މެމްބަރުން އިތުރުކުރަން ފޯމު ހުށަހަޅަނީ އިޖުރާއަތުތައް ފުރިހަމަކޮށްގެން: އަދާލަތު ޕާޓީ

އަދާލަތު ޕާޓީގެ ކުރިއަށް އޮތް ފަސް އަހަރު ދުވަހުގެ ސްޓްރެޓިކް ޕްލޭން ހެދުމަށް މިދިޔަ ފެބްރުއަރީ މަހު ބޭއްވި ބައްދަލުވުމުގައި އެ ޕާޓީގެ އިސްވެރިން ބައިވެރިވެވަޑައިގަންނަވަނީ.-- ފޮޓޯ: އަދާލަތު ޕާޓީ

އާސިމާ ނިޒާރު، މިހާރު

29 އެޕްރީލް 2022 - 09:31

9 comments

ޕާޓީގެ ދަފްތަރަށް މެމްބަރުން އިތުރުކުރުމަށް އިލެކްޝަންސް ކޮމިޝަން (އީސީ) އަށް ފޯމު ހުށަހަޅަނީ ހުރިހާ އިޖުރާއަތެއް ފުރިހަމަ ކުރުމަށް ފަހު ކަމަށް އަދާލަތު ޕާޓީން ރޭ ބުނެފި އެވެ.

އިދިކޮޅު ޕީޕީއެމަށް ސޮއިކޮށްފައިވާ އާއިލާއެއްގެ ނަމުގައި "ވަގަށް" ފޯމު ހުށަހަޅައިގެން އަދާލަތު ޕާޓީއަށް ވައްދާފައިވާ ކަމަށް ޕީޕީއެމުން ކުރާ ތުހުމަތަށް ޖަވާބު ދެމުން އަދާލަތުން ބުނީ ޕާޓީގެ ދަފްތަރުގައި ނަން ހިމެނުމަށް ހުށަހަޅާ ހުރިހާ ފޯމެއް އީސީ އަށް ހުށަހަޅަމުން އަންނަނީ ސިޔާސީ ޕާޓީތަކުގެ ގާނޫނާއި ގަވައިދާ އެއްގޮތްވާ ގޮތުގެ މަތިން ފުރިހަމަކުރަންޖެހޭ ހުރިހާ އިޖުރާއަތެއް ފުރިހަމަ ކުރުމަށް ފަހު ކަމަށެވެ.

އެ ޕާޓީ އަށް ލިބެނީ ސައްހަ ނޫން ފޯމެއްކަން އެނގިއްޖެ ނަމަ ނުވަތަ އެއްވެސް މީހަކު ޕާޓީން ވަކިކޮށްދިނުމަށް ހުށަހަޅައިފި ނަމަ އެ ނަމެއް ޕާޓީގެ ދަފްތަރުން އުނިކުރާ ކަމަށް ވެސް މި ސަރުކާރު ހިންގާ ކޯލިޝަންގައި ހިމެނޭ އަދާލަތު ޕާޓީގެ ޓްވީޓުގައި ބުންޏެވެ.

ޕީޕީއެމްގެ ފޭސްބުކް ޕޭޖުގައި އިއްޔެ ބުނެފައިވާ ގޮތުގައި އާއިލާއެއްގެ ހަތަރު މީހަކު އަދާލަތު ޕާޓީ އަށް ވައްދާފައިވާ މައްސަލަ އެ އާއިލާ އިން ވަނީ ޕާޓީ އަށް ހުށަޅައިފަ އެވެ. އަދި ވަގަށް ފޯމު ހުށަހަޅައިގެން ޕާޓީއަށް ވައްދާފައިވާތީ އަދާލަތާ ދެކޮޅަށް ދައުވާ ކުރާނެ ކަމުގެ އިންޒާރު ވެސް ޕީޕީއެމުން ދިނެވެ.

Mi party ah libey form eh eii sahha noon form eh kan engijje nama nuvatha evves faraathakun efaraathehge nan uni kurumah hushahalhuvvaifinama efaraathehge nan mi party ge dhaftharun mihaaruves annanee unikuramunneve. 2/2
— Adhaalath Party (@AdhaalathOffice) April 28, 2022

އީސީ އަށް ހުށަހެޅި ފޯމުގައި ޖަހާފައިވާ ގޭގެ ނަމްބަރަކީ ރަޖިސްޓަރީ ކޮށްފައިވާ ނަމްބަރެއް ނޫން ކަމަށާއި ހެކިންގެ ގޮތުގައި ސޮއިކޮށްފައިވާ މީހުންގެ ނަމްބަރަށް ގުޅުމުން އެއީ ވެސް އޮޅުވާލައިގެން ލިޔެފައިވާ ނަމްބަރުތަކެއްކަން އެނގިފައިވާ ކަމަށް ޕީޕީއެމުން ބުނެ އެވެ.

PPM bayaku Adhaalath ah badhalukuran Vagu Form

The most trusted news source in the Maldives

Mihaaru

އެ ވީޑިއޯގައި އަންހެން މީހާ ބުނީ އެ އާއިލާގެ 13 މީހުން ޕީޕީއެމަށް ސޮއިކޮށްފައިވާ ކަމަށެވެ. އެކަމަކު މި ފަހުން ބެލިއިރު އޭނާގެ ނަން އޮތީ އަދާލަތު ޕާޓީގައި ކަމަށާއި އެއީ މައްސަލައެއް ކަމަށް ބުންޏެވެ. "އަހަރެން ވެސް، އަހަރެންގެ ފިރިމީހާ ވެސް އަދި އަހަރެމެންގެ ދަރިފުޅުމެން ވެސް އަދާލަތު ޕާޓީގައި. ދެން އަހަރެންނަށް ކިހިނެއް ވެގެން ވީ ކަމެއްތޯ ބަލަން އަހަރެން އިލެކްޝަނަށް ސިޓީ ލީ. ލާފައި އެ މީހުން ބުނީ ކަލޭމެން ގަބޫލުނުވާ ކަމަށް ވަންޏާ ވަކިވާން ފޯމު ލާށޭ،" އޭނާ ބުންޏެވެ.

"އަހަރެން ބުނީ އެ އެއް ނޫނޭ އަހަރެން ބޭނުންވަނީ. އަހަރެން ބޭނުންވަނީ އަހަރެން ނަމުގައި އެ ތަނަށް އީސީ އަށް] ވައްދާފައި އިން ފޯމު ހޯދާށޭ."

ސިޔާސީ ޕާޓީ އަދާލަތު ޕާޓީ އިލެކްޝަންސް ކޮމިޝަން ޕީޕީއެމް އިދިކޮޅު ފަރާތްތައް

9 ކޮމެންޓް, 8 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އިންޑިއާ އައުޓް

30 April 2022

MDP, ވެރިކަމަށް އައިރު އަދާލަތު ޕާރޓީ އަކީ 3000 މެމްބަރުން ވެސް ހަމަނުވާ ޕާރޓީއެއް ކަން ދިވެހި ރައްޔެތުންނަށް ވަރަށް ސާފުކޮށް އެގޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަންޑޭލާ

30 April 2022

އަހަރެން ވެސް ވަކިޕާޓީއެއްގައި ރަޖިސްޓަރީވެގެން ހުއްޓާ ފެނުނީ ފަހުން އެހެން ޕާޓީއެއްގައި. މިކަމާ މައްސަލަ ޖެއްސުމުން ދޭ ޖަވާބަކީ ޕާޓީން ވަކިވާން ފޯމް ހުށައަޅަން. އެކަމަކު އެމީހަކަށް ނޭގި އެހެން ޕާޓީއެއްގައި ބައިވެރިކޮއްފައި ވިޔަސް އެޕާޓީން ވަކިވާން ފޯމް ހުށައަޅަން ޖެހޭ ސަބަބެއްނެތް. އިލެކްޝަންއަށް މައްސަލަ ހުށައެޅިމައި މައްސަލަބަލާދޭންޖެހޭ އެކަމަކު އެކަމެއް ތިއިލެކްޝަން ބަލައިނުދޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހާމިދު ޝާޙިދު

29 April 2022

މިއީ އީސީގެ މައްސަލައެއް. ސިޔާސީ ޕާޓީއަށް މީހުން ވެއްދުމާ ކެނޑުމުގެ ފޯމު ހުންނަންވާނީ ވަރަށް ހަރުދަނާ ފެންވަރަކަށް ހެދިފައި. އޭގައި ސެކިއުރިޓީ އެތައް ފީޗަރއެއް ހުންނަން ޖެހޭ. އެހެންނޫނީ، އަބަދުވެސް މިކަހަލަ ކަންކަން މެދުވެރިވާނީ. ކޮމިޝަނެއް ފެއިލްވާނީ މިހާކަންހާވަރަށް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކަރުޒާއީ

30 April 2022

ތިއުޅެނީ ކަމެއްވެގެނެއްނޫން. ހެޑްލައިންނުލިބޭތީ، އިސްތިހާރު! ކަންވާގޮތަކުން މިމަސް ނިމޭއިރަށް ތިމީހުން މީހުންވަގަށްނަގަންފަށާފާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަފުން

29 April 2022

ދުނިޔެ އިސްކުރާ ޝައިޚުން ގިނަވާ ވަރަކަށް މިކަހަލަ ކަންކަން ގިނަވާނެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އީވާ

29 April 2022

މިއަށްވުރެ ބޮޑު މައްސަލައަކަށް ވާންވީ ފޯރމެއް ލާއިރަށް އީސީއިން ޕާރޓީ ބަދަލުކުރާ މައްސަލަ! ފުއާދު ތައުފީޤުމެން، ފިންގަރޕްރިންޓް ވެރިފައި ނުކޮށް ޕާރޓީ ބަދަލުކުރުން އެއީ މައްސަލައެއް. އުޅަނބޮށީގެ ނިޝާން ޖަހައިގެންވެސް ޕާރޓީ ބަދަލުކުރެވެންޏާ، ފޯރމްގައި ފިންގަރޕްރިންޓް ޖެހުމުގެ ބޭނުމަކީ ކޮބާ؟ ކުޑަމިނުން ވަގު ފޯރމް ހުށަހަޅާ މީހާ އެނގޭ ކަމަކަށްވެސް ނުވޭ. އީސީގައި މިތިބެނީ މުސްކުޅިންނަށް ލިބޭ އިނާޔަތް ލިބޭ އުމުރުގެ މީހުން. ޒަމާނީ މީހުންނަށް ފުރުސަތުދީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަސްލު

29 April 2022

ތަޙްޤީޤްކުރީމަ އެނގޭނީ ތިޕާޓީއަށް މީހުން ނުވައްދާކަން. ކުއްލިއަކަށް 10000 މެމްބަރުން ތިބިކަމަށް ފެނުމުން ޤަބޫލުކުރަން އެހާފަސޭހައެއް ނުވި

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޢަހަރެންން

29 April 2022

މީ ޕީޕީއެމް އިން އަދާލަތު ނަމުގައި ވަގު ފޯމު ފުރުވާފަ އަނބުރާ ގޭސްގަނޑެއް. އޭޕީ ފިޔަވައި ގިނަ ޕާޓީތަކުގައި ތިބޭނީ ވަގަށް ވައްދާފަ ތިބި މީހުން، އޭރު ވެރިކަމުގައި ތިބިއިރު އައިޑީ ކާޑު ޑޭޓާބޭސް ނަގައިގެން. މީ އެންމެން ދަންނަ ރިޔަލިޓީއެއް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސިޔާސީ ސޭހު

29 April 2022

ޕާޓީއައް ލާރިހޯދަން މިތިބަ ސޭހުންނޭ ކިޔައިގެން އުޅޭމީހުންވެސް އުޅޭގޮތަދޯ. ސޭހު އިމްރާނަކީ އަފުރާސިމް މަރާލިމީހުންގެ ހެކިހުރިކަމައްބުނެ މުޅި ގައުމައް އިއުލާންކޮއް ދޮގުހެދި މުނާފިގެއް. އެފަދަ ދޮގުވެރިއެއް ފަހަތުގަ އިލިޔާސް ހުސޭނު ހުރީތީ ހިތާމަކުރަން. މޮޅެތި ދަރުސް ރޮއިރޮއިފަ ދިނަކަސް ކަމުނުދާނެ އިލިޔާސް.