ނާޖާއިޒު ފައިދާ ހޯދައިދިން ވިލިނގިލީ މެޖިސްޓްރޭޓުގެ މައްސަލަ އޭސީސީގައި

މާމެންދޫގެ އިސް މެޖިސްޓްރޭޓް އަހުމަދު ޝުކޫރު: އޭނާގެ މައްސަލައެއް ޖޭއެސްސީން ބަލައި ވަކިކުރަން ނިންމާފައި ވަނިކޮށް ވަނީ އިސްތިއުފާ ދެއްވާފައި.

ފަޒީނާ އަހުމަދު، މިހާރު

16 ޑިސެމްބަރ 2021 - 11:21

7 comments

ގއ. ވިލިނގިލީ މެޖިސްޓްރޭޓް ކޯޓުން ގާނޫނާ ޚިލާފަށް ވިމްސްއަށް ފައިސާދޫކުރި މައްސަލައިގައި ކުރީގެ ފަނޑިޔާރު އަހްމަދު ޝުކޫރަށް ފިޔަވަޅު އަޅައިދޭން އެދި އެންޓި ކޮރަޕްޝަން ކޮމިޝަން (އޭސީސީ) އަށް ފޮނުވާފައިވާ ކަމަށް ޖުޑީޝަލް ސާވިސް ކޮމިޝަން (ޖޭއެސްސީ)ން ބުނެފި އެވެ.

ޝުކޫރު ވަނީ އޭނާގެ ނުފޫޒުން ވިމްސްއަށް 1.7 މިލިއަން ރުފިޔާ ވިލިނގިލީ މެޖިސްޓްރޭޓް ކޯޓު މެދުވެރިކޮށް ހޯދައިދީފަ އެވެ. ދެ ކުންފުންޏެއްގެ ދެމެދު ހިނގި މުއާމަލާތެއް އެ ކޯޓުން ބަލައި ފައިސާ ދޭން ޖެހޭ އަދަދަށް ވުރެން އިތުރަށް އޭނާ ނަގައިދިނީ ގާނޫނުއަސާސީ އާއި މާލިއްޔަތު ގަވާއިދާ ހިލާފަށް ކަން ހައި ކޯޓުގެ ހުކުމުގައި އެނގެން އެބައޮތެވެ.

Vimas ah faisaa dhookurun: Court ge nufoozaai ihumaalu ge machah ihumaalu!

The most trusted news source in the Maldives

Mihaaru

އެ ހުކުމުގައި އޮތީ ބާތިލްކޮށްފައިވާ އަމުރެއްގެ މައްޗަށް ބިނާކޮށް ފިނޭންސުން ދޫކުރި ފައިސާއެއް ކަން ގއ. ވިލިނގިލީ މެޖިސްޓްރޭޓް ކޯޓަށް އެނގި ހުރެ އަދި އެ ފައިސާ ދޫކުރުމަށްޓަކައި މިނިސްޓްރީ އޮފް ފިނޭންސްގެ ސިޓީ އިސްލާހުކުރަން އެ ކޯޓުން އަމިއްލަ އަށް އެދިފައި އޮތުމުން އަންގައިދެނީ މިއީ ނާޖާއިޒު ގޮތެއްގައި ދައުލަތުގެ ފައިސާ ބަޔަކަށް ދިނުމަށްޓަކައި ޖާއިޒު ސޫރައެއް ދެއްކުމަށް ހުވަދު އަތޮޅު އުތުރުބުރީ ވިލިނގިލީ މެޖިސްޓްރޭޓް ކޯޓުން ޝަރީއަތްކުރުމުގެ މަރުހަލާ ނަހަމައިން ބޭނުންކޮށްފައިވާ މައްސަލައެއް ކަމެވެ.

ޖޭއެސްސީން ބުނީ ވިމަސް އަށް ފައިސާ ދޫކުރި މައްސަލަ އެ ކޮމިޝަނަށް ހުށަހެޅީ އޮކްޓޯބަރު، 2020 ގަ އެވެ. މައްސަލަ ދިރާސާކޮށް އެކަމުގައި ފާހަގަވި ކަންކަމާ އެކު އޭސީސީއަށް ޝުކޫރުގެ މައްސަލަ ޖޭއެސްސީން ފޮނުވީ މި އަހަރުގެ ޖެނުއަރީގަ އެވެ.

"މި ކޮމިޝަނުން ކުރި ދިރާސާއަށް ފާހަގަވެފައި ވަނީ އެކަމަކީ ވިލިނގިލީ މެޖިސްޓްރޭޓް ކޯޓުގެ ކުރީގެ މެޖިސްޓްރޭޓް އަހުމަދު ޝުކޫރު، ފަނޑިޔާރުކަމުގެ ހައިސިއްޔަތު ނަހަމަ ގޮތުގައި ބޭނުންކޮށްގެން ކަނޑައެޅިގެން ފާޅުކަން ބޮޑު ގޮތުގައި ފަރުވާލެއް ނެތި ގާނޫނާ ހިލާފަށް ހިންގާފައިވާ ކަމެއް ކަމަށެވެ،" ޖޭއެސްސީން ބުންޏެވެ.

އޭނާގެ ގާނޫނާ ހިލާފު މި އަމަލު ފާހަގަވީ، އެހެން މައްސަލަތަކެއް ދިރާސާކުރަމުން ދަނިކޮށެވެ. އެ މައްސަލަތައް އޭނާއަށް ސާބިތުވެ މަގާމުން ވަކިކުރަން ރައްޔިތުންގެ މަޖިލީހަށް ހުށަހަޅަން ކޮމިޝަނުން ނިންމުމާ ގުޅިގެން އިސްތިއުފާ ދެއްވީ އެވެ.

އޭނާ އިސްތިއުފާ ދެއްވިއިރު ޖޭއެސްސީން ބަލަމުން އައީ ގއ. މާމެންދޫ ކޯޓުގައި ހުންނަވައި ހިންގި ކަމަށް ތުހުމަތުކުރެވޭ ގާނޫނާ ހިލާފު ކަންކަމެވެ.

ޖުޑީޝަލް ސާވިސް ކޮމިޝަން ކޯޓް ގއ. ވިލިގިލި އެންޓި ކޮރަޕްޝަން ކޮމިޝަން ކޮރަޕްޝަން ފިނޭންސް މިނިސްޓްރީ

7 ކޮމެންޓް, 1 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އޮނަރަބްލް އަފީފު ދީދީ

16 December 2021

އޭރުގެ ޤާޒީ އަޙްމަދު ޝުކޫރުގެ ޙުކުމަކީ "މާލީ މަފާއެއްގެ އެދުމުގައި ކޮށްފައިވާ ޙުކުމެއްނަމަ" ރިޝްވަތުގެ ތަޙްޤީގެއް ހިންގުން ކޮންމެހެނެސްވެސް މުހިންމު. އަދި ތިކަމުގައި ބައިވެރިން ދެނެގަނެ ދައުވާ އުފުލާންޖެހޭނެ. # މިކަމުގައި އޭރުގެ ފިނޭންސް މިނިސްޓަރާއި ދައުލަތުގެ ފައިނޭންޝަލް ކޮންޓްރޯލަރ އިހްމާލުގެ ޒިންމާއަދާކުރުމުގައި "ފަރުވާ ކުޑަކޮށްފައިވާތީ" އެމީހުންގެ މައްޗަށްވެސް ޤާނޫނީ ދައުވާ އުފުލުމުގައި ފަސްޖެހިގެން ނުވާނެ.