ހުޅުމާލެ ހޮސްޕިޓަލްގައި ގާއިމު ކުރި އެމްއާރުއައި މެޝިންގެ ކައިރީގައި ހެލްތު މިނިސްޓަރު ނާޒިމް ހުއްޓިވަޑައިގެން. --- ފޮޓޯ: ނިޝާން އަލީ މިހާރު
20 ސެޕްޓެމްބަރ 2018 - 22:35
14 comments
ހުޅުމާލޭ ހޮސްޕިޓަލުން އެމްއާރުއައިގެ ޚިދުމަތް އަންނަ ހަފުތާގައި ދޭން ފަށާނެ ކަމަށް އެ ހޮސްޕިޓަލުން މިއަދު ބުނެފި އެވެ.
ހުޅުމާލެ ހޮސްޕިޓަލްގައި އަލަށް ގާއިމު ކުރި ރޭޑިއޮލޮޖީ ޑިޕާޓްމަންޓްގައި އެމްއާރުއައި ހިދުމަތުގެ އިތުރުން ސީޓީ ސްކޭނާއި މެމޯގްރާމް ހެދުމުގެ އިންތިޒާމުތައް ވަނީ ހަމަޖައްސައިފަ އެވެ. އަދި މި ހިދުމަތްތައް ދިނުމަށް ބޭނުންވާ މުވައްޒަފުން ތަމްރީނުކޮށް ނިމިފައިވާ ކަމަށް ވެސް ހުޅުމާލެ ހޮސްޕިޓަލުން ބުންޏެވެ.
ހުޅުމާލޭގައި ގާއިމު ކުރި ކާޑިއޮލޮޖީ ޑިޕާޓްމަންޓު. ---ފޮޓޯ: ނިޝާން އަލީ/ މިހާރު
ހުޅުމާލެ ހޮސްޕިޓަލްގައި އެމްއާރުއައިގެ ހިދުމަތް ފަށަން ތައްޔާރުވެފައި ވާއިރު، މާލޭގައި ހުންނަ އައިޖީއެމްއެޗާއި އޭޑީކޭ ހޮސްޕިޓަލުން ވެސް އެ ހިދުމަތް ލިބެ އެވެ. އަދި ހުޅުމާލޭގައި ހުންނަ ޓްރީ ޓޮޕް ހޮސްޕިޓަލުން ވެސް އެމްއާރުއައިގެ ހިދުމަތް ދަނީ ލިބެމުންނެވެ.
ނޫސްވެރިންނާ ވާހަކަ ދައްކަވަމުން ހެލްތު މިނިސްޓަރު މިނިސްޓަރު އަބްދުﷲ ނާޒިމް މިއަދު ވިދާޅުވީ، ހުޅުމާލެ ސިޓީއެއްގެ ގޮތުގައި ތަރައްގީ ކުރަމުން އަންނައިރު، ސިއްހީ ހިދުމަތްތައް ފުޅާވެގެން ދިއުމަކީ ރައީސް އަބްދުﷲ ޔާމީންގެ ވަރަށް ބޮޑު އަމާޒެއް ކަމަށެވެ. ރޭޑިއޮލަޖީ ޑިޕާޓްމަންޓެއް ގާއިމް ކުރުމަކީ ހުޅުމާލޭގައި ދިރިއުޅޭ މީހުންނަށް ލިބުނު ވަރަށް ބޮޑު ހިތްހަމަޖެހުމެއް ކަމަށް އޭނާ ވިދާޅުވި އެވެ.
"މާލެއަށް ނުގޮސް، އެމްއާރުއައިގެ ހިދުމަތް ސަރުކާރުގެ ހޮސްޕިޓަލެއްގައި ހެދޭނެ މަގު ތަނަވަސްވެގެން މިދަނީ،" ހުޅުމާލެ ހޮސްޕިޓަލްގެ ވެރިންނާ މުވައްޒަފުން ބައިވެރިވި ބައްދަލުވުމުގައި ނާޒިމް ވިދާޅުވި އެވެ.
ހެލްތު މިނިސްޓަރު ނާޒިމް މިރޭ މީޑިއާ އަށް އިންޓަވިއު ދެއްވަނީ. ---ފޮޓޯ: ނިޝާން އަލީ/ މިހާރު
ހުޅުމާލެ ހޮސްޕިޓަލް ތަރައްގީ ކުރުމަށްޓަކައި ގިނަ މަސައްކަތްތަކެއް ކުރަމުން އަންނަ ކަން ފާހަގަ ކުރައްވައި ނާޒިމް ވިދާޅުވީ، ރައީސް ޔާމީންގެ ވައުދުތަކުގެ ތެރޭގައި ސިއްހީ ކަންކަން ކުރިއެރުވުމަށް ވަރަށް ބޮޑު އަހަންމިއްޔަތު ކަމެއް ދެއްވާ ކަމަށެވެ. އަދި ހުޅުމާލެ ހޮސްޕިޓަލް ތަރައްގީވާ އިރު، މިހާރު ނުލިބޭ އެތައް ހިދުމަތެއް ތައާރަފް ވާނެ ކަމަށް ވެސް ނާޒިމް ވިދާޅުވި އެވެ.
ހުޅުމާލެ ހޮސްޕިޓަލް ހިންގަމުން އަންނަ އާސަންދަ ކުންފުނީގެ މެނޭޖިން ޑިރެކްޓަރު އަހުމަދު އަޒީމް ވިދާޅުވީ އަންނަ ހޮނިހިރު ދުވަހު އެމްއާރުއައި މެޝިން ޓެސްޓު ކުރާނެ ކަމަށެވެ. އަދި އަންނަ މަހު މެމޯގްރާމް، ނޮވެމްބަރު މަހު ސީޓީ ސްކޭން ހިދުމަތް ފަށާނެ ކަމަށް އޭނާ ވިދާޅުވި އެވެ.
"މި ކަމަށް ބޭނުންވާ ތަމްރީންތަކެއް، މުވައްޒަފުން ހަދާ ނިމިފައި ވަނީ،" އަޒީމް ވިދާޅުވި އެވެ.
"އާސަންދަ ލިބުމުގައި ނާންނާނެ އެއްވެސް ބަދަލެއް. މިއަދު ލިބޭ ގޮތަށް މާދަމާ ވެސް ލިބޭނެ."
ހުޅުމާލެ ހޮސްޕިޓަލްގައި މަސައްކަތް ކުރާ މުވައްޒަފުންނާ ނާޒިމް މިރޭ ސަލާމް ކުރައްވަނީ. ---ފޮޓޯ: ނިޝާން އަލީ/ މިހާރު
އަޒީމް ވިދާޅުވި ގޮތުގައި މާލޭގައި ބޭނުންކުރާ އެމްއާރުއައި މެޝިންތަކުގެ ތެރެއިން އެންމެ އެޑްވާންސް މެޝިނެއް ހުންނާނީ ހުޅުމާލެ ހޮސްޕިޓަލްގަ އެވެ.
ހުޅުމާލެ ހޮސްޕިޓަލްގައި މިދިޔަ އަހަރު ވަނީ ކެންސަރަށް ފަރުވާ ކުރެވޭ އޮންކޮލަޖީ ސެންޓަރެއް ހުޅުވައިފަ އެވެ. އޮންކޮލަޖީ ސެންޓަރުން ކެންސަރު ބައްޔަށް ކީމޯތެރަޕީގެ ގޮތުގައި ބޭސް ކުރުމާއި ކެންސަރު ދެނެގަތުމަށް ޓެސްޓް ކުރުމާއި ކެންސަރަށް ކުރާ ފަރުވާގެ މުހިންމު ބަޔަކަށްވާ ދިރިއުޅުމުގެ އާދަތައް ދަސްކޮށް ދިނުމާއި ކެންސަރަށް މީހުން ހޭލުންތެރި ކުރުން ފަދަ ހިދުމަތްތައް ލިބޭނެ އެވެ.
ކެންސަރަކީ ރާއްޖޭގައި މީހުން އެންމެ ގިނަ އިން މަރުވާ ތިން ބަލީގެ ތެރެއިން އެއް ބައްޔެވެ. އެ ބަލީގެ ސަބަބުން ގިނަ ދުވަހު، ވޭނުގައި އުޅެން މަޖުބޫރުވެ އެވެ. އެއީ ބަލި ޖެހޭ މީހާގެ އާއިލާގެ މެމްބަރުންނަށް ހިތާމައާ ކުރިމަތިލާން ޖެހޭ ފަދަ ނުރައްކާތެރި ބައްޔެކެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އައިމިނާ
21 September 2018
ނަމަކަށް ކަމެއްކުރީމަ ވޭތަ ތިޔަހުޅުމާލޭ ހޮސްޕިޓަލުގަނެތް އެއްވެސް ކަމެއް ފަހަންގެންގުޅެނީ އެއްމެކުރީޒަމާނުގެ ރޮދި. މާލޭގެ ކްލިނިކްތަކުންވެސް އެވައްތަރުގެ ރޮދިބޭނުމެއްނުކުރޭ. ދެން އެތާނގަތިބޭ ބައެއްނަރުހުންގެ އެއްވެސް އޯގާތެރިކަމެއްނުހުރޭ
އުމަރުބެ
21 September 2018
ކިތަންމެ ވަރަކަށް ފަހު ވަގުތުގައި ހިދުމަތެއް ތައާރަފްކުރިޔަސް ވޯޓެއް ނުލިބޭނެ، ދެން އަންނަ ސަރުކާރަކުންވެސް ގާނޫނެއް ފާސްކުރަންވީ ވެރިކަން ކުރާ ކެނޑިޑޭޓުގެ ނަން އިލެކްޝަނަށް ހުށަހަޅާއި ބަލައިގަންނަ ހިސާބުން ސަރުކާރުން އެއްވެސް އާމަޝްރޫއުއެެއް ނުފެށުމަށް، އެއިރުން ކެމްޕޭނަށް އަމާޒްކޮށް ވޯޓަށް ނުފޫޒް ނުފޯރުވޭނެ، ފަހުވަގުތުގައި ރައީސް ޔާމީނު މުޅި ސަރުކާރުގެ ބާރާއި ވަސީލަތްތަށް އެބަ ބޭނުންކުރޭ، މިއީ ކަނޑައެޅިގެން ވޯޓަށް ނުފޫޒް ފޯރުވުން
މިޔޯ
21 September 2018
އައިޖީއެމްއެޗް އެޕޯލޯ ޔައް ކުއްޔައްމިދިޔަ އަހަރު ދީފަ އޮއްވާ އަނބުރާއަތުލާ، މިރީޖަންގަ ސިންގަޕޫރު ފިޔަވާ އެންގައުމެއްގަ ނެތްފެންވަރުގެ ލެބް އެއްހެދީ އިއްޔެތަ؟ އިންޑިޔާ އިން 6 ހާސް ޑޮލަރައް ހެދޭ ހިތުގެ އޮޕަރޭޝަން އާސަންދައިން އައިޖީއެމްއެޗް އިން ހެދޭގޮތް ހެދީ އިއްޔެބާ؟ އަންނި ސަރުކާރުގެ 700 މިލިއަން ލޯނުވެސް ލައިގެނޭ ބިލިޔަނަކައް އަރަނީ. ލޯނުނުނަގާ ސަރުކާރެއް ނާންނާނެ، ހުރިހާގައުމަކުން ވެސް ލޯނުނަގައިގެން ނޭ ގައުމުތައް ތަރައްގީ ކުރަނީ.
އިބޫ ހުޅުމާލެ
21 September 2018
ތިކަންވެސްވާތީ އުފާކުރަމެވެ.. ނަމަވެސް އެންމެ އާދައިގެ ޓެސްޓުގަނޑުވެސް އެއްމަހު ހެދެންޏާ އަނެއް ދެމަހު ނެހެދޭކަން އަޅުގަނޑު ހުޅުމާލޭގައި ދިރިއުޅޭ ސަރުކާރަށް ތާއިދުކުރާ ރައްޔިތެއްގެ ހައިސިއްޔަތުން ހިތާމާއާއި އެކުފާހަގަ ކޮށްލަންބޭނުން.. މީ ހަމަ އަޅުގަނޑު ތަޖުރިބާކުރި ހަޤީޤަތެއް، އެއީ ސަރުކާރުގެ ސަބަބުންނޫންކަންވެސް ފާހަގަ ކޮށްލަމުން ބުނެލަންބޭނުމީ އެއީ ހޮސްޕިޓަލުގެ އިދާރީ ފެއިލްވުން ކަމުގައި އަޅުގަނޑު ދެކެމޭ..
ޙުސެން
21 September 2018
އިންތިހާބު ދުވަހަށް ނަންބޯޑެއް އެޅުވިޔަސް މެޝިނަރީ އެއްނެތް. މި ސަރުކާރުން ކުރާނަމޭ ގަދަޔަށ ބުނަމުން އައި މަރަށްމަރުވެސް ނުހިފުނު.
އާމިނަ
21 September 2018
ހުރިހާތަނެއް ޕިންކް ކުރިޔަސް ތީ ރައްޔިތުންގެ ފައިސާ.ނަރުހުން ޔުނީފޯރމް ވެސް ޕިންކް.ބޮޑުވަރު.ޔާމީން ދޭ ލާރިތަ ހުރިހާތަނެއް ތި ޕިންކް ކުރަނީ. ކޮބާހޭ އައްޑޫ ހޮސްޕޮޓަލް.5 އަހަރު ވީ އިރު އެމް އާރު މެޝިނެއް އެ ހިސާބަށް ނުދިޔަސް އައްޑޫ ހޮސްޕިޓަލް އަށް އޮތީ ފައިިސާ ހަމަ ޖެހިފަ ހުވާ ކުރި އޮރިވެސް.
ސުނޯވައިޓު
21 September 2018
5 އަހަރު ނިމުނުއިރު މާލެފިޔަވައި އެންމެރަށެއްގަވެސް ސީޓީ/އެމްއާރުއައި ނެތް. މާލޭގަ މިނިވަން ފަންސާހޭކިޔައިގެން ހިންގި ނާޗަރަންގީއަށް އެކަނިވެސް އެތައް ރަށެއްގަ މެޝިން ބެހެއްޓޭހާ ހަރަދުކުރި، އެއަށްވުރެ އިސްކަމެއްދީގެން ހަރަދުކުރީ ބުރިޖުހުޅުވަން އެހާވަރު، މާލޭގަ އުޅޭރާޅާ އަޅާމީހުން އުފުލަން އެވަރަށް، އޭ380ޖައްސަން އެހާވަރު، ބުރިޖު ހުޅުވަން އެވަރަށް، ސުނޯޕާކަށް އެވަރަށް، ސަގަރޭ ޕާކަށް އެވަރަށް،.... ފައިބާ ދެން!
ޝައުކަތު
21 September 2018
ސުނޯވައިޓް މިއޮތްހާ ދުވަހު ނިދާފަދޯ އޮތީ؟ 35 އަހަރު ތިބުނާ މެޝިން ގަނޑެއް ނުބެހެއްޓުނު ބައެއް ތިޔަ ފަޅީގަ ތިބީ. ލޮލް
ފާޑުކިޔާ
21 September 2018
ނިދާފައޮތީ ކޮންބަޔެއްކަމެއް ނޭގޭ. 35އަހަރުގެ ތެރެއިން %90 ވެރިކަން ކުރީ ކާމިނީގޭ އާއިލާއިން! 3 އަހަރު ވެރިކަންކުރިބަޔަކު އާސަންދަޔާ އިނާޔަތާ ޓެކުހާ ފްލެޓް ހަގީގަތަކަށް ހެދީ. އެމްއާރުއައިމެޝިން ބެހެއްޓުނީ ވޯޓަށްކަމުގައިވާނަމަ ކޮންމެ އަހަރަކު އިންތިޚާބު ބާއްވަމާ؟
ޝޮކްތެރަޕީ
20 September 2018
މިސަރުކާރު އައިފަހުން ސިހްހީދާއިރަ މިދަނީ މިސަރަހައްދުގެ ޤައުމުތަ ފަހަތަޖަސްސާލާ މިންވަރަ.
ވޯލ1ް
20 September 2018
ރައްޔިތުންނަށް ދޭންޖެހޭ އަސާސީ ހިދުމަތްވެސް ނުދީ ހިފަހައްޓާފައި މިއޮންނަނީ ސީދާ އިންތިހާބަށް ނުފޫޒު ފޯރުވަން ކަންކުރާގޮތް.
ކޮކީ
20 September 2018
ކުޅުދުއްްްފުށި އަދި އައްޑޫ ހޮސްޕިޓަލުގަ ވެސް އެމްއާރް އައި ބަހައްޓަން އެދަނީ ތައްޔާރުވަމުން. ރޢްޖޭން ބޭރަށް ނުގޮސް ހިތުގެ އޮޕަރޭޝަން އެބަ މިހާރު ކުރެވޭ.. ރޢްޖޭގައި ފުރަތަމަ ފަހަރަށް ގުނަވަންތަށް ބަދަލުކުރުމުގެ އޮޕަރޭޝަން ދަރުމަވަންތަ ހޮސްޕިޓާ ހުޅުވުމުން އެބަލިބޭ... މީ އަނިޔާ ކަމަށްވަންޔާ ގިނައިން މިކަހަލަ އަނިޔާދީ ތަރައްގީ އާގެން ކުރިޔަށް.
ކޮކީ ޅަ ވާނެ
21 September 2018
"ކުޅުދުއްްްފުށި އަދި އައްޑޫ ހޮސްޕިޓަލުގަ ވެސް އެމްއާރް އައި ބަހައްޓަން އެދަނީ ތައްޔާރުވަމުން" ކޮން އިރަކުން ފެށިގެން؟ މާލޭ ގަ ތަތަރު މެޝިން ހުރި އިރު އަތޮޅުތެރޭ ރައްޔިތު މީހާ ބޮޑު ހަރަދު ކޮއްފަ މާލެ އަންނަން ޖެހެނީ. އާދައިގެ ޓެސްޓް ހަދަން ވެސް. ކޮންމެ ވޯޓަކަށް ތައްޔާރުވޭ
falaku ain
20 September 2018
ނާޒިމް ކުލަލައިގެން ގޭގައި ހުންނަން ޖެހޭނީ. ޕޕ ކުލަތިލީ ބާއެއްޗަކަށްވާތީތަ؟