މަސްތުވާތަކެތީގެ މައްސަލާގައި ހިމެނޭ ދެ މީހުން ހައްޔަރުކުރުމަށް ކޯޓުން އަމުރު ހޯދީ އެ ވަގުތު ޑިއުޓީގައި ހުރި އިންވެސްޓިގޭޓަރު ކަމަށް ފުލުހުން ބުނޭ.
05 ޖޫން 2019 - 22:47
40 comments
ހުޅުމާލޭގެ ގެޔަކުން ތިން ކިލޯގެ މަސްތުވާތަކެއްޗާ އެކު ހައްޔަރުކުރި ދެ މީހުންގެ ބަންދުގެ މުއްދަތު ހުޅުމާލޭ ކޯޓުން އިތުރުކޮށް ނުދިނީ އެ މައްސަލަ ތަހުގީގުކުރުމާ ހަވާލުވެފައިވާ ފުލުސް އޮފިސަރު ނޫން އެހެން މީހަކު ބަންދުގެ މުއްދަތަށް އެދުމުން ކަމަށް ކޯޓުން ބުނާ ވާހަކަ ފުލުހުން މިރޭ ދޮގުކޮށްފި އެވެ.
އިއްޔެ ރޭ ހައްޔަރުކުރި 25 އަހަރުގެ ފިރިހެން މީހާ އާއި 52 އަހަރުގެ އަންހެން މީހާ އިއްޔެ ކްރިމިނަލް ކޯޓުން އެންމެ ފުރަތަމަ ދޫކޮށްލީ، ހައްޔަރުކުރަން ހުޅުމާލޭ ކޯޓުން ދިން އަމުރުގައި ޖިނާއީ އިޖުރާއަތުގެ ގާނޫނުގައި ބުނާ ގޮތަށް ގާޒީގެ ނަން ނެތުމުން އަމުރު ފުރިހަމަ ނުވާތީ އެވެ. އެހެންވެ ރޭގެ ވަގުތެއްގައި އަލުން މި ދެ މީހުން ހުޅުމާލޭ ކޯޓުގެ އަމުރަކަށް އަނެއްކާވެސް ހައްޔަރުކުރި އެވެ. ނަމަވެސް ބަންދުގެ މުއްދަތު އިތުރު ކުރުމަށް އެ ކޯޓަށް މިއަދު ގެންދިއުމުން ވަނީ އިޖުރާއީ މައްސަލައެއް އުޅޭ ކަމަށް ބުނެ އެ ދެ މީހުން އަނެއްކާވެސް ދޫކޮށްލައިފަ އެވެ.
މިއަދު އެ މީހުން ދޫކޮށްލީ، ރޭ އެ މީހުން ހައްޔަރުކުރުމުގެ އަމުރަށް އެދުނު ފުލުސް އޮފިސަރު ނޫން އެހެން ފުލުހަކު ބަންދުގެ އަމުރަށް އެދުމުން، އެއީ ޖިނާއީ އިޖުރާއަތުގެ ގަވައިދުގެ އަށް ވަނަ މާއްދާއާ ހިލާފް ކަމެއްގެ ގޮތުގައި ބަލައިފަ އެވެ. އެ މާއްދާގައި ބުނަނީ ބަންދުގެ މުއްދަތު އިތުރުކޮށްދޭން އެދެންވާނީ އެ މައްސަލައެއް ތަހުގީގު ކުރުމާ ހަވާލުވެ ހުރި ފަރާތް ކަމަށެވެ.
މިކަމާ ގުޅިގެން ފުލުހުން ބުނީ މަސްތުވާތަކެތީގެ މައްސަލާގައި ހިމެނޭ އެ ދެ މީހުން ހައްޔަރުކުރުމަށް ރޭ ކޯޓުން އަމުރު ހޯދީ އެ ވަގުތު ޑިއުޓީގައި ހުރި އިންވެސްޓިގޭޓަރު ކަމަށާއި އެކަމަކު ބަންދުގެ މުއްދަތު އިތުރުކޮށްދިނުމަށް އެދި ކޯޓަށް ވަޑައިގަތީ ހެނދުނު ޝިފްޓުގެ އިންވެސްޓިގޭޓަރު ކަމަށެވެ. އެ ދެ ފުލުހުންނަކީ ވެސް މި މައްސަލަ ތަހުގީގުކުރުމުގެ ހުއްދަ އޮންނަ ދެ އިންވެސްޓިގޭޓަރުން ކަމަށެވެ.
ފުލުހުން އަމަލުކުރާ ގޮތަކީ، ކުށުގެ ތުހުމަތުގައި މީހަކު ހައްޔަރު ކުރުމަށް ފަހު، ގާނޫނުއަސާސީގައި ބުނާ 24 ގަޑިއިރު ތެރޭ ފަނޑިޔާރެއްގެ ކުރިމައްޗަށް ގެންގޮސް ބަންދުގެ މުއްދަތު އިތުރުކުރުމަށް ފަހު އެ މީހަކަށް ތަހުގީގު އޮފިސަރަކު ހަމަޖެއްސުމެވެ.
"މިއީ ވެއަތުވެ ދިޔަ ތަނުގައި ވެސް މަސްތުވާތަކެތީގެ މައްސަލަތަކުގައި އަމަލުކޮށްފައިވާ އަދި ދުވަހަކު ވެސް އިޖުރާއީ މައްސަލައެއް ޖެހުނު ކަމެއް ނޫންކަން ފާހަގަކުރަމެވެ." ފުލުހުން މީޑިއާތަކަށް ފޮނުވި މެސެޖްގައިވެ އެވެ.
އެނގިފައިވާ ގޮތުގައި މި މައްސަލާގައި ހިމެނޭ އަންހެން މީހާ އަކީ ޕްރޮސިކިއުޓާ ޖެނެރަލްގެ އޮފީހުގެ ސީނިއާ ޕްރޮސިކިއުޓަރެއްގެ މަންމަ އެވެ. އަދި ފިރިހެން މީހާ އަކީ މި އަންހެން މީހާގެ ދަރިއެކެވެ. ބަންދުގެ މުއްދަތަށް މިއަދު ހުޅުމާލޭ ކޯޓަށް ގެންދިޔައިރު އިންނެވީ އެންމެ ފުރަތަމަ މި މައްސަލާގައި ޖިނާއީ އިޖުރާއަތުގެ ގާނޫނާ ހިލާފަށް އަމުރު ނެރުއްވި ފަނޑިޔާރެވެ. ބަންދުގެ މަޖިލިހުގައި، ތުހުމަތުކުރެވޭ މީހުންގެ ވަކީލު ނެންގެވި އިޖުރާއީ ނުކުތާތަކާ ގުޅިގެން ދެތިން ފަހަރަކު ޝަރީއަތް މެދުކަނޑާލެއްވި އެވެ. ދިފާއީ ވަކީލް ވަނީ ހުޅުމާލޭ ކޯޓުން މި މައްސަލާގައި ކުރިން އަމުރު ނެރެ ގޮތްތަކެއް ކަނޑައެޅިފައި ވާތީ އެ ކޯޓުން މައްސަލަ ނުބެލޭނެ ކަމަށް ވެސް ވިދާޅުވެފަ އެވެ. ނަމަވެސް ގާޒީ ނިންމެވީ މައްސަލަ ބެލޭނެ ކަމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މާލިކު
07 June 2019
މައްސަލަ ތަހުޤީގު ކުރަނީ ފުލުހުންގެ މުއައްސަސާއިންނޫތޯ؟ ކޯޓް އަމުރަށް އެދެނީވެސް ފުލުހުންގެ މުއައްސަސާއިން ނޫންތޯ؟ ތަހުޤީގު އެއީ ވަކިމީހެއްގެ ނަމުގައި ކުރާ އެއްޗެއް ކަމެއް ނުދެނެހުރީމެވެ. އަހުރެން ދަންނަ ގޮތުގައި ޗިޓްވެސް އަންނަނީ ފުލުހުންގެ މުއައްސާގެނަމުގައި އެއީ އެވަގުތަކު ޑިއުޓީގައި އުޅުއްވާ ކޮންމެ ބޭފުޅަކު ސޮއިކޮށްފަ އޮތްކަމުގައި ވިނަމަވެސް. އެއީ ސޮއި ކުރައވާ ބޭފުޅަޚު އަމިއްލަ ބޭނުގައި ކުރާކަމެއް ހެނެއް ހީއެއްނުވޭ
ޞައްލަ
07 June 2019
މާލިކޫ.. ކިޔައިކޭ ތިކިޔެނީ. ޤާނޫނުގަ އޮތް އެ މާއްދާ ކިޔާލަަބަލަ. ޤާޟީ ގޯސް ކޯޓް އޯކޭ. އައިއޯ ރަނގަޅު ޒިންމާ ފުލުސް މުއައްސަސާއަށް. ތިކަހަލަ އައިއޯއިން ތިބެންޏާ ނަތީޖާ މިފެންނަނީ.
ހަންސަން
07 June 2019
ޕޮލިހުން މިހާރަށްވުބޮޑަށް ޒިންމާދާރުވާންއެބަޖެހޭނު. ވަރަށްދޮގުހަދާބައެއްކަންފާހަގަކުރެވޭ.
ރާޖާ
07 June 2019
ޤާނޫނުގަ ފަނޑިޔާރުގެ ނަން ޖަހަން ބުނާނަމަ އެ ޖަހަން ޖެހޭނެ ކަން އެންމެންނަށް ގަބޫލު ކުރެވޭ އުސޫލުން އިންވެސްޓިގޭޓަރ އަމުރަށް އެދެން އޮތްނަމަ އެ އަމުރަށް އެދެން ވާނީވެސް އެމީހަކު. ފުލުހުންގެ ހުރިހާ އައިއޯއިންނަށް ހުރިހާ މައްސަލައްވެސް ތަހްގީގު ކުރެވިދާނެ. އެކަމު ވަކި މީހަކު އައްޔަން ކުރަން ބުނެފަ އޮވެއްޖިއްޔާ އެމީހަކު އެކަމުގަ އުޅެން ޖެހޭނީ. ތިމަންމެން ކުރިން ކަންތަކެއް ވަކި ގޮތަކަށް ކުރީތީ ޞައްހައެއް ނުވާނެ ދޮތަ؟ ދިފާއީ ވަކީލު އެނުކުތާ ނެގީމަޔޯ؟
އަގީމު
06 June 2019
ކޯޓު މިއޮތީ އަގީމު ސައްރައްކާލި ކޮޓާރައް ވެފަ އެއްނު
ސަނަމް
06 June 2019
ބަންދުކުރުމަށް ކޯޓަށްގެންދިޔައިމަ ދޫކުރާގޮތާއި ދޫކުރެވޭގޮތް މިހާރު އެބަ ސާފުވެއެވެ. ފުލުހުން ކިތަންމެ ރަނގަޅަށް ކަންކުރިނަމަވެސް ކޯޓުނެޓްވޯކު މަސައްކަތްކުރާނީ އެނެޓްވޯކު މަސައްކަތްކުރަން ކޮމާންޑުދީފައިއޮންނަގޮތަށެވެ. ކޯޓުތަކުގައި ތިބޭ އެކިމީސްމީހުނާއި ދަޢުވާ އުފުލާ މުވައްސަސާތެރޭގައި މިފަދަމީސްމީހުނާއިގުޅޭ އަދި ތިމާގެމީހުން ތިބޭނަމަ މިފަދަކަންތައް މިފަދަ ގޮތްގޮތަށް ހިނގާނެއެވެ. މިފަދަކަންތައް ނިމޭނީ ސިންގާރަސްގެފާނުގެ ޙުކުމަށް. ކޯޓުވާހަކަ ބަހަނާ
ޢަސަރު
07 June 2019
ފުލުހުން ހިންގާ ޖަރީމާ ތައް ނޭގިގެން ރައްޔިތުން އުޅޭހެން ހީވަނީ. ބައި ނޭޅެންޏާ ހައްޔަރު. ބައި އެޅެންޏާ އޯކޭ. ރިޕޯޓް ކުރާމީހާ އަށް އިނޒާރު. ނޯން ޓު އެވްރިވަން. ޔާމިން ވެރިކަމުގަ ވެސް ކޮމެންޓް ކުރަން މިގޮތަށް މީހުން ތިބި.
ވީގޮތް
06 June 2019
"މި މައްސަލާގައި ހިމެނޭ އަންހެން މީހާ އަކީ ޕްރޮސިކިއުޓާ ޖެނެރަލްގެ އޮފީހުގެ ސީނިއާ ޕްރޮސިކިއުޓަރެއްގެ މަންމަ އެވެ." ވީގޮތް މިއޮތީ ފެންނަން. ލޮލް.
ކުށްތަކުރާރު
06 June 2019
ބަންދަށް އެދުނީ ކުރިންވެސް އެދުނު ފަރާތުން. އެއީ މޯލްޑިވްސް ޕޮލިސް ސާރވިސް އިން.. އަމިއްލަ ފަރުދަކަށް މީހަކު ބަންދު ކުރުމަށް އަމުރަކަށް ނޭދެވޭނެ ނޫންތޯ..
ސައްޔާހު
06 June 2019
ތިޔަ މައްސަލަ ގެންދަން އުޅޭގޮތުން އެބަހީވޭ ކަނޑައެޅިގެން އުސޫލުތަކާ ޚިލާފަށް ކަންކަން ކުރަމުންދާހެން. އެއީ އަމުރު ނެރުނު ފަނޑިޔާރެއްގެ ނަންނުޖެހީވެސް ސަބަބެއް އޮވެގެންކަން. އަދި ފުލުހުން އަމުރާ ހަވާލުވާއިރު ފަނޑިޔާރުގެ ނަން ނެތި އަމުރާ ހަވާލުވުމަކީވެސް މައްސަލައެއް. ފަނޑިޔާރު ހަޑިހާވާއިރު އަމުރު ހޯދަން ދާ ފުލުހުންނަކީ އެބުނާ ޖިނާއީ އިޖުރާއަތަށް އަހުލުވެރިނުވާ ބަޔަކަށް ވާނަމަ ކޮންމެފަދަ ހަޑިއެއްވެސް ހާވާފާނެ. މިފެންނަނީ އެކަމުގެ ނަތީޖާ.
ޑރ.ނަޒުނާ އަހުމަދު/ހިތަދޫ/ޔޫކޭ
06 June 2019
އެއްވެސް ކޯޓެއްގެ އެއްވެސް ގާޒީޔަކު ހީކޮށްގެން ނުވާނެ ތިމަންނަމެނަކީ ގާނޫނު އަސާސީއަށްތުރެން މަތީގައި އުޅޭބަޔެއްކަމަށް، އެއީ މޮޔަ ޚިޔާލެއް، ގާޒީން ތިޔަކުރަން އުޅޭ ކަންތައް ތަކެއް މިސަރުކާރު ލައްވައި ނުކުރެވޭނެ އަދި 7 ފެބުރުއަރީ އިސްގާޒީ މައްސަލަ ރިޕީޓުކުރުވަން އަޑީގައި ބިލިއަނަރުން ތިބެ ޗިޕުޖަހާކަން ޚޮދު ސަރުކާރަށްއެނގޭ،ސުއޫދުއަށް ދަންނަވްން 7 ފެބުރުއަރީ ރިޕީޓުކުރަން ހިތްވަރުނުދިނުމަށް، ކުރަންވީ ކަމަކީ ޖުޑިޝަލް ސާރވިސްކޮމިޝަން މިނިވަންކުރުން!!!
ޢަޖައިބު
06 June 2019
މިހާރު ވަރެއް ނެއް .. އިންފޮމޭޝަން ހުންނާނެ.. ހަަމަ އެއްޗަކަށް އެއްޗެއް ލިޔަނީ ކީނޫން