493 މިލިއަން ރުފިޔާގެ ސަޕްލިމެންޓްރީ ބަޖެޓެއް މަޖިލީހަށް ފޮނުވައިފި

ނޫސްވެރިންގެ ބައްދަލުވުމެއްގައި ފިނޭންސް މިނިސްޓަރު މުނައްވަރު ވާހަކަ ދައްކަވަނީ: އޭނާ މާދަމާ ސަޕްލިމެންޓްރީ ބަޖެޓު ހުށަހަޅުއްވާނެ. --ފޮޓޯ: ހުސެއިން ވަހީދު /މިހާރު

މުހައްމަދު ޔާމީން، މިހާރު

23 އޮކްޓޯބަރ 2017 - 20:11

13 comments

ދައުލަތުގެ ބަޖެޓްގެ ގޮތުގައި ފާސްކޮށްފައިވާ އަދަދަށް ވުރެ އިތުރަށް މިއަހަރު ހިނގާނެ ކަމަށް ބެލެވޭ ޚަރަދުތައް ހަމަޖެއްސުމަށް 493 މިލިއަން ރުފިޔާގެ ސަޕްލިމެންޓްރީ ބަޖެޓެއް ރައްޔިތުންގެ މަޖިލީހަށް ފިނޭންސް މިނިސްޓްރީން ފޮނުވައިފިކަން "މިހާރު" އަށް އެނގިއްޖެ އެވެ.

ސަޕްލިމަންޓްރީ ބަޖެޓަކީ މި އަހަރަށް މަޖިލީހުން ފާސްކޮށްފައިވާ ބަޖެޓަށްވުރެ އިތުރަށް ހަރަދުވާނެ ކަމަށް ބެލެވޭތީ ގާނޫނުއަސާސީގެ ދަށުން ސަރުކާރުން ހުށަހެޅި ބަޖެޓެކެވެ. މާދަމާ އޮންނަ މަޖިލީހުގެ ޖަލްސާގައި ސަޕްލިމެންޓްރީ ބަޖެޓު ހުށަހެޅުމަށް ވަނީ އެޖެންޑާކޮށްފަ އެވެ.

މިއީ ފަހުގެ ތާރީޚެއްގައި ސަރުކާރަކުން މަޖިލީހަށް ހުށަހަޅާ ފުރަތަމަ ސަޕްލިމެންޓްރީ ބަޖެޓެވެ. ނަމަވެސް ސަޕްލިމެންޓްރީ ބަޖެޓުގައި ހިމެނޭ ތަފްސީލްތަކެއް އަދި ނޭނގެ އެވެ.

ސަޕްލިމެންޓްރީ ބަޖެޓާ ގުޅޭ ގޮތުން ޕީޕީއެމް ޕާލަމެންޓްރީ ގްރޫޕްގެ ލީޑަރު އަދި ވިލިމާލެ ދާއިރާގެ މެމްބަރު އަހުމަދު ނިހާނު އިއްޔެ ވިދާޅުވި ގޮތުގައި ސަޕްލިމެންޓްރީ ބަޖެޓު އަމާޒުކޮށްފައި ވަނީ ނެޝަނަލް ސޯޝަލް ޕްރޮޓެކްޝަން އެޖެންސީ (އެންސްޕާ) އާއި މަޖިލީހުން ހުސްވެފައިވާ ދާއިރާތަކުގެ ބައި އިލެކްޝަނަށެވެ.

ހެލްތު މިނިސްޓްރީގެ ދަށުން ހިންގާ އެންސްޕާ އަށް އަށް މި އަހަރު ދޭން ބަޖެޓުގައި ކަނޑައެޅީ 731 މިލިއަން ރުފިޔާ އެވެ. މި އަހަރުގެ ފުރަތަމަ ހަ މަސް ދުވަސް ގާތްގަނޑަކަށް ނިމުނުއިރު، ލަފާކުރި ވަރަށް ވުރެ ވެސް ބޮޑު އަދަދެއް، އެންސްޕާ އާއި އާސަންދަ އަށް ހޭދަވެފައިވާ ކަމަށް ނިހާން ވިދާޅުވި އެވެ.

ބަޖެޓުގައި ބައި އިލެކްޝަނަށް ޚާއްސަކޮށްފައި ވަނީ ކިހާ އަދަދެއްގެ ފައިސާއެއް ކަން ސާފުނުވި ނަމަވެސް ހަ ދާއިރާއެއްގެ އިންތިހާބަށް 12 މިލިއަން ރުފިޔާ ޚަރަދުވާނެ ކަމަށް އީސީން ވަނީ ލަފާކޮށްފަ އެވެ.

މަޖިލީހުގެ މެޖޯރިޓީ ލީޑަރުކަން ވެސް ކުރައްވާ ނިހާނު ވިދާޅުވި ގޮތުގައި ބަޖެޓުގެ އަދަދުތައް އާއްމު ކުރާނީ، ފިނޭންސް މިނިސްޓަރު އަހްމަދު މުނައްވަރު މަޖިލީހަށް ބަޖެޓް ހުށަހެޅުއްވުމުންނެވެ.

މި އަހަރަށް ލަފާކޮށް ރައްޔިތުންގެ މަޖިލީހުން ފާސްކޮށްފައި ވަނީ 26.8 ބިލިއަން ރުފިޔާގެ ބަޖެޓެކެވެ. މި އަހަރުގެ ބަޖެޓްގެ ޑެފިސިޓް 303.7 މިލިއަން ރުފިޔާއަށް އަރާާނެ ކަމަށް ލަފާކޮށްފައިވެ އެވެ. އެއީ ޖީޑީޕީގެ ނިސްބަތުން 1.7 ޕަސެންޓެވެ.

ސަޕްލިމަންޓްރީ ބަޖެޓެއް ހުށަހަޅަން އުޅޭ ވާހަކަ އެންމެ ފުރަތަމަ ސަރުކާރުން ދެއްކީ މިދިޔަ ޖުލައި މަހު އެވެ. ސަޕްލިމަންޓްރީ ބަޖެޓާއި އަންނަ އަހަރަށް ސަރުކާރުން ހުށަހަޅާ ބަޖެޓު އައުމާ އެކު، އެ އޮންނަ އުސޫލުގެ ތެރެއިން މަސައްކަތް ކުރާނެ ކަމަށް ޕީޕީއެމުން ވަނީ ބުނެފަ އެވެ.

މަޖިލީހުގެ ޖަލްސާގައި ސަޕްލިމެންޓްރީ ބަޖެޓު ހުށަހެޅުމުގެ އިތުރުން ސަރުކާރުގެ ފަރާތުން އުނގޫފާރު ދާއިރާގެ ޕީޕީއެމް މެމްބަރު ޖައުފަރު ދާއޫދު ފޮނުއްވި މޯލްޑިވްސް މީޑިއާ ކޮމިޝަން ބިލުގެ ފުރަތަމަ ކިއުން އިއްވުމާއި އަންނަ އަހަރަށް ލަފާކުރާ އޮޑިޓާ ޖެނެރަލް އޮފީހުގެ ބަޖެޓު ފާސް ކުރުން ވަނީ އެޖެންޑާކޮށްފަ އެވެ.

ފިނޭންސް މިނިސްޓްރީ ދިވެހި ސަރުކާރު ރައްޔިތުންގެ މަޖިލިސް ދައުލަތުގެ ބަޖެޓް ބަޖެޓް ޑެފިސިޓް އަހުމަދު މުނައްވަރު (ގަވަރުނަރު) ދައުލަތުގެ ބަޖެޓް 2017

13 ކޮމެންޓް, 55 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އުޑު

24 October 2017

ނުބަހަނީ ކޯންޗެހެ މިދިޔައަހަރު ފާސްކުރި ބޮޑު ބަޖެޓްވެސް ކަޓްޖައްސަމުންގޮސް އެކަށް ކައްވާލިއެވެ. އެވަރު ނުވިތާކު ބައެއްނަގަން ފެށީއެވެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސައްތާރު / މހއ

24 October 2017

މިއަހަރަށް މަޖްލީހުން ފާސްކުރި ބަޖެޓަށް ވީގޮތަކާއި ކުރިކަމަކާއި ސަޕްލިމެންޓްރީ ބަޖެޓް ހުށައަޅަން ޖެހުނީ ފާސްކުރި ބަޖެޓް ހުސްވެގެންތޯވެސް ރައްޔިތުންނަށް އެގެންޖެހޭ.ފާސްކުރި ބަޖެޓްގައި ހުރި ހުރިހާ ބަދަރުތަކާއި ފްލެޓްތަކާއި ނަރުދަމާއާއި ފެނުގެ ހިދުމަތްތައްވެސް ނިމުނުތޯވެސް ބަލަން ޖެހޭ. ދައުލަތަށް މަހުން މަހަށް މިއޮތްލިބޭޭހާ ބިލިޔަން ރުފިޔާއަށް ވާގޮތެއް ކުރާމަކެއް އިގޭ އެކަކުވެސް ހަމަ ނޫޅެ. ތިގޮތަށް ރައްޔިތުންގެ ފައިސާ އިސްރާފުކުރުން ހުއްޓާލުމަށް އާދޭހާއިއެކު އެދެން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނަމޫނާ

24 October 2017

ސަރުކާރުން ގިނަ މެމްބަރުން ތަކެއް ވަކި ކުރީ، އެކަމަކު މެމްބަރުން ހޮވަންވީމަ އަނެއްކާވެސް ޓެކްސް ފައިސާ ޚަރަދުކުރަންވީ އެކަމަށް، މީ ކޮންކަހަލަ އިންސާފެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަސަން

24 October 2017

ހުރިހާ ކަމެއްވެސް ސިއްރުން ކުރާ ބަޔެއް ...

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަރީ

24 October 2017

ތާކުންތާކުން ނުޖެހޭ މިކަހަލަ މީހުން ސަރުކާރު ބުނާހާ އެއްޗެއް ހަދައިގެން މުޅި ގައުމު ދަރުވާލައިފި. ފިނޭންސް މިނިސްޓްރީ ވާންވާނީ ކޯސްޓް ކޮންޓްރޯލްކޮށް ގައުމުގެ މުސްތަގްބަލަށް ވިސްނާ ގައުމު ދަރުވާނުލާ، ރައްޔިތުންނަށް ފައިދާ ކުރާނެ ގޮތަކަށް ރެވެނިއު ޖެނެރޭޓްކުރާނެ ގޮތްގޮތަށް މަގު ފަހި ކޮއްދޭ ބަޔަކަށް. އޭގެ ބަދަލުގަ މިމީހުން މުޅި ގައުމު ބޭރު މީހުންނަށް ވިއްކާލާފަ، ދިވެހިން މިތިބީ އެމީހުންގެ އަޅުވެތިކަމުގެ ދަށުގަ. މުޅި ފިނޭންސް މިނިސްޓްރީގެ ސިޔާސީވެރިންގެ ބުއްދި ބޭނުމެއް ނުކުރެވޭ. ތިބެނީ މެޑަމަށް ސަނާކިޔަން! ލަދު!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދަވޭ

24 October 2017

ސަޕްލިމެންޓްރީ ބަޖެޓެއް ސަރުކާރުން ހުށައަޅިއިރު އޭގައި ވެސް އޮތީ ކެޕިޓަލް އިންވެސްޓްމެންޓް ނަމަ އެއީ މަމެން އުފާ ކުރާ ކަމެކެވެ. އެއީ އެކަމަކު 12 މިލިއަން ރުފިޔާ ބައި އިލެކްޝަންސް އަށް ޚަރަދު ކުރަން ކުރާ ކަމެއް ނަމަ އެކަން ކޮށްގެން ނުވާނެ ޓެކްސްޕޭޔަރ މަނީން. ދެން އެކަން ޖެހޭނީ މަޑު ޖައްސާލަން 2019 އަންނަން ދެން. މަޖްލީހުގެ މެމްބަރުން ގެ ހަގީގީ ބޭނުމެއް އެމެން ރައްޔިތުންގެ ކޮންސާރންސް ތަކެއް މަޖްލީހުގައި ރެއިޒް ކުރާ ތަން ނުފެނެއެވެ. މާލެ ސަރަހައްދުގެ އެމްޕީން ދުވަނީ ރިޔާސީ ކެންޑިޑޭޓަކު ހޮވަން ލައްގަޅޭ ލައްގަޅޭ މައިން މަށަށް ލައްގަޅޭ ރިޔާސީ ކެންޑިޑޭޓް މިލަވަ ކިޔަމުން. މާލެ ސަރަަހައްދުގައި ގޯތި ނުލިބިފައި ތިބި މީހުންގެ ވޮއިސް އާރ އަންހާރޑް. މާލެ ސަރަަހައްދުގައި ވިޔަފާރި ކުރާ މީހުންނަށް މާލެ ސަރަހައްދުން ބިން ތައް ކުޑަ އަގުގައި ދިގުމުއްދަތަކަށް ހޯދާ ދިނުން އަންހާރޑް. ދެން ކޮބާތޭ މަޖްލީހުގެ މާލެ ސަރަހައްދަށް އެހާ ގިނަ އެމްޕީން ތިބުމުގެ ބޭނުމަކީ. މަމެންގެ ދާއިރާގެ އެމްޕީ ލޮލުން ނުދެކެން އަދި.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކުކުނިނި

24 October 2017

ދެކޮޅުނުޖެހޭ ސަރުކާރު ހިންގާ އިކޮނޮމިސްޓް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މިފަހަރުޔާމީނުއެކެބުރުން

24 October 2017

މިފަހަރުވާނެ ހދ އަތޮޅުސިޓީ ޔަކައްބަދަލުކޮއް ޔާމިނު 2018 ވަނައަހަރު ހެވޭނެ ހުރިހާގޮތެއް ހަދަން އަދި ފަތުރުވެރިކަންނެތް ހދ އަތޮޅައް ދުނިޔޭގެ ވަރުގަދަ ބުރޭނޑްތައް ގެންނަން ފަޅުތައް ހިއްކާލާފަ ފޯސީސަން ވަންއެންއޮންލީ ފަދަ ފަރާތްތަކައް ދިގުމުއްދަތައް އެބިންތައް ދޫކުރަން ގައުމައްދިމާވާ ބޮޑެތި ކަންކަމުގަ ފުރާނަދިޔަސް ފަސްއެނބުރި ފިލާކައް ނުދުވާނެ ނިމިދިޔަހުރިހާ ސަރުކާރަކުންވަނީ މިއަތޮޅައް ނަނާހުވަފެން ދައްކާފަ ވީމާ ޔާމިނު މިކަންކަން ފުރިހަމަކޮއްދޭތީ ނުހަނު އުފާކުރަން .

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދޮން އާމިރު

24 October 2017

ނުޑޭނަން ވޯޓެއް، ގެންލުނު ހުރިހާ ފައިސާއެއް ބައިތުލްމާލަށް ނުވައްދަނީސް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މެންޓަލިސްޓް

24 October 2017

ކޮންމިއުޓަރާޢި އެކްސެލް ހުރިއްޔާ ކިތަންމެބޮޑު ހިސާބުއަދަދުތަކެއްވެސް ޖަހާލާފައި ދެކޮޅުދިމާކޮއްލެވިދާނެ ،، އަޅުގަނޑުމެންވެސް އެކައުންޓްސް ހެދާޢިރު ހުންނާނެ ބެލެންސްޝީޓްތަށްވެސް އެގޮތްމިތޮތަށް ބެލެންސްކޮއްލާފައި ،، އެއީކީ މާކައުނދަކޫކަމެށްނޫން ،، ޕަބްލިކް އެކައުންޓްސްއަކީވެސް ހަމައެގޮތަށް ބޭނުންގޮތެއްހެދޭއެއްޗެއް ،، އެކަމު ރަގަޅު ފޮރެންސިކް އޯޑިޓްއެއް ހަދާފިއްޔާމުން މަޅިވެސް އަރުވާލެވޭނެ ،،، ވީމާ ފައިނޭންސް މިނިސްޓަރވެސް ތިޔަހައްދަވާ ހިސާބުތަކުގައި ފަހުން ތިމާގެ އަބުރު ސަލާމަތް ކުރެވޭވަރުކުރާތި ،، ނޫނީ ތިޔޮއްޒުވާންދުވަސްވަރު މީހާގެ އަގުވެއްޓި ވަރަށްބޮޑު ހިއުމިލިއޭޝަންއަކަށް ވެދާނެ ،،، ވަރަށްވެދުން