މެޑްޓެކުން މިއަދު ރާއްޖެ ގެނައި 18 ވެންޓިލޭޓަރުތައް ވެލާނާ އިންޓަނޭޝަނަލް އެއާޕޯޓަށް ބާލަނީ.---ފޮޓޯ: އިނަ މޯލްޑިވްސް
10 މެއި 2020 - 11:02
19 comments
ރާއްޖެ ގެންނަން މެޑްޓެކް މޯލްޑިވްސްއާ ހަވާލުކުރި ވެންޓިލޭޓަރުތަކުގެ ތެރެއިން އައިސީޔޫ 18 ވެންޓިލޭޓަރު މިއަދު ގެނެސްފި އެވެ.
އެ ވެންޓިލޭޓަރުތައް ގެނައީ ސްރީ ލަންކަން އެއާލައިންސްގެ ކާގޯ ފްލައިޓެއްގައި، އެ އެއާލައިންސްގެ ރާއްޖޭގެ އެޖެންޓް، އިނަ މޯލްޑިވްސްގެ އެހީތެރިކަމާ އެކު އެވެ.
މި ވެންޓިލޭޓަރުތައް ގެންނަން ކުރިން ތާވަލްކުރީ މިދިޔަ ހުކުރު ދުވަހަށެވެ. ނަމަވެސް އެ ދުވަހުގެ ކާގޯ ފްލައިޓް މާ ބޮޑަށް ބިޒީވުމުން ގެނެވޭ ގޮތް ނުވީ އެވެ.
އިނަ މޯލްޑިވްސްގެ މެނޭޖިން ޑިރެކްޓަރު މުހައްމަދު ފިރާގު ކުރެއްވި ޓުވީޓެއްގައި ވިދާޅުވީ، 18 ވެންޓިލޭޓަރުގެ އިތުރުން މި ވަގުތަށް ކޮންމެހެން ބޭނުންވާ މެޑިކަލް ސާމާނު ވެސް މިއަދު ގެނައި ކަމަށެވެ.
Happy to announce the Medtech shipment include 18 ICU ventilators and urgent medical consumables has arrived today . We appreciate the support team of SriLankan airlines world wide and our country Manager Maldives Mr. Fawzan for the unusual support for this difficult time. pic.twitter.com/jqMWN1hvGA
— Mohamed Firaq (@mohamedfiraq) May 10, 2020
އިނަ މޯލްޑިވްސްގެ އެމްޑީ ފިރާގްގެ ޓުވީޓް
ހެލްތު މިނިސްޓްރީން ކުރިން ބުނެފައި ވަނީ މެޑްޓެކްއާ ހަވާލުކުރި ވެންޓިލޭޓަރުތަކުގެ ތެރެއިން 18 ވެންޓިލޭޓަރު މި މަހުގެ އެކެއްގައި، 10 ވެންޓިލޭޓަރު މި މަހުގެ 15 ގައި ރާއްޖެއަށް ގެންނާނެ ކަމަށް އެ ކުންފުނިން މައުލޫމާތު ދީފައިވާ ކަމަށެވެ. މެޑްޓެކްއާ ހަވާލުކުރީ 50 ވެންޓިލޭޓަރެއް ގެންނަން ކަމަށް ހެލްތު މިނިސްޓްރީން ކުރިން ބުނެފައި ވެ އެވެ.
ވެންޓިލޭޓަރު ގެންނަން މެޑްޓެކްގެ އިތުރުން ދެން ހަވާލުކުރީ ނާޑް ކުންފުންޏާ އެވެ. ނަމަވެސް ހެލްތު މިނިސްޓަރު އަބްދުﷲ އަމީން މިދިޔަ މަހު ރައްޔިތުންގެ މަޖިލީހަށް ދިން މައުލޫމާތުތަކުން އެނގޭ ގޮތުގައި ނާޑް ކުންފުންޏާ ހަވާލުކުރި 20 ވެންޓިލޭޓަރު ގެނައުމުގައި ވަރަށް ބޮޑު ލަސްކަމެއް އުޅެ އެވެ. މިނިސްޓަރު ވިދާޅުވެފައި ވަނީ ވެންޓިލޭޓަރު އުފައްދާ ކުންފުނިން އެ އުފެއްދުން ލަސްވުމުން، އެހެން ގޮތެއް ހޯދަން މަަސައްކަތް ކުރަމުން އަންނަ ކަަމަށް ނާޑް ކުންފުނިން އަންގާފައިވާ ކަަމަށެވެ. އެކަމަކު، އެ ކުންފުންޏާ ހަވާލުކުރި ވެންޓިލޭޓަރުތައް ގެނެވޭނެ ދުވަހެއް ސަރުކާރުން އަދިއެއް ނުބުނެ އެވެ.
މެޑްޓެކާއި ނާޑް ކުންފުންޏާ މި މަސައްކަތް ހަވާލުކުރީ ބިޑްކުރުމަކާ ނުލައި، "ސިންގަލް ސޯސް ޕްރޮކިއުމަންޓް" އުސޫލުންނެވެ. އެއީ، ކޮވިޑް-19 ރާއްޖެ އަށް ހަލުވިކަމާ އެކު ފެތުރެމުންދާތީ ވީހާ ވެސް އަވަހަކަށް އެ ތަކެތި ބޭނުންވާތީ ކަމަށް މިނިސްޓަރު އަމީން ވިދާޅުވެފައި ވެ އެވެ.
ރާއްޖޭގެ ދެ ކުންފުނީގެ އިތުރުން 75 ވެންޓިލޭޓަރެއް ގެނައުމުގެ މަސައްކަތް ހަވާލުކޮށްފައި ވަނީ ދުބާއީގެ އެގްޒެކިއުޓާ ޖެނެރަލް ޓްރޭޑިންއާ އެވެ. އެ ކުންފުންޏާ ވެސް ހަވާލުކޮށްފައި ވަނީ ސިންގަލް ސޯސް ޕްރޮކިއުމަންޓް އުސޫލުން ނުވަތަ ބިޑްކުރުމަކާ ނުލަ އެވެ. އަމީން ކުރިން ވިދާޅުވެފައިވާ ގޮތުން އެ ކުންފުނިން މިއަދު ވެންޓިލޭޓަރުތައް ރާއްޖެ ގެންނާނެކަން ވަނީ އަންގައިފަ އެވެ. އެކަމަކު، އެ ވެންޓިލޭޓަރެއް ނުގެނެ އެވެ. ތަފްސީލެއް ވެސް ނުލިބެ އެވެ.
ވެންޓިލޭޓަރު ގެންނަން ހަވާލުކުރި ތިން ކުންފުނީގެ ތެރެއިން މިހާތަނަށް ސަރުކާރުން ފައިސާ ދޫކޮށްފައި ވާނީ ހެލްތު މިނިސްޓްރީން ބުނެފައިވާ ގޮތުގައި ދުބާއީގެ އެގްޒެކިއުޓާ ޖެނެރަލް ޓްރޭޑިން އަށް އެކަންޏެވެ. އެ ކުންފުންޏާ މަސައްކަތް ހަވާލުކުރީ 34 މިލިއަން ރުފިޔާ އަށް ކަމަށް ވާއިރު އަގުގެ 75 ޕަސެންޓު ދައްކާފައިވާ ކަމަށް ނޭޝަނަލް އިމަޖެންސީ އޮޕަރޭޝަން ސެންޓަރު (އެންއީއޯސީ) ގެ ތަރުޖަމާން މުހައްމަދު މަބްރޫކް އަޒީޒް ވިދާޅުވެފައި އެވެ.
ސަރުކާރުން ބުނެފައި ވަނީ ދުބާއީގެ ކުންފުންޏާ ވެންޓިލޭޓަރު ގެންނަން ހަވާލުކުރީ ދުނިޔޭގެ ސިއްހަތު ޖަމިއްޔާ (ޑަބްލިއުއެޗްއޯ) މެދުވެރިކޮށް ކަމަށެވެ.
ސަރުކާރުން ގެންނަ ވެންޓިލޭޓަރުތަކުގެ އިތުރުން، ޗައިނާ އާއި ރާއްޖޭގައި ރިސޯޓުތައް ހިންގާ ބޭރުގެ ބައެއް ފަރާތްތަކުން ވެސް ވަނީ ވެންޓިލޭޓަރުތައް ހަދިޔާކޮށްފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހުސެން ހަސަން
11 May 2020
ވަކިބަޔަކައް މަންފާލިބޭގޮތަށް ކުރުވާފައިވާ މުއާމަލާތެއް.... ވ.ދެރަކަމެއް.... މިލާރި ކާމީހުން ބިރުވެތި ނުވަނީބާ!!! އިރާދަފުޅުން އެކަން ދައްކަވާނެ ޢިންޝާ ﷲ.
ބޮޑުމީހާ
10 May 2020
އަވަސް އަރުވާލައިގެން ވަކިބަޔަކަށް ފައިދާ ހޯދަން ހިންގި ޕްރޮޖެކްޓެއް ތީ. ވެންޓިލޭޓަރ މުހިއްމު. އެކަމަކު 200 ވެންޓިލޭޓަރ ލިބޭ އަގުގައި 100 ވެންޓިލޭޓަރ ގެނައުމަކީ ބޮޑު ޖަރީމާއެއް
މުދިމު ކަތީބު
10 May 2020
75 ވެންތިލޭޓަރުގެ ފައިސާ ދައުރުވަމުން ގޮސްފައިވަނީ ސްޓީލިން ޕެރަޑައިސް ގެ ނިޒާމުން
އެންދެރި
10 May 2020
ވެންޓިލޭޓަރަކަށް ޖެހޭ ވަރު ބުނެލަބަލާ ށެވެ.
ކުޑޭ
10 May 2020
ދެން އަސްލު ކުރެވުނު ބޭކާރު ހަރަދެއްތީ! ފަހުގެ ހޯދުންތަކުން އެނގޭގޮތުގައި ބަލިމީހާ ވެންޓިލޭޓަރަށް ނުލީމަ މާރަނގަޅު،
ތިއޭ މައްސަލައަކީ
10 May 2020
ކަލޭ އޭރު ހަޅޭލެވީ ވެންޓިލޭޓަރު ނުލިބިގެން
ބޮޑުބެގެ އަމާ
10 May 2020
މެޑިޓެކަށް ބައިރުފިޔާއެއް ދިއްކޮށްލީ ދޯ.. ކޮބާތޯ ބިޑްކުރުން ކޮބާތޯ އެންޓިކޮރަޕްޝަން ކޮމިޝަން ސާބަހޭ ޒީރޯ ޓޮލަރެންސް
ސާފު ސާފު
10 May 2020
ދޮގު ނަހަދާ. ވެންޓިލޭޓަރު ގެންނަން ސަރުކާރަށް ހުށަހެޅި ކުންފުނިތަކުގެ ތެރެއިން އެންމެ ބޮޑު އަގެއް ހުށަހަޅާފައިވަނީ ދައުލަތުގެ ކުންފުނި އެސްޓީއޯއިން. 15 ވެންޓިލޭޓަރު ގެންނަން އެ ކުންފުނިން ހުށަހަޅާފައިވާ އަގަކީ އެއްޗެއް 878،475ރ. އެންމެ ކުޑަ އަގު ހުށަހެޅި ކުންފުންޏަކީ މެޑްޓެކް މޯލްޑިވްސް. އެއީ ވެންޓިލޭޓަރެއް 288،914ރ.
ޓަކުރު
10 May 2020
ކޮއްކޯ އެއެއް ޗެހި ގެނެސް ދެއްވީ ފިރާގުގެ ހެޔޮއެދުން ތަކާއެކު ތިތަކެތި ނުގެނެވިގެން އުޅޭތާ މިހާރު ދެހަފްތާވެއްޖެ. މީހަކު ހެޔޮހިތުން ދަރުމަޔައްކަމެއްވެސް ކޮއްދެވެން ނޯވެ .
ވެންޓިލޭޓަރު
10 May 2020
ބައެއް މީހުންނަށް ހީވަނީ ވެންޓިލޭޓަރު ލިބުނީމާ ނިމުނީހެން . ބަލަ ނިކަމެއްޗަކަށް ލިބޭނެތަ؟ އެހެން ނޫނަސް ވެންޓިލޭޓަރުގެ ސަބަބުންވެސް ދިމާވާ ކަންކަމުގެ ސަބަބުން މަރުވާކަން ހަދާންކުރަންވާނެ. ވެންޓިލޭޓަރަކީ ހުރިހާ އެއްޗެއް ނޫން
ކާމިލު
10 May 2020
ރަނގަޅު. ދުރާލާ އެއްޗިހި ހޯދާފަ ބެހެއްޓުމަކީ ހިކުމަތްތެރި ކަމެއް.
މިނިވަނާ
10 May 2020
ސާބަހޭ. ގައުމައިގެން ކުރިއަށް.