މިނިސްޓަރު އާސިމް (ކ) ބޭރުގެ މަންދޫބަކާ ބައްދަލު ކުރައްވަނީ. - ފޮޓޯ: ފޮރިން މިނިސްޓްރީ
20 މާޗް 2018 - 20:47
24 comments
އދ.ގެ އެންމެ ބާރު ގަދަ ކައުންސިލް ކަމަށްވާ ސެކިއުރިޓީ ކައުންސިލްގެ މެމްބަރު ކަމަށް ރާއްޖެ އިން ކުރިމަތިލާން ނިންމާފައިވާތީ އެކަމަށް ތާއީދު ހޯދުމުގެ ގޮތުން ފޮރިން މިނިސްޓަރު ޑރ. މުހައްމަދު އާސިމް، އެކި ގައުމުތަކުގެ މަންދޫބުންނާ ބައްދަލުކުރައްވައިފި އެވެ.
ފޮރިން މިނިސްޓްރީން މިއަދު ބުނި ގޮތުގައި އާސިމް ވަނީ އެކި ގައުމުތަކުގެ މަންދޫބުންނާ ބައްދަލު ކުރައްވައި، ސެކިއުރިޓީ ކައުންސިލްގެ ގޮނޑި ރާއްޖެއަށް ހޯދައިދިނުމާ ގުޅޭ މަޝްވަރާތައް ބާއްވައިފަ އެވެ.
މިނިސްޓަރު އާސިމް (ކ) މަންދޫބަކާ ބައްދަލު ކުރައްވަނީ. - ފޮޓޯ: ފޮރިން މިނިސްޓްރީ
އެމެރިކާގެ ނިއު ޔޯކްގައި އޮތް ބައްދަލުވުމުގައި އަރަބި ގައުމުތަކުގެ މަންދޫބުން ބައިވެރިވެވަޑައިގެންނެވި ކަމަށް މިނިސްޓްރީން ބުންޏެވެ. އެކަމަކު، ބައްދަލުކުރެއްވީ ކޮން ގައުމުތަކެއްގެ މަންދޫބުންނަކާ ކަމެއް ނުބުނެ އެވެ.
މީގެއިތުރުން މި ބައްދަލުވުމުގައި ފަލަސްތީނުގެ މައްސަލަ އާއި ސީރިއާގައި ހިނގަމުންދާ ހަނގުރާމަ އާއި އދ. ގެ ކުރިއެރުމަށް ކުރެވިދާނެ ކަންކަމާ ގުޅޭ މަޝްވަރާތައް ކުރި ކަމަށް މިނިސްޓްރީން ބުންޏެވެ.
ސެކިއުރިޓީ ކައުންސިލްގެ އިންތިހާބުގައި ރާއްޖެ އިން ވާދަކުރަން ނިންމާފައިވަނީ އަންނަ އަހަރުން ފެށިގެން 2020 ވަނަ އަހަރުގެ ނިޔަލަށް އޮންނަ ދައުރަށެވެ. އެ އިންތިހާބު މި އަހަރު ބާއްވާނެ އެވެ. މިއީ އެ ކައުންސިލްގެ މެމްބަރު ކަމަށް ރާއްޖެ އިން ވާދަކުރާ ފުރަތަމަ ފަހަރެވެ.
އދ. ސެކިއުރިޓީ ކައުންސިލްގެ މެމްބަރު ކަމަށް ހޮވޭނީ އދ. ގެ ޖެނެރަލް އެސެމްބްލީގައި ނަގާ ވޯޓުގައި މެމްބަރު ގައުމުތަކުގެ ތެރެއިން ތިންބައި ކުޅަ ދެބައި ގައުމުގެ ވޯޓު ލިބިގެންނެވެ. އިންތިހާބުގައި އެ ކައުންސިލަށް އޭޝިއާ ރީޖަނުން ރާއްޖޭގެ އިތުރުން ވާދަކުރަނީ އިންޑޮނީޝިއާ އެވެ.
ސެކިއުރިޓީ ކައުންސިލްގެ ދާއިމީ މެމްބަރުންގެ ގޮތުގައި ފަސް ގައުމެއް އޮންނައިރު ބާކީ ތިބޭ 10 މެމްބަރުންނަކީ ދެ އަހަރުގެ މުއްދަތަށް އިންތިހާބު ކުރާ މެމްބަރުންނެވެ. ވަގުތީ މެމްބަރު ކަމަށް އިންތިހާބު ކުރަނީ އެކި ސަރަހައްދުތަކުންނެވެ.
ސަލާމަތީ މަޖިލީހުގެ ދާއިމީ މެމްބަރުންގެ ގޮތުގައި ތިބެނީ ދުނިޔޭގެ ބޮޑެތި ބާރުތައް ކަމަށްވާ އެމެރިކާ އާއި ރަޝިއާ އާއި ޗައިނާ އާއި އިނގިރޭސި ވިލާތް އަދި ފްރާންސް އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޑަނޑޫރާ
21 March 2018
މިވަރުގެ ވެރިއެއް ނުދެކެން. ސަޅި އިގޭ
ޖަންގަލީ
21 March 2018
އަމިއްލަ ގަައުމް ގާވެސް ތާއީދު ނެއް ސަރުކާރަކައް ބޭރު ގައުމް ތަކުން ކޮން ތާއީދެއް ލިބޭނީ
ޑޮންޑޮން މަތި
21 March 2018
މިފަހަރު ތިޔަ ގޮނޑި ނުލިބިއްޖެނަމަ ހުރިހާ އެމްބެސެޑަރުން ފޮނުވާލަ ފާނެ . ޢެހެނވީމާ މިފަަރު ތިތަ ގޮނޑި ލިބޭނީ ދ8ވެހިންނަސް
ހައިވަކަރު
21 March 2018
މަޖިލީހޫގެގޮނޑިތައްތިޔަހުސްކުރަނީ ސަލާމަތީމަޖިލީހުގެ ގޮނޑީގެދަހިވަތިކަމުގާކަމަށްފެނޭ ؟
ތުނިޔަ
21 March 2018
ގައުމުގައި ހުރި ގޮނޑިތަކަށް ހަދާނެ ނަހަދާނެ ގޮތެއް ނޭނގިގެން އުޅޭބައެއް...ދެން މާދުރު ތަނެއްގެ ގޮނޑިއެއް ހޯދަން މިއުަލެނީ ކީތްކުރަން!
ލައްކަވާހަކަ
21 March 2018
މި ސަރުކާރަކީ ގޮނޑި ގެއްލުވާލުމުގަ މުޅި ދުނިޔެއިންވެސް ފާހަގަ ކޮއްލެވޭ ފަދަ ގައުމެއް. ސަލާމަތީ މަޖިލީހުގެ ގޮނޑިއެއް ދިވެހި ރާއްޖެއިން ގެއްލުވާލައިފިޔޭ ބުނާ އަޑު އަހާކަށް ބޭނުމެއް ނޫން! ނޯތު ކޮރެއާ އާއި ސައޫދީ ފަދަ މަދު ގައުމުތަކުން ތާއީދު ކުރިޔަސް ދުނިޔޭގެ %99 ގައުމުތަކުން ބޭނުމެއް ނުވާނެ ސަލާމަތީ މަޖިލީހުގެ ގޮނޑިއެއް ގެއްލުވާލާކަށް! މޕ ފަލާހު ބުނި ފަދައިން "ނޯ ޑައުން ލެގް ޑޯންޓު ފިލް ވޯޓަރ!" (ފޫނެތް ފަޔަށް ފެން ނުފުރާށެވެ)
ބޯހަލާކު އފއ
21 March 2018
މި ސަރުކާރު މި ގޮތަށް ހިންގަމުން ދާއިރު ދުނިޔޭގެ ގައުމުތަކުން ވޯޓު ދޭނީ ސަލާމަތީ މަޖިލީހުގެ ގޮނޑިއަކަށްވުރެ ބޮޑަށް ސަލާމަތީ މަޖިލީހުގައި ވީޓޯ ކުރުމުގެ ބާރު މި ވެރިންނަށް ދިނުމަށް ކަމަށް ބޮޑަށް ބެލެވެނީ.
ޝާހިގް އަހުމަދު
21 March 2018
ސަރުކާރައް ދޭންވީ އަނދަގޮނޑި
ޚުސެން
21 March 2018
މިސަރުކާރަށް ދެން ލިބޭނެ ހަމަ އެންމެ ގޮނޑި އެއްވެސް ނެތް.. ލިބޭނީ ރައްޔިތުންގެ ނުރުހުން ، ބޭރު ފަރާތްތަކުގެ ނުރުހުން ، އަޅާނީ ފިޔަވަޅު ،
މެކުރީ
21 March 2018
އެއްވެސް ކަމެއް ނޫނެއްނު، ދައުރުން ބޭރުން މަޖލިސް ޖަލްސާއެއް ޕީޕީއެއް މެމްބަރުން އެކަނި ވައްދާފަ ފާސްކޮށްލާ ސަލާމަތީ މަޖްލީހުގެ ހުރިހާ ގޮނޑިޔަކީ ޕީޕީއެމްގެ ގޮނޑިތަކެއްކަމަށް. އަދުރޭ ބިލް ހުށަހަޅާނީ، ނިހާނު ބިލާ ބެހޭގޮތުން ނިއުސް ކޮންފަރެސް ދޭނީ، ސައީދު ޕޯޑިއަމްއަކަށް އަރާފަ ޔާމީނަށް ސަނާ ކިޔާނީ.