ކަންޔޭ ވެސްޓްގެ ބޫޓު 1.8 މިލިއަން ޑޮލަރަށް ވިކިއްޖެ

އަހުމަދު އަދްޝަން، މިހާރު

28 އެޕްރީލް 2021 - 08:26

މީގެ 13 އަހަރު ކުރިން ބޭއްވި 50 ވަނަ ގްރެމީ އެވޯޑްސްގައި އެމެރިކާގެ މަޝްހޫރު ރެޕާ ކަންޔޭ ވެސްޓް އެރި ބޫޓު ނީލަމުގައި ވިއްކައިލަން ހުޅުވައިލުމުން 1.8 މިލިއަން ޑޮލަރަށް ވިކިއްޖެ އެވެ.

ހޮންކޮންގްގެ ކޮންވެންޝަން އެންޑް އެގްޒެބިޝަން ސެންޓަރުގައި މި މަހުގެ 16-21 އަށް ބޭއްވި އެ ނީލަން އިންތިޒާމުކުރި އެމެރިކާގެ ސޮދަބީޒް އޮކްޝަން ހައުސް އިން ހޯމަ ދުވަހު ބުނީ މިލިއަން ޑޮލަރުގައި ވިއްކައިލަން ހުޅުވައިލުމުން އެއަށް ލިބުނު އަގަކީ މިހާތަނަށް ސްނީކާޒްއަކަށް ނީލަމެއްގައި ލިބުނު އެންމެ ބޮޑު އަގު ކަމަށެވެ. ކަޅާއި ރަތް ކުލަ ހިމެނޭ އެ ބޫޓަކީ ކަންޔޭގެ ބްރޭންޑް ޔީޒީ އާއި ނައިކީ ގުޅިގެން އުފެއްދި ނައިކީ އެއާ ޔީޒީ 1 ޕްރޮޓޯޓައިޕެވެ.

ސޮދަބީޒް އިން ބުނި ގޮތުގައި ނީލަމުގައި ބޫޓް ކާމިޔާބުކުރީ ރެއާޒް އިންވެސްޓިން ޕްލެޓްފޯމަކުން ކަމަށެވެ. އެތަނުގެ އެއް ބާނީ އަދި ސީއީއޯ ޖެރޯމް ސެޕް ވިދާޅުވީ ކަންޔޭގެ ބޫޓް ރެކޯޑް އަގަކަށް ގަތީ "ތާރީހީ އެއްޗެއް" ގެ ގޮތުގައި ދެކިގެން ކަމަށެވެ.

World Record: This pair of Kanye West ‘Grammy Worn’ Nike Air Yeezy 1 Prototypes from 2008 sold for $1.8 million today. Acquired by sneaker investing platform @raresapp via private sale, the pair set a new world record price for a pair of sneakers. https://t.co/bdgKtrHLY2
— Sotheby's (@Sothebys) April 26, 2021

"އަހަރެމެންގެ މަގުސަދަކަށްވީ އެހާ އައިކޮނިކް ބޫޓެއް ގަނެ، ތާރީހަށްޓަކައި ރައްކާކުރުން،" އޭނާ ވިދާޅުވި އެވެ. "މިއީ ހަގީގަތުގައި ސްނީކާޒްގެ ކަލްޗާގައި ވަރަށް ފާހަގަކޮށްލެވުނު އެއްޗެއް. އެއަށް ވަރަށް ގިނަ ސަމާލުކަން ހުއްޓުނުކަމީ ވެސް ގިނަ ބަޔަކަށް އެނގޭ ކަމެއް."

ރެކޯޑް އަގެއް ކަންޔޭގެ ބޫޓަށް ލިބިފައިވާތީ ސޮދަބީޒްގެ ސްޓްރީޓްވެއާ އެންޑް މޮޑަން ކަލެކްޓަބަލްސްގެ ހެޑް ބްރާމް ވޮޗާ ވިދާޅުވީ މިއީން ދައްކުވައި ދެނީ ކަންޔޭގެ އާއި އޭނާގެ ލެގަސީގެ ނުފޫޒުގަދަކަން ކަމަށެވެ.

މިދިޔަ އަހަރު ބޭއްވި އެމެރިކާގެ ރިޔާސީ އިންތިހާބުގައި ވެސް ވާދަކުރި ކަންޔޭ އަކީ އެމެރިކާގެ މަޝްހޫރު ސެލެބްރިޓީ ކިމް ކާޑޭޝަންގެ ފިރިމީހާ އެވެ. ކިމް ވަނީ ކަންޔޭގެ ގާތުން ވަރިވާން ފެބްރުއަރީ މަހު ކޯޓަށް ހުށަހަޅައިފަ އެވެ.

Kanye Westge booteh million dollarah vikkailanee

The most trusted news source in the Maldives

Mihaaru

ހޮންކޮންގް ސެލެބްރިޓީން ކިމް ކާޑޭޝިއަން ގްރެމީ އެވޯޑްސް އެމެރިކާ ބޫޓު

4 ކޮމެންޓް, 1 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އިބިރަހިމާ

28 April 2021

ދުނިޔޭގައި ކޮސް މުއްސަދިންވެސް އެބަ އުޅޭކަން މި ދޭހަވޯ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އިބާސް

28 April 2021

ތިބާގެ ކޮަސްކަމާއެވެ. އެބޫޓުގަތް ފަރާތުން އެބޫޓް ބޭނުންކޮށްގެން އެތައްމިލިޔަން ޑޮލަރެއް ހޯދާނެކަމީ މިއަދުގެ ދުޔޭގެ ފެންނާންއޮތް ހަޤީޤަތެކެވެ. މަޝްހޫރުމީހުން ބޭނުންކުރާ ތަކެއްޗާއި ތާރީޚީ ތަކެއްޗަކީ އެއިން ނަފާލިބޭ އެއްޗިއްސެވެ.