރަ. ސިޔާސީ ދިޔާ ސީ އަށް.
އަދޫ
12 March 2021
މަޢުލޫމާތު ނަގާފަ ބޮޑެތި ކުއްކުރާ މީހުންވެސް ދޫކުރާނަމަ.
ކެރަމް
11 March 2021
ފިޝަރީޒް މިނިސްޓްރީއަށް މި ލުއި ދެވެން ގާނުންގައިއޮވޭތަ؟ ނޭންގޭތީ އަހާލީ
އުދުހޭ
11 March 2021
މިހެން ދޫކޮށްލުމަށްވުރެ ރަގަޅުވާނެ ބާނާފަހުރި މަސްކޮޅު އަތުލާފަ ރަގަޅު ލޮނުމިރުސްގަނޑެއް ފުނޑާލައިގެން އާއިލާއާއެކު ބާބެކިއު ހަދާލައިގެން ސުފުރާމަތިން ތަހުގީގުކޮށްލިނަމަ!
ޝޮކްތެރަޕީ
11 March 2021
ރާއްޖޭގެ ކަނޑުތަކުގަ ހިތުހުރިގޮތަކައް އިންޑިޔާ އެއުޅެނީ މީ ދެރަވަރުކަމެއް.
ޒަރީރު
11 March 2021
ރާއްޖޭގަ ގިނަވެގެން މިއުޅެނީވެސް މައުލޫމާތު ނަގާފަ ދޫކޮށްފަ ތިބި ބަންގާޅުން. ވޯލްޑްވައިޑް ފުރީ ވިސާ
ބޮޑުވަޒީރު
11 March 2021
އިންޑިޔާގެ މަސްވެރިންނަކީ މިސަރަހައްދުގައި ޤަވާއިދާ ޤާނޫނާއި ޙިލާފަށް ކުރެވޭ މަސްވެރިކަމުގައި އެންމެ ފުންނާބު އުސް ފަރާތް. މިވަގުތު ގައި ދަނީ އިންޑިޔާ ކަނޑުގެ ރީނދޫ އުރަހަކަންނެލި ސްޓޮކް ހީނަރުވެގެން ސްޓޮކް ރީބިލްޑް ކުރުމަށް ޤައުމުތަކުގައި މަޝްވަރާކުރުމަށް. ރާއްޖޭގެ މަސްކަނޑުތަކުގައި އިންޑިޔާގެ މަސްވެރިން ވަގަށް މަސްވެރިކަން ކުރަމުން ދާއިރު ފިޝަރީޒް މިނިސްޓްރީއިން އައިޓޯސީއަށް ރިޕޯރޓް ނުކޮށް މައްސަލަ ހިންދާލުމަކީ ވަރަށް ޒިންމާދާރުކަން ކުޑަކަމެއް
ކޮރަލް
11 March 2021
ކުޑަކަކޫ މައްޗަށް ތިރި ވަނީ އެވެ.