ފަނޑިޔާރުން ހުވާކުރުމުގެ ގޮތުން ސުޕްރީމްކޯޓުގައި ބޭއްވި ރަސްމިއްޔާތެއްގައި އުއްތަމަ ފަނޑިޔާރު ބައިވެރިވެވަޑައިގަންނަވަނީ.---ފޮޓޯ: ހުސެއިން ވަހީދު/މިހާރު
14 ފެބުރުއަރީ 2018 - 17:51
11 comments
ޖުޑީޝަލް ސާވިސް ކޮމިޝަން (ޖޭއެސްސީ) އިން އުއްތަމަ ފަނޑިޔާރު އަބްދުﷲ ސައީދު ސަސްޕެންޑް ކުރީ ގާނޫނުތަކާ ޚިލާފަށް ކަމަށާއި އެ މައްސަލަ ރައްޔިތުންގެ މަޖިލީހަށް ހުށަހަޅަން ނިންމާފައިވާ ކަމަށް އެމަނިކުފާނުގެ ވަކީލު ހިސާން ހުސައިން މިއަދު ވިދާޅުވެއްޖެ އެވެ.
ވެރިކަން ވައްޓާލަން އުޅުމާއި ރިޝްވަތުގެ ތުހުމަތުގައި ހައްޔަރު ކޮށްފައިވާ އުއްތަމަ ފަނޑިޔާރު ސަސްޕެންޑް ކުރީ، ޖޭއެސްސީން ބުނެފައިވާ ގޮތުގައި، އެމަނިކުފާނާ ގުޅޭ ގޮތުން މިހާތަނަށް ފުލުހުންނަށް ލިބިފައިވާ ހެކިތަކަށް ބަލައި، ދައުލަތުގެ ތަހުގީގީ އިދާރާތަކުން އެ މައްސަލާގައި ގޮތެއް ކަނޑައަޅައި އެ ކޮމިޝަނުން ގޮތެއް ނިންމަންދެނެވެ.
އުއްތަމަ ފަނޑިޔާރަށް ފުލުހުން ކުރާ ތުހުމަތުތަކާ ގުޅޭގޮތުން، އެމަނިކުފާނުގެ ފަރާތްޕުޅުން ބޭއްވި ނޫސްވެރިންގެ ބައްދަލުވުމުގައި ހިސާން ވިދާޅުވީ ފުލުހުން ކުރާ ވަކި ތަހުގީގަކާ ގުޅިގެން އެމަނިކުފާނު ސަސްޕެންޑް ނުކުރެވޭނެ ކަަމަށެވެ. ވަކި ތަނަކުން މައްސަލަ ބަލާތީ ކަމަށް ބުނެ، ފަނޑިޔާރަކު ސަސްޕެންޑް ކުރުމުގެ ބާރު ގާނޫނުތަކުން ޖޭއެސްސީ އަށް ލިބިދީފައި ނުވާ ކަމަށް ވެސް ހިސާން ވިދާޅުވި އެވެ.
"އެ ބޭފުޅުން [ޖޭއެސްސީން] އަމަލުކުރަން ޖެހޭ، ތަބާވާން ޖެހޭ އިޖުރާއަތުތަކެއް ގާނޫނުތަކުގައި ބަޔާން ކޮށްފައި އެބަވޭ. މިގޮތުން އެންމެ އަސާސީ އެއް ސިފައެއްގެ ގޮތުގައި މި އޮންނަނީ އެ މައްސަލައެއް ތުހުމަތުވާ ފަރާތާ ސުވާލު ކުރެވި އޭނާގެ ބަހެއް ހޯދުމަށް ފަހު ނޫނީ އިދާރީ ފިޔަވަޅެއް ވެސް ފަނޑިޔާރަކާ މެދު ނޭޅޭނެ ކަމަށް،" ހިސާން ވިދާޅުވި އެވެ.
އެކަމަކު އުއްތަމަ ފަނޑިޔާރާ މެދު ފިޔަވަޅު އެޅީ ފުލުހުންގެ ތުހުމަތުތަކާ ގުޅޭގޮތުން ޖަވާބުދާރީވެވަޑައިގަތުމުގެ ފުރުސަތު ނުދީކަން ވެސް ހިސާން ފާހަގަކުރެއްވި އެވެ. އެއީ ގާނޫނުއަސާސީ އާއި ފަނޑިޔާރުންގެ ގާނޫނާއި ޖޭއެސްސީގެ ގާނޫނާ ވެސް މުޅިން ޚިލާފު ނިންމުމެއް ކަމަށް އޭނާ ވިދާޅުވި އެވެ.
އެ މައްސަލަ ރައްޔިތުންގެ މަޖިލީހަށް ހުށަހަޅަނީ، ހިސާން ވިދާޅުވި ގޮތުގައި، ޖޭއެސްސީ ޖަވާބުދާރީ ކުރުވުމުގެ ޒިންމާ ގާނޫނުއަސާސީން މަތިކޮށްފައި ވަނީ ރައްޔިތުންގެ މަޖިލީހާ ކަމަށް ވާތީ އެވެ.
ރާއްޖޭގައި ގާނޫނީ ގޮތުން އުފެދިފައި އޮތް ސަރުކާރު ވައްޓާލަން އުޅުނު ކަމުގެ ތުހުމަތުގައި އުއްތަމަ ފަނޑިޔާރާއެކު މިހާތަނަށް 13 މީހަކު ފުލުހުން ވަނީ ހައްޔަރުކޮށްފަ އެވެ. އޭގެ ތެރޭގައި ސުޕްރީމް ކޯޓުގެ ފަނޑިޔާރު އަލީ ހަމީދުގެ އިތުރުން ކުރީގެ ރައީސް މައުމޫން އަބްދުލްގައްޔޫމާއި ޗީފް ޖުޑިޝަލް އެޑްމިނިސްޓްރޭޓަރު ހަސަން ސައީދު ހިމެނިވަޑައިގަންނަވަ އެވެ. މީގެ އިތުރުން ރައްޔިތުންގެ މަޖިލީހުގެ ދިއްގަރު ދާއިރާގެ މެމްބަރު އަހުމަދު ފާރިސް މައުމޫނާއި މައްޗަންގޮޅި ދެކުނު ދާއިރާގެ މެމްބަރު އަބްދުﷲ ސިނާނާއި ދަނގެތި ދާއިރާގެ މެމްބަރު އިލްހާމް އަހުމަދާއި ވިލާ ކުންފުނީގެ މެނޭޖިން ޑިރެކްޓަރު އަދި ވިލާގެ ޗެއާމަން ގާސިމް އިބްރާހީމްގެ ދަރިކަލުން އިބްރާހިމް ސިޔާދު ގާސިމް ހިމެނިވަޑައިގަންނަވަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހިނާޖް ޝަރީފް
15 February 2018
ދަ ތްރީ އަބްދުﷲ'ސް އަބްދުﷲ ޔާމިން އަބްދުﷲ ސައީދު އަބްދުﷲ މަސީހު މެދު އަބްދުﷲ އަށް އުޅެން ނޭގުނީމަ ވާނެގޮތް މިވީ
މަރީ
15 February 2018
މިހާރު މިގައުމުގެ މައްސަލަ ހައްލުކުރަން އެންމެ ރަނގަޅުވާނީ އިލެކްޝަން ކޮމިޝަން އަވަހަށް އިންތިހާބެއް އިއުލާންކޮއް ރައީސްކަމަށް ކުރިމަތިލީމީހުންގެ މެދުގައި ގަލޮޅުބޯޅަދަނޑުގައި ބޮކްސިންމުބާރާތެއްބާވައިގެން ތަޅައިގެން ގަދަވާމީހަކު ވެރިކަމަށް ގެންނާނީ މިނޫން ހައްލެއް ދެން އެބޮތްތޯ؟
ދޮގެއްތަ؟
15 February 2018
ސުޕްރީމް ކޯޓުން މައްސަލައެއް ނިންމީމަ މީގެ ކުރިން އަހަރުމެން ބަލަނީ އެންމެ ފަހު ނިންމުން ކަމަށް. އެކަމަކު ނިންމާފަ ހުރި މައްސަލަ އަލުން އެހެން ގޮތަކަށް ނިންމާތަން ފެނުނީމަ ދެން ނެތް އެހެން ބުނެވޭކަށް. ކަލޭމެން ބޭނުން ވަނީ ކަލޭމެން ރުހޭ ނިންމުމަށް އަމަލު ކުރަން. އަހަރުމެން ބޭނުން ވަނީ އަހަރުމެން ރުހޭ ނިންމުމަށް އަމަލު ކުރަން. މިއަކު ނެތެއްނު މައްސަލައެއް. ކޮން ބޭކާރު ހަޅޭކެއް ތިބެގެން ތިލަވަނީ.
އެމްސް
15 February 2018
ސިފައިން މަޖިލީސް ބޭއްވިޔަ ނުދޭން ހުރަސް އަޅާ ސަބަބަކީ ތިއީ ބާ؟
ޑޮކްޓަރުންގެ ސިޓީ / އައްޑޫ ސިޓީ
14 February 2018
އިންޑިޔާގައި މިވަގުތު ވެރިކަން ކުރަމުން އަންނަ ޕާޓީގެ ލީޑަރ ޔަޝްވަންތް ސިންގހް ޔާމީން އަބުދުލް ޤައްޔޫމް ގެ ސަރުކާރު ސިފަކުރައްވަމުން ވިދާޅުވެފައިވަނީ “ސަރުކާރަކީ އެންމެ ބޮޑު ފަނޑިޔާރު ކަމަށް އެމީހުން ދެކެންފަށައިފި” ކަމަށް. މިއީ ރާއްޖޭގެ ހާލަތު ވެއްޓިފައިވާ ހިސާބު ނޫސްވެރިންނަށް ދޫކޮށްލައްވަމުން ބާރުގަދަ އިންޑިޔާ ބުނެލިގޮތް. ޔާމީން އަބުދުލް ޤައްޔޫމަށް ޤާނޫނީ އެންމެ ކުޑަމިންވަރުވެސް އެގިވަޑައި ނުގަންނަވާތީ 3 ބާރު ވަކިވެފައިވާ ޑިމޮކްރަސީ ވެރިކަމެއްގައި “ދައުލަތުގެ އެންމެ އިސްވެރިޔަކީ ރައީސުލް ޖުމްހޫރިއްޔާ” ކަމަށް ޤާނޫނު އަސާސީގެ މާއްދާއެއްގައި ބުނެފައި އޮތަތީވެ އޭގެ ލަފުޒީ މާނަ ނަންގަވައި އުޑެއް ބުޑެއް ނޭގޭ ބަޔަކު ވާވައްދަމުން ދަނީ. އެހެން ކަމުން މިކަމަށް ދުނިޔޭގެ އެހީތެރިކަން ހަޤީގަތުގައިވެސްބޭނުންވޭ.
ޒަންޖަބީލު
14 February 2018
ތީ ގާތްގަނޑަކަށް ޔާމީނުގެ އެއްޖީބުގައި އޮތް ކަރުދާސްކޮޅެއް ނަގާފައި އަނެއް ޖީބަށް ލުން ކަހަލަ ކަމެއް.. ޖޭއެސްސީ އަކަސް، ސުޕްރީމް ކޯޓަކަސް، ފުލުހަކަސް، މަޖިލީހަކަސް ތީ ހުސް ޔާމީނު.. ހުރިހާ ތަނެއް ހުރީ ޔާމީނުގެ މުށުތެރޭގައި ތާށިކޮށްފަ
ތުނިޔަ
14 February 2018
ކޮންތާކު ހުރި މަޖްލިހެއްތޯ؟ ދިވެހިރާއްޖޭގަ ރައްޔިތުންގެ މަޖްލިސް ކިޔާތަނެއްނެތް!
ގޮޅި
14 February 2018
ގޮޅިތައް ވަރައްކުޑަވެއްޖެއެވެ. ޔ ދާނެގައުމެއް؟ 800 އިން ފެށިގެން؟ ބަލަމާ ކައިރީގެ ބޭފުޅުން ހަދާގޮތްވެސް
ސޮބާޙް
14 February 2018
ހިސާން ހަނދުމަފުޅު އެބަހުރިތޯ ކަމަނާގެ ރޫހަނީ ލީޑަރު ނަޝީދު ދޫކޮށްލުމުގެ ޑީލުގެ ދަށުން އެމްޑީޕީގެ ބްލެސިންގއާ އެކު އުއްތަމަ ފަނޑިޔާރު ފާއިޒު މަގާމުން ވަކިކުރި ދުވަސް. ހަނދުމަފު އެބަހުރިތޯ ހައިކޯޓުގެ އިސްފަނޑިޔާރު އުސްތާޛު ޝަރީފު ސަސްޕެންޑުކޮށްފައި ހުރިހުރުން؟ އޭރު ކީއްވެތޯ ތިޔަ ވާހަކަ ނުދެއްކެވީ
ކޮހޭ
14 February 2018
ތިއަކާ މިކަމަކާ ކޮންގުޅުމެއް؟
ވާލުސޮރު
14 February 2018
ގާނޫނުތަކަށް ތަބާނުވާ ބަޔަކު އުޅޭ ތަނެއްގަ އަނިޔާވެރިކަން ނޫން އެހެން އެއްކަމެއްވެސް ނޯންނާނެ! ރާއްޖޭގެ ރައްޔިތުންނަށް މިއަދު މިފެންނަނީ އެތަން.