ޚަބަރު / މޫސުން

ރާއްޖޭގެ ދެކުނަށް ހުޅަނގު މޫސުން ފެށިއްޖެ

މާލެއަށް ކުރިން ވާރޭވެހުނު ރެއަކު މީހަކު ބައިސްކަލެއްގައި ކުޑަ ނަގައިގެން ދުއްވާފައި ދަނީ.-- ފޮޓޯ: މިހާރު

އިފްރާޒް އަލީ، މިހާރު

10 މެއި 2024 - 18:50

13 comments

މި އަހަރުގެ ހުޅަނގު މޫސުން ރާއްޖޭގެ ދެކުނުގެ އަތޮޅުތަކަށް އިއްޔެ ފެށިއްޖެ އެވެ.

މެޓް އޮފީހުން މިއަދު ނެރުނު ބަޔާނެއްގައި ބުނީ ރާއްޖޭގައި އޮންނަ ދެ މޫސުމުގެ ތެރެއިން އިރުވައި މޫސުމަކީ މީލާދީ ގޮތުން ބަލާއިރު ގާތްގަނޑަކަށް ޖެނުއަރީ މަހުން ފަށައިގެން މާޗުގެ ނިޔަލަށް ކަމަށެވެ. އަދި ހުޅަނގު މޫސުމަކީ ގާތްގަނޑަކަށް މެއި މަހުން ފެށިގެން ނޮވެމްބަރު މަހުގެ ނިޔަލަށް ކަމަށް އެ އިދާރާ އިން ބުންޏެވެ.

ހުޅަނގު މޫސުމުގެ އަސަރުތައް އާންމު ގޮތެއްގައި މެއި މަހުގެ ފުރަތަމަ ނުވަތަ ދެވަނަ ހަފުތާގެ ތެރޭގައި ދެކުނުގެ އަތޮޅުތަކަށް ފަށާ ކަމަށާއި އޭގެ ފަހުން މި މޫސުމުގެ އަސަރު މެދުރާއްޖެތެރޭގެ އަތޮޅުތަކަށް ފޯރައި މެއި މަސް ނިމުމުގެ ކުރިން މުޅި ރާއްޖެއަށް ހުޅަނގު މޫސުން ފެށޭ ކަމަށް މެޓުން ބުންޏެވެ.

"މި އަހަރުގެ ހުޅަނގު މޫސުން ދެކުނުގެ އަތޮޅުތަކަށް ފެށިފައި ވަނީ މެއި މަހުގެ 9 ވަނަ ދުވަހު،" އެ ބަޔާނުގައިވެ އެވެ.

ހުޅަނގު މޫސުން ފެށުނު ކަމަށް ބަލާ މިންގަނޑު

ހުޅަނގު މޫސުން ފެށުނު ކަން ޔަގީންކުރުމަށް ދެ ގޮތަކަށް ބަލަ އެވެ. އެއީ ވާރޭވެހުނު ވަރާއި ވައިގެ މިސްރާބު ހުރި ގޮތެވެ.

• މެއި މަހުގެ ފުރަތަމަ ދުވަހުގެ ފަހުން ދެކުނުގެ އަތޮޅުތަކަށް 2.5 މިލިމީޓަރު ނުވަތަ އިތުރަށް ވާރޭވެހުމާއި އެ ހާލަތު ވިދިވިދިގެން ދެ ދުވަހަށް ނުވަތަ އިތުރަށް ދެމިގެން ދިއުން.

• ވައިގެ މިސްރާބު ހުޅަނގު ދެކުނާއި ހުޅަނގާ ދެމެދު ހުރެފައި ގަޑިއަކު 10 ނޯޓިކަލް މޭލަށް ވުރެ ބާރުމިނުގައި ޖެހުމާއި އެ ހާލަތު ވިދިވިދިގެން ދެ ދުވަހަށް ނުވަތަ އިތުރަށް ދެމިގެން ދިއުން.

Raajjeyge baeh hisaabuthakah aadhayaa hilaafah vaarey vehun ekasheegenvey: MET

The most trusted news source in the Maldives

Mihaaru

މި އަހަރުގެ ހުޅަނގު މޫސުމުގައި ރާއްޖޭގެ ބައެއް ސަރަހައްދުތަކަށް އާދަޔާ ހިލާފަށް ވާރޭވެހުން އެކަށީގެންވާ ކަމަށް މެޓް އޮފީހުން ވަނީ މި ހަފުތާގައި އިންޒާރު ވެސް ދީފަ އެވެ.

މެޓް އޮފީހުން ބުނީ، އަންނަ މަހާއި ޖުލައި މަހާއި އޯގަސްޓް މަސް އަދި ސެޕްޓެމްބަރު މަހުގެ ތެރޭގައި އުތުރާއި މެދުރާއްޖެތެރޭގެ އަތޮޅުތަކަށް އާންމުކޮށް ވާރޭވެހޭ ވަރަށް ވުރެ އިތުރަށް ވާރޭވެހޭނެ ކަމަށް ލަފާކުރެވޭ ކަމަށެވެ. އެކަމަކު، ރާއްޖޭގެ ދެކުނަށް އެ ދުވަސްވަރު ވާރޭވެހޭނީ އާންމުކޮށް ވާރޭވެހޭ ވަރަށް ވުރެ މަދުން ކަމަށް ވެސް ބުންޏެވެ.

އެ ދުވަސްވަރު ރާއްޖޭގެ ހުރިހާ ސަރަހައްދެއްގައި ވެސް ފިނިހޫނުމިން އެންމެ މައްޗަށް ދާނެ ވަރާއި އެންމެ ދަށަށް ދާނެ ވަރު ވެސް އާންމުކޮށް ހުންނަ ވަރަށް ވުރެ މަތިވާނެ ކަމަށް ވެސް މެޓް އޮފީހުން ލަފާކުރެ އެވެ.

މޫސުން ވާރޭ މެޓް މޫސުން ލަފާކުރާ ގޮތް

13 ކޮމެންޓް, 4 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ބަދަ

12 May 2024

މޫސުމީ ތަފާތު ބޮޑު ދުވަސްތަކެއް އަހަރުތެރެއަކު ރާއްޖެއަށް ކުރިމަތިނުވޭ.ވަކި މޫސުމެއްވީމަ ވާރޭވެހިފަ ނޫނީ ވާރޭނުވެހިފަ ނުހުރޭ.އަބަދުވެސް ވާރޭވެހޭ އަދި ވިއްސާރަވޭ،ހަމައެގޮތައް ވައިމަޑު ހޫނުވެސްވޭ.އީކުއޭޓާ ގައުމުތަކުގަ އޮންނަނީ އެއްމެ މޫސުމެއް،މާބޮޑު ތަނަކަށް ހަދާގެން އުތުރާ ދެކުނާ މެދުރާއްޖެތެރެއޭ ކިޔަސް ވިއްސާރަކޮޅެއްވީމަ ބުނާނެ ރާއްޖެމަތީގަ ހެދިފައޮތް ވިލާގަނޑެއްގެ ސަބަބުން މުޅިރާއްޖެއަށް ހަފްތާއެއްވަންދެން ވިއްސާރަކުރާނެޔޭ.އެހާވެސް ކުޑަތަނެއްމީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ތުނޑުހަސަނު

11 May 2024

ހުޅަނގު މޫސުން މިއަންނަނީ އުތުރަށް ވަކިދުވަސްވަރެއްގައި ދެކުނަށް ވަކި ދުވަސްވަރެއްގައިތަ!. މިކަން މިއެނގުނީ މިފަހަރު. އަހަރެމެންނަށް ޒަމާނުއްސުރެ އެނގިފައި އޮތީ އޭޕްރީލް 8 ން ފެށިގެން މުޅި ރާއްޖެއަށް ހުޅަނގު މޫސުން ފެށޭކަމަށް. ހުޅަނގު މޫސުމުގެ ވިއްސާރަ އެކިފަހަރު އެކި ހިސާބުތަކަށް ކުރާނީ އެކިވަރަށް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަލުންފަށާ

11 May 2024

މިހާރު މިއޮތް މިޓިއިރޮލޮޖީން ރާއްޖޭގެ މޫސުން އަނެއްކާ ބަހަން ވެއްޖެނޫންތަ. ރާއްޖޭގެ ދެކުނަށް މޫސުން ފެށޭ ދުވަސްވަރަށް ނަމެއް. އުތުރަށް ފެށޭ ދުވަސްވަރަށް ނަމެއް. އޭރުން އެހެން ތަންތަންށް އަންނަ ގޮތަށް ހޫނު މޫސުމާ ފިނި މޫސުމާ ވިއްސާ މޫސުންމާ ވައިމަޑު މޫސުމާ ކިޔަން އަލުން ދަސްވާނީ. ވޭތުވެ ދިޔަ ދެހާސް އެތައް އަހަރެއްވީއިރު ރާއްޖެއަށް އަންނަނީ 2 މޫސުން. އެ ދެ މޫސުން ފެށޭ ދުވަސްވެސް ވަނީ ތާރީޚު ކުރެވިފައި. މިހާރު މިވަނީ އޮޅުވާލާފަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބަކަރި

11 May 2024

ހުޅަނގު މޫސުން ފެށެނީ ހުޅަނގު މޫސުމުގެ ފުރަތަމަ ނަކަތް ލައިގަތީމަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޖުއްބާ

10 May 2024

މަރުހަބާ ހުޅަނގު މޫސުން. އަވަހައް އަޅުގަނޑުގޭ ފެންތާނގި ފުރާލާ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޛުލީނާ

10 May 2024

ރާއްޖޭގައި އޮންނަނީ 2 މޫސުން. މި ލިޔުމުގައި ބުނެފައިވާގޮތުން، އެ 2 މޫސުމުގެ ތެރޭގައި އެޕްރީލްމަހާއި ޑިސެންބަރުމަސް ނުހިމެނޭ. އެހެންވީއިރު، އެ 2 މައްސަރު ހިމެނެނީ ކޮން މޫސުމެއްގައިބާ؟ ނުވަތަ އެ 2 މައްސަރު މި ގައުމަށް ނާންނަނީބާ؟ ރާއްޖޭގެ މޫސުންތައް ކަނޑައެޅިފައިވާ ގޮތުގައި ކުރިއްސުރެ ބުނަނީ ހުޅަނގު މޫސުމުގެ ދުވަސްތަކަކީ އެޕްރީލް 8 އިން ޑިސެންބަރު 9 ގެ ނިޔަލަށް ކަމަށް. އިރުވައި މޫސުމުގެ ދުވަސްތަކަކީ ޑިސެންބަރު 10 އިން އެޕްރީލް 7 ގެ ނިޔަލަށްކަމަށް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ށިޔާމް

10 May 2024

މެޓު އޮފީހުން އެވާހަކަ އެބަ ޖެހޭ ކިޔާ ދޭން ތަންކޮޅެއް ރަނގަޅަށް، ވެބުސައިޓުގަ އިންނަ ގޮތުން އެދެމަހަކީ ދެ މޫސުން ބެދޭ މަސްތައް، ވަކި މޫސުމަކަށް ހާއްސަ ނުވަނީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޛުލީނާ

11 May 2024

ށިޔާމް. ރާއްޖޭގެ 2 މޫސުމުގެ ނަކަތްތައް ކުރިއްސުރެ ކަނޑައެޅިފައިވާގޮތުން، އިރުވައި މޫސުމުގެ ފުރަތަމަ ނަކަތް (މުލަ) ފެށެނީ ޑިސެންބަރު 10 ގައި. ފަހު ނަކަތް (ރޭވަ) ނިމެނީ ވިދިގެން އަންނަ އަހަރުގެ އެޕްރީލް 7 ގައި. އެއީ އިރުވައި މޫސުމަކީ. ހުޅަނގު މޫސުމުގެ ފުރަތަމަ ނަކަތް (އައްސިދަ) ފެށެނީ އެޕްރީލް 8 ގައި. ފަހު ނަކަތް (ދޮށަ) ނިމެނީ ޑިސެންބަރު 7 ގައި. އެއީ ހުޅަނގު މޫސުމަކީ. ހުޅަނގު މޫސުމުގައި ބޮޑަށް ވާރޭވެހުނަސް، މޫސުން ފެށެނީ ވާރޭވެހެން ފެށީމައެއް ނޫން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޛުލީނާ

11 May 2024

ހުޅަނގު މޫސުމުގެ ފަހު ނަކަތް (ދޮށަ) ނިމެނީ ޑިސެންބަރު 7 ގައި ކަމަށް ލިޔެވިފައިވަނީ ލިޔުމުގެ ކުށަކުން. ރަނގަޅު ގޮތަކީ ޑިސެންބަރު 9 ވަނަ ދުވަސް. މި ކުށަށް ކިޔުންތެރިންގެ ކިބައިން މާފަށް އެދެން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ތެންކިޔޫ

10 May 2024

ޝުކުރިއްޔާ އިފްރާޒް. އިފްރާޒް ހުންނަ ކަމުން މި އެނގެނީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޭހަނދާ

10 May 2024

މައުމޫނުގެ ބަހެއް ނެތްތަ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބަދަލުކުރާށޭ

10 May 2024

ދެން އީޕީއޭ އިން މާދަމާ އިއުލާނެއް ނެރޭނެއޭ މާލޭގެ މަގުތަކަށް އެޅޭ ފެންކަނޑަށް ވަގުތުން ބޭރުވާ ގޮތަށް ޕަންޕް ސްޓޭޝަން ތައް ބަހައްޓައިގެން އެކަން ކުރުމަކީ ކަނޑުހުދުވެ ގާހުދުވެ މަސް ހުދުވާނެ ކަމެކޭ އެހެންވީމާ މިހާރު ސަރުކާރުން ފަށާފައިވާ މަޝްރޫއު ހުއްޓާލަން އީޕީއޭ އިން މިހާތަނަށް ވަގުތީ ގޮތުން މަޑުޖައްސާލަން އަންގާ އެންގުމަކީ އެއީ ދާއިމީ އެންގުމެކޭ ވަރަށް ބޮޑަށް މަކަރާއި ހީލަތުން އުޅޭ ތަނެކޭ އެއީދޯ އީޕީއޭ ބަދަލުކުރަންވީ ސިފައިންގެ ބެލުމުގެ ދަށަށޭ