މިލިއަން ޓޫރިސްޓުން ހަމަވާން ބާކީ ލައްކައެއް

ޓޫރިސްޓުންތަކެއް އެއާޕޯޓުގެ ބަނދަރު މަތީގައި މަޑުކޮށްލައިގެން. ރާއްޖެއަށް އައި ޓޫރިސްޓުންގެ އަދަދު ނުވަ ލައްކައަށް އަރައިފި -- ފޮޓޯ: މިހާރު

ފާތިމަތު ޝަނާ މުހައްމަދު، މިހާރު

18 މެއި 2025 - 08:55

18 comments

ރާއްޖެއަށް މި އަހަރުގެ މިހާތަނަށް އައި ޓޫރިސްޓުންގެ އަދަދު ނުވަ ލައްކައަށް ވުރެ އިތުރުވެއްޖެ އެވެ.

ޓޫރިޒަމް މިނިސްޓްރީގެ ހިސާބުތަކުން ދައްކާ ގޮތުން އެއީ މިދިޔަ އަހަރުގެ މި މުއްދަތާ އަޅާބަލާއިރު 8 ޕަސެންޓުގެ ކުރިއެރުމެކެވެ. މިދިޔަ އަހަރުގެ އެ މުއްދަތުގައި ރާއްޖެއަށް އައިސްފައިވަނީ 833،000 ޓޫރިސްޓުންނެވެ. މިއަހަރުގެ މިހާތަނަށް އެވްރެޖުކޮށް ދުވާލަކު 6،700 ޓޫރިސްޓުން އާދެ އެވެ.

މިއަހަރުގެ ފުރަތަމަ ތިން މަހުން ކުރެ ކޮންމެ މަހަކު ވެސް ރާއްޖެއަށް ދެ ލައްކައަށް ވުރެ ގިނަ ޓޫރިސްޓުން އައިސްފައިވެ އެވެ. މިދިޔަ މަހު 198،000 ޓޫރިސްޓުން އައިސްފަ އެވެ.

މި މަސް ނިމޭ އިރު 170،000 ޓޫރިސްޓުން އަތުވެއްޖެ ނަމަ، ރާއްޖެއަށް މި އަހަރު އައި ޓޫރިސްޓުންގެ އަދަދު މިލިއަނަކަށް އަރާނެ އެވެ. މި މަހުގެ މިހިސާބަށް އައި އިރު 70،000 ޓޫރިސްޓުން އައިސްފައިވެ އެވެ.

މި މަހުގެ މިހާތަނަށް ބަލާއިރު ރާއްޖެއަށް އެވްރެޖުކޮށް ދުވާލަކު އަންނަނީ 5،000 ޓޫރިސްޓުންނެވެ. އެއީ މިއަހަރުގެ އެވްރެޖު އެންމެ ދަށް މަހެވެ. އާންމު ގޮތެއްގައި ވެސް މެއި މަހުން ފެށިގެން އަހަރުގެ ފަހުކޮޅާ ހަމައަށް ޓޫރިސްޓުންގެ އަދަދު ދަށްވެ އެވެ.

މިދިޔަ އަހަރު ރާއްޖެއަށް އެއް މިލިއަން ޓޫރިސްޓުން ހަމަވީ، ޖޫން މަހުގެ އެންމެ ފަހު ހަފުތާގަ އެވެ. އެކަމަކު މިއަހަރުގެ ހިސާބުތައް ދައްކާ ގޮތުން އެއް މިލިއަން ޓޫރިސްޓުން މި މަހު ނުވަތަ އަންނަ މަހުގެ ފުރަތަމަ ހަފްތާގެ ތެރޭގައި ހަމަވާނެ ކަމަށް ބެލެވެ އެވެ.

ރާއްޖެއަށް އެންމެ ގިނަ ޓޫރިސްޓުން މިވަގުތު އަންނަނީ ޗައިނާއިންނެވެ. އެ ގައުމުން ވަނީ 103،000 ޓޫރިސްޓުން އައިސްފަ އެވެ. ދެވަނަ އަށް އެންމެ ގިނަ ޓޫރިސްޓުން އަންނަ ރަޝިއާއިން 97،000 ޓޫރިސްޓުން އައިސްފައިވެ އެވެ. އިނގިރޭސިވިލާތުން 93،000 ޓޫރިސްޓުން އައިސްފައިވެ އެވެ.

ރާއްޖެއަށް އަންނަ ޓޫރިސްޓުންގެ ތެރެއިން 70 ޕަސެންޓު ހޭދަކުރަނީ ރިސޯޓުތަކުގަ އެވެ. ގެސްޓްހައުސްތަކުގައި ހޭދަކުރަނީ 23 ޕަސެންޓު ޓޫރިސްޓުންނެވެ.

ޓޫރިސްޓުން ޓޫރިޒަމް ރިސޯޓްތައް ޓޫރިޒަމް ޕްރޮމޯޝަން ގެސްޓް ހައުސް

18 ކޮމެންޓް, 2 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ރަންނަ

18 May 2025

ސަރުކާރުން ހިސާބުޖަހާވަރަށް ޖަހަނީ. ރިޒޯޓް ތަކުގެ އަގު ހެސްކިޔަފަ ތިރިކުރަނީ ޑިމާންޑް ނެތީމަތާ. ތިއަންނަ ހުރިހާމީހުން ކަނޑަށްތަ އެރެނީ؟ އޮކިއުޕެންސީ މައްޗެއްނުވޭ ޑޮލަރެއް ނުލިބޭ. ވިސްނައިފިމީހަކަށް އިބުރަތެއް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނޫހް އިބްރާހިމް

18 May 2025

ވަރަށް ބޮޑު ކުރިއެރުމެއް މިއީ. އަދި ލިވަޕޫލް އާއެކު ކުރި ކަމުގެ ފޮނި މީރުކަން ދެން އަންނަ ކުއާޓާގައި ފެންނާނެ. ބަލަން ތިބޭ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އެޑްމުންޑޯ

18 May 2025

ބުނާނެ އެއްޗެއް ނޭގެ ، ބުނަންޖެހޭ އެއްޗެހިވެސް އެހާގިނަ ، މިފަހަރު ހަނުހުންނާނީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މިއައު

18 May 2025

އަޅޭ. ދެން އަންނަށް ބަޔަކު ކައިރީ ބުނެބަލަ ކުދި ބޮލީގެ ބަދަލުގަ ބޭރު ފައިސާ ކޮޅެއް ގެންނަން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މޫސަބޭ

18 May 2025

މިލިއަނުން ޓުރިސްޓުން އާދެ އެކަމކު ވެސް ޑޮލަރެއް ނެތް.. ކޮންތާކަށްތަ އެ ހުރިހާ ޑޮލަރެއް މިއަލަނީ؟؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޝަހުމް އާދަމް

18 May 2025

އިގްތިސާދު ސިންދަފާތު ވަމުން މިދަނީ. ޓޫރިޒަމް ދުވަހަކު ނުދާހާ ބާރަށް ކުރިޔަށް ދާތަން ފެނިގެން މިދަނީ. ޝ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ލިހާޒް މުހުސިން

18 May 2025

ޓޫރިޒަމް ބޫމްވެގެން މިދަނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

7 ޕަސެންޓް

18 May 2025

ބާކީ 7 ޕަސެންޓް؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮތަރޭ

18 May 2025

އެހެންވީމަ ބައިވަރު ޑޮލަރު ވަދެފަ ނޫންތޯ ޤައުމަށް މިހާރު ހުންނާނީ؟ އަދިވެސް އަޅުގަނޑުމެން ޑޮލަރު ގަންނަން މިޖެހެނީ މީހުން ކައިރީ އާދޭސް ކޮށްގެން ސަލާން ޖަހައިގެން އެމީހުން ވިއްކި އަގަކަށް. ބޭންކަށް ހީވަނީ އަޅުގަނޑުމެން ރާއްޖޭން ބޭރަށް ގޮސް ބޭސް ފަރުވާ ކުރެވޭނެ ކަމަށް ޓިކެޓް ދައްކައިގެން ގަންނަން ލިބޭ އެންމެ 500 ޑޮލަރު ހިފައިގެން ގޮސް. މުއްސަނދި ވަނީ ވަކި ބަޔަކު ގައުމަށް ޓުއަރިސްޓުން ގިނައިން އަޔަސް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އެކޮއި

18 May 2025

"ނުވާނެ މައްޗެއް. މިބުނީނުން މައްޗެއް ނުވާނޭ." މީ މަބުނި ވާހަކައެއްނޫން. މީ ރައީސް މުޢިއްޒު ވިދާޅުވި ވާހަކައެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮރަލް

18 May 2025

ދިވެހި ޓްރެވެލް އެޖެންޓޤ އިން ގެނައި ޓޫރިސްޓުންގެ އަދަދަކީ ކޮބާ ތޯ އެވެ. މިހާރު ރިސޯޓް ވަޒީފާ އަށް ބިދޭސީން އައިސް އަހަރެއް ވާއިރަށް ޓްރެވަލް އެޖެންޓް އަކަށް އެބަ ބަދަލު ވެ އެވެ. ދެން ހަމަ ވިަޔަފާރު ކުރަނީ އެވެ. ޓީޖީއެސްޓީ ދެއްކުމެއް ވެސް ނެތެވެ.