އެންމެ ކުޑަ އުޖޫރަ ކަނޑައެޅުމާ ގުޅޭ ގޮތުން އާންމުންގެ ހިޔާލު ހޯދުމަށް ރައްޔިތުންގެ މަޖިލީހުގެ އިދާރާ އިން މިރޭ ބާއްވާ ބައްދަލުވުމުގައި، ވޭޖް އެޑްވައިޒަރީ ބޯޑުގެ ޗެއާ މަރިޔަމް ޚާލިދާ ވާހަކަ ދައްކަވަނީ.---ފޮޓޯ: މަޖިލީހުގެ އިދާރާ
04 މާޗް 2020 - 22:29
74 comments
މިނިމަމް ވޭޖުގެ މަސައްކަތް ފަށައިގަތް އިރު ކޮރޯނާވައިރަހުގެ ބިރުވެރިކަން މުޅި ދުނިޔެ އަށް ނެތް ކަމަށާއި މިނިވަން ވޭޖެއް ކަނޑައެޅި ނަމަވެސް މި ވަގުތަކީ އެކަން ތަންފީޒް ކުރަން އެންމެ ރަނގަޅު ވަގުތު ނޫން ކަމަށް ވޭޖް އެޑްވައިޒަރީ ބޯޑުގެ ޗެއާމަން މަރިޔަމް ޚާލިދާ މިރޭ ވިދާޅުވެއްޖެ އެވެ.
އެންމެ ކުޑަ އުޖޫރަ ކަނޑައެޅުމާ ގުޅޭ ގޮތުން ރައްޔިތުންގެ ޚިޔާލު ހޯދުމަށް ބޭއްވި ޕެނަލް ޑިސްކަޝަންގައި ޚާލިދާ ވިދާޅުވީ، އެންމެ ކުޑަ އުޖޫރަ ކަނޑައެޅުމުގެ މަސައްކަތް ފެށީ މިދިޔަ އަހަރުގެ ޖޫން މަހު ކަމަށެވެ. އެ މަސައްކަތް ނިންމާ އިކޮނޮމިކް މިނިސްޓްރީއާ ހިއްސާ ކުރީ މިދިޔަ ޑިސެމްބަރު މަހު ކަމަށެވެ.
"ބޯޯޑުގެ ޑިސިޝަންތައް ނެގިފައި އޮންނާނީ ދުނިޔޭގައި ކޮރޯނާވައިރަސް ފެތުރުމުގެ ކުރިން. ދުނިޔޭގެ ހުރިހާ ގައުމެއްގެ އިގްތިސާދަށް މިކަމުން އަސަރު ކުރާނެ. މި ގައުމަށް މާބޮޑަށް އަސަރު ކުރާނެ. އަޅުގަނޑު ވަރަށް އެދެން ސަރުކާރުން ވެސް އަދި ރައްޔިތުންގެ މަޖިލީހުން ވެސް މިނިމަމް ވޭޖެއްް އިމްޕްލިމެންޓް ކުރައްވާ އިރު މި ކަންތަކަށް ރިޔާއަތް ކުރެއްވުން،" އޭނާ ވިދާޅުވި އެވެ.
މިނިމަމް ވޭޖާ ގުޅޭ ގޮތުން އާންމުންގެ ހިޔާލު ހޯދުމަށް ރައްޔިތުންގެ މަޖިލީހުގެ އިދާރާ އިން ބާއްވާ ބައްދަލުވުމުގެ ބައެއް ބައިވެރިން.---ފޮޓޯ: މަޖިލީހުގެ އިދާރާ
ޚާލިދާ ވިދާޅުވީ، މިނިމަމް ވޭޖް ކަނޑައެޅުމުގައި އިންޓަނޭޝަނަލް ލޭބާ އޮގަނައިޒޭޝަން (އައިއެލްއޯ) ގެ އެހީތެރިކަން ހޯދި ކަމަށާއި އަދަދުތައް ކަނޑައެޅީ އައިއެލްއޯގެ މަޝްވަރާއާ އެކު ކަމަށެވެ.
މިނިމަމް ވޭޖެއްގެ ގޮތުގައި ވޭޖް އެޑްވައިޒަރީ ބޯޑުން ކަނޑައަޅާފައި ވަނީ 6،400ރ. އެވެ.
އެންމެ ކުޑަ އުޖޫރަ ކަނޑައެޅުމާ ގުޅޭ ގޮތުން އާންމުންގެ ހިޔާލު ހޯދުމަށް ރައްޔިތުންގެ މަޖިލީހުގެ އިދާރާ އިން މިރޭ ބާއްވާ ބައްދަލުވުމުގައި ބައިވެރިވެވަޑައިގަންނަވާ ޕެނަލްގެ މެމްބަރުން.---ފޮޓޯ: މަޖިލީހުގެ އިދާރާ
މި މަސައްކަތް ކުރިއަށް ގެންދިޔަ އިރު ވަޒީފާ ދޭ ފަރާތްތަކާއި ވަޒީފާ އަދާކުރާ ފަރާތްތަކުގެ ޚިޔާލު ހޯއްދެއްވި ކަމަށް އޭނާ ވިދާޅުވި އެވެ. އެގޮތުން ދިރިއުޅުމުގެ ދަތިކަމާއި އަސާސީ ހިދުމަތްތަކުގެ އަގު ބޮޑު ކަމާއި މާލޭގައި ދިރިއުޅުމުގައި ޚަރަދު ބޮޑުކަމުގެ ވާހަކަތައް ވަޒީފާ އަދާކުރާ ފަރާތްތަކުން ފާހަގަކުރެއްވި ކަމަށް ވިދާޅުވި އެވެ.
މީގެ އިތުރުން އަތޮޅު ތެރޭގައި ދިރިއުޅޭ މީހުންގެ ދިރިއުޅުމުގެ ޚަރަދުތައް ކުޑަ ނަމަވެސް އެހެނިހެން ޚަރަދުތަކަށް ބޮޑު ހޭދައެއް ކުރާކަން އެނގިގެން ދިޔަ ކަމަށް އޭނާ ވިދާޅުވި އެވެ.
އެންމެ ކުޑަ އުޖޫރަ ކަނޑައެޅުމާ ގުޅޭ ގޮތުން އާންމުންގެ ހިޔާލު ހޯދުމަށް ރައްޔިތުންގެ މަޖިލީހުގެ އިދާރާ އިން މިރޭ ބާއްވާ ބައްދަލުވުމުގައި ބައިވެރިވެވަޑައިގަންނަވާ ބައެއް މެމްބަރުން.---ފޮޓޯ: މަޖިލީހުގެ އިދާރާ
"ޓީޗަރުން ވެސް ޑޮކްޓަރުން ވެސް ހިއްސާކުރެއްވީ ކުރަންޖެހޭ މަސައްކަތާއި އަދާކުރަންޖެހޭ ޒިންމާ އާއި އަޅާބަލާ އިރު އެކަށީގެންވާ އާމްދަނީއެއް ނުލިބޭ ވާހަކަ،" އޭނާ ވިދާޅުވި އެވެ.
ޚާލިދާ ވިދާޅުވީ، ވަޒީފާ ދޭ ފަރާތްތަކުން ފާހަގަކުރި ކަންތައްތަކުގެ ތެރޭގައި ދިވެހިން ވަޒީފާތަކުގައި ގެންގުޅެން ދަތިކަމާއި ދިވެހިން މަސައްކަތް ކުރުމުގައި ފަރުވާ ކުޑަކުރުން ހިމެނެ އެވެ.
އޭނާ ވިދާޅުވީ، މިނިމަމް ވޭޖެއް ކަނޑައެޅުމަށްޓަކައި ދިމާވި އެންމެ ބޮޑު ދައްޗަކީ، ޑޭޓާ ލިބުމުގައި ދިމާވި މައްސަލަތައް ކަމަށެވެ. ނަމަވެސް ލިބެން ހުރި މައުލޫމާތަކާ އެކު މިނިމަމް ވޭޖް ކަނޑައެޅީ މިނިވަންކަމާ އެކު ކަމަށް ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އޮނަރަބްލް އަފީފު ދީދީ
05 March 2020
ލިއުމުގައިވާ 2 ވަނަ ފޮޓޯގެ މެދުގައި އިންނެވި "އަހަރުމެން ދަންނަ ޝާއިރާގެ މައްޗަށް" ދުވަހަކުވެސް އަޑު ނީވޭ ޝާއިރާއެއް އަހަރުމެންގެ މަޤުބޫލުކަންހޯދީތާ!! # ކުޑަ ޝާއިރާއަށް މަރުޙަބާ. ބިރުން ފަސްދިނުމެއްނެތި ހިތްވަރާއިއެކު ދެން އޮންނަ މިފަފަ ބައްދަލުވުމަކަށް އިތުރު ބައިވެރިންނާއި އެކުގައި ވަޑައިގެން "ރައްޔަތުންގެ ދިފާޢުގައި" ތިގޮތަށް އަޑު އުފުއްލަވާނެކަމަށް އުއްމީދު ކުރަން.
ާއުނިމާ
05 March 2020
ތިޔަ ރަނގަޅު ވަގުތެއް ރަނގަޅު އަދަދެއްވެސް ކަނޑާނޭޅޭނެ، އެކަމް،އަހަރެމެން ޤަބޫލުކުރާ މިނިމަމް ވޭޖަކީ މަދުވެގެން 10000ރ،އެއީ މިސަރުކާރުން ވަޢުދުވީ ވަރަކީވެސް! އަހަރެމެން ވޯޓުލީވެސް އެވަޢުދުތަކަށް، ދެއްކި މެނެފެސްޓޯއަށް! ތިޔަ މީހުންނަށް ވޯޓުލައިގެން ހޮވީ ޕާޓީ ކުލަ މާ ރީތިވެގެނެއްނޫން! ކަންކަން ނުވާކަމަށް ވަންޏާ ފޮނި އަގަ ނުތަޅުވައި އިސްތިއުފާ ދެއްވާފަ ގެއަށް ދާންވީ! ވެރިކަން ކުރާނެ މީހުން އަނެއްކާވެސް އަނެއް މެނިފެސްޓޯއާއެކު އަހަރެމެން ހޯދާނަން!
ހިސެން
05 March 2020
މވަގުތު ސްކޫލް އޮފީސް ކެންޕޭން ކޯޓުތައް ރ މ، ދަތުރު ދިއުންއޮވޭ. ދެން މިވަންވޭޖުގެ ވާހަކަ ކަނޑައަޅަން މިވަގުތު ގޯސްވީ ކީއްވެބާ ! އިންތިހާބު ބޯމަތި ވެފައޮތީމާބާ؟
އޮނަރަބްލް އަފީފު ދީދީ
05 March 2020
ކުޑަ މުސާރައާއި އެކު "ބިދޭސިންގެ މައްޗަށް މިޤާނޫނު ނުހިގާގޮތަށް" މިކަން ކުރާން ފުރުސަތުދީގެން ނުވާނެ. # ރިސޯޓް އޯނަރުންނާއި މަސީފަދަ އަމިއްލައެދުން ބޮޑު ވިޔަފާރި މަހުޖަނުން ބޭނުންވަނީ މިއީ ދިވެހިންނަށް ޙާއްސަ ޤާނޫނަކަށް ހަދަން. # އެމީހުންގެ ބޭނުމަކީ ބޭރުމީހުންގެ މައްޗަށް މިޤާނޫނު ނުހިގާނެތީ ދިވެހިން ވަޒީފާތަކަށް ނުނަގާ މުޅިންވެސް ބިދޭސިން ވަޒީފާއަށް ނެގުން. މިގޮތަށް މިކަން ކުރުމަށް ދޫކޮށްގެން ނުވާނެ.
އޮނަރަބްލް އަފީފު ދީދީ
05 March 2020
ކަލޭމެނަށް ތިޔަ ވަގުތު ނާންނާނެ. ކުޑަ މުސާރައަށް، ޓީއެމްއޭގެ މައްސަލައަށް، އިންކަމްޓެކްސް ނެގުމުގެ މައްސަލައަށް ވެސް ވެގެން ތިދަނީ ހަމަ އެއްގޮތެއް. # އިންކަމް ޓެކްސް ޤާނޫނު ފާސްކުރީ މާނައެއްނެތް ގޮތަށް ޑިވިޑަންޓް ފައިދާއިން ޓެކްސްދޭން ނުޖެހޭގޮތަށް މަހުޖަނުން ހިމާޔަތްކުރާ ޤާނޫނެއްގެ ގޮތުގައި. # ދައުލަތަށް އެތައް މިލިޔަން ރުފިޔާގެ ގެއްލުން ލިބޭގޮތަށް ޓީއެމްއޭއަށް ސީޕްލޭން ޓާމިނަލް ދިނީ "މިއީ ބަދަލު ގެންނާން ރަނގަޅު ވަގުތު ނޫން" ކަމަށްބުނެފަ.
އޮނަރަބްލް އަފީފު ދީދީ
05 March 2020
ޙާލިދާ. ދިވެހި ރައްޔަތުންގެ ޙަޒާނާއިން އުޖޫރަދީފަ ދައުލަތުން ޒިންމާއެއް ޙަވާލު ކުރީމަ ހިތު ހުރިގޮތަކަށް ވާހަކަ ދެއްކުމުގެ ބަދަލުގައި ފެންނާންއޮތް ސާފު ސީދާ ހަޤީގަތެއްގެ މައްޗަށް ބިނާކޮށް މެނުވީ ވާހަކަ ދައްކައިގެން ނުވާނެ. # އެހެން ނޫނަސް ކަލެއާއި ހަވާލު ކުރީ ކުޑަމުސާރަ ދޭނެ ވަގުތާއި ދަނޑިވަޅު ކަޑައަޅާ އެއީ ކުރާން ރަނގަޅު ކަމެއްތޯ ނޫންތޯ ބަލާކަށްނޫން. ނުއުފުލޭވަރުގެ ޒިންމާއެއްނަމަ މަހު އުޖޫރަ ނަގަނަގާ ނުހުރެ ރައްކާވާން އުޅޭ.
މުޙުއްމާ
05 March 2020
މިނިމަމް ވޭޖް ކަޑައޅަން ތިބި މީހުނަކަށް މިނިމަމް ވޭޖް އާއި ލިވިން ވޭޖް ވަކިކުރާކަށް ނޭގުނު. ދެން މިނިމަމް ވޭޖަކަށް 85000ރ ކަޑައަޅަންވީ ނުން. އެއިރުން ހުރިހާ އެއްމެންގެ ވަޒީފާ ގެއްލުނީމަ އޮންނާނެ މިނިމަމް ވޭޖް ކަޑައެޅިފަ.
ދައުލަތް
05 March 2020
މިނިމަމް ވޭޖް ކަނޑައެޅިދާނެ އެކަމަކު މިވަގުތުގެ ގޮތުން ޢަމަލުކުރުން ފަސްކުރެވިދާނެ. ބޖެޓަށް މިހާވަރު އެހާވަރު އިތުރު ކުރަންޖެހޭ ވާހަކަ އާ މިކަނޑައަޅާ އަދަދަކީ ދެވިދާނެ އަދަދެއްތޯ އޭ ކިޔައިގެން މިހާރު ވާހަކަދެއްކުމުގެ ބޭނުމެއްނެތް ވަޢުދުވީ މިހުރިހާކަމަކަށް ބަލާފަނުންތަ؟ އެހެންވީމަ ދެން ވަޢުދުވީ ގޮތަށް ވަޢުދު ފުއްދާ. ތިވަޢުދުވީމް ވޯޓްދީގެންހޮވީ.
ނެވިމީހާ
05 March 2020
މަޓީ ހިމާޔަތް ކުރާ ބޯޑެއް ބޭނުމެއް ނޫން.
ޢަލީ ނަޢީމް
05 March 2020
ޚަރަދު ބޮޑުވާގޮތަށް ސަރުކާރުގެ ޢަމަލުތައް ހުރީ.. އަދިވެސް ވަޒީފާ ދޭން ވެއްޖިއްޔާ ޕާޓީކުދިންނަށް ދެވޭ...