ފިހާރައަކުން މީހަކު މުދާ ގަނެގެން ދަނީ: ފިހާރަތަކަށް ގޮސް މުދާ ގަތުމުގައި އަމަލު ކުރަންޖެހޭ އުސޫލުތައް މިއަދު ވަނީ އާންމު ކޮށްފައި -- ފޮޓޯ/މިހާރު
21 އެޕްރީލް 2020 - 13:54
24 comments
މާލެ ލޮކްޑައުން ކޮށްފައިވާ މުއްދަތުގައި ފުލުހުންގެ ހުއްދަ ލިބިގެން ވިޔަފާރި ކުރަން ނުކުންނަ މީހުންނަށް ވިޔަފާރިކުރެވޭ ގޮތަށް ހެނދުނު 9 އިން ރޭގަނޑު 12 އަށް ފިހާރަތައް ހުޅުވާފައި ބެހެއްޓޭ ގޮތަށް އިކޮނޮމިކް މިނިސްޓްރީން އުސޫލު ކަނޑައަޅައިފި އެވެ.
މާލޭގައި ކޮވިޑް-19 ފެތުރޭތީ މާލެ ސަރަހައްދު 14 ދުވަހަށް ލޮކްޑައުންކޮށް، ގެއިން ބޭރަށް ނުކުތުން އޮތީ މަނާކޮށްފަ އެވެ. އެކަމަކު ފުލުހުން ދޭ ޚާއްސަ ހުއްދައެއްގެ ދަށުން ވަކި ދުވަސްތަކެއްގެ ވަކި ވަގުތުތަކެއްގައި ޒަރޫރީ ބޭނުމަށް ކޮންމެ ގޭބިސީއަކުން ވެސް އެކަކަށް ބޭރަށް ނުކުމެވޭ ގޮތަށް މިހާރު ވަނީ ހަމަޖައްސައިފަ އެވެ.
އެކަމާ ގުޅިގެން އިކޮނޮމިކް މިނިސްޓްރީން މިއަދު ކުރި އިއުލާނުގައި ބުނީ މާދަމާ އިން ފެށިގެން ފުލުހުން ދޭ ހުއްދައިގެ ދަށުން ވިޔަފާރި ކުރަން ނުކުންނަ ފަރާތްތަކަށް ފިހާރަތަކުން ޚިދުމަތް ދެވޭނީ ހެނދުނު 9 އިން ފެށިގެން ރޭގަނޑު 12 އާ ހަމައަށް ކަމަށެވެ. އަދި ފިހާރަތަކުންނާއި މުދާ ގަންނަ މީހުން ވެސް ވަކި ޚާއްސަ އުސޫލުތަކަށް އަމަލު ކުރަން ޖެހޭނެ ކަމަށް އެ އިއުލާނުގައިވެ އެވެ.
އިއުލާންގައި ބުނެފައިވާ ގޮތުގައި ވިޔަފާރިކުރަން ދާ މީހުންނަކީ ފުލުހުން ހުއްދަ ދީފައިވާ ބައެއްކަން ކަށަވަރު ކުރަން ޖެހޭނެ އެވެ. އަދި ޚިދުމަތް ދޭ މީހުންގެ މައުލޫމާތު ފިހާރަތަކުން ބަލަހައްޓަން ޖެހޭނެ ކަމަށް ވެސް އެ އިއުލާނުގައިވެ އެވެ.
ބަލީގެ އަލާމާތްތައް ހުރި މުވައްޒަފުން ވަޒީފާއަށް ނުނެރުމަށާއި ޚިދުމަތް ދޭ މުވައްޒަފުން މާސްކާއި އަންގި ބޭނުންކުރަން ޖެހޭނެ ކަމަށް، އުސޫލުގައި ކަނޑައަޅާފައިވެ އެވެ.
މީގެ އިތުރުން އޮންލައިންކޮށް ފައިސާ ދެއްކޭނެ އިންތިޒާމް ހުރިތޯ ބެލުމާއި ފިހާރައަށް މީހުން ދިއުމުގެ ކުރިން ދުރާލާ މުދަލަށް އޯޑަރު ދެވޭނެ ނިޒާމެއް ގާއިމް ކުރެވޭތޯ ބަލަން ވެސް އިއުލާންގައި އެދިފައިވެ އެވެ.
ކުދި ފިހާރަތަކަށް މަދުން މީހުން ވެއްދުމުގެ އިތުރުން ފިހާރައިގެ އެތެރޭގައި މަދުވެގެން އެއް މީޓަރުގެ ސޯޝަލް ޑިސްޓޭންސިން ބެހެއްޓޭ ކަން ކަށަވަރު ކުރަން ވެސް، އުސޫލުގައި ވަނީ ކަނޑައަޅައިފަ އެވެ. އަދި ކޮންމެ ދުވަހެއްގެ ވިޔަފާރި ނިމުމުން ފިހާރަ ރަނގަޅަށް ޑިސްއިންފެކްޓް ކުރަން ޖެހޭނެ ކަމަށް ވެސް އިއުލާނުގައިވެ އެވެ.
ޚިދުމަތް ހޯދާ މީހުން ފިހާރަތަކުގެ ބޭރުގައި ކިއު ހެދުމުގައި ވެސް މަދުވެގެން އެއް މީޓަރުގެ ސޯޝަލް ޑިސްޓޭންސިން ބަހައްޓަން ޖެހެ އެވެ. އަދި ބޭނުންވާ މުދާ ފިޔަވައި އެހެން ތަކެތީގެ އަތްނުލުމާއި ޓްރޯލީ ފަދަ ތަކެތި ބޭނުން ކުރާ ނަމަ، އެ ތަކެތި ޑިސް އިންފެކްޓް ކުރިތޯ ވެސް ބަލަން ޖެހެ އެވެ.
އެ އިއުލާންގައި އެދިފައި ވަނީ ބަލިވެ އުޅޭ ނަމަ ފިހާރަތަކަށް ނުދިއުމަށާއި ކުޑަކުދިން ނުގެންދިއުމަށެވެ. އަދި އޮންލައިންކޮށް ވިޔަފާރި ކުރެވެން ހުރި ނަމަ، އެގޮތަށް އަމަލު ކުރަން އިސްކަން ދޭން ޖެހޭނެ ކަމަށް ވެސް ބުނެފައިވެ އެވެ.
ގެއިން ނިކުތުމުގެ ކުރިން ގަންނަން ބޭނުންވާ ތަކެތީގެ ލިސްޓެއް ހަދަން ސަމާލުކަން ދޭން ވެސް އެދިފައިވެ އެވެ.
މާލެ ސަރަހައްދު ލޮކްޑައުން ކުރުމާ އެކު ފިހާރަތަކުން ޑެލިވަރީގެ ޚިދުމަތް ފެށިޔަސް، އޯޑަރުތައް ގިނަކަމުން ބޭނުންވާ ތަކެތި ނުލިބިގެން މިހާރު ވެސް މީހުން މަގުތަކަށް ނުކުމެ އެވެ. ފުލުހުން ވަނީ މާލެ 26 ޒޯނަކަށް ބަހާލައި، އެ މީހަކު ހުރި ޒޯނުން ބޭރަށް ނުދެވޭ ގޮތަށް ހަމަޖައްސައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކެކެ
21 April 2020
ތިޔަ ފިހާރަތަކުން އެއްޗެއް ގަނެވޭވަރެއްނޫން މިހާރު. އަގުތައް އާސްމާނުގަ.. 35ރ ލިބުނު ލުބޯ ކިލޯ 5ރ 1 އެކަތި.. މިރުހެއް 4ރ އައް. މިހެނކިޔާނެކަމެއް ނެތް. އޮފީހުން މަސާރަޔައް ބޭސިކް ސެލަރީ ދީފަ. ކުލި ދައްކާފަ.ރޯދަމަހު ބަޑައް.. 15 އަހަރު އުޅުނީ ގުދާރު ބިންދާފަ ސަރުކާރު ކުންފުންނެއް ބޮލުއަލާއިގެން.މިދަޑިވަޅުގަ ދިއްކޮއްލާނެ އެއްޗެއް އޮތްކަމަކައް ނުވި.ހާލުގަ ޖެހުން އިރު.
ބޮޑުމީހާ
21 April 2020
ކޮންމެ ދުވަހަކު ނޫސް ކޮންފަރެންސް ބާއްވާފަ، އަހަރުމެން މިތިބީ އެންމެ ވޯސްޓުކޭސްއަށް ތައްޔާރުވެގެން،! ވޯސްޓް އަދި ނާދޭ އެކަމަކު ހުރިހާ ކަމެއް ބޮއްސުންލައިފި.
ގައްބޭ
21 April 2020
އައްޑޫ ސިޓި ކައުންސިލުން ވިޔަފާރިތަކަށް ކުރާ ޖެއްސުން ހުއްޓާލުމަށް ގޮވާލަން.
ފައްތާހް
21 April 2020
ނާ ހަމަ ތެދެއް. ތިމީހުންނާ ހެދި އަހަރުމެން ރަށަށް ވެސް ލާމަރުކަޒީ އަންނަވަރެއް ނުވޭ. މާބޮޑަށް ބާރު ބޭނުންވާ ބަޔެކޯތީ.
ކޮސްވެއްޖެ
21 April 2020
ގައުމެއްގެ ހާލަތު މިހިސާބަށް ދިޔައީމާ ހަމަ ހައިރާންވެއްޖެ. މިއޮތްހާ ދުވަހު ވީ ތައްޔާރީތައް ކޮބާ؟ ދެއްކިހައި ވާހަކަތަކުގެ ބޭނުމަކީ ކޮބައިބާ؟ ދުވާލު ހަތަރުދަމު ޖަލްސާކޮށްފައި ރޭވިރޭވުންތަކުގެ ބޭނުމަކީ ކޮބައިބާ؟ ދެމަހެއްހާ ދުވަހު ހުއްޓާ ނުލާ ރޭވި ރޭވުން މިދަނީ ފަނުފުލުން. މާލެ ފެނަށް ޖެހުނުއިރުވެސް ހުއްޓުމެއް ނެތި އެމީހަކު ބޭނުންވަރަކަށް ފެން ލިބޭނެ އިންތިޒާމު ރޭވިގެންދިޔައީ އެންމެ ދެތިން ދުވަހުގެ ތެރޭގައި.
އަޙްމަދު1211
21 April 2020
ފެނަށް ޖެހުނު ދުވަހާއި މިއަދު ތަފާތު. މިއުޅެނީ ގައިން ގަޔަށް އަރާ ބައްޔެއް ފެތުރިގެން. ބަލަންޖެހޭ އެތައްކަމެއް އެބަހުރި. ދުނިޔޭގެ އެންމެ ކުރިއަރާފައިވާ ގައުމުތަކަށްވެސް މިކާރިސާއަށް ފުރިހަމައަށް ތައްޔާރުވެވިފައި ނެތްކަމަށް ޑަބްލިޔު އެޗްއޯ އިިން އެދަނީ ބުނަމުން. އަހަރެމެންގެ އޮންނަކަމަކީ އަބަދުވެސް ޝަކުވާކުރުން.
ކެޔޮޅުބޭ
21 April 2020
މިބައްޔާ ބެހޭ އެއްވެސް މައުލޫމާތެއް ނެތިއްޔާ ތިހެން ކޮސް ވެދާނެ. އެހެން ނޫނިއްޔާ ބުނެވޭނީ ގައުމަށް މިވަރުގެ ބޮޑު ބަލިމަޑުކަމަކާ ދިމާ ވެގެން އުޅޭ އިރު ވެސް ތިިހިރީ ސިޔާސީ ގޮތުން ހައްދު ފަހަނަޅާ ގޮސްފައޭ. ހަސަދަ ވެރިކަމާ ސަރުކާރު ދެކެ އަންނަ ރުޅިވެރިކަން ފާޅުކުރަން ވެސް ވަގުތެއް އޮންނަން ވާނެ.
ކަލޯގަޔާ
22 April 2020
ކަލޯ އަހަންމަދާ މީހުން އެދުވަހާ މިއަދާ ހާސްބައި ތަފާތު. އެދުވަހު އެކަމެއް ޖެހުނީ ކުއްލިއަކަށް. މިކަމެއް ޖެހުނީ ކުއްލިއަކަށް ނޫން. ވޯސްޓް ސިނާރިއޯއޭ، ފްލޯޓް ހޮސްޕިޓަލޭ، ތައްޔާރޭ ކިޔާފައި ސަޅިބައިސާ ކަނޑާފައި ކަމަކާ ލައިގަތީމާ ދޮޅުކިލޯ މީޓަރަށް ޑެލިވަރީ ނުކުރެވިގެން މި ޖެހުނީ ކަންމަތީ ފިހާރައިގެ ސޭޓާ. އަންނަ މީހުންގެ ލިސްޓު ލިޔެ، ގައިދުރުވޭތޯ ބަލަން މި ޖެހުނީ ސޭޓަށް. މިވަރުން ދަންޏާ ބަލިޖެހޭ މީހުން ބަލިޖެހުނުތޯ ބަލާ ކިޓްވެސް ސޭޓާ ހަވާލުކުރާނެ.
ކޮސްވާންތަ
22 April 2020
ފެނަށް ޖެހުނު ދުވަހާ މިޖެހިގެން އުޅޭ ކަމަކާ އަޅާނުކިއޭނެ. އެކަމު މިކަމުގައި ސަރުކާރުގެ އެކި ފަރާތްތަކުން ތައްޔާރުވެފަ އޮތްކަމަށް ދެކެވުނު ވާހަކަތަކަ އެއީ މި ބަލި ފެތުރެން ދިމާވި އެންމެ ބޮޑު ސަބަބު. ލޮކްޑައުންއަކަށް ދިއައީ އެއްވެސް ތައްޔާރުވުމެއްނެތި. ކުރީބައިގައި ތަކެތި ހޯދާ ރައްކާނުކުރަންވެސް ބުނި. ދެން މީހުން މަގުތަކަށް ނިކުންނަށް މަޖްބޫރުވީ ޑެލިވަރީ ސިސްޓަމް މާބޮޑުތަނުން ފޭލްވީމަ.
ސަންފާދީ
21 April 2020
ޜައްޔިތުން މިވަނީ ބަޑުއަކިރިއަށް ރާޅުޖެހިކޮޅަކަށް ދެމިލަ ދެމިލަ! ޢެއްވެސް އުސޫލެއްނެތި އަގައިން ބަސް އޭރަކުނިކުތްގޮތަކީ އުސޫލު! ދެންވާނީ “ވާނީ އާދަނު” ބުނިހެން!ޅަދޮޅު ކުދިންކޮޅެއްގެ އަތްމައްޗަށް ގައުމު ހިންގަން ދީފައި ހަރުމީހުން ގުގުރީގައި! މިހާމަދުމީސް ކޮޅެއްގެ ތެރެއިން އެހާވަރަށް ބަލިފެންނަމުން އެއްވެސް ތާކު އަދިނުދޭ! ޓުއީޓާއިން ގައުމުހިންގީމާ މައެވީ!
އާދޭސް
21 April 2020
ހެޔޮނުވާނެ ތިޔަހެން އެންމެން ބޭނުންވާގޮތް ނުހަދާ. މިއީ ބަލިމަޑުކަމަކާގުޅިގެން ކުރާކަމެއް. ރަންއިލޮށިން ކަދުރުކާނީ މިކަމުން އަރައިގަނެވުނީމަ. މިގައުމުގައި ނޫނަކަސް ލޮކްޑައުންގަ އުނދަގޫ ތަހައްމަލުކުރަންޖެހޭ. 14 ދުވަހަށް ގޭބަންދުކުރޭ. މިހާރު ހަމަ ނޫސްވެރިއަކު މިވެނިކަމެއް ދައްޗޭ ބުނާއިރަށް ގަވާއިދު ބަދަލުކޮށް ހުއްދަދެނީ.
ސަމަރުބުލޫ
21 April 2020
މުޅިން ސަކަރާތް! ތިހެން މުޅި ދުވާލާ ރޭގަނޑު ފިހާރަ ހުޅުވާފަ ކޮންމެ ގެއަކުން މީހަކަށް ނުކުމެވޭ ކަމަށް ވަންޏާ މިީދެން ކޮން ވައްތަރެއްގެ ލޮކްޑައުން އެއް؟؟؟ ބަލަގަ ލޮކްޑައުން ކުރަނީ މިވައިރަސްގެ ނުރައްކާ ބޮޑުކަމުން މިފެތުރިޔަ ނުދޭން. ދަތިވާނެ. އެކަން އެގެންޖެހޭ. ސެކްރިފައިސް ކުރަން ޖެހޭ. ހުރިހާ އަރާމެއްގަ ބޭނުންހާ އެއްޗެއް ކައިގެން ނޫން މީހުން އެހެން ގައުމުތަކުގަ ވެސް ލޮކްޑައުން ކުރީމަ އުޅެނީ. ހަފްތާއެއް ވެސް ނުވަނީސް މިދޫކޮށް ލަނީ! ބޯހަލާކު!
ބޫމް
21 April 2020
ސެކްރިފައިސްއޭ؟؟ޢިމާރާތެއްގެ 7ވަނަ ބުރިއަށް، ލިފްޓް ނެތުމުން ކޮނޑަށް ލައިގެން 5ލިޓަރުގެ ފެންކޭހެއް ގެންގޮސް ދިނީމާ ބުނީ އަހަރެމެން ތާޒާ ފެނެއް ނުނިމޭ ބޭނުމީ ލައިފް ފެނޭ. މީ ތިޔަބުނާ ސެކްރިފައިސްގެ ކަންކަން ހުރި ހިސާބު.
އަސްލޭ
21 April 2020
ހުއްދަ ދިނީ އެއްގަޑިއިރަށް، ހުއްދަ ސަރަހައްދުގެ ހުރިހާ ފިހާރައެއް ތަޅުލާފަ ސޭޓު އިންނަނީ އެތެރޭގަ، ފިހާރަ ކައިރިއަށް ދިޔަމަ ބުނަނީ އޯޑަރު ކުރާށޭ، ނަމްބަރު އޮންނަނީ ނިއްވާފަ،
އުއްމީދު ފެނަށް
21 April 2020
އަނެއްކާވެސް ވަޒީރު ހޮހޮޅައިން ނުކުތީ. ކުރިން ބުނީ ހުރިހާ ގެއަކަށް ކައްކާފައި ޕާރުސަލް ފޮނުވާނަމޭ. މިފަހަރު މިބުނަނީ ހުއްދަ އޮތް "ހުރިހާ" ފިހާރައެއް ހުޅުވާނެޔޭ. ވަޒީރު އެކަން ޔަގީންކުރީ ކިހިނެއްބާ؟
ޙަސީނު22
21 April 2020
ވަޒީރުބުނީ އިސްޓްރޯބެރީ އެކަންޔޭ ނުލިބޭނީ މިގައުމުން...
ޑރފަލަޑޭ
21 April 2020
ދުވާލަކު ގޮތެއް. ހަދާނެ ނަހަދާނެއެއް ނޭގިފަ. ވާނުވާއެއް ނޭނގޭވަރުވެއްޖެ. އެހެންތާ ވާނީ ޒިންމާދާރު ވެރިން އުޅެނީ ލައިކް ހޯދުމުގަ