ގާސިމްގެ ފަން އައިލެންޑް ރިސޯޓުގައި ހުރި ބަނގުރާ ފުޅިތައް ގެންދަން ކަސްޓަމްސް އޮފިސަރުން ރޭ ތައްޔާރުވަނީ.
21 ޖެނުއަރީ 2018 - 14:39
19 comments
ޖުމްހޫރީ ޕާޓީގެ ލީޑަރު ގާސިމް އިބްރާހީމްގެ ރޯޔަލް އައިލެންޑް ރިސޯޓަށް ރަލާއި ބަނގުރާ އެތެރެކުރުމަށް ސަރުކާރުން ދީފައިވާ ހުއްދަ އިކޮނޮމިކް މިނިސްޓްރީން މިއަދު ހިފަހައްޓައިފި އެވެ.
އެ ރިސޯޓަށް ބަނގުރަލާއި އޫރުމަސް އެތެރެކުރުމުގެ ހުއްދަ ހިފެހެއްޓިއިރު، ގާސިމްގެ ވިލާ ޝިޕިން އެންޑް ޓްރޭޑިންގެ ދަށުން ހިންގާ ސަން އައިލެންޑް ރިސޯޓާއި ޕެރެޑައިސް އައިލެންޑް ރިސޯޓާއި ހޮލިޑޭ އައިލެންޑް ރިސޯޓް އަދި ފަން އައިލެންޑް ރިސޯޓަށް ބަނގުރަލާއި އޫރުމަސް އެތެރެކުރުމުގެ ހުއްދަ މިދިޔަ އަހަރުގެ މާޗް މަހުން ފެށިގެން ވަނީ ބާތިލްކޮށްފަ އެވެ.
ރޯޔަލް އައިލެންޑަށް ރަލާއި އޫރުމަސް އެތެރެކުރުމުގެ ހުއްދަ ހިފެހެއްޓުމާއެކު، ގާސިމްގެ އެއްވެސް ރިސޯޓަކަށް އެ ތަކެތި އެތެރެކޮށް ވިއްކުން ހުއްޓުމަކަށް އައީ އެވެ.
ރޯޔަލް އައިލެންޑް ރިސޯޓު ހިންގާ އައިލެންޑް ޓްރެވެލް އެންޑް ޓްރޭޑް ޕްރައިވެޓް ލިމިޓެޑުގެ މެނޭޖިން ޑިރެކްޓަރު އަދި ވިލާގެ ޗެއާމަން ގާސިމަށް އިކޮނޮމިކް މިނިސްޓްރީން މިއަދު ފޮނުވި ސިޓީގައި ބުނެފައި ވަނީ، ރަލާއި އޫރުމަސް އެތެރެކުރުމަށް އެ ކުންފުންޏަށް ދީފައިވާ ހުއްދަ ބޭނުންކޮށްގެން، "ބަނގުރަލާއި އޫރުމަހުގެ ގަވައިދު" 11 ވަނަ މާއްދާގެ (ނ) ގައި ބަޔާންކޮށްފައިވާ ފަދަ އަމަލެއް ހިންގާފައިވާކަން، ބަލައި ފާސްކުރުން ފާހަގަވެފައިވާ ކަމަށެވެ.
އެެހެންވެ ރަލާއި ބަނގުރާ އެތެރެކުރުމަށް ރޯޔަލް އައިލެންޑް ރިސޯޓަށް ދީފައިވާ ހުއްދަ މިއަދުން ފެށިގެން ހަ މަސް ދުވަހަށް ހިފަހައްޓާފައިވާ ކަމަށް އިކޮނޮމިކް މިނިސްޓްރީން ބުންޏެވެ.
ރޯޔަލް އައިލެންޑް ރިސޯޓަށް ގެންދާ ރަލާއި އޫރުމަސް ގާސިމްގެ އަނެއް ހަތަރު ރިސޯޓަށް ގެންދާ ކަމަށް ކަސްޓަމްސްއިން ތުހުމަތު ކުރެ އެވެ. އެހެންވެ ކަސްޓަމްސްއިން ވަނީ ކްރިމިނަލް ކޯޓުގެ އަމުރެއްގެ ދަށުން، ގާސިމްގެ ހުރިހާ ރިސޯޓަކަށް ފުލުހުންގެ އެހީތެރިަކަމާއެކު އަރައި މިދިޔަ ބުރާސްފަތި ދުވަހު ފާސްކޮށްފަ އެވެ. އަދި އާ ކޯޓު އަމުރަކާއެކު ކަސްޓަމްސްއިން އިއްޔެ ވަނީ ފަން އައިލެންޑް ރިސޯޓަށް އަރައި ގިނަ އަދަދެއްގެ ރާ ގެންގޮސްފަ އެވެ.
ކަސްޓަމްސްއިން ބުނެފައި ވަނީ ރަލާއި އޫރުމަސް ދޫކުރަމުން ގެންދަނީ ވަކި ތަނަކަށް ގެންދިއުމަށް އިގުރާރު ވުމަށް ފަހު ކަމަށް ވާއިރު އެ ތަކެތި އެހެން ތަންތަނަށް ގެންގޮސް ވިއްކައި، ބޭނުން ކުރުމަކީ ގާނޫނީ ކުށެއް ކަމަށެވެ. އަދި ވިލާގެ ހަތަރު ރިސޯޓުގައި ގަވާއިދާ ހިލާފަށް ގިނަ އަދަދަކަށް ބަނގުރާ ގެންގޮސް ބޭނުން ކުރަމުން އަންނަ ކަން ފާހަގަ ކުރެވިފައިވާ ކަމަށް ކަސްޓަމްސްއިން ބުނެ އެވެ.
އެ އިދާރާއިން ކުރިން ބުނެފައި ވަނީ ސަން އައިލެންޑާއި ޕެރެޑައިސް އާއި ހޮލިޑޭ އަދި ފަން އައިލެންޑަށް ރަލާއި އޫރުމަސް ދޫކުރުމުގެ އިތުރުން ވެސް އެހެނިހެން ޚިދުމަތްތައް ދިނުން ކަސްޓަމްސްއިން މިދިޔަ އަހަރުގެ މާޗް 22 އިން ފެށިގެން ހުއްޓާލާފައިވާ ކަމަށެވެ. ޚިދުމަތްތައް ހުއްޓާލީ ކަސްޓަމްސްއިން ބުނެފައިވާ ގޮތުގައި، މީރާއަށް ދައްކަންޖެހޭ ފައިސާ ގަވާއިދާ އެއްގޮތަށް ނުދައްކާތީ، މީރާގެ އެންފޯސްމަންޓް ޕޮލިސީގެ ދަށުންނެވެ.
ވިލާ ހޮޓެލްސް އެންޑް ރިސޯޓްސްގެ ގުރޫޕް ޖެނެރަލް މެނޭޖަރު ގައިސަރު ނަސީމް "މިހާރު" އަށް މިއަދު ވިދާޅުވީ، ރޯޔަލް އައިލެންޑް ރިސޯޓު އުފައްދާފައި ވަނީ އައިލެންޑް ޓްރެވަލް އެންޑް ޓްރޭޑްގެ ދަށުން ކަމަށް ވިޔަސް، އެ ރިސޯޓު އޮޕަރޭޓް ކުރަމުން އަންނަނީ ވިލާއިން ކަމަށެވެ. ރޯޔަލް އައިލެންޑުން އެހެން ރިސޯޓުތަކަށް ރަލާއި އޫރުމަސް ފަދަ ތަކެތި ގަވާއިދުގެ ތެރެއިން ގެންދެވޭ ކަމަށާއި މިހާތަނަށް ވެސް އެކަން ހިންގީ އެގޮތަށް ކަމަށް އޭނާ ވިދާޅުވި އެވެ.
"މިއީ މީހެއްގެ މުދާ، އަޅުގަނޑުމެން ފައިސާ ދީފައި، ދައްކަން ޖެހޭ ޓެކުހާއި އެއްޗެހި ދައްކައިގެން މިތަނަށް ގެނެސްފައި ހުރި އެއްޗެހިތައް [މިއީ]. އެހެންވީމަ މީހެއްގެ މުދާ އެގޮތަށް ފޭރިގަނެގެން ނުގެންދެވޭނެ. ގާނޫނުއަސާސީގައި މީހުންގެ މުދަލާއި ގެދޮރު ރައްކާތެރިކޮށް ދިނުމަށް ވަރަށް ބޮޑަށް ބާރު އަޅާފައި އޮންނަނީ،" ސަން އައިލެންޑުގެ ޖެނެރަލް މެނޭޖަރު ގައިސަރު ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އާދަން
22 January 2018
ވިލާ ގުރޫޕުން ވޭތުވެދިޔަ 10 މަސް ދުވަހު ޖީއެސްޓީއާއި ގްރީން ޓެކްސް ނުދައްކާ ކަމަށް މީރާއިން ވަނީ ބުނެފަ. ވިލާ ގުރޫޕުގެ ބައެއް ރިސޯޓުތަކުންވަނީ ބަނގުރާ އެތެރެކުރުމާއި ވިއްކުމުގައި އަމަލުކުރަން ޖެހޭ އުސޫލާ މުޅިން ހިލާފުވެފަ. އަދި ވިލާގެ ބައެއް ރިސޯޓުތަކުން ދައްކަން ޖެހޭ ޖީއެސްޓީއާއި ގްރީން ޓެކްސް ނުދައްކާތީ އެ ފައިސާ ދައްކަން ތަކުރާރުކޮށްވަނީ އަންގާފަ. މިހާރުވެސް ވިލާ ގުރޫޕުން ބައެއް ފަޅުތަކަށް ދައްކަން ޖެހޭ ފައިސާ ހޯދުމަށް ކޯޓަށް މައްސަލަ ހުށަހަޅާފައިވޭ. ނޯވަން އިޒް އެބައުދަ ލޯ. ކޮބާތޯ ހަޔާތް..ލަދު.. 10 މަސް ދުވަހު ޖީއެސްޓީއާއި ގްރީން ޓެކްސް ނުދައްކާ. މުވައްޒަފުން ނެރިގެން މުޒާހިރާކޮށްގެން ނުވަތަ އިދިކޮޅޭމެން މުޒާހިރާކޮށްގެން ނުވަތަ އިންޓަވިޔުތައްދީގެން ހީނުކުރާތީ ޖީއެސްޓީއާއި ގްރީން ޓެކްސްއިން ރެކެވިދާނެކަމަށް. ޖެހޭނީ ދައްކަން. ރިސޯޓެއް ވިއްކާލައިގެންވެސް މިފައިސާ ހޯދުމަކީ ސަރުކާރުން ކުރަން ލާޒިމުކަމެއް. ރައްޔިތުންގެ ޙައްޤުގަ. ޤައުމުގެ ޙައްޤުގަ.
ދޮންމަނިކުބޭބެ
22 January 2018
ކޮބާ ވިލާ ގްރޫޕް. ކޮބާ އިދިކޮޅޭމެން. ކޮބާ ކުނޫޒަށް އެއްވާ ގްރޫޕް. ކޮބާ އާޓިފިޝަލް ބީޗް ސަރަޙައްދައް އެއްވާ ގުރޫޕް. ކޮބާ ވިލާ ރިސޯޓްތަކުގަ މަސައްކަތްކުރާ މީހުން. ތިޔަބައި މީހުނަށް ވިލާ ގެ ފެންވަރު އެގިއްޖެބާ. އަދިވެސް ފާޑުފާޑުގެ ވާހަކަ ދައްކާ. މިއޮތީ ބޮޑު ބޭޒާރުވެފަ. ވިލާގެ ދަރަނިތައް އޮތް މިންވަރު މިއޮތީ އެގެން. ވިލާގެ ރިސޯޓެއް ވިއްކާކައިގެންވިޔަސްހެޔޮ ލަސްނުކޮށް ފައިސާ އަތުލުމަކީ ރާއްޖޭގެ ރައްޔިތުންގެ ޙައްޤުގައި ކުރަންޖެހިފައިވާ ޤައުމީ މަސައްކަތެއް. މީދެންވަރަށް ވާހަކަ. އެމަންޒަރު އަޅުގަނޑަށް އެބަ އިޙްސާސްވޭ.
ޔުނައިޓެޑް އައްޑޫ
21 January 2018
100 ޕަސެންޓް އިސްލާމީ ދިވެހިރާއްޖޭގައި މާތްﷲ ހަރަމް ކުރެއްވި ރަލާއި އޫރުމަސް ނުލައި ރިސޯޓް ހިންގަން އެނގޭ މީހަކު ނެއްތަ؟
ޔާމިން
21 January 2018
ކިޔވާދީ ބަލާބޮޑުކޮއް ޕާރޓީގެ ސުލޮޓެއްގަ މިނިސްޓަރ ކަން ދެއްވާ މީހަކައް ހެދީމަ މިކަހަލަ އެތަކެއް އިނާމެއް ލިބޭނެ. އިންސާނުންގެ ލަދު ހަޔާތެއް ނެތްކަން ހާމަވާ ކަމެއްމީ. މީހަކައް ދެރައެއްދޭންވީމަ ގާނޫނާގަވާއިދު އޮންނަނީ. އެއައް އަމަލު ކުރަންވީމަ ގާނޫނުގައި ކޮޅުފައިން މިޖަހަނީ . ނިމުންހިތިވާނެ
އައިންތު
21 January 2018
އިރާދަކުރެއްވިއްޔާ މާ ރަނގަޅު ގޮތެއްވެސް ވެދާނެ.
ނޫސަންގު
21 January 2018
ރާއްޖޭގައި ކުންފުނި ރެޖިސްޓްރީ ކުރުން ހުއްޓާލާ ކޭމަން އައިލޭންޑްސް ނޫނީ ބަހާމާސް ގައި ރެޖިސްޓްރީ ކުރަންވީ. އޭރުން އޯކޭ ވާނެ
އުދުހޭ
21 January 2018
ހުދުމުހުތާރު ވެރިކަން ނިމި ދިވެހިރައްޔިތުންނަށް ހެޔޮލަފާ ވެރިޔަކު ލިބުނީމާ މި ގެއްލުމުގެ ބަދަލު ގެއްލުންދިން ފަރާތުން ނަގައިދެވޭނެ ކަމަށް ދެކެން!
ކެނެޑީ
21 January 2018
މިހާރު ފިލްމުގެ ފަހު ސީން ވަރަށް ކައިރިވެއްޖެހެން ހީވަނީ ދެން ފިލްމު ބަލާކުދިން ހުންނާނީ ފިލްމު ބަލަން. އަހަރުމެންނަކަަށް ލިބޭނެ އެއްޗެއް ނޯންނާނެ މީގަ ހީރޯ ނޫނީ ވިލަން މޮޅުވިއަސް.
ޝަރފު
21 January 2018
ގައިސަރު ބުނެދޭނވީ ކޮން ގާނޫނެއްގެ ކޮން ގަވާޢިދަކުންތޯ ތި ގޮތަށް ރަލާ އޫރުމަސް ބޭނުން ކުރެވެނީ. ކަސްޓަމުން ހާމަކޮށް އެދައްކަނީ ގާނޫނުތަކާއި ގަވާޢިދާ ޚިލާފުކަން. މިކަން މިހެން އޮތް ކަމަށްވާނަމަ ގައިސަރުމެން މިއަދާ ހަމައަށް ތި ހިންގީ ބޮޑު ޖަރީމާއެއް. މުއައްޒަފުން ނެރެގެން ގެސްޓުން ކުރިމަތީ މުޒާހަރާތް ކުރުވިޔަސް ގާނޫނު ބަދަލެއް ނުވާނެ. މުއައްޒަފުންނަށް ހައްގު މުސާރަ ނުދީ، ދައުލަތަށް ދޭންޖެހޭ ޓެކްސް ނުދައްކާ، ރައްޔިތުންނަށް އޮޅުވާލުމަށް ދައްކާ ވާހަކަތައް ގަބޫލެއް ނުކުރާނެ. ވިޔަފާރި ކުރެވޭނީ ރާއްޖޭގެ ގާނޫނާއު ގަވާޢިދުގެ ތެރެއިން. އޭގެ ބޭރުން އެކަން ކުރަން މިއަދަކު ފުރުސަތެއް ނެތް. ދިވެހި ރައްޔިތުންގެ ހައްގު ދިނުމަށް ވިލާއަށް ގޮވާލަން.
ޢަލީބަލީ
21 January 2018
އެހެންވާނީ ކަސްޓަމްސުން މަނާކޮއްފަ އޮންނަކަންކަން ކުރަންޏާ. އަދިވެސް އުޅެނީ ގަދަދައްކަން. ޖެހިގެންއުޅޭ މައްސަލަ ހައްލުކުރަން އުޅުނިއްޔާ މާރަގަޅުވާނެ.