ފްލެޓް ލިބުނު މީހުން ގާކޮށި ހުރި ތަނުގައި ހަދާފައިވާ ފްލެޓް ކައިރީގައި މުޒާހަރާ ކުރަނީ: އަލި މަގެއް އަދިވެސް ނުފެނޭ
24 ޑިސެމްބަރ 2016 - 09:47
44 comments
މާލޭ ގާކޮއްޓާއި އަރަބިއްޔާ ސްކޫލް ކުރިން ހުރި ބިމުގައި އިމާރާތްކުރި ފްލެޓްތަކަށް ދައްކަން ޖެހޭ ބޮޑު ޑައުން ޕޭމަންޓަށް ލުއި ގޮތެއް ހަދައިދޭން އެދި ކަމާ ގުޅޭ އިދާރާތަކަށް ޕެޓިޝަނެއް ހުށަހެޅިތާ ހަފުތާއަކަށް ވުރެ ގިނަ ދުވަސް ވީ އިރު ވެސް އެއްވެސް ޖަވާބެއް ނުލިބޭ ކަމަށް އެ މީހުން ބުނެފި އެވެ.
ފްލެޓް ލިބޭ 100 އަށް ވުރެ ގިނަ މީހުން ސޮއިކޮށް ހުށަހެޅި އެ ޕެޓިޝަނާ އެކު ކޮންމެ މީހަކު ވެސް އެ މީހެއްގެ އަމިއްލަ ނަމުގައި ސިޓީއެއް ވެސް ލި އެވެ.
ރައީސް އޮފީހާއި ހައުސިން މިނިސްޓްރީ އާއި އެޗްޑީސީ އާއި ހިއުމަން ރައިޓްސް ކޮމިޝަނުގެ އިތުރުން ކަމާ ގުޅޭ އެހެން އިދާރާތަކަށް، އެ މީހުން ޕެޓިޝަން ހުށަހެޅީ "ފްލެޓް ހޯދައިދިނުމަށް އެދި ކުރާ އާދޭހެއް"ގެ ގޮތުގަ އެވެ.
އެކަމަކު ޕެޓިޝަނަށް ހަފުތާއެއް ވީއިރު ވެސްް ރައީސް އޮފީސް ފިޔަވައި އެހެން އެއްވެސް އިދާރާއަކުން ޖަވާބެއް ނުލިބެ އެވެ.
އެކަމުގައި އިސްކޮށް ހަރަކާތްތެރިވާ މަރިޔަމް ފިޒާނާ ރަޝީދު ބުނީ ޕެޓިޝަނާ ގުޅޭ ގޮތުން ރައީސް އޮފީހުގެ ޖަވާބަކަށް އޮތީ އެ މައްސަލާގައި ހައުސިން މިނިސްޓްރީއަށް ދާން އެދޭ ކަމަށެވެ.
ކުރީގެ އަރަބިއްޔާ ހުރި ބިމުގައި ހަދާފައިވާ ފްލެޓް- ފޮޓޯ: ނިޝާން އަލީ/މިހާރު
"ރައީސް އޮފީހުން ބުނަނީ ހައުސިން މިނިސްޓްރީއަށް ދިޔުމަށް. މިކަމުގައި ކުރިން ހައުސިން މިނިސްޓްރީ އަށް ދިޔުމުން ބުނީ އެޗްޑީސީއަށް ދާން. އެޗްޑީސީން ބުނަނީ ހައުސިން މިނިސްޓްރީއަށް ދާން،" ލޯނު ނެގެން ނެތުމުގެ ސަބަބުން ލިބުނު ފްލެޓް ގެއްލިދާނެ ކަމުގެ ބިރުގައި އުޅެމުން އަންނަ ފިޒާނާ ބުންޏެވެ.
"ރަމަން ރަމަން ފޯލި އެ މީހުން ކުޅެނީ."
ފްލެޓެއްގެ އަގު ކަމަށް ސަރުކާރުން މިހާރު ހަމަޖައްސާފައި ވަނީ ދެ މިލިއަން ރުފިޔާ އެވެ. މިއީ ފްލެޓް ލިބުނު މީހުންނަށް ކުރިން ކަނޑައެޅި ޝަރުތުތަކަށް ވުރެ މާ ބޮޑު، އިޖުތިމާއީ ބޯހިޔާވަހިކަމުގެ އުސޫލުތަކާ ވެސް ޚިލާފު ކަމެއް ކަމަށް އެ މީހުން ދެކެ އެވެ.
ގެދޮރު ގަންނަން ބޭންކުތަކުން ލޯނު ދޭ އާންމު އުސޫލުން ލޯނު ލިބެން އެބަ އޮތެވެ. އެކަމަކު 20 ޕަސެންޓްގެ ޑައުން ޕޭމަންޓް ކަމަށްވާ 400،000ރ ދެއްކޭނެ ގޮތެއް އަދި 2 މިލިއަން ރުފިޔާގެ ލޯނަކަށް ޝަރުތު ހަމަވާ އާމްދަނީއެއް، ފްލެޓް ލިބުނު ގިނަ މީހުންގެ ނެތެވެ.
ފްލެޓަށް ލިބޭ 2 މިލިއަން ރުފިޔާގެ ލޯނު އަނބުރާ ދައްކާ އިރު ގާތްގަނޑަކަށް 3.4 މިލިއަން ރުފިޔާ ޖެހެ އެވެ.
ފިޒާނާ ބުނި ގޮތުގައި ޕެޓިޝަނުގެ ޖަވާބު ހޯދަން އެޗްއާރުސީއެމަށް ގުޅުމުން ބުނީ އެކަމާ މަޝްވަރާ ކުރަމުން އަންނަ ކަމަށެވެ. އަދި އަންނަ ހަފުތާގައި ޖަވާބެއް ދޭނެ ކަމަށް ބުނި ކަމަށް ވެސް އޭނާ ކިޔައިދިނެވެ.
ހައުސިން މިނިސްޓްރީ އާއި އެޗްޑީސީގެ އެއްވެސް ޖަވާބެއް އަދި ނުލިބެ އެވެ. އެހެންކަމުން ފްލެޓް ލިބުނު މީހުން ނިންމާފައިވަނީ މާދަމާ އެ އިދާރާއަށް އަނެއްކާވެސް ދާށެވެ. މީގެ ކުރިން ދެ ތިން ފަހަރެއްގެ މަތިން އެ ދެ އޮފީހަށް ގޮސް، އެ މީހުންގެ ޝަކުވާތައް ވަނީ ހުށަހަޅާފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަލީވަޙީދު
25 December 2016
މާލޭގަ އަޅާފަ ހުންނަ ފުލެޓާ ހުޅުމާލެއާއި ވިލިމާލެ އަދި ރަށްރަށާ ތަފާތުވާނެކަން ފުލެޓް ލިބުނު މީހުންނަށްވެސް އެނގެންޖެހޭނެ. ދިވެހިރައްޔިތުން އަތުން ނަގާ ޓެކްސް ފައިސާއިން ތިޔަތަންތަނަށް އަގުދައްކާފައިވާއިރު މާލޭގެ މީހުންނަށް ހުޅުމާލޭން ނޫނި ވިލިމާލޭން ނޫނީ ރަށްރަށުން ދޭއަގަށް ފުލެޓް ދީގެން ނުވާނެ. ފުލެޓް ނުގަނެވޭމީހުން ގަނެވޭ މީހުންނަށް ތިޔަފުލެޓްތައް ދީ... އޭރުން އެމީހުންނަށް ތީގެ ބޭނުން ކުރެވޭނީ... 4 ލައްކަ ރުފިޔާ ނުލިބޭ މީހުންނަށް އެއްތާކުންވެސް ފުލެޓް މިހާރު ނުލިބޭ....އެހެން ނޫނަސް ހުސް މާލޭ މީހުންނަށް ދިވެހިރައްޔިތުންގެ ފައިސާއިން ފައިސާދައްކާފަ އަގުހެޔޮކޮށް ފުލެޓްދޭންޖެހޭ އެއްވެސް ޤަވާޢިދެއް ނިކަން ދައްކަބަލަ. މިމާލޭން ތި މީހުންގެ ގެތައް ކުއްޔަށް ދީފަ ހުންނަނީ އިންތިހާ ބޮޑުއަގެއްގަ...
މުހަންމަދު
25 December 2016
ތިކުޅެވެނީ ބޭނުންވެގެންއުޅޭ "ރަމަން ރަމަން ފޯލި". ތިފުލެޓުތައް 2018ގެ އިންތިޚާބުގެކުރީގައި އެއްވެސް ބަޔަކަށް ދީފާނެކަން ހިތަކަށްނުފެނޭ! ތިޔައީ މޮހޮނަށް ދޯނިދިންގޮތަށް މުޅިރާއްޖޭގެ ކުދިކުދި އާބާދީތަކަށް ދައްކަން ތައްޔާރުކުރެވިފަވާ ބޮޑު އެންގަނޑެއް. ނަންމަޝްހޫރު، އެއްޗަކަށް އެއްޗެއް ދޭއުސޫލުން ރިސޯޓުހަދަން ރަށްރަށާއި ފަޅުފަޅުބޭނުން މަހުޖަނުން ރާއްޖޭގެ ކުދިއާބާދީއަށް ހުވަފެންދައްކަން ދަތުރުން އުުއްޗުގެ ނަގިލިވައްދާލިދަތުން ތިޔަފެށީ! ތިފުލެޓުތަކަށް ބަހުންގެންނާނީ އެމީސްމީހުން. ބޮޑެތި އާބާދީތަކުގެމީހުން ރޯފިލާއި ހޭއަރައިފިކަން އިހުސާސްކުރެވޭތީ ޔާމީނަށް 30، މަޖިލީހަށް 20 (އަހަރު) ހަދާގޮތަށްވެސް ތިކަމާއިމެދު ޚިޔާލުވަނީ ކުރެވިފަ. އެހެންވީމަ، މާލޭގެކުދިންނާއި "ދަފްތަރުކުޅިން" މާލެއިންގޯއްޗާއި ފުލެޓުދީފަތިބިކުދިން ތިފުލެޓުތައްމަތިން ހަނދާން ނައްތާލާ!
ބޭރި
25 December 2016
ފްލެޓް ޕެޓިޝަނެއް ކުރިއަށްދޭތަ އެބަ !!! ހީވެސް ނުވޭ
ހުމާމު
25 December 2016
މި ސަރުކާރަކީ ރައްޔިތުންގެ އާދޭސްތަކާއި ކަންބޮޑުވުންތައް އަޑުއަހާ ސަރުކާރެއް ނޫން. މި ސަރުކާރުން ކޮންމެ ކަމެއްވެސް ކުރާނީ ވަކިބަޔަކަށް ފައިދާ ލިބޭގޮތަށް. މި ސަރުކާރުގައި އުޅޭ އިސްމީހުންގެ ހުރިހާވެސް އެއްޗަކީ ފައިސާ. ރައްޔިތުން ފެލައިގެންވެސް ފައިސާ ލިބެނިކޮށް މިމީހުންނަށް ރަނގަޅުވާނެ. ފްލެޓްތަކަށް އެއްފަހަރާ ފައިސާ ދައްކާގޮތަށް ހަމަޖެއްސީވެސް ގިނަ މީހުންނަށް އެގޮތަށް ފައިސާ ނުދެއްކޭނެތީ، ބާކީ ހުންނަ ފްލެޓްތައް ވަކި ބަޔަކަށް ދޭންވެގެން. އެކަމަކު އެ ފްލެޓްތަކަކީ މަހަކު 9725 ރުފިޔާ ދައްކަމުންގޮސް އަގު އަދާކުރާގޮތަށް ކުރީގެ ސަރުކާރުން ހަމަޖައްސައިގެން، އެކަން ސަރުކާރުން އިޢުލާންކޮށް، އެގޮތުގެމަތިން އިމާރާތްކޮށްފައިވާ ތަންތަން. މާލެއިން ފްލެޓަށް އެދުނު މީހުން އެގޮތަށް އެދުނީވެސް އެ އަގުގައި ފްލެޓް ދޫކުރާގޮތަށް ސަރުކާރުން ހަމަޖައްސައި އެކަން އިޢުލާންކުރީމާ. މިހާރު ސަރުކާރުން އެ ހިންގާ ޢަމަލަކީ ވަކިބަޔަކަށް ފައިދާ ހޯދައިދިނުމަށްޓަކައި ހިންގާ ކޮރަޕްޝަނުގެ ޢަމަލެއް. އެންޓި-ކޮރަޕްޝަން ކޮމިޝަނުން އެކަން ބަލައި، އެކަން ހުއްޓުވަންޖެހޭނެ.
މޫސާ އަބުދުﷲ
25 December 2016
ކުދީންނޭ ކުދީންނޭ ތިޔަކަންތަށް ޒުވާބަކަށް ނުހަދާ ތިޔަފައިސާ ދެއްކޭނެ ގޮތަކަށް ވިސްނަބަލަ... އަޅުގަޑަށް ތިޔާކަމުގައި ބަހެއް ނުބުނެވިގެން މިއުޅެނީ ތިޔައަގު ތިޔަބޮޑުވެގެން އުޅެނީ ކީއްވެގެންކަން އެއްވެސް ނޫހަކުން ނުފެނިގެން އަދި މީގެން އިމާރާތެއް ހެދުމަށް ޚަރަދުވީ ކިހާވަތެއްކަންވެސް ނޫހަކުން އަޅުގަޑަކަށް ނުފެނުނު މިސާލަކަށް އައިޖީއެމްއެޗްގެ 25 ބުރި އިމާރާތް ހަދަނީ ކިހާވަރަކަށްކަން އެބައެގޭ މީގެން އިމާރާތެއް ހެދުމަށް ހަވާލުކުރީ ކިހާވަރަކަށްކަން ނޭގޭތީ ފްލެޓްގެ އަގު ބޮޑޭވެސް ކުޑައޭވެސް ބުނަންނޭގިގެން މިއުޅެނީ..
ޖުމްލައަގު
25 December 2016
277 މިލިޔަން ކޮންޓްރެކްޓަރަށް ދެއްކީ (ޖުމްލަ އަގުގެ ގޮތުގައި) ކަމަށް ޚަބަރުތަކުން ފެނޭ. އެއީ ފްލެޓެއް ގާތްގަނޑަކަށް މިލިޔަނަކަށް އެ ޖެހެނީ. ސަރުކާރުގަ ލާރި ނެތިގެން މި ފައިސާ ދެއްކީ އެޗްޑީސީ އިން. އެހެންކަމުން ފްލެޓް ވިއްކައިގެން ލިބޭ ފައިސާ ލިބޭނީ ވެސް އެޗްޑީސީއަށް.
ޢަލީ
24 December 2016
މިހާރު ވަރަށް ރީތިކޮށް ފެންނަން އެއޮތީ މާލޭގައި ކުލި މައްޗަށް ދާ ސަބަބު ސަރުކާރުން ބޭނުން ވަނީ ތިން ކޮޓަރި ތަނެއް 33000 ވީމާ ރާއްޖެތެރެމީހުން ވެސްނިކަމެތި ކުރަނީ ހަމަ ސަރުކާރުން ގެންގުޅޭ ސިޔާސަތުން
މޫސާ އަބުދުﷲ
25 December 2016
ލާރިނެތިއްޔާ ފްލެޓް ދޫކޮށްލުމަކަށްވުރެ ބުއްދިވެރިގޮތެއް ނެތް ވަކިބަޔަކަށް ހިލޭ ފްލެޓް ދޭކަށް ނުޖެހޭނެ ހުޅުމާލޭ ފްލެޓްތަ 15000ރ އަށްކުއްޔަށްދީގެން އުޅޭއިރު އެތަނެއް ނުފެނޭ މިފަހަރުވެސް ވާނީއެހެން ހުޅުމާލޭ ފްލެޓް ލިބުނު މީހުނަށް ގޭގާތިއްބާ މަހަކު 8000ރ ފައިދާ މިތަންތަން ހެދީ ކޮންބައެއްގެ ފައިސާއަކުންބާ؟ ހަމަ ބޮރޯ އެންމެ 2 ބިލިޔަން ނެގީމަ މައްސަލައަކަށްވަނީ .. ހަމަ ހުސް ބޮރޯ..
އަލީ
25 December 2016
މޫސާ. ހިލޭ ފްލެޓްދޭށެކޭނޫން މިބުނަނީ. ސަރުކާރުގެ ހައިސިންސްކީމްގެ އެހެންފްލެޓްތައްދޭއުސޫލުން އެރޭޓްތަކުގައި ދޭށޭ. ބަހުގެ އިތުބާރުކޮބާ؟ ސަރުކާރުން އަގެއް ކަނޑައަޅާފަ އަނެއްއަހަރު އެބަދަލުކޮށް ވެރިކަންބަދަލުވާއިރަށް އެއްބަސްވުންތައް އުވާލާ މީކީ އުޅޭގޮތެއްނޫން. އަނެއްކާމިއީ ވިޔަފާރިއެއްވެސްނޫން. ހަމަމީހަކު އެއްޗެކޭބުނެލާއިރަށް ހިލޭފްލެޓްބޭނުންވެގެންއުޅޭކަމަށްހަދައިގެން ނޫޅޭ<
ފުނޯސް
24 December 2016
މިސަރުކާރަށް ބީރަށްޓެހި ވާހަކައެއް ނޫންބާ ތިޔަދަށްކަވަނީ؟
ސުންނާފަ
24 December 2016
ތިނަދޫގަ އިހަށް ދުވަހު ނިމިގެން ދިޔަ ފްލެޓްތައް 720000 ރުފިޔާ އަށް، މަހަކު 3000 ދައްކާ ގޮތައް. މިއީ ވެސް ހަމަ 3 ކޮޓަރީގެ ފްލެޓްތަކެއް. މާލޭގަ ހަމަ މި ފެންވަރަށް އެޅީމަ މާލޭގެ ރައްޔިތުންނަށް ވީތީވެ 2 މިލިޔަން އެއްފަހަރާ ދައްކައިގެން ނޫނީނެއް މި ފްލެޓް ލިބޭކަށް. މިއީ ކިހިނެއް ވެގެން ވާ ކަމެއް ބާ؟ ކޮބާ ބާ ހަމަ ހަމަ ކަން؟ މާލެ މިއީ މި ރާއްޖޭގެ ރަށެއްނޫންބާ؟ ނޫނިއްޔާ މާލޭގެ ފްލެޓްތައް އަޅާފަ ހުރީ 24 ކެރެޓް ރަނުންބާ؟
ރަންވަރު
24 December 2016
މިއީ ބަކިބަޔަކު ސަރުކާރަށް ބާރު ފޯރުވައިގެން މާލޭގެ ނިކަމެތި ރައްޔިތުން ނަށް ބޯހިޔާ ވަހިކަމެއް ލިބިފަ އޮތީމަ އެކަމާ ހިތްހަމަ ނުޖެހިގެން މި ފްލެޓްތައް އަތުލަން ހިނގާ ވަރަށް ބޮޑު ރޭވުމެއް.
އަންނި
24 December 2016
މި ހާރު ވަރަށް ބޮޑު އޮޅުވާލުން ތަކެއް އެބައުޅޭ. މާލޭގެ ރައްޔިތުން ކުށްޔަށް ދެނީއޭ ކިޔާފަ ހުރިހާ ހައްގަކުން މާލޭގެ ރައްޔިތުން މަހުރޫމް އެބަ ކުރޭ. މިއީ އެއްވެސް ގޮތަކަށް އިންސާފެއް ނޫން. މާލެއަށް މާލެ މީހުން އުފަންވީ ވަކި އިހްތިޔާރެއް އޮވެގެންނެއްނޫން. އަދި މީގެ އިރުތުން މާލޭގެ މީހުންނާއި އިނދެގެން އުޅޭ އެހެން ރަށްރަށުގެ މީހުން ވަރަށް ގިނަ. އަދި އެ މީހުންނަށް ލިބިފަ ތިބި ދަރިންގެ އަދަދުވެސް ހަމަ އެހާ ގިނަ. ކިހިނެއްތޯ މި ވަނީ އެހެން ވީމަ. އަމިއްލަ ނަގޫ ފިތޭ އިރުވެސް އެބަ އިނގޭތޯ؟ މާލޭގެ ކުލި ބޮޑުކޮށް ކުލި ނަގަނީ މާލޭގެ ރައްޔިތުންނެއް ނޫން ހަމަ އެކަނި. ރަގަޅު ވާހަކައެއް. ތިޔަ ގޮތަށް ކުލި ނަންގަވާ ވަރަށް ގިނަ ފަރާތްތައްވެސް އެބައުޅޭ. ހަމަ އެގޮތަށް ރަށްރަށުން މާލެ އައިސް އުޅޭ މީހުން ގޮތަށް ވަންނާނެ ކޮޓަރިއެއްވެސް ނެތް މީހުން މާލޭގަ މަދެއްނޫން. ރަށްރަށުގެ މީހުންނަށް ރަށްތައް ހިއްކައިގެން ބިންލިބޭ. ހުޅުމާލެ ހިއްކައިގެން ކީއްވެގެން ބާ މާލޭގެ އެއްވެސް މީހަކަށް ބިމެއް ނުލިބިގެން މި އުޅެނީ.
އަލީ
25 December 2016
ތިކޮމެންޓްގެ ބޮޑުބަޔަކާ އެއްބަސް. އެކަމަކު މާލޭގެ ބިންކޮޅުދޫކޮށްލާފަ ހުޅުމާލެއިން 1200 އަކަފޫޓުގެ އެތައްބިމެއްދީފަ އެބަހުރި މާލޭމީހުނަށް. އޭގެ ވަރަށްގިނަބިންތަކުގަ އިމާރާތެއްވެސްނުކުރޭއަދި. މާލެނޫންމީހުނަށް ބިމެއްލިބުނީ ބިޑްކޮށްގެން އެންމެމަތީއަގުހުށަހެޅިމީހުންގެތެރެއިން..