ޖަލްސާއެއްގައި އެމްޑީއޭގެ ލީޑަރު ސިޔާމް (ކ) އަދި ރައީސް ޔާމީން ބައިވެރިވެވަޑައިގަންނަވަނީ. ލޯކަލް ކައުންސިލް އިންތިހާބުގައި ދ. އަތޮޅުން އެމްޑީއޭ އަށް ލިބުނީ ފަސް ގޮނޑި. - ފޮޓޯ: މިހާރު
17 މެއި 2017 - 15:24
49 comments
ދ. އަތޮޅަކީ އެމްޑީއޭގެ ލީޑަރު އަހުމަދު ސިޔާމް މުހައްމަދުގެ ތާއީދު ބޮޑު ސަރަހައްދެއް ކަމަށް ކުރިން ބެލެވުނު ނަމަވެސް ކައުންސިލް އިންތިހާބުގައި ލިބުނު ދަށް ނަތީޖާއާ އެކު މަންޒަރު ބަދަލުވެއްޖެ އެވެ.
އެއް ބަޔަކު ދެކޭ ގޮތުގައި އިންތިހާބުގައި ދ. އަތޮޅުން ނުކުތީ ވަރަށް ހައިރާންކުރުވަނިވި ނަތީޖާއެކެވެ. ގިނަ ދުވަސްތަކެއް ވަންދެން ދ. އަތޮޅުގައި އެމްޑީއޭ އިން "ރަސްކަން" ކުރަމުން ދިޔަ ދިއުން ނިމުމަކަށް ގެނައީ އެންމެ ބޮޑު އިދިކޮޅު ޕާޓީ އެމްޑީޕީ އަދި އަމިއްލަ ގޮތުން ވާދަކުރި ކެންޑިޑޭޓުންނެވެ.
ލޯކަލް ކައުންސިލް އިންތިހާބުގެ ނަތީޖާ ދައްކާ ގޮތުން މުޅި ދ. އަތޮޅަށް ހާއްސަ 23 ކައުންސިލަރުންގެ ތެރެއިން އެމްޑީއޭ އަށް ލިބުނީ އެންމެ ފަސް ގޮނޑި އެވެ. އެމްޑީޕީގެ 12 ކެންޑިޑޭޓަކު އިންތިހާބު ކާމިޔާބުކުރި އެވެ. މިނިވަން ކެންޑިޑޭޓުންނަށް ފަސް ގޮނޑި އަދި ޕީޕީއެމަށް އެއް ގޮނޑި ލިބުނެވެ.
އެމްޑީއޭ އަށް މެޖޯރިޓީ ހޯދުނީ ހަމައެކަނި ބަނޑިދޫ ކައުންސިލުންނެވެ.
މަޖިލިހުގެ ކުޑަހުވަދޫ ދާއިރާގެ އެމްޑީއޭ މެމްބަރު އަދި އެ ޕާޓީގެ ނައިބު ލީޑަރު އިބްރާހިމް އާމިރު ވިދާޅުވީ ދ. އަތޮޅުން އެމްޑީއޭ އަށް ނާކާމިޔާބު ވުމުގައި ގިނަ ސަބަބުތައް ހުރި ކަމަށެވެ.
އާމިރު ޖަލްސާއެއްގައި ވާހަކަ ދައްކަވަނީ - ފޮޓޯ: މިހާރު
އޭނާގެ ނަޒަރުގައި އިންތިހާބުގައި ވޯޓުތައް ބޮޑަށް ބެހުނީ އާއިލާތަކުުގެ މެދުގަ އެވެ.
ވެރިކަން ކުރާ މައި ޕާޓީ، ޕީޕީއެމާއި ސަރުކާރުގެ ވެރިން މިނިވަން ކެންޑިޑޭޓުންނާ ބެހޭ ގޮތުން ދައްކާ ވާހަކަ އާމިރު ވެސް ތަކުރާރުކުރެއްވި އެވެ. އެއީ ދ. އަތޮޅުގެ މިނިވަން ބައެއް ކެންޑިޑޭޓުންނަކީ އެމްޑީއޭގެ މެމްބަރުން ކަމެވެ.
ޕީޕީއެމާއި ސަރުކާރުން ބުނަނީ އިިންތިހާބު ކާމިޔާބުކުރި މިނިވަން ކެންޑިޑޭޓުންނަކީ ސަރުކާރުގެ ކޯލިޝަނަށް ތާއީދުކުރާ ބައެއް ކަމަށެވެ.
އާމިރު ވިދާޅުވި ގޮތުގައި މިފަހަރުގެ އިންތިހާބުގައި ވޯޓުލާން ނުކުތް މީހުންގެ އަދަދު މަދުވުމަކީ ވެސް ނާކާމިޔާބުމުގެ ސަބަބެކެވެ.
"އެހެން އިންތިހާބުގައި ވޯޓުލި މިންވަރާއި މި އިންތިހާބާ އަޅާކިޔާއިރު ވަރަށް މަދު. ހަމައެކަނި ކުޑަހުވަދު އާއި މާއެނބޫދޫން ވެސް ވޯޓުލާން ނުކުތް މީހުންގެ އަދަދު މަދު،" ދ. އަތޮޅުގައި އިންތިހާބުގެ ކަންކަމުގައި އެމްޑީއޭގެ ފަރާތުން އިސްކޮށް މަސައްކަތް ކުރެއްވި އާމިރު ވިދާޅުވި އެވެ.
ލޯކަލް ކައުންސިލް އިނތިްހާބުގައި ވޯޓު ގުނަނީ: ދ. އަތޮޅު ކައުންސިލްތަކުން އެމްޑީއޭގެ ކޮންޓްރޯލް ވަނީ ގެއްލިފައި-- ފޮޓޯ: ހުސެން ވަހީދު /މިހާރު
އޭނާ ވިދާޅުވީ އެމްޑީއޭ އިން ކުރި މަސައްކަތްތަކާ އަޅާބަލާއިރު، ނަތީޖާ ދަށް ކަމަށެވެ.
ރައްޔިތުންގެ މަޖިލިހުގައި ހިމެނޭ ދ. އަތޮޅުގެ ދެ ގޮނޑި ވެސް ކޮންޓްރޯލްކުރައްވަނީ އެމްޑީއޭ އިިންނެވެ. މަޖިލިހުގައި ކުޑަހުވަދޫ ދާއިރާ އާމިރު ތަމްސީލްކުރައްވާ އިރު މީދޫ ދާއިރާގެ ގޮނޑި މިދިއަ ތިން ދައުރު ވެސް ފުރުއްވަނީ ސިޔާމެވެ.
އެކަމަކު ކައުންސިލް އިންތިހާބުގައި ކުޑަހުވަދޫގެ އިތުރުން މީދޫ ކައުންސިލްގެ މެޖޯރިޓީ ހޯދީ ވެސް އެމްޑީޕީންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އާއިލީ ވޯޓް
18 May 2017
އަޅެ މިމީހުންނަށް މިތިބީ ކިހިނެތް ވެފާތަ؟ ޕީ. ޕީ އެމް އަދި އެމް ޑީ އޭ ކޯލިޝަނުން ކެނޑިޑޭޓުންގެ ގޮތުގައި މި ނެރުނީ ، ކާފައެއް މާމައެއް ބައްޕަ އެއް މަންމައެއް ބޭބެއެއް ދައްތައެއް ކޮއްކޮއެއް އަންބެއް ފިރިއެއް ދަރިއެއް ވެސް ނެތް ހަމަ ހުރިގޮތައް ހުރި ނަފްސީއެއްތަ؟ ނޫނީ މި މީހުންނަށް ވޯޓް ދޭނެ ދުރުތާ ތިމާގެ މީހެއްވެސް ނެތީތަ؟ އެހެންވީމާ އާމިރު އާއި އަދުރޭ އާއި ނިހާނުވެސް ޕޓީ ކެނޑިޑޭޓުގެ ބަދަލުގައި ވޯޓް ދިނީ ގާތްތިމާގެ ކަމުގެ ގޮތުން އދިކޮޅު ކެނޑިޑޭޓައްތާ ދޯ، ވީމާ މި ކޯލިޝަންގެ ފަރާތުން ކުރިމަތިލީ މީހުން އަމިއްލަ ނަފްސައްވެސް ވޯޓް ނުދީ، އިދިކޮޅުން ކުރިމަތިލީ އާއިލީ ކެނޑިޑޭޓުންނަށް ތާ ވޯޓް މިދިނީ، އެހެންވީމާ ނުހޮވޭނެތާ..
ބޮޑާބެ
18 May 2017
މިހާރު ހުންނާނީ ރީދޫހުން ނައްޓާލެވިފަައި؟
އ
18 May 2017
ފައިސާގެ ނުފޫޒުގަ ބަޔަކަށް މުސާރަދީގެން އަތޮޅުގެ ގިނަ ފަޅުރައްތަކާއި ބިންތައްނަގާ އޭރު އެކުޅުނު ގޭމް މީހުންނަށް ދަސްވީ. މިހާރު އެންމެންނަށްވެސް އެނގޭ ކަޅުފައިސާއަކީ ގޯހެއްކަން. އެބަދަލު މިފެންނަނީ
ހަސަނު
18 May 2017
ހީވޭ އެބަ މުޅި ރާއްޖޭގަ ހުރިހާ އާއިލާ ތަކެއް އޮތީ އިދިކޮޅުގައޭ.. މަށަށް ހަމަ ހީވަނީ އަސްލު ސަބަބަކީ ސަރުކާރަށް އޮތް ނަފުރަތު ބޮޑުވެގެން ފުޅާ ވެގެން ހުދް ސަރުކާރު ޕާޓތަކުގެ މީހުންގެ ތެރެއަށް އެ ފެތުރިގެން ދަނީހެން...
ކުޑަހުވަދޫ މީހާ
18 May 2017
މަހު މުސާރަދީގެން ސިޔާމު ގެންގުޅޭ މީހުންތަކެއް ކުޑަހުވަދޫގައި އުޅޭނެ. މިމީހުން ރައްޔެތުންގެ ބޯކާތާ 15 އަހަރު. މިކަމުން މިންޖުވާން ރައްުޔިތުން އެޅި ފުރަތަމަ ފިޔަވަޅު މިއީ. ސުލިޕުވޭ އެކޭ ކިޔައިގެން ކުޑަހުވަދޫގެ ބިމުން އެތައްހާސް އަކަފޫޓެއް ކައިލައިގެން އޮންނަތާ 13 އަހަރު. މިކަމަށްވެސް ރައްޔެތުން ފެންނަ ނުފެންނަ ވޯޓަކަށްގޮސް ރަގަޅު އިންވެސްޓެއް ކުރަންހުށަހަޅާ ފަރާތަކަށް އެބިން ދޫކޮށްލަންފެނޭ. ސިޔާމުގެ ޖީބަށް ނުވެއްޓުނަސް ކުޑަހުވަދޫ ރައްޔެތުން ދިރިއުޅޭނެ.
ގުރަާ
18 May 2017
ވާނީ މީހުންނަށް މިސަރުކާރުން ދިންއަނިޔާ ވޯޓުންވާނީ ދައްކާފަ ދެން ލަލަލާ
މަނަދޫ ދާއިރާ
17 May 2017
ސަން ސިޔާމްގެ އުފަން އަތޮޅު ކަމުގަވާ ނ. އަތޮޅުން ވެސް އެމްޑީޕީ ވަނީ ކާމިޔާބް ކޮށްފަ! ކުރިން އަމިއްލަ ކޮށްގެން އުޅުން އަތޮޅު!
ބޫ
17 May 2017
އަޑުގަދަކޮށް ހިންނަވަރުގެ ވާހަކަދެއްކެވީ މިހެންވެތާއެވެ؟؟؟
ޙަސަންދީ
17 May 2017
އާމިރުއައް ކުޑަހުވަދޫ ދާއިތާގެ ގޮޑި ދެން ކާމިޔާބެއް ދުވަހަކުވެސް އިރާދަކުރެއްވިއްޔާ ނުވާނެ ހަދާން ނައްތާލާ ޢުންމީދު ކުރަން ކުރިމަތިވެސް ނުލާނެ ކަމައް ...
އައްޑޫ ރަދުން
17 May 2017
މިބޭފުޅުން އެނެލައިޒް މިކުރަނީ ހަމަހޭގަ ތިބެގެން ނޫންހެން ހީވަނީ....ވޯޓްލާން ނުގޮސްތިބި މީހުންނަކީ މިބޭފުޅުންގެ ސަޕޯޓަރުން ކަމަށް މިބޭފުޅުން މިކުރާ ދައުވާ ސާބިތުވާނެ އެއްވެސް ގޮތެއް ނުވިސްނޭ...