ޕެލިވިއަން: ތިން ބުރީގައި ވެސް ހުންނާނީ ފްރެންޗައިސް، ގްލޯރިއާ ޖީންސް މިރޭ ހުޅުވާނީ ދެ ވަނަ ބުރީގައި.-- ފޮޓޯ: މިހާރު/ހުސައިން ވަހީދު
02 އެޕްރީލް 2018 - 14:47
27 comments
ރަސްފަންނުގައި އެމްޑަބްލިއުއެސްސީން ހަދާ ޕެވިލިއަންގެ ދެ ވަނަ ބުރި، އޮސްޓްރޭލިއާގެ މަޝްހޫރު "ގްލޯރިއާ ޖީންސް ކޮފީ"ގެ ފްރެންޗައިސް ރެސްޓޯރެންޓަކާ އެކު މިރޭ ހުޅުވަން ތައްޔާރުވެއްޖެ އެވެ.
އެމްޑަބްލިއުއެސްސީން ބުނީ މިރޭ ހުޅުވާނީ ހަމައެކަނި ޕެވިލިއަންގެ ދެ ވަނަ ބުރި އެކަނި ކަމަށެވެ.
"މިރޭ ހަމައެކަނި ދެ ވަނަ ބުރި މި ހުޅުވަނީ. މުޅި ޕެލީވިއަންއެއް ނޫން... ޕެވިލިއަން އެއްކޮށް ހުޅުވާނެ ދުވަސް ވަރަށް އަވަހަށް އިއުލާނު ކުރާންނަން،" އެމްޑަބްލިއުއެސްސީގެ އޮފިޝަލަކު ވިދާޅުވި އެވެ.
ގްލޯރިއާ ޖީންސް ކޮފީ އަކީ ދުނިޔޭގެ 39 ގައުމެއްގައި ފްރެންޗައިސް 1،000 އަށް ވުރެ ގިނަ ރެސްޓޯރަންޓް ހިންގަމުން އަންނަ މަޝްހޫރު ބްރޭންޑެކެވެ. މިރޭ އެ ރެސްޓޯރަންޓް ހުޅުވާނީ 8:30 ގައި ބާއްވާ ޚާއްސަ ރަސްމިއްޔާތެއްގަ އެވެ.
މިރޭ ހުޅުވާނީ ހަމައެކަނި ދެ ވަނަ ބުރި، އެ ތަނަށް މި ވޯކް ވޭއިން އެރޭނެ.-- ފޮޓޯ: މިހާރު/ހުސައިން ވަހީދު
ޕެވިލިއަން ހިންގަން އެމްޑަބްލިއުއެސްސީން މިދިޔަ އަހަރުގެ އޮގަސްޓް މަހު ހުޅުވާލި ބިޑް ކާމިޔާބުކުރީ ސިބްކޯ ޕްރައިވެޓް ލިމިޓެޑުންނެވެ. އެ ތަން ހިންގާނެ ފަރާތެއް ހޯދަން އޭގެ ކުރިން ހުޅުވާލި ބިޑް ކާމިޔާބުކުރީ ބްރަދާސް ކޭޓަރިން އެވެ.
ނަމަވެސް އެ ކުންފުންޏާ އެކު ހެދި އެއްބަސްވުން އުވާލުމަށް ފަހު އަލުން ބިޑަށް ހުޅުވާލުމުން ތިން ކުންފުންޏަކުން ބިޑް ހުށަހެޅި އެވެ. އޭގެ ތެރޭގައި ސިބްކޯގެ އިތުރުން ހުޅުމާލޭގައި ހުންނަ މެންހަޓަން ފިޝް މާކެޓް ރެސްޓޯރަންޓާއި ރާނބާ ރެސްޓޯރަންޓް ހިންގާ ސިލްވާ ސްޕޫން ޕްރައިވެޓް ލިމިޓެޑް ހިމެނެ އެވެ.
ސިބްކޯގެ އިސް އޮފިޝަލަކު ކުރިން "މިހާރު" އަށް ވިދާޅުވެފައިވަނީ، ގާތްގަނޑަކަށް 900 މީހުންގެ ޖާގައިގެ ޕެވިލިއަން ހުޅުވާއިރު، ގްލޯރިއާ ޖީންސް ކޮފީއާ އެކު އިތުރު ތިން ބްރޭންޑެއްގެ ފްރެންޗައިސް ރެސްޓޯރަންޓްތަކެއް ވެސް ހުންނާނެ ކަމަށެވެ.
ގްލޯރިއާ ޖީންސް ކޮފީ ހުޅުވާނީ މިރޭ 8:30 ގައި ބާއްވާ ޚާއްސަ ރަސްމިއްޔާތެއްގައި.-- ފޮޓޯ: މިހާރު/ހުސައިން ވަހީދު
އެކަމަކު ދެން އަންނާނީ ކޮން ބްރޭންޑްތަކެއްގެ ރެސްޓޯރަންޓްތަކެއް ކަމެއް އޭނާ ވިދާޅެއް ނުވެ އެވެ.
އޭނާ ވިދާޅުވި ގޮތުގައި ފާސްޓްފުޑް ބްރޭންޑްތަކެއްގެ އިތުރުން ފައިން ޑައިނިން ރެސްޓޯރަންޓް ބްރޭންޑެއް ވެސް އަންނާނެ އެވެ.
ޕެވިލިއަންގެ އެންމެ ތިރީ ބުރީގައި ކުރިން ހަދަން ނިންމާފައި އޮތީ ފަސް ފާހާނަ ހިމެނޭ ގޮތަށް، މޫދަށް އެރޭ މީހުން ފެންވަރާނެ ތަނަކާއި އާއްމުންނަށް އިށީނދެ ތިބެވޭނެ ޖާގައެކެވެ. ނަމަވެސް މިހާރު އެ ތަނުގެ ތިން ބުރީގައި ވެސް ހުންނަނީ ރެސްޓޯރަންޓެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޙަރީރާ ޖާވީދު
04 April 2018
ކާކުބާ އެތަނުން އެއްޗެހި ބަދަލު ކޮށްގެން ގެޔަށްދަނީ. އެންމެންނަކު ނުޖެހޭ ތަނެއްގަ ކޮފީޝޮޕެއް ހުޅިވިތަސް އެތަނަށް ދާކަށެއް. ކޮފީ ބޯން ބޭނުންވާ މީހުން އެތަނަށް ދާނީ. ޜަސްފަންނުގަ ހުންނަ ފާހާނާ އަސް ގިނައިން ވަންނަނީ ބަންގާޅީން
ައުތުރު ބެއްޔާ
03 April 2018
ކުޅުދޫފުށީކުދިންނަައް ބޮޑައްރަގަޅީ ސްޓާބަކްސް އާއި ޕީޒާހަޓު ، އަދި ސަބްވޭ
ޑޮކްޓަރުންގެ ސިޓީ / އައްޑޫ ސިޓީ
03 April 2018
ދިވެހިންނަށް ހެޔޮއެދިގެން ދިވެހިންނަށް ކަމެއް ކޮށްދިނުމުގެ ބޭނުމުގައި ވަހީދު ހަސަންމަނިކު އާއި ޔާމިން އަބުދުލް ޤައްޔޫމް ކުރި ބައެއްކަންކަން ހިގާ ހަދާނަށް ގެންނާން. . . . . ކުޑަ ބަނޑޮސް ތަރައްޤީ ކުރީ ދިވެހިންނަށްވެސް ހަފުތާ ޗުއްޓީ ހެދޭގޮތަށް. އެކަމަކު އެތަން މިހާރު ދިވެއްސެއްގެ ލޮލަށްވެސް ނުފެނޭ. . . . . ބްރިޖް ޕްލެޓްފޯމް ގެ ވާހަކަ ދައްކާނެވެސް ކަމެއްނެތް. އެކަންއޮތްގޮތް ނޭގެނީ ކާކަށް!! . . . އެބޫދޫ ފަޅު ތިޔަ ޕެވަލިއަން ނަސަންދުރަ ޕެލަސް ހޮޓަލް ފަދަ ތަންތަނުގެ މަތިން ހަދާންކޮށް ވާހަކަ ދައްކާނީވެސް އަދި 7 މަސް ފަހުން. . . . އިރާދަ ކުރެއްވީއްޔާ ކުރިއަށްއޮތް 7 މަސް ދުވަހުގެ ފަހުން “ތިހުރިހާ ތަނެއް ކުއްޔަށް ދިނުމަށް އިއުލާން ކުރިގޮތާއި އެއްގޮތަށް” ތިތަންތަނުގެ ބޭނުން ރައްޔިތުންނަށް ކުރެވޭނެ.
ސޮކްތެރެޕީ
02 April 2018
އެހެންރައިސްސުން މޮޅުވާހަކަދައްކަނީ ޔާމިން އެދަނީ ރާއްޖެތެރެވެސް ތަރައްގީކުރަމުން ފެނާ ނަރުދަމާނިޒާމް އަޅަމުން މީދޮގެއްތަ.
ގާލް
02 April 2018
މިފެންނަނީ ތަރައްގީ ? ?
ނެރު
02 April 2018
މަގު ތައް އަމާން ވާނެތާ ތިޔަ ތަންތަނަން މީހުން ގޮސް އުޅޭ ވަގުތު
ޑާޑާޑާޑާޑާ
02 April 2018
ރެސްޓޯރަންޓް ދެއްތޮ، ސިބްކޯ ޕްރައިވެޓް ލިމިޓެޑު މީ ކޮން އިރަކު ވުޖޫދަށް އައި ކުންފުންޏެއްބާ! ރަނގަޅު މާލޭގަ ނެތީ ރެސްޓޯރަންޓް ވިއްޔަ، ކިހާވަރެއްގެ މަހުކުއްޔެއް ހުށަހަޅައިގެންބާ ބިޑްކާމިޔާބު ކުރީ!
ބީކޭކޭ
02 April 2018
މީތަރައްގީތަ؟ މީތަރައްގީއެއްނޫން. ތަރައްގީކުރަން ޖެހޭނީ ރައްޔިތުމީހާ. ރައްޔިތުމީހާގެ ޖީބުތައް ބަރުކޮއްދީގެން ނޫނީތަރައްގީ އެއްނާންނާނެ. މިސާލަކައް ތިތަނުން ކޮފީއެއް ލިބެނީ 100ރ އައް ދެން ރައްޔިތުމީހާގެ ޖީބުބަރުނުވެ ތިތަނުން ކޮފީއެއް ބޯލާނެ ގޮތެއްބުނެބަލަ؟ އެހެންވެ މިބުނަނީ ތަރައްގީކުރަން ޖެހޭނީ ރައްޔިތުމީހާއޭ އެޔޭ ހަގީގީތަރައްގީއަކީ!
ކޮކްޓެއިލްރައީސް
02 April 2018
ރައްޔިތުންގެ %50 ތިބީ މީރު ބޯފެނުން މަހުރޫމުވެފަ، އެކަމަކު ބުރިޖުއެޅިއްޖެނު، ކިހާ ރީތި. ދެން މިއަށްވެސް ކިޔަންވީ ތަރައްޤީ ދެއްތޮ.
ކޮޕޭ
02 April 2018
ތަރައްޤީއަކީ ލިބޭ މިންވަރު ނިކަން ދަނެގެން މިބޭނުންތައް ބަހާލައިގެން އުޅުން. ކޮފީ ޝޮޕެއް ހުޅުވާއިރަށް ގޮސް ކޮފީ ބޯނީކީނޫން،
ހުއްބުލް ވަތަން
02 April 2018
ބައެއް މީހުންނަށް ތަރައްޤީ އަކީ ނަށީދަށް ވެރިކަންދިނުން
އަހުމަދުބެ
02 April 2018
ރަސްފަންނު މޫދައް އެރޭ މީހުން އެއްޗެހި ބަދަލު ކޮށް ފާހާނާ ކުރަން ދިން ތަނުގައި ގޮލޯރިއާ ކޮފީ ވިއްކަމުންދާއިރު އެތައް ބައެއްގެ ހައްގުތަކަށް އަރައިގަތީ އެވެ. ތިތަނައް ދިއުމުގެ އަޅުގަނޑުގެ ޝައުގު ވެރި ކަމެއް ނެތެވެ. މޫދައް އެރޭ އަންހެނުންނާއި ފިރިހެނުން ގެއަށްދަނީ ތެމިފޯވެގެންނެވެ.