އެއާޕޯޓުގެ ޑިއުޓީ ފްރީން ގަވާއިދާ ހިލާފަށް ސިނގިރޭޓް ބޭރުކުރި މައްސަލާގައި ހައްޔަރުކުރި ސިފައިންގެމީހާ
27 މާޗް 2025 - 15:48
ވެލާނާ އިންޓަނޭޝަނަލް އެއާޕޯޓުގެ ޑިއުޓީ ފްރީ ފިހާރައަކުން ގަވާއިދާ ހިލާފަށް ސިނގިރޭޓް ބޭރުކުރި މައްސަލައެއްގައި ސިފައިންގެ މީހަކު އިއްޔެ ހައްޔަރުކޮށްފި އެވެ.
ފުލުހުން މިއަދު ބުނީ، އެ މައްސަލާގައި ހައްޔަރުކުރީ ނ. ވެލިދޫ ގަސްކަރަ، މުހައްމަދު އައިހަމް ކަމަށެވެ. އުމުރުން 23 އަހަރުގެ އައިހަމް ކޯޓު އަމުރެއްގެ ދަށުން އިއްޔެ ހައްޔަރުކުރި ނަމަވެސް ޑިއުޓީ ފްރީ އިން ވަގަށް ސިނގިރޭޓް ބޭރުކުރަން އޭނާ އުޅުނީ މިދިޔަ ހުކުރު ދުވަހުގެ ހަވީރު އެވެ.
އައިހަމްގެ ބަންދާ މެދު ގޮތެއް ނިންމަން ކޯޓަށް ގެންދިއުމުން 10 ދުވަހުގެ މުއްދަތަށް ބަންދުކޮގެން ތަހުގީގު ކުރުމުގެ އަމުރެއް ވަނީ ދީފައި ކަމަށް ފުލުހުން ބުންޏެވެ.
އެނގިފައިވާ ގޮތުގައި އައިހަމް ޑިއުޓީ އަދާކުރަނީ އިންޓަނޭޝަނަލް ވެލާނާ އެއާޕޯޓުގަ އެވެ.
ވެލާނާ އިންޓަނޭޝަނަލް އެއާޕޯޓުގެ ޑިޕާޗާ ޓާމިނަލުން ހުއްދަ ނެތި ސިނގިރޭޓް ކާޓަންތަކެއް ބޭރުކުރި މައްސަލައެއްގައި ވެސް ފުލުހަކު ހިމެނޭހެން ދެ މީހަކު އިއްޔެ ރޭ ހައްޔަރުކުރި އެވެ. ނަމަވެސް ބަންދުގެ މުއްދަތު ޖަހަން ގެންދިއުމުން ކޯޓުން އިއްޔެ އެ ދެ މީހުން ވެސް ދޫކޮށްލި އެވެ.
އެ މައްސަލާގައި ހައްޔަރުކުރީ ފުލުހެއް ކަމަށްވާ ދަފްތަރު ނަމްބަރު ރސ. 14358، ޔޫސުފް ނަޒީރު، 38 އާއި އެމްއޭސީއެލްގެ މުވައްޒަފެއްގެ ގޮތުގައި މަސައްކަތް ކުރަމުން އައި މ. ސިލްވަނެސްޓް، އަހުމަދު އަފްޒަލް، 45 އެވެ.
ފުލުހުން ބުނީ، ފުލުސް މީހާ ކަމަށްވާ ޔޫސުފް ނަޒީރު މުސާރަ ނުހިނގާ ގޮތަށް ސަސްޕެންޑު ކޮށްފައިވާ ކަމަށެވެ. އަދި ފުލުހުންގެ ކަންކަން ބެލުމަށް ފުލުހުންގެ އެތެރޭގައި އުފައްދާފައިވާ ބޯޑުތަކުން ޔޫސުފް ނަޒީރުގެ މައްސަލަ ބަލަމުން އަންނަ ކަމަށް ބުންޏެވެ.
އެއާޕޯޓުގެ ޑިޕާޗާ ޓާމިނަލުން ނެރެގެން ގެންދަން އުޅުނު ޑަސްބިން ކޮތަޅުތަކެއް ޗެކުކުރިއިރު، އޭގައި ސިނގިރޭޓް ކާޓަންތަކެއް ފެނުނު މައްސަލައެއް ކަސްޓަމްސް އިން ފުލުހުންނަށް ހުށަހެޅީ މިދިޔަ އަންގާރަ ދުވަހު އެވެ.
Copyright © 2025 Mihaaru · Terms and Conditions · Privacy Policy
ކޮމެންޓްތައް
އަބްޑޫޅް +
29 March 2025
މިހާރު ސިނގި ކާޓޫނެއްގެ އަގު ހުރީ ކިހިނެއްތަ؟
raajje
28 March 2025
ދެރަކަމެކޭދޯ! އުމުރުން އެންމެ 23 އަހަރު، ދިވެހިންއުޅެންޖިހިފައިވާދަތިއުނދަގޫގޮތާމެދުކަންބޮޑުވަން، ދާދިފަހުން އައިޖީއެމްއެޗްގެ ދަތުގެ ޑޮކުޓަރަކަށްދަށްކާލަން ބެލިިއިރު 500 އެއްހާމީހުންގެ ކިއުއެއްއޮތް، ދެތިންހަފުތާވާނެކަމަށްބުނި، އިރުއިރުކޮޅާމާލޭގެ މަގެއްހަދަން ބޭކާރުހަރަދުނުކޮށް ރާއްޖޭގަހުރި މާލެއަށްވުރެން ބޮޑެތިރައްތައް ތަރަށްގީނުކުރެވިގެން މިއުޅެނީކީއްވެ؟ މާލެސަރަހައްދުގައި ބުރިޖުއަޅައަޅާފަ ހުރިހާކަމެއް ބޮނޑިކޮށްގެން ހޯދޭނެހައްލެއްނެތް
ލަދުގަނޭތަ
28 March 2025
ރަގަޅު ވަޒީފާ އެއްގަ އުޅެމުން ފުލުހުންގެ ހުރަސް ރޮގު ޕޮޓޯއައްއަރާ މުޅި ސިފައިން ގޭގެ އަގު ވައްޓާލީނު .
ރަނގަބީލު
28 March 2025
ޗެކުކޮށްލަބަލަ ރަނގަޅަށް ، ޕައިލެޓުންގެ ދަބަސްތަކާ ކުރޫއިންވެސް ކިތަށްކިލޯއަތުވޭތޯ. ބެލިއްޔާތާ.
ސިލްވަރު
28 March 2025
ރާއްޖެއިން ބޭރަށް ދާއިރު ޕައިލެޓުންނާއި ކުރޫއިން ކީއްކުރަންތޯ ތިބޭފުޅާއަށްވެސް ޑިއުޓީފުރީ އިން މުދާ ގަނެގެން ގެންގޮސް ގެނެވޭނެ
އަބްޑޫޅް +
28 March 2025
ފައިކޭޓުގަ ރަށުބިޑި ބޭރުކުރަން އުޅުނު މީހުން ކޮބާ؟
ކުރަގަނޑު
28 March 2025
ދަށްކޮށް ފާސްވާކުދިން ވައްދަން ރަގަޅުތަނެއް.
ސަޅިއެއްނޫންބުރޯ
28 March 2025
ގުރުއާނުގެ ތަރުޖަމާއެއް 1 ފަހަރު ކިޔާލިޔަސް އިނގޭނެ ތި ކުރާ ހުވާތަކުގެ އަސްލު ބަރުދަން. އެ ބަރުދަން އިހުސާސެއް ނުވޭ ގިނަ ސިފައިންނަކަް. އަނގައިން ބޭރުކޮށްލާ ބަސްތަކެއް ހަމަ. ސާ ސާ ކިޔާފަ އުޅުނަސް ވިސްނުން ހުންނަނީ ޕާޓޭ ފާޑަށް
ފުލުތކ
27 March 2025
ތިކަމުގެޒިންމާ ނަގަންޖެހޭނީ ތިކަމެއް ތަޢާރަފުކޮށް ތިކަންފެށި ސަރުކާރެއް. ރައީސް މުޢިއްޒުގެ ސަރުކާރުން ތިފަަދަކަމަކަށް ކުރުމުގެ ފުރުސަތެއް ނުދޭނެ. ތިކަމެއްތިވީ ތިކަން ތަޢާރަފުކޮށް ބޮންޑެޑް ވެއާހައުސިންގެކަންތައް ފެށީމައެއްނު!
ހަޖާމްބެ
27 March 2025
ދައުލަތެއް ފެއިލްވާނީ މިހާވަރަކަށް،
ހަމަދު ސަލީމް
27 March 2025
އޯކޭވާނެ، މާދަން ދޫކޮއްލާނެ.
ސވލ
27 March 2025
ޝައްކެއްނެތް.