ވެކްސިންތައް ލިބުން ލަސްވުމުން ރާއްޖެ އިން ފަހުން ވަނީ 300،000 ޑޯޒް ގަންނަން އިންޑިއާގެ ސީރަމް އިންސްޓިޓިއުޓާއެކު ސޮއިކޮށްފައި. އެ އެއްބަސްވުމުގައި ސޮއިކުރިތާ މާ ގިނަ ދުވަހެއް ނުވެ 100،000 ޑޯޒް ލިބިފައިވޭ.
އެސްޓްރަޒެނެކާ ވެކްސިން. --ފޮޓޯ:އޭއެފްޕީ
05 އެޕްރީލް 2021 - 14:11
12 comments
ކޮވިޑް-19 އިން ދިފާއުވުމަށް ރާއްޖެ އިން ގަންނަން ސޮއިކޮށްފައިވާ ވެކްސިންގެ 700،000 ޑޯޒް ލިބޭނެ ތާރީޚެއް އަދިވެސް ނޭނގޭ ކަމަށް ހެލްތު އިމަޖެންސީ އޮޕަރޭޝަން ސެންޓަރު (އެޗްއީއޯސީ) އިން މިއަދު ބުނެފި އެވެ.
އެސްޓްރާޒެނެކާ އަދި އޮކްސްފޯޑު ޔުނިވާސިޓީ ގުޅިގެން އުފައްދާފައިވާ ވެކްސިން ގަންނަން ސަރުކާރުން ވަނީ މި އަހަރުގެ ކުރީކޮޅު، އެސްޓްރާޒެނެކާ ސިންގަޕޯ ޕީޓީއީ، އެލްޓީޑީއީއާއެކު ސޮއިކޮށްފަ އެވެ. އެ އެއްބަސްވުމުގެ ދަށުން 700،000 ޑޯޒް ގަންނާނެ އެވެ. ނަމަވެސް ތިން މަސް ވިއިރު ވެސް އެސްޓްރާޒެނެކާ ވެކްސިނެއް ރާއްޖެއަކަށް އަދި ނުލިބެ އެވެ.
އެކަމާ ގުޅިގެން އެޗްއީއޯސީގެ ކޮމިއުނިކޭޝަން އޮފިޝަލަކު ވިދާޅުވީ އެސްޓްރާޒެނެކާގެ ސިންގަޕޫރު ކުންފުންޏާއެކު ވަރަށް ރަނގަޅަށް މަޝްވަރާތައް ކުރިއަށް ގެންދާ ކަމަށެވެ.
"އެ މީހުންނާ ވަރަށް ރަނގަޅަށް ކޮމިއުނިކޭޓް ކުރަމުން މި އަންނަނީ. އެކަމަކު ވެކްސިން ލިބޭނެ ސީދާ ތާރީހެއް ނުބުނެވެނީ ގްލޯބަލް ޝޯޓޭޖެއް އުޅޭތީ ކަމަށް ވެދާނެ،" އޭނާ ވިދާޅުވި އެވެ.
ވެކްސިންތައް ލިބުން ލަސްވުމުން ރާއްޖެ އިން ފަހުން ވަނީ 300،000 ޑޯޒް ގަންނަން، ކޮވިޝީލްޑް އުފައްދާ އިންޑިއާގެ ސީރަމް އިންސްޓިޓިއުޓާއެކު ސޮއިކޮށްފަ އެވެ. އެއްބަސްވުމުގައި ސޮއިކުރިތާ މާ ގިނަ ދުވަހެއް ނުވެ 100،000 ޑޯޒް ލިބިފައި ވެ އެވެ.
ކޮވިޑް ވެކްސިންގެ ދެ ވަނަ ޑޯޒު ޖަހަން މިދިޔަ ހޮނިހިރު ދުވަހު ފަށާފައި ވަނީ އެ ޑޯޒުތަކުންނެވެ. މިހާތަނަށް 3،737 މީހުންނަށް ވެކްސިންގެ ދެ ވަނަ ޑޯޒު ދީފައި ވެ އެވެ.
މުޅި ދުނިޔޭގައި ވެސް ކޮވިޑް ވެކްސިނަށް އޮތް ޑިމާންޑާ އެއްވަރަށް އެ ނުއުފެއްދޭތީ ބައެއް ގައުމުތަކުން ވެކްސިން އެކްސްޕޯޓު ކުރުމުން މަނާކޮށްފައި ވެ އެވެ. އެތައް ގައުމެއްގައި ބޭނުންކުރާ ކޮވިޝީލްޑް ވެކްސިން ބޭރުކުރުން ވެސް އިންޑިއާ އިން މަނާކޮށްފައި ވެ އެވެ. އެކަމަކު ރާއްޖެ އިން މިދިޔަ މަހުގެ ފަހުކޮޅު 100،000 ޑޯޒު ލިބުނީ ހާއްސަ ފުރުސަތެއްގެ ދަށުންނެވެ.
ޔޫރަޕްގެ ގައުމުތަކަށް ބޭނުންވާ ވަރަށް ވެކްސިން ނުއުފެއްދުމުން ވެސް އެ ހިސާބުތަކުން، ދުނިޔޭގެ އެހެން ސަރަހައްދުތަކަށް ވެކްސިން އެކްސްޕޯޓުކުރުމުގައި ދަތިތަކާ ކުރިމަތިލާން ޖެހިފައި ވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކުދުބެއްޔާ
05 April 2021
މާތްމީހާއަށް ވަރަށް ސަލާމަށްފަހު ދަންނަވަމެވެ. ތިޔަ އެގްރީމެންޓްގައި ވެކްޝިން ޑެލިވަރ ކޮށްދޭން އެއްބަސް ވެފައިވާ ދުވަސްތަކާ އަދަދު ލިޔެވިފަ އިންތޯ ނުވަތަ ޑެލިވަރ ކޮށްދެން ޖެހޭކަމަށް ލިޔެފަ އިންތޯ ރަގަޅަށް ޗެކްކޮށްލާށެވެ.
ފަޒޫ.
05 April 2021
ހެލްތް މިނިސްޓަރު ވަރަށް ފޮނިކެނޑި ދެއްތޯ މާޗް އޭކިޔައިގެން...
ޒަރީރު
05 April 2021
ކިތައް ޑޯޒު ވެކްސިންތަ ރާއްޖެއަށް މުޅިއެކު ބޭނުންވަނީ؟ ހިލޭ އެހީގެ ގޮތުގައި ކިތައް ޑޯޒު ލިބިއްޖެ؟ އަދި އިތުރަށް ބޭނުންވަނީ ކިހާވަރެއް؟ މިހެން މިއަހަނީ،. 700،000 ޑޯޒު ގަންނަން ސިންގަޕޫރު ކުންފުންޏަކަށް އޯޑަރު ދީގެން އަދިވެސް ނުލިބޭ ވާހަކަ އޮތީމާ. މިހާރު 246896 މީހުންގެ ގަޔަށް ހިލޭ ލިބުނު ފުރަތަމަ ޑޯޒު ޖަހައިފިޔޭ އެޗް.ޕީ.އޭ އިން ބުނޭ.
ޑަބިޔާ
05 April 2021
ކިހާ ފަައިސާއެއް އެޑްވާންސްކޮއް ދީގެންތޯ ވެކްސިން ކޮޅު ނައިސްގެން އުޅެނީ. މިސަރުކާރުގެ ލާރި ދައްކާ އެއްޗެއް ނާދޭ މިހާރު
ނާޑް
05 April 2021
ހުނ! ސޭމް އޯލްޑް ވެންޓިލޭޓަރ ސްޓޯރީ ބެކް ކަންނޭގެ!
ބޮޑުމީހާ
05 April 2021
މިނޫނީ ނޫޅޭނެ ގަންނަ އެއްޗެއް ނުލިބެނީސް ލާރި ދައްކާ ބަޔަކު!
މާލޭގައިވެސްހައްދުންނެއްޓިއްޖެއޭ
05 April 2021
ތިޔާ 7 ލައްކަ ވެކްސިން ޑޯޒް ނުލިބޭނެއޭ ރާއްޖެ އަށް ދުވަހަކު ވެސް ތިޔާއީ ދައުލަތުގެ ޚަޒާނާއިން ފައިސާ ތަކެއް ނަގާ ނަމުގައި އިންޑިއާގެ ސީރިއަމް ކުންފުންނަށް ދިން ފައިސާ ތަކެއް ހަގީގަތުގައި ތިޔާ ފައިސާ އަކީ ވެރިކަން ކުރާ އެމްޑީޕީ އަށް ކެމްޕެއިނަށް ދައުލަތުގެ ޚަޒާނާއިން ވަގަށް ނެގި ފައިސާއޭ ތިޔާ 7 ލައްކަ ވެކްސިނަށް ވާ ފައިސާ ވެކްސިން އުފައްދާ އިންޑިއާ ކުންފުންނަށް ނުދީ އޮންނާނީ މިހާރުވެސް ބަލާ މިކަން މިގޮތަށް ހިނގާނީ އެމްޑީޕީގެ ވެރިކަމުގައި ވައްކަން
ހުސޭނުބެ21
05 April 2021
ބަލަ އިންޑިއާ ޖުންފުންޔަކާއެއް ނޫނޭ އެއްވަސްވުމެއް ހެދީ، ސިންގަޕޫރު ކުންފުންޔަކާ 7 ލައްކަޑޯޒު ގަންނަން ހަވާލުކުރީ.
ޖުލައި2021
05 April 2021
ތީ ހަމަ ވެންޓިލޭޓަރު ކަންތަށް ކަހަލަ ކަމެއް. ތިލާރިވެސް ދެން ތި ދިޔައީ. ތިކަން ތަހްގީގު ކޮށް އަވަހަށް ފިޔަވަޅު އަޅާނެބާ. މިފަހަރު ތިބީ ހުސް މައިޕާޓީގެ ވަޒީރުން
ކަންބަޅިލީ
05 April 2021
މިފަހަރު އޯކޭވާނެ. ޕާޓީކުފިންނެއްނުން. ކަންބަޅިއެއްނެތެއްނުން މިފަހަރު
ޑިސްއޮނަރަބަލް ޑީޑީ
05 April 2021
ނަސީމްބެއާ އަމީރު އިސްތިއުފާ!
ނައު77
05 April 2021
ސަލްމާން މިސްކިތް (ރޯދަ މަހު) = މިހާރު ނިމޭނެ ދުވަހެއް ނޭނގެ ހިޔާ ފްލެޓް ( މިދިޔަމަހު 31) = މިހާރު ނިމޭނެ ދުވަހެއް ނޭނގެ. ޥެކްސިން ޑީލް = ލިބޭނެ ދުވަހެއް ނޭނގެ. ތިމީހުންނައް އެނގޭ ކަމެއް އެބައޮތްތަ؟