ކޮވިޑްގައި އެންމެ ބޮޑަށް ގެއްލުންވީ ތައުލީމީ ދާއިރާ އަށް: ނައިބު ރައީސް

ދިރާސީ އާ އަހަރު ފެށުމުގެ ގޮތުން ކަލާފާނު ސްކޫލުގައި ބޭއްވި ރަސްމިއްޔާތުގައި ނައިބް ރައީސް ފައިސަލް ނަސީމް ވާހަކަދައްކަވަނީ.-- ފޮޓޯ: ރައީސް އޮފީސް

އިފްރާޒް އަލީ، މިހާރު

10 އޯގަސްޓް 2021 - 20:03

4 comments

ކޮވިޑް-19 ގެ ސަބަބުން އެންމެ ބޮޑު ގެއްލުމަކާ ކުރިމަތިލާން ޖެހުނީ ތައުލީމީ ދާއިރާ އަށް ކަމަށާއި އެ ދަތި ހާލަތުގައި ވެސް ޓީޗަރުންނާއި އެ ދާއިރާގެ ހިންގުންތެރިން ކުރި ބުރަ މަސައްކަތް ބަލައިގަންނަ ކަމަށް ނައިބް ރައީސް ފައިސަލް ނަސީމް މިއަދު ވިދާޅުވެއްޖެ އެވެ.

ދިރާސީ އާ އަހަރު ފެށުން ފާހަގަކުރުމަށް ކަލާފާނު ސްކޫލުގައި މެންދުރު ފަހު ބޭއްވި ރަސްމިއްޔާތު ޝަރަފުވެރިކޮށްދެއްވަމުން ނައިބު ރައީސް ވިދާޅުވީ، ކޮވިޑާ އެކު ކުރިމަތިވި ދަތި ދުވަސްވަރު، ޓީޗަރުންނާއި ސްކޫލްތަކުގެ ހިންގުންތެރިން ކުރީ މުޅި މި ސަރަހައްދުގައި ވެސް ފާހަގަކޮށްލެވޭ ހާއްސަ މަސައްކަތެއް ކަމަށެވެ.

ގައުމަށް ފައިދާ ހުރި، ހީވާގި މީހުންތަކެއް އުފެއްދުމުގައި މުޅި މުޖުތަމައުގެ ޒިންމާ ވެސް ވަރަށް ބޮޑު ކަމަށާއި ސްކޫލު ނިންމާ ކުދިންނަކީ ދިރިއުޅުމަށް ތައްޔާރުވެފައިވާ ބައެއްގެ ގޮތުގައި ބައްޓަން ކުރުމަށްޓަކައި ބެލެނިވެރިންނާއި ޓީޗަރުން ކެނޑިނޭޅި މަސައްކަތް ކޮށްދިނުމަށް ވެސް އެ މަނިކުފާނު އެދިވަޑައިގަތެވެ.

މި ރަސްމިއްޔާތުގައި ނައިބު ރައީސް ވަނީ ކަލާފާނު ސްކޫލުގައި ހާއްސަ އެހީ އަށް ބޭނުންވާ ކުދިންނަށް ބެހެއްޓި ލިފްޓު ބޭނުންކުރުން ވެސް އިފުތިތާހު ކޮށްދެއްވައިފަ އެވެ. މި ލިފުޓުގެ ބަހައްޓާފައި ވަނީ އިންކްލޫސިވް އެޑިއުކޭޝަން ރާއްޖޭގައި ފުޅާކުރުމަށް ސަރުކާރުން ކުރަމުން އަންނަ މަސައްކަތުގެ ދަށުންނެވެ.

ކަލާފާނު ސްކޫލުގައި ހާއްސަ އެހީ އަށް ބޭނުންވާ ކުދިންނަށް ބެހެއްޓި ލިފްޓު، ނައިބް ރައީސް ފައިސަލް ނަސީމް ރަސްމީކޮށް ހުޅުވައިދެއްވަނީ.-- ފޮޓޯ: ރައީސް އޮފީސް

"... އެއްވެސް ކުއްޖަކު ބާކީ ނުކޮށް، އިންކްލޫސިވް އެޑިއުކޭޝަން ރާއްޖޭގައި ފުޅާކުރުމަށް ކުރާ މަސައްކަތްތަކާއި ތައުލީމީ ދާއިރާގެ މީހުންގެ މުސާރައާ އިނާޔަތްތަކަށް ހެޔޮ ބަދަލުތަކެއް ގެނައުމަށް ސަރުކާރުން ކުރާ މަސައްކަތް އެމަނިކުފާނު ފާހަގަކުރެއްވި އެވެ،" ނައިބު ރައީސް ވިދާޅުވި ކަމަށް ރައީސް އޮފީހުން ބުންޏެވެ.

ޓީޗަރުން ކުރަމުން އަންނަ ބުރަ މަސައްކަތާ އެކަށީގެންވާ ވަރަށް މުސާރަ އާއި އިނާޔަތްތައް ބޮޑުކުރަން އަންނަ އަހަރުގެ ބަޖެޓުގައި ހިމެނުމަށް ސަރުކާރުން މަސައްކަތް ކުރައްވަމުން އަންނަ ކަމަށް، ދިރާސީ އާ އަހަރު ފާހަގަކުރަން މިއަދު ރެހެންދި ސްކޫލުގައި ބޭއްވި ރަސްމިއްޔާތުގައި ރައީސް އިބްރާހިމް މުހައްމަދު ސޯލިހު ވެސް ވަނީ ވިދާޅުވެފަ އެވެ.

Teacherun ge musaara bodu kuran anna aharuge budget gai himanan eba masakaiy kuran: Raees

The most trusted news source in the Maldives

Mihaaru

ގާތްގަނޑަކަށް ދޮޅު އަހަރަށް ފަހު ރާއްޖޭގެ ހުރިހާ ސްކޫލެއްގައި މިއަދު ކިޔަވައިދޭން ފެށީ 92،000 ވުރެ ގިނަ ދަރިވަރުންނާ އެކު އެވެ.

ސަރުކާރުން ވަނީ އާ އާއްމު ހާލަތާ އެކު ކުރިއަށް ދިއުމަށް ވެކްސިން ޖެހުމުގެ ބޮޑު ކެމްޕެއިނެއް ފަށައިފަ އެވެ. އެ ކެމްޕެއިންގެ ތެރެއިން، ސްކޫލްތަކުގެ ހުރިހާ މުވައްޒަފުން ވެކްސިން ފުރިހަމަ ކުރުމާއި އަދި 12-17 އަހަރާ ދެމެދުގެ ދަރިވަރުންނަށް ވެކްސިން ދޭން ފަށަން ވަނީ ނިންމައިފަ އެވެ. މި ހަފުތާ ތެރޭގައި ދަރިވަރުންނަށް ފައިޒާ ވެކްސިން ދޭން ފަށާނެ އެވެ.

ތައުލީމް ރައީސް އޮފީސް އެޑިއުކޭޝަން މިނިސްޓްރީ ދިރާސީ އާ އަހަރު ކަލާފާނު ސްކޫލް ނައިބު ރައީސް ފައިސަލް ނަސީމް

4 ކޮމެންޓް, 3 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އީސާ މަޖީދު

11 August 2021

ސީރިއަސް ކޮން ބުނިވާހަކަ އެއް ނޫން، ދެއްތޯ؟ ކޮންއިރަކުތޯ މި ގައުމުގަ ކިޔެވީމަ، ނޫނީ ކިޔަވައިގެން ތިބި މީހުންނައް ފުރުސަތު ލިބެނީ؟ ނޫނީ އެކަމައް ބާރު އަޅަނީ؟ ޕޯޑިއަމްގަ ހަޅޭއް ލަވަން ދަސްކުރީމަ މި ގައުމުގަ ކިޔެވުނީ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހގެެނސަން

10 August 2021

ތިއީ ކިހާވަރެއްގެ ދިރާސާއެއްގެ މައްޗަށް ވިދާޅުވި އެއްޗެއްބާ! ކުރިން މަ ހީކުރަނީ ނރ.ފައިސަލް ނަސީމް އަކީ ވާނުވާ އެނގޭ މީހެއްކަމަށް. އެކަމު މިހާރު އެނގިއްޖެ ހަމަ ޕޯޑިއަމް ލިބުނީމާ ހަމަ އަނގަތަޅާ ބޮލެއްކަން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޑިސްއޮނަރަބަލް ޑީޑީ

10 August 2021

އެއްބަޔަކުބުނަނީ އެންމެބޮޑު ގެއްލުމެއްވީ އިގްތިޞާދަށްށޭ. އަނެއްމީހާ މިކޔަނީ ތައުލީމަށޭ. ކޮންމެސްއެކައްޗެއް ކިޔާންވެއްޖެއްނު. އެކަމަކު އަބަދުވެސް ނަންވާނީ ދީނީ އިލްމުވެރިން.