ރައީސް އިބްރާހިމް މުހައްމަދު ސޯލިހު އަދި ޑިފެންސް މިނިސްޓަރު މާރިޔާ ރަސްމިއްޔާތެއްގައި ބައިވެރިވެވަޑައިގަންނަވަނީ.. ނަޝީދަށް ހަމަލާއެއް ދޭން އުޅޭކަމުގެ އެނގިވަޑައިގެން ހުންނެވިކަމަށް ވިދާޅުވުމުން މާރިޔާ އިސްތިއުފާ ދޭން ޖެހޭ ކަމަށް ކުރީގެ ހޯމް މިނިސްޓަރު އުމަރު ވިދާޅުވި އެވެ.-- ފޮޓޯ: ނިޝާން އަލީ/ މިހާރު
14 މެއި 2021 - 23:11
49 comments
ރައްޔިތުންގެ މަޖިލީހުގެ ރައީސް މުހައްމަދު ނަޝީދަށް ބޮމުގެ ހަމަލާއެއް ދިނީ އެފަދަ ހަމަލާއެއް ދޭން އުޅޭކަމުގެ މައުލޫމަތު އެނގިވަޑައިގެން ހުންނަވަނިކޮށް، ބަޔަކު ހަމަލާ ދީފައި ވާތީ ޑިފެންސް މިނިސްޓަރު މާރިޔާ އަހުމަދު ދީދީގެ އިސްތިއުފާ އަށް ގޮވަން ފަށައިފި އެވެ.
ނަޝީދަށް ހަމަލާއެއް ދޭން ކަމުގެ މައުލޫމާތު ރައްޔިތުންގެ މަޖިލީހުގެ އެމްޑީޕީ މެމްބަރަކު އެތައް ދުވަހެއް ކުރިން މާރިޔާ އަށް ދެއްވިކަން "މިހާރު"ގައި ރިޕޯޓްކޮށްފައި ވަނިކޮށް މާރިޔާ އެކަން ކަށަވަރުކޮށްދެއްވީ "ރާއްޖެ އެމްވީ" އަށް މިއަދު ދެއްވި އިންޓަވިއުއެއްގަ އެވެ. އެ މައުލޫމާތު ދެއްވީ ހުޅުދޫ ދާއިރާގެ މެމްބަަރު އިލްޔާސް ލަބީބު ކަމަށް އިލްޔާސް އަމިއްލަ އަށް މިއަދު ވިދާޅުވި އެވެ. އިލްޔާސް އަކީ ރައްޔިތުުންގެ މަޖިލީހުގެ ސަލާމަތީ ހިދުމަތްތަކުގެ ކޮމިޓީ (241 ކޮމިޓީ) ގައި ވެސް ހިމެނިވަޑައިގަންނަވާ މެމްބަރެކެވެ.
ގާނޫނުއަސާސީގައި ބަޔާންކޮށްފައިވާ އެ ކޮމިޓީއަކީ ސަލާމަތީ ހިދުމަތްތައް ހިނގާ ނުހިނގާ ގޮތް ބެލުމުގެ ޒިންމާ އޮންނަ ކޮމިޓީ އެވެ.
ސޯޝަލް މީޑިއާގައި މާރިޔާގެ އާ މެދު ނުރުހުން ފާޅުކުރި ބައެއް މީހުން ބުނީ އޭނާއަށް މައުލޫމާތު އެނގިވަޑައިގެން ހުންނަވަނިކޮށް ހަމަލާ ދެވުމަކީ އޭނާ ލަދުވެތިވެވަޑައިގަންނަވަން ޖެހިވަޑައިގަންނަވާ ކަމެއް ކަމަށެވެ.
އަލީ ސިރާޖްގެ ނަމުގައި ޓްވީޓްކުރި މީހަކު ބުނީ އެހެން ބައެއްގެ ވެރިކަމެއްގައި ހިނގި ކަމެއް ނަމަ މާރިޔާ ހުންނަވާނީ އިސްތިއުފާއަށް ގޮވާ މީހުންގެ އެންމެ ކުރީގައި ކަމަށާއި އެހެން ނަމަވެސް މިހާރު ހުންނެވީ އަޑުއިވިވަޑައިނުގަންނަވާ ކަމަށް ހެދިގެން ކަމަށެވެ. އޭނާ މިހެން ބުނި އިރު ސޯޝަލް މީޑިއާ ފޮލޯވާސް ގިނަ ބައެއް މީހުން ވަނީ އެ މީހުންގެ ޓްވިޓާ ހޭންޑުލްގެ ނަން ވެސް "މާރިޔާ އިސްތިއުފާ" އަށް ބަދަލުކޮށްފަ އެވެ. އޭގެ ތެރެއިން އެކަކު ބުނީ ހަމަ އެކަނި މާރިޔާގެ އިސްތިއުފާއިން ނުފުދޭ ކަމަށާއި އޭނާއާ ދެކޮޅަށް ދައުވާ ވެސް ކުރަން ޖެހޭ ކަމަށެވެ.
ޕީޕީއެމްގެ ތަރުޖަމާނު ހީނާ ވަލީދު ވިދާޅުވެފައި ވަނީ "އިންޑިޔާ ފަދަ ބޮޑު ބާރަކުން ރާއްޖެ ހިފަން ބޭނުން ނަމަ ކުޑަ ވަގުތުކޮޅެއްގެ ތެރޭގައި އެކަން ކުރެވޭނެ ކަމާއި ރާއްޖެ އަށް ކުރެވޭނެ ކަމެއް ނެތް ކަމަށް އިންޑިޔާގެ ޓީވީތަަކަށް އަރާ ބުނި މީހަކު ޑިފެންސް މިނިސްޓަރަކަށް ހެދީމަ ވާ ގޮތް މި ފެންނަނީ" ކަމަށެވެ.
މާރިޔާގެ އިސްތިއުފާ އަށް ރައްޔިތުންގެ މަޖިލީހުގެ ބައެއް މެމްބަރުން ވެސް އެބަ ގޮވާލައްވަ އެވެ. އޭގެ ތެރޭގައި މަހިބަދޫ ދާއިރާގެ މެމްބަރު އަހުމަދު ތޯރިގު ވެސް ހިމެނިވަޑައިގަންނަވަ އެވެ.
ރައީސް ނަޝީދަށް ދިން ހަމަލާގެ ތަހްޤީޤް ނިމެންދެން، ޑިފެންސް މިނިސްޓަރު މާރިޔާ މަޤާމުގެ މަސްޢޫލިއްޔަތުން ދުރުކުރުމަކީ ދެފުުއް ފެންނަ ތަހްޤީޤަކަށް މުހިއްމު ކަމެއް. މިހާރު ތިލަވާ މަޢުލޫމާތާއި، ޕްރެސްގައި ދެއްކިވާހަކައަށް ބަލާއިރު މިނޫން ގޮތެއްނުފެނޭ. @MohamedNasheed @ibusolih pic.twitter.com/jTMg0d6CCh
— Ahmed Thariq (@AhmedThaariq) May 14, 2021
މަޖިލީހުގެ ކުރީގެ މެމްބަރުކަން ކުރިން ކުރެއްވި އަދި ކުރިން އެމްޑީޕީގައި ވެސް އިސްކޮށް އުޅުއްވި ޝިފާގް މުފީދު (ހިސްޓޯ) ވިދާޅުވީ ރައީސް އިބްރާހީމް މުހައްމަދު ސޯލިހުގެ އިހުލާސްތެރި ނިޔަތެއް އޮތް ނަަމަ މި ހާލަތުގައި މާރިޔާ ވަކިކުރެއްވީސް ކަމަށެވެ.
"ރަހުމަތްތެރިޔާ މަރުދާނަށް ފޮނުވާލި ހަމަލާ ދޭން އުޅޭކަން އެނގިހުރެ ސިއްރުކުރި މީހާ އަރިހުގައި އެ ބަހައްޓަނީ ނިޔަތް ހަރާބުވީމާ،" ރައީސް އިބްރާހިމް މުހަންމަދު ސޯލިހަށް އިޝާރާތް ކުރައްވައި އޭނާ ވިދާޅުވި އެވެ.
ޝިއުޒްގެ ނަމުގައި ޓްވީޓްކުރި މީހަކު މާރިޔާއަށާއި އިލްޔާސަށް ވެސް ވަރަށް ބޮޑަށް ފާޑުކިޔާފައި ވެ އެވެ. އޭނާ ބުނީ މިކަހަލަ ސީރިއަސް ކަމެއްގައި ކަންކުރަންވީ ގޮތް ކިޔައިދޭން މިޖެހުނީ ޓްވިޓާގެ އަހުލުވެރިންނަށް ކަމަށެވެ. މިހެން ކަންތައް ވުމުން ސަރުކާރުގެ ދޯދިޔާކަން ޓެރަރިސްޓުންނަށް ވެސް އެނގޭނެ ކަމަށް އޭނާ ބުންޏެވެ.
ނަޝީދުގެ ކައިރިން އެއްޗެއް ގޮއްވާލި އިރު، އެ ސަރަހައްދު މަގުމައްޗަށް އެއްޗެހިތައް ބުުރައިގެން ގޮސްފައި-- ފޮޓޯ: ޓްވިޓާ
ކުރީގެ ހޯމް މިނިސްޓަރު އުމަރު ނަސީރު ފޭސްބުކްގައި ޖެއްސެވި ޕޯސްޓެއްގައި ވިދާޅުވީ މައުލޫމާތު ލިބިވަޑައިގެން، ފިޔަވަޅު ނާޅުއްވައި ހުންނަވަނިކޮށް ހަމަލާ ދެވުމަކީ ބޮޑު އިހުމާލެއް ކަމަށެވެ. އަދި އެއީ ވަގުތުން އިސްތިއުފާ ދެއްވަން ޖެހިވަޑައިގަންނަވާނެ ކަމެއް ކަމަށް ވެސް އޭނާ ވިދާޅުވި އެވެ.
"މިފަދަ ސީރިއަސް އިހުމާލުތަކުގައި ޒިންމާ ނުނަގައި ރެކެވޭނެ އެއްވެސް ގޮތެއް އޮވެގެން ނުވާނެ،" އުމަރު ވިދާޅުވި އެވެ.
މިނިސްޓަރު މާރިޔާ "ރާއްޖެއެމްވީ" ގައި ވިދާޅުވީ، ނަޝީދަށް ހަމަލަދޭން އުޅޭ ކަމުގެ މައުލޫމާތު މެމްބަރެއްގެ ފަރާތުން އެނގިވަޑައިގަތުމުން ނަޝީދުގެ ސެކިއުރިޓީ ވަރުގަދަ ކުރަން އެމްއެންޑީއެފަށް އަންގަވާނެ ކަމަށް، އެ މެމްބަރަށް ދަންނަވާފައިވާނެ ކަމަށެވެ. އަދި އެ މައުލޫމާތު ފުލުހުންނަށް ދިނުމަށް ވެސް މެމްބަރުގެ ކިބައިން އެދިވަޑައިގެންނެވި ކަމަށް މާރިޔާ ވިދާޅުވެ އެވެ.
އުމަރު ވިދާޅުވީ އެ މައުލޫމާތު ފުލުހުންނަށް ދެއްވުމަކީ މިނިސްޓަރުގެ ޒިންމާއެއް ކަމަށެވެ.
އޭނާގެ އިތުރުން ކުރީގެ ޑިފެންސް މިނިސްޓަރު އާދަމް ޝަރީފު ވެސް ވިދާޅުވެފައި ވަނީ އެފަދަ މައުލޫމާތެއް ލިބި، ސީރިއަސް ކަމެއްގެ ގޮތުގައި އެކަން ބަލައިނުގަނެ އޮތުމަކީ މާރިޔާގެ ވަރަށް ބޮޑު އިހުމާލެއް ކަމަށެވެ.
މާރިޔާ މީޑިއާއަށް އެމައުލޫމާތު ދެއްވުމުން މެމްބަރު އިލްޔާސް މިއަދު ބަޔާނެއް ނެރުއްވައި އެކަމަށް ފާޑުވިދާޅުވި އެވެ. އޭނާ ވިދާޅުވި ގޮޮތުގައި އެންމެ ބޮޑު އެއް ކަންބޮޑުވުމަކީ ނަޝީދު އަވަހާރަ ކޮށްލަން ހަމަލަދިން މައްސަލައިގެ ތަހުގީގު ކުރިއަށް ގެންދަނިކޮށް، އެކަމާ ގުޅިގެން ދައުލަތުގެ އިދާރާތަކަށް ލިބިފައިވާ މައުލޫމާތު، ޒިންމާދާރު މަގާމުތަކުގައި ތިއްބެވި ބޭފުޅުން އާންމު ކުރައްވައި، އެ ވާހަކަތައް މީޑިއާގެ ބަހުސަކަށް ހެއްދެވުމެވެ. އެހެންވެ، އެއީ ޒިންމާދާރުކޮށް ކުރައްވާ ކަމެއް ކަމަށް ގަބޫލު ނުކުރައްވާ ކަމަށް އިލްޔާސް ލަބީބު ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ސޭޓް
02 June 2021
އިސްތިއުފާ ދޭކަށް ނުޖެހޭނެ...ނަޝީދު ޖެހޭނީ ކަންކަމުގަ ހެދިފަ ހުންނަ ސެކިއުރިޓ ޕްރޮޓޮކޯލްސް ތަކާއެއްގޮތަށް އުލެން ދަސްކުރަން....އެހެންނުވާ ކަމަށް ވަންޏާ މިކަހަލަ ކިތަންމެ ކަމެއްމެސް ދިމާވާނެ.
ސަރުދާރު
15 May 2021
ކޮބާ މާރީ އަދިވެސް އިސްތިއުފާ ނުދީ ބަގުޑި ބައްދައިގެން އޮތީދޯ، ވަކިނުކުރެވޭ ސްލޮޓް އަކުން އައީމަ އެއްކަމެއް ނުވިޔަސް މި ދައުރު ނިމެންދެން ހުންނާނެތާ
ކަޑަ
15 May 2021
މާރިޔާ އިސްތިއުފާ ދިނުމަކީ ނަޝީދު އިސްތިއުފާ ދިނުން ކަހަލަ ކަމެއް. އެ ދެމީހުން އަތުގަ އެކަކު އަނެކަކުގެ ވަރަށް ސިއްރުތައް އޮންނާނެ. މީހަކު ޒިންމާކޮށް މަޤާމުން ދުރުކުރަންޏާ ބަލާބަލަ، އެ މައުލޫމާތު މާރިޔާއަށް ދޭން އިލްޔާސް ލަބީބު ގުޅައިގެން ހުއްޓާ އެ މަގުން ހޯމް މިނިސްޓަރ އިމްރާން ހިނގާފަ ނުވަތަ ދުއްވާ އެއްޗެއްގަ ދިޔަތޯ. ދިޔަނަމަ އިމްރާން އިސްތިއުފާ ދޭން ޖެހޭނެ
މޮހޮދޭބެ
15 May 2021
މި މާރިޔާ މެނަށް އެނގޭނީ ގާނޫނު އަސާސީ މައްޗަށް ފައިން އަރަން، އަވަހަށް އިސްތިއުފާދީ
ސަމީހު
15 May 2021
މާރިޔާއަކީ އެއްގޮތަކައްވެސް ދަންޑަހެލުފަދަ މީހެއް ނޫންކަން ބަޔަކައް ރޭކާލާފި.
ކުރުކޮށް
15 May 2021
މާރިޔާ އެއްކަމަކު އިސްތިއުފާ ދޭންޖެހޭ ވަގުތު އިސްތިއުފާ ދޭން ޖެހޭނެ މާރިޔާ އިސްތިޢުފާ ދޭން ޖެހެނީ ނުރައްކަލެއް އޮތް ކަމުގެ މަޢުލޫމާތު ލިބި އެނގިހުރެ ވީ އިޙްމާލަށް
ހިލަބެ
15 May 2021
ރާއްޖޭގެ ޑިފެންސް ކަންކަމުގެޒިއްމާއެއީކިހާވަރެއްގެމުހިއްމުކަމެއްކަންނޭގޭބޭފުޅަކަށްމިކަންހަވާލުކޮށް ރައްޔިތުންނުރައްކަލަށް ހުށައަޅަން ހެޔޮނުވާނެ މާރިޔާ ރަނގަޅުވާނީ ޗަމްޕާމެންފަދަ މަހުޖަނުންގެ ލޯޔަރަކަށް އެކަންކުރަން މާރިޔާއަށް އެނގިވަޑައިގައްނަވާނެ ކިޔެވާވިދާޅުވީލޯ މަސައްކަތް މިކުރައްވަނީ ގާނޫނީއިމުގެ ތެރެއިންޑިފެންސްކުރާގޮތަށް ޓީވީތަކަށްއަރާ ވަކާލާތުކުރާގޮތަށް ރާއްޖެއާއި ރާއްޖޭގެ ރައްޔިތުންނެއް ދިފާއެއްނުކުރެވޭނެ އެކަން މިހާރުވަރަށްސާފުވެވަޑައިގެންފާނެކަމަށްދެކެން ދެންއަވަހަށް އިސްތޖއުފާދެއްވާ....
ކޮރަލް
15 May 2021
ބަރުލަމާނީ އަކަށް ދާން ކުރާ މަސައްކަތެވެ. ބޭނުން ވަނީ މިސަރުކާރުގެ ބާރު މަޑުމަޑުން ކަނޑު ވާލާށެވެ.
ޢަލީ
15 May 2021
ސަރުކާރުގެ އެންމެ މުހިންމު ދެ ވުޒާރާއަކީ ހޯމް މިނިސްޓްރީ އާއި ޑިފެންސް މިނިސްޓްރީ. އެއީ ޤައުމުގެ މިނިވަންކަން ދަމަހައްޓާ ރައްޔީތުންނަށް އަމާންވެއްޓެއް ޤާއިމުކޮށްދިނުމުގެ މަސްއޫލިއްޔަތު ހަވާލުވެފައިވާ ދެ މިނިސްޓްރީ. އެ ދެ މިނސްޓްރީގައިވެސް އެ ތިބީ ކަމަށް އެކަށީގެންނުވާ ނާގާބިލް ދެމީހުން. ހޯމް މިނިސްޓަރާއި ޑިފެންސް މިނިސްޓަރު ބަދަލުކުރަން ޖެހޭ
މުންޑުބުރި
15 May 2021
އިލްޔާސް، އަންނި، މާރިޔާ، މޭ ހަމަލާއެއް އަންނަން އުޅޭ ކަމުގެ މައުލޫމާތު ލިބުނު 3 މީހުން. ތިން މީހުންކުރެ އެކަކުވެސް ޤާނޫނީގޮތުން މިކަން މަތިކޮށްފައިވާ ޕޮލިސް އަށް މިކަން އަންގާފައި ނުވޭ. މިކަމުގައި ތިން މީހުން ވެސް ވަނީ ފެއިލްވެފައި. ތިން މީހުން އެކީގައި އިސްތިއުފާ ދޭންޖެހޭ.