ހެލްތު އިމަޖެންސީ އޮޕަރޭޝަން ސެންޓަރު (އެޗްއީއޯސީ) އިން ބޭއްވި ނޫސްވެރިންގެ ބައްދަލުވުމެއްގައި ރައީސް އޮފީހުގެ ތަރުޖަމާން މަބްރޫކް އަޒީޒް ވާހަކަދައްކަވަނީ.-- ފޮޓޯ: އެޗްއީއޯސީ
29 މެއި 2021 - 20:04
27 comments
ރާއްޖޭގައި ކޮވިޑް ފެތުރުން އަދިވެސް ކޮންޓްރޯލް ނުވެ އަދަދުތައް މައްޗަށް ދާތީ، ބޯޑަރު އަލުން ބަންދުކުރަން އުޅޭ ކަމަށް ބުނެ ދައްކާ ވާހަކަތައް ސަރުކާރުން މިއަދު ދޮގުކޮށްފި އެވެ.
އަންނަ އޯގަސްޓް މަހުން ފެށިގެން ރާއްޖޭގެ ބޯޑަރު ބަންދުކުރަން ސަރުކާރުން މަޝްވަރާ ކުރާ ކަމަށް ދެއްކެވޭ ވާހަކަތައް ސާފުކޮށްދެއްވުމަށް މިއަދުގެ މީޑިއާ ބްރީފިންގައި ނޫސްވެރިޔަކު އެދުމުން، ރައީސް އޮފީހުގެ ތަރުޖަމާނު މުހައްމަދު މަބްރޫކް އަޒީޒް ވިދާޅުވިގޮތުގައި "އެފަދަ އެއްވެސް މަޝްވަރާއެއް އަދި ސަރުކާރުން ނުކުރެ،" އެވެ.
ކޮވިޑްގެ ހާލަތު މާ ބޮޑަށް ގޯސްވެ، ދެވަނަ ފަހަރަށް މާލެ ސަރަހައްދު މި ހަފުތާގައި ލޮކްޑައުން ކުރުމާއެކު ރާއްޖޭގެ ބޯޑަރު ވެސް ބަންދުކުރާނެ ކަމަށް ބުނެ އަޑުތަކެއް ވަނީ އަރައިފަ އެވެ. އެ ފިޔަވަޅު އަލުން އަޅަން ގިނަ ބަޔަކު ވަނީ ސޯޝަލް މީޑިއާގައި ވެސް ގޮވާލައިފަ އެވެ.
ސަރުކާރުގެ ބައެއް ވެރިން ބުނަމުން އަންނަނީ އަދި ބޯޑަރު ބަންދުނުކޮށް ވެސް، ރާއްޖޭގެ ކޮވިޑް ހާލަތު ކޮންޓްރޯލް ކުރެވިދާނެ ކަމަށެވެ. ރާއްޖެ އަކީ ޓޫރިޒަމަށް ވަރަށް ބޮޑަށް ބަރޯސާވާ ގައުމެއް ކަމުން ބޯޑަރު އަލުން ބަންދުކޮށްފި ނަމަ ލިބޭނެ ގެއްލުން ވަރަށް ބޮޑުވާނެ ކަމަށް އެ ބޭފުޅުން ވިދާޅުވެ އެވެ.
ބޯޑަރު ބަންދު ނުކުރި ނަމަވެސް ދެކުނު އޭޝިއާގެ ގައުމުތަކުން ޓޫރިސްޓުން ފިޔަވައި އިތުރު މީހުން ރާއްޖެ އައުން ވަނީ މަނާކޮށްފަ އެވެ. އަދި މިހާރު އެންމެ ގިނައިން ޓޫރިސްޓުން އަންނަނީ ޔޫރަޕުންނެވެ.
ކޮވިޑްގެ ހާލަތު ރާއްޖޭގައި މިހާރު ވަނީ ވަރަށް ބޮޑަށް ގޯސްވެފަ އެވެ. ގިނަ ދުވަސްތަކެއް ވަންދެން ކޮންމެ ދުވަހެއްގެ ކޭސްތައް 1،000 އިން މަތީގައި ހުރުމަށް ފަހު، އިއްޔެ ވަނީ 900 އަށް ވެއްޓިފަ އެވެ. ކޭސްތައް މަދުވާން ފަށާފައިވާއިރު، ބަލި ކޮންޓްރޯލްކުރުމަށްޓަކައި ސަރުކާރުން މިހާރު ވަނީ މާލެ އާއި ރަށްރަށުގައި ހަރުކަށި ފިޔަވަޅުތަކެއް އަޅައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ރައްޔިތުނ
30 May 2021
މީނާގެ ވާހަކަ ތައް ހުންނާނީ އެމްޑީޕީގެ ވެރިންގެ ވާހަކަތައް ހުންނަގޮތައް ދިމާ އަދިކޮޅައް. ނުކުރާނަމޭ ބުނާ ކޮންމެ ކަމެއް ކުރާނެ. ކުރާން ވައުދު ވެއްޖެ ނުކުރާނެ. ފުލޯޓިން ހޮސްޕިޓަލް އަންނަނީ... އެކަމު އާދެވުނު އެންމެ ނާޒުކު ފައްތަރައް ވީރެޑީ.އެކަމު ފެންނާކަ ނެތް . ެެލޮކްޑައުނެއް ނުކުރާނެ..އެކަމު އެންމެން ގޭގަ ބަންދު ކުރީ. 2000 އެނދު ގެ ފެސިލިޓީ ހުޅުމާލޭގެ އަޅާ ނިމޭނީ އެއް އަހަރު ކުރި.. އެކަމަކު އެތަން ފެނުނު މީހެއް ނެތް. މުޅިން ވެސް އޮޅުވާލުން
ހުސްދޮގު
30 May 2021
ދެން ބޯޑަރު ބަންދު ނުކޮށް ފްލައިޓް ތައް ހުއްތުވާލާ، ލޮކްޑައުން އެއްވެސް ނުކުރެއެެއްނު، މީހުން ގެއިން ނުކުތުމެއްނު މަނާކުރީ.
ބޭބެ
30 May 2021
މިގޮލާ އުޅެނީ ހުރި ހާކަމެއް ސިއްރުކުރަން
ބޯޑަރު
30 May 2021
ކިތަންމެ ވަރަކަށް ބޯޑަރު ބަންދުކުރިއަސް ވާނެކަމެއްނެތް. ޓެސްޓްކުރުން ގިނަކުރަންވީ. ރާއްޖޭގައި ޓެސްޓް މިކުރެވެނީ ބަލިޖެހިގެން މީހާ ހަނާވީމަ. މިހާރު ރައްޔިތުން ލޮލުގައި އަޅުވާ އަދުނަކީ ހުޅުމާލެ ފެސިލިޓީއަކީ ކޮވިޑަށް ފަރުވާދޭ އެންމެ ބޮޑު ފެސިލިޓީއޭ ކިޔައިގެން.
ނޫން
30 May 2021
ބަލި ހުއްޓުވޭނެ އަސްލު ގޮތަކީ ބޯޑަރު ބަންދުކުރުން.
އެދުރުކަލޭގެފާނު
30 May 2021
ނަމަވެސް މަނިކުފާނުގެ ސިޔާސީ ހަޔާތް ގުނައިލެވޭހައި ކުރުވަމުން އެބަދެއެވެ. ވަހީދު ރައީސްކަމުގެ އާރާއިބާރުގައި ވެޑުވިގެން އިންނެވި އިރު މަނިކުފާނު ދެކުނީމެެއް ނޫންތޯއެވެ؟ކިހާ މީހުންނެއް އޮތްތޯއެވެ؟ އަމިއްލަ ޕާރޓީއެއްވެސް އުފެއްދި ނޫންތޯއެވެ. މިހާރު އުޅުއްވާ ހާލުވެސް މަނިކުފާނަށް އެނގޭނެއެވެ. ސިޔާސީ ވިސްނުން ކޮށިވުމުގެ ނަތީޖާއަކީ ހިތިވެފައި އުމުރަށް ދެމިގެންދާ ވޭނެކަށްވެދާނެއެވެ. މަނިކުފާނު ކަންކުރައްވާނެ ގޮތަކަށް މި 5އަހަރު ކަންތައް ކުރެއްވޭނެއެވެ.
އެދުރުކަލޭގެފާނު
30 May 2021
ރައީސް ސާލިހްއެވެ. މަނިކުފާނު ސިޔާސީ ކަންކަމުގައި ދޮއްޓަސް ވެރިކަން ލިބުނު ހިސާބުން މަނިކުފާނުގެ ސިޔާސީ ވިސްނުމުގެ ދޮށިކަމާއި މެދު ހުރުހާ ރައްޔިތުން ޝައްކުކުރެެއެވެ. މަނިކުފާނު ރައީސް ނަޝީދާއެކު ވަޑައިގަތްނަމަ މަނިކުފާނުވީހީ ސިޔާސީ ކުރިމަގު އުޖާލާ އަދި އެމްޑީޕީ އެރައީސްއަކާއި މެދު ފަޚްރުވެރިވާނެ ފަދަ ވެރިޔަކަށެވެ. ނަސީބު ދެރައީ ކަމަށްވެސް ވެދާނެއެވެ. އާރާއި ބާރުގައި ހުރީމައި، ވަޒީފާއަށް ޓަކައި މަނިކުފާނަށް އެމްޑީޕީ މީހުން ބަސްނުބުނެދާނެއެވެ.
އެދުރުކަލޭގެފާނު
30 May 2021
ރައީސް ސާލިހްއަށް އެނގިވަޑައިގަންނަވަން ޖެހޭ ހަޤީގަތަކީ ރައީސް ނަޝީދަށް އާއްމުންގެ ތެރޭގައި އޮތް ތާޢީދެއް ފައްޔާޒުމެން ލައްވައިގެން އަދި މިލިއަނުން ޚަރަދުކޮށްގެންވެސް ފަނޑުކޮށް ނުލެވޭނެކަމެވެ. ރައީސް ނަޝީދުވެސް ހުންނެވީ ދޫދެއްވާ ގޮތަކަށް ނޫނެވެ. ރައީސް ނަޝީދަށް ރައްޔިތުން ކުރާ އިތުބާރަކީ ރައްޔިތުންގެ ބައިތުލްމާލުގައި އަތްނުލާނެ ކަމުގެ އިތުބާރެވެ. ރައީސް ސާލިހްގެ ފެއިލްވަނީ ފައްޔާޒުމެންނާއި އެކު ތިޔަ ކުޅުއްވަން އުޅުނު ކުޅިވަރުންނެވެ.
އެދުރުކަލޭގެފާނު
30 May 2021
ސަރުކާރުގެ ރަނގަޅު ވިސްނުމަކާއި ފިކުރެއް ހުރެ ބަދަލު ދޭންވެގެންނޭ ކިޔައިގެން މިލިއަނުން ގެއަށް ނުއުފުއްލާނަމަ އަޅުގަނޑުމެން ވީހީ މިސަރުކާރަށް މަރުދޭނެ ބަޔަކަށެވެ. ރައީސް ނަޝީދުއާއި ރައީސް ސާލިހްއާއި ދޭތެރޭ އޮތް ވެރިކަމުގެ ކޯޅުމެއްގެ ތެރޭގައި އަޅުގަނޑުމެން ޤުރުބާނެވެ. ފައްޔާޒުއާއި ގުޅުންހުރި މިނިސްޓަރުން ވަގުތުގެ ފައިދާ ނަގައިގެން މިލިއަނުން ބަދަލޭ ވިދާޅުވެ ކިރިޔާ ހިއްޕެވޭވަރަށް ކޮންމެފަހަރަކު ގެއަށް އުފުއްލަނީއެވެ.
އެދުރުކަލޭގެފާނު
30 May 2021
ފެންނަ ފެނުމަށް ސާދާގޮތެއް ހުއްޓަސް މިސަރުކާރުގައި ހަދާ ހުރިހާ ގޯހެއްގެ ތެރޭގައި މި މަބްރޫކު ހިމެނެއެެވެ. ހަގީގަތަކީ ވެންޓިލޭޓަރ ސަކަރާތްވެސް ފުރަތަމަ ދުވަހުން ފެށިގެންވެސް މަބްރޫކަށް އެނގި އަދި ސަރުކާރުގެ ބަދަލުދިނުމޭ ކިޔައިގެން މިހިންގާ ސީރީސްއިން މަބްރޫކަށް ފައިދަވާތީވެ، އެމްޑީޕީ މީހަކަށްވީތީ ކޮންމެ ސަކަރާތެއް ޖެއްސެވިޔަސް އާއްމު މެންބަރުން ތިމަންނާމެންގެ ދިފާޢުގައި ތިބޭނެ ކަމުގެ ގޯސް ޚިޔާލުގައި ހުރެ ގަސްތުގައި ރައްޔިތުންނަށް އޮޅުވާލަނީއެވެ.
ހުސެންް
30 May 2021
ކޮންމެ މީހެއްގެ ގޭގެ ދޮރު ބަންދު ކޮއްބަލަ... ސިވިލްސާވިސް މީހުން ގޭގަ ތިބެގެން މުސާރަ ލިބުނަސް އަހަރަމެންނަކައް ލާރިޔެއް ނުލިބެޔެ..... ޑޮލަރު ރޭޓް 20ރ