ނަތީޖާ ނެރެވިދާނެކަން ގިނަ ބަޔަކު ގަބޫލުކުރަން ފަށައިފި: ޑރ. މުއިއްޒު

އަންނަ ހޮނިހިރު ދުވަހު ބާއްވާ ލޯކަލް ކައުންސިލްތަކުގެ އިންތިޚާބުގައި މާލޭގެ މޭޔަރުކަމަށް ވާދަކުރައްވާ ޑރ. މުހައްމަދު މުއިއްޒާ މެދު ގިނަ ބައެއްގެ އިތުބާރު ބޮޑުވަމުން އަންނަ ކަމަށާއި އެ މީހުންގެ އުންމީދު ހުރީ ވަރަށް "އުހުގައި" ކަމަށް އޭނާ މިއަދު ވިދާޅުވެއްޖެ އެވެ.

އިދިކޮޅު ޕީޕީއެމްގެ ޓިކެޓުގައި ނުކުންނަވާފައިވާ، ކުރީގެ ހައުސިން މިނިސްޓަރު މުއިއްޒު މިހެން ވިދާޅުވީ، ރާއްޖޭގެ ކުރީގެ މަޝްހޫރު ލަވަކިޔުންތެރިޔާ އަލީ ރަމީޒާއި އެތައް ބައެއްގެ ލޯބި ހޯދާފައިވާ، ދިވެހި ގައުމީ ފުޓުބޯޅަ ޓީމުގެ ކެޕްޓަން އަލީ އަޝްފާގު (ދަގަނޑޭ) ފަދަ "ހަރުކުލައިގެ" އެތައް ބައެއްގެ ތާއީދު އިތުރު ވާތީ އެވެ. އަލީ ރަމީޒާއި ދަގަނޑޭގެ އިތުރުން ކުރީގެ ރައީސް މައުމޫން އަބްދުލްގައްޔޫމްގެ ސަރުކާރުގެ ކޮންސްޓްރަކްޝަން މިނިސްޓަރު އުމަރު ޒާހިރާއި އެ ސަރުކާރުގެ ފަހު ދުވަސްވަރު ހައުސިން މިނިސްޓަރުކަން ކުރެއްވި ޑރ. އަލީ ހައިދަރުގެ ތާއީދު ވެސް މުއިއްޒަށް އޮތް ކަމަށް ވަނީ ވިދާޅުވެފަ އެވެ.

Dr. Muizzu ge masakkaiy fesheynee ves Raees ge badhaluvumakun

The most trusted news source in the Maldives

Mihaaru

މުއިއްޒު ވިދާޅުވީ އެ ފަދަ މަޝްހޫރު ޝަހުސިއްޔަތުންތަކެއް އޭނާ އަށް ތާއީދު ކުރެއްވުމުން އެކަމަށް ޝުކުރު އަދާ ކުރައް ކަމަށެވެ. އެއީ، މާލޭގެ މޭޔަރުކަމަށް އެންމެ ގާބިލް ބޭފުޅަކީ މުއިއްޒުކަން ގަބޫލުކުރާ ކަމުގެ ހެެއްކެއް ކަމަށް ވިދާޅުވި އެވެ.

"އެ ބޭފުޅުން ބޭނުންވާ ނަތީޖާ އަޅުގަނޑަށް ނެރެވިދާނެކަން އެއިން އެނގެނީ. މިއީ ވަރަށް ބޮޑު ހިތްވަރެއް. ދުވަހެއް ދުވަހަކަށް ތާއީދު އަންނަނީ އިތުރުވަމުން،" މާލޭގައި "ދޮރުންދޮރަށް" ކެމްޕެއިންގައި އުޅުއްވަމުން މުއިއްޒު ވިދާޅުވި އެވެ.

ފޮޓޯ ގެލަރީ / ޑރ. މުއިއްޒުގެ މަސައްކަތުގެ ބައެއް އުސްއަލިތައް

މަޝްހޫރު ބައެއް ޝަހުސިއްޔަތުތަކުގެ އިތުރުން މާލޭގެ އާންމުންގެ އެތައް ބައެއްގެ ވާހަކަ ވެސް އައްސަވަމުން ގެންދަވާ ކަމަށާއި ކުރިއަށް ވުރެ ބޮޑު ތާއީދެއް އެބައޮތް ކަަމަށް މުއިއްޒު ވިދާޅުވި އެވެ.

އޭނާ ވިދާޅުވީ ގައުމު ގަބޫލުކުރާ އެ ފަދަ ޝަހުސިއްޔަތުންގެ އިތުބާރު ދެއްވުމަކީ، އެކަމާ މެދު ރައްޔިތުން ވިސްނާނެ ކަމެއް ކަމަށް އުއްމީދު ކުރައްވާ ކަމަށެވެ.

ކުރިއަށް އޮތް ލޯކަލް ކައުންސިލް އިންތިޚާބުގައި ޕީޕީއެމްގެ ފަރާތުން ވާދަކުރައްވާ މުއިއްޒު ވިދާޅުވާ ގޮތުން، ސިޔާސީ ބައިބައިވުމުގެ ތެރޭގައި މާލޭގެ ރައްޔިތުން ނިކަމެތިވާން ދޫކޮށް ނުލައްވާނެ އެވެ. އަދި ރައްޔިތުންނަށް ފައިދާ ހުރި ކަންކަމުގައި ސަރުކާރާ ގުޅިގެން މަސައްކަތް ކުރައްވާނެ ކަމަށް ވިދާޅުވި އެވެ.

މުއިއްޒު ވިދާޅުވިގޮތުގައި ކައުންސިލަށް އެހެން ޕާޓީތަކުގެ ކެންޑިޑޭޓުން ހޮވުނަސް މަސައްކަތް ކުރައްވާނީ ޓީމް ވޯކް އިސްކުރައްވައިގެން ހުރިހާ ކައުންސިލަރުން ވެސް ގޮވައިގެންނެވެ.