އަތޮޅު ފިހާރަތައް އަތޮޅުތަކަށް ރަޖިސްޓްރީކޮށްދޭން އެދެފި

ގއ. އަތޮޅު ކައުންސިލްގެ މެމްބަރުން ރައްޔިތުން މަޖިލީހުގެ ރައީސް މުހައްމަދު ނަޝީދުއާ ބައްދަލުކުރެއްވުން.-- ފޮޓޯ: ރައްޔިތުންގެ މަޖިލީސް

އިފްރާޒް އަލީ، މިހާރު

09 ޑިސެމްބަރ 2021 - 14:59

13 comments

މާލޭ ނޯތު ހާބަރު ސަރަހައްދުގައި ބޮޑުތަކުރުފާނު މަގުގައި ހުންނަ އަތޮޅު ފިހާރަތައް، އަތޮޅު ކައުންސިލްތަކަށް ރަޖިސްޓްރީކޮށްދީ، އެތަންތަނުން ލިބޭ އާމްދަނީ ސީދާ އަތޮޅުތަކަށް ލިބޭ ގޮތް ހަދައިދިނުމަށް ސަރުކާރުގެ ކަމާބެހޭ އިދާރާތަކާ އެކު މަޝްވަރާކުރަން ފަށައިފި އެވެ.

މިކަމުގައި އިސްކޮށް އުޅުއްވާ ގއ. އަތޮޅު ކައުންސިލްގެ ރައީސް އިބްރާހިމް ޝާހީން މިއަދު "މިހާރު" އަށް ވިދާޅުވީ އެ އަތޮޅުގެ އަތޮޅު ފިހާރައާ އެކު، އެ ސަރަހައްދުގައި ހުރި އެހެން އަތޮޅުތަކުގެ ފިހާރަތައް ވެސް ކައުންސިލްތަކާ ހަވާލުކޮށްދިނުމަށް އެދި މާލޭ ސިޓީ ކައުންސިލާއި ރައްޔިތުންގެ މަޖިލީހާ އެކު މަޝްވަރާ ބައްދަލުވުންތައް ބާއްވައިފައިވާ ކަމަށެވެ.

ޝާހީން ވިދާޅުވި ގޮތުގައި، މި ފިހާރަތަކުން ލިބޭ އާމްދަނީ ކުރިން އަތޮޅުތަކަށް ސީދާ ފައިދާ ކުރި ނަމަވެސް، މިހާރު އެ މަގު ވަނީ ބަންދުވެފަ އެވެ. އެހެންވެ، ކޮންމެ ފިހާރައެއް ނިސްބަތްވާ އަތޮޅަކަށް މާލީ ފައިދާ ވާނެ ގޮތަށް، މި ތަންތަނުގެ ރަޖިސްޓްރީ ބަދަލުކޮށްދޭންޖެހޭ ކަމަށް އޭނާ ވިދާޅުވި އެވެ.

ކައުންސިލާއި މަޖިލީހުން އެއްބާރުލުން ދޭނެ

މި މަސައްކަތުގައި ފުރިހަމަ އެއްބާރުލުން ދެއްވާނެ ކަމުގެ ޔަގީންކަން މާލޭގެ މޭޔަރު ޑރ. މުހައްމަދު މުއިއްޒު އާއި މަޖިލީހުގެ ރައީސް މުހައްމަދު ނަޝީދު ދެއްވި ކަމަށް ޝާހީން ވިދާޅުވި އެވެ.

"މި ފިހާރަތައް އަތޮޅު ކައުންސިލްތަކާ ހަވާލުކުރުމަށް ސަރުކާރުގެ ކަމާބެހޭ އިދާރާތަކާ މަޝްވަރާކޮށް އަދި މަޖިލީހުގެ ކޮމިޓީތައް މެދުވެރިކޮށް ވެސް ކުރެވެން ހުރި ކަންކަން ކޮށްދެއްވާނެ ކަމަށް ރައީސް ނަޝީދު ދެންނެވި،" އޭނާ ވިދާޅުވި އެވެ.

ޝާހީން ވިދާޅުވީ ގއ. އަތޮޅު ކައުންސިލުން އިސްނައިގެން ކުރަން އުޅޭ މި މަސައްކަތުގައި ބައިވެރިވުމަށް ށ. އަތޮޅު ކައުންސިލުން ވެސް މިހާރު ވަނީ ޝައުގުވެރިކަން ފާޅުކޮށްފަ އެވެ. އޭނާގެ އުއްމީދަކީ ކުރިއަށް އޮތް ތަނުގައި ހުރިހާ އަތޮޅު ކައުންސިލްތަކުން ވެސް މި ކަމަށް އެއްބާރުލުން ދިނުމެވެ.

އަތޮޅު ފިހާރަތައް އަތޮޅު ކައުންސިލްތަކުގެ ބެލުމުގެ ދަށަށް ގެންދަން މަސައްކަތް ފެށިއިރު، މާލެ ސިޓީ ކައުންސިލުން ކުރިއަށް އޮތް ފަސް އަހަރަށް އެކުލަވާލި ލޭންޑް ޔޫސް ޕްލޭންގައި ވަނީ މި އަތޮޅު ފިހާރަ ބަރި ބުޓީކް ޝޮޕްތަކަކަށް ބަދަލުކުރާށެވެ.

ރައީސް މުހައްމަދު ނަޝީދު މާލެ ސިޓީ ކައުންސިލް ލޯކަލް ކައުންސިލްތައް ގއ. އަތޮޅު ކައުންސިލް

13 ކޮމެންޓް, 10 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޢަޔޫފް

09 December 2021

އެހެންވީމަ މާލޭ އަތޮޅު ރަޔިތު ފިހާރަ ކޮންމެ އަތޮޅެއްގަ ހުނަން ޖެހޭނެ. އެސްޓީއޯ މާލެ ކައުންސިލާ ހަވާލުކުރޭ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޮނަރަބްލް އަފީފު ދީދީ

09 December 2021

ކޮންމެހެން އަހަރުމެންދެކެ މާހެޔޮއެދޭ ބަޔަކަށް ވެގެން ހީލަތްތެރި ގޮތްގަނޑު ދައްކާނެ ކަމެއްނެތް. # އަހަރުމެންނަކީ މަޖުބޫރީ ހާލަތް މެދުވެރިކޮށް ވޭދުވެދިޔަ 60 އަހަރު "ކުލީ އަޅުންގެ ގޮތުގައި" ގެންގުޅެފައިވާ ބަޔަކަށްވާތީ "ކުއްޔޭ ބުނީމަވެސް" އަހަރުމެން ބިރުގަނެ ސިހޭގޮތްވޭ. # ތިބޭފުޅުން ގޭންއެއަރޕޯޓްގައި އަޅުވާފައިވާ "ބޮޑު ތަޅު" ނައްޓާލަދީ އަހަރުމެނަށް އިޤްތިސޯދީ މިނިވަންކަން ދޫކޮށްލުމުން ތިޔަ ޒައްރާއެއްފަދަ ލާރިކޮޅު އަހަރުމެނަކަށް މުހިންމެއްނޫން އިގޭތޯ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަތޮޅު އެދުރު

09 December 2021

އަހަރުން އަތޮޅަށް ނިސްބަތްވާ ފިހާރަޔެއް ހުރިތަނެއް ނުދެކެން ތިޔަ ބަރިޔަކު

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޢަލީ

09 December 2021

މާލޭން ކޮންމެ އަތޮޅަކަށް 2000 އަކަފޫޓުގެ ފިހާރައެއް ރަޖިސްޓްރީކޮށްދޭންޖެހޭ އެއްވެސް ސަބަބެއްނެތް. ލާމަރުކަޒީ ޤާނޫނުގަ އިޙްތިޞާސް ކަޑައެޅިއިރު މާލޭން ކޮންމެ އަތޮޅަކަށް 2000 އަކަފޫޓުގެ ބިމެއްގެ އިޙްތިޞާސް ލިބިގެންވޭތޯ?. މޮޔަކަންދޯ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަފްރާސިޔާބު

10 December 2021

އަތޮޅު ފިހާރަކަކީ ރާއްޖޭގެ ހުރިހާ އަަތޮޅަކަށް އާމްދަނީ ހޯދައި ދިނުމަށް އެއިރުގެސަރުކާރުން ވިސްނާފައި ބުނީ އެއޮތީ މާލޭގެ ފަޅޭ ހިއްކައިގެން ފިހާރަ ހަދާށޭ. ބުނީމާ ކޮންމެ އަތޮޅަކުން މާލޭގެ ފަޅު ގަލާއި ވެއްޔާއި އަޅައިގެން ބިން ހިއްކައި ފިހާރަހަދައި ވިޔަފާރީގެ ހުއްދައަށް އެދުމުން ބުނީ ސަރުކާރުން ލާ މެނޭޖަރެކޭ ތަން ހިންގަނީ އަދި ސަރުކާރުން ކޮންމެ އަތޮޅަކަށްވެސް 10000ރުފިޔާ ދޭނަމޭ. ހުޅުމާލޭ ފަޅު އެޗްޑީސީން ހިއްކީމާ މިލްކުވެފައި މާލޭފަޅުއަތޮޅަށްނުލިބޭނެތަ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވިސްނާލާ

09 December 2021

ތިޔަ ކަމަކީ ރަނގަޅުކަމެއް! އަދި މިއާއެކު އަތޮޅު ފިހާރަތައް އަތޮޅުތަކަށް ލިބި އެތަންތަނުން ލިބޭ އާމްދަނީ އެ އަތޮޅެއްގެ ރަށް ތަކަށް ބަހަންޏާ ޖުމުލަ އާމްދަނީ ބެހެންޖެހޭނީ ރަށްތަކުގެ އާބާދީއަށް ބަލައިގެން ހަމަހަމަ ކޮށެވެ. އަދި އޭގެ ނަފާ ދަރިންނަށް ތަޢުލީމު ދިނުމާއި ރަށުން ރަނގަޅު ވަޒީފާއެއް ނުލިބޭތީ މާލޭގައި ވަޒީފާ އަދާކުރަން ދަތި ޙާލުގައި މީހުންނަށް ވެސް ތީގެ ފައިދާ ލިބެންޖެހޭނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އައްޓަމަސް

09 December 2021

އެޔި އެހެން ޒަމާނެއް، މީ އެހެން ޒަމާނެއް ނުޖެހެނެ ކޮންމެހެން މާލޭން ބިމެއް އތޮޅޫތަކަށް ރަޖިސްޓަރީ ކުރާކަށް، މާލޭމާރުކޭޓު ގޮޅިތައްވެސް ރަށްރަށުމީހުންނަށް، އެހެންވިއްޔާ ރައްރަށުގައި ހުރި ބޮޑެތި ބިންތައްވެސް މަލެ ސިޓީކައުންސިލަށް ރެޖިސްޓުރީ ކޮއްދޭން ފެނޭ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޢިބޫ

09 December 2021

އެހެންވީމަ އަތޮޅުތަކުގަ ހުރި ކައުންސިލް އިދާރާތަށް މާލެއަށް ރަޖިސްޓްރީ ކޮއްދީ، ކޮންމެ ސަރުކާރަކުންވެސް ވެރިކަމަށްޓަކާ މަލޭގެ ރައްޔިތުން ގުރުބާން ކުރަނީ.