މެމްބަރުންތަކެއް މަޖިލިހުގެ އިދާރާގައި. ގަތަރާ ގުޅުން ކަނޑާލި މައްސަލަ އަށް ބަހުސް ކުރަން ފާސް ނުވީ ޕީޕީއެމްގެ މެމްބަރުން ވޯޓު ދެއްވައިގެން. - ފޮޓޯ:
07 ޖޫން 2017 - 11:39
28 comments
ރާއްޖެ އާއި ގަތަރާ ދެމެދު އޮތް ސިޔާސީ ގުޅުން ކަނޑާލުމާ ގުޅިގެން، ޖުމްހޫރީ ޕާޓީގެ މަތިވެރި ދާއިރާގެ މެމްބަރު ހުސެއިން މުހައްމަދު ހުށަހެޅުއްވި ކުއްލި މައްސަލަ އަށް ބަހުސް ނުފެންނަ ކަމަށް ރައްޔިތުންގެ މަޖިލިހުން މިއަދު ފާސްކޮށްފި އެވެ.
މިއަދުގެ ޖަލްސާގައި މި މައްސަލަ އަށް ބަހުސް ކުރަން ފެނޭތޯ ވޯޓަށް އެހުމުން ވޯޓުގައި ބައިވެރިވެވަޑައިގެންނެވި 62 މެމްބަރުންގެ ތެރެއިން 40 މެމްބަރުން ވޯޓު ދެއްވީ އެ މައްސަލަ އަށް ބަހުސް ނުކުރުމަށެވެ. ގަތަރުގެ މައްސަލަ އަށް ބަހުސް ކުރަން ފެންނަ ކަމަށް ވޯޓު ދެއްވީ 22 މެމްބަރުންނެވެ.
ރާއްޖޭގެ ގިނަ ބަޔަކު ކަންބޮޑުވުން ފާޅުކުރަމުންދާ މި މައްސަލަ މަޖިލިހުން ބޭރުކޮށްލީ ވެރިކަންކުރާ ޕީޕީއެމް/އެމްޑީއޭ ކޯލިޝަންގެ މެމްބަރުން ވޯޓު ދެއްވައިގެންނެވެ. މައްސަލަ އަށް ބަހުސް ކުރަން ވޯޓު ދެއްވީ އިދިކޮޅު ޕާޓީތަކުގެ މެމްބަރުން އެކަންޏެވެ.
ގަލްފް ސަރަހައްދުގައި އުފެދިފައިވާ ދެބަސްވުންތަކަށް ފަހު ރާއްޖެ އިން ގަތަރާ ސިޔާސީ ގުޅުން މިދިޔަ ހޯމަދުވަހު ކަނޑާލުމާ ގުޅިގެން ހުސެއިން މަޖިލިހަށް ހުށަހެޅުއްވި ކުއްލި މައްސަލާގައި ފާހަގަކުރާއްވާފައިވާ ގޮތުގައި، ދެ ގައުމުގެ ދެމެދުގައި ޑިޕްލޮމެޓިކް މައްސަލައެއް ނުވަތަ ދެބަސްވުމެއް ކުރިމަތިވެފައި ނެތެވެ.
ރާއްޖޭގެ ޚާރިޖީ ސިޔާސަތަކީ ރާއްޖޭގެ އިސްތިގުލާލާއި މިނިވަންކަން ރައްކާތެރިކުރުމާ އެކު، ރާއްޖެއާ އެކުވެރިކަން އުފައްދަން ބޭނުންވާ ގައުމުތަކާ ޑިޕްލޮމެޓިކް ގުޅުން ކުރިއަށް ގެންދިއުން ކަަމަށްވާއިރު، ގަތަރާ އެކު އޮތް ގުޅުން ކުއްލި ގޮތަކަށް ކަނޑާލުމަކީ ބައިނަލްއަގްވާމީ މައިދާނުގައި ރާއްޖޭގެ ނަން ކިލަނބުވެދާނެ ކަމެއް ކަމަށް ކުއްލި މައްސަލާގައި ބުނެފައިވެ އެވެ. ހުސެއިން ވިދާޅުވި ގޮތުގައި އެ މައްސަލަ ކުއްލި މައްސަލައެއްގެ ގޮތުގައި ހުށަހެޅުއްވީ ކަންބޮޑުވުންތައް ސަރުކާރުގެ ސަމާލުކަމަށް ގެނައުމުގެ ބޭނުމުގަ އެވެ.
ރާއްޖެ އާއި ގަތަރާ ދެމެދު އޮތް 33 އަހަރުވީ ސިޔާސީ ގުޅުން ކުއްލި ގޮތަކަށް ރާއްޖެ އިން ކަނޑާލީ އެ ގައުމުން ޓެރަރިޒަމަށް އެހީތެރިވާ ކަމަށް ބުނެ އެވެ. އަރަބި ފަސް ގައުމެއްގެ ފަހަތުން ރާއްޖެ ވެސް ގަތަރާ ސިޔާސީ ގުޅުން ކަނޑާލި ނަމަވެސް ދިވެހި ސަރުކާރުން ބުނަނީ ރާއްޖެ އާއި އެ ގައުމާ ދެމެދު އޮތް ވިޔަފާރީގެ ގުޅުމަށް އެއްވެސް ބުރުލެއް ނާރާނެ ކަމަށެވެ.
ރާއްޖެ-ގަތަރާ ދެމެދު އޮތް ޒަމާންވީ، ސިޔާސީ ގުޅުން ރާއްޖެ އިސްވެ ކަނޑާލި މައްސަލާގައި ގިނަ ބައެއްގެ ފާޑުކިޔުންތައް ސަރުކާރަށް ވަނީ އަމާޒުވެފަ އެވެ. ހާއްސަކޮށް ކުރީގެ ދެ ރައީސް މައުމޫން އަބްދުލްގައްޔޫމާއި މުހައްމަދު ނަޝީދު ވަނީ ސަރުކާރުގެ ނިންމުމަށް ވަރަށް ބޮޑަށް ފާޑު ވިދާޅުވެފަ އެވެ.
ރާއްޖެއިން ގަތަރާ އެކު ސިޔާސީ ގުޅުން ގާއިމުކުރީ މެއި 26، 1984 ގަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ދދ
08 June 2017
ރައީސު ޓުރަމްޕު ނަޖުދު ކަރަޔަށް ކުރި ދަތުރުގައި އުކާޒުގެ ބާޒާރުގައި ވިއްކާލަން ގެނައި މުދާކޮޅު (ހަތިޔާރު ކޮޅު) ގަންނާނެ ޤަބީލާއެއް ނުވެގެން އަރަބި ޤަބީލާތަކުގެ މެދުގައި އަރާރުމާއި ދެބްސްވުން ކޯޅުން އުފެދިފައި!
ޢާދަނު
07 June 2017
ޢަޅެފަހެ 42 ލިބިގެން ހަޅެއްލެވި ފާރިސް ފެކްޝަން ކޮބާތަ...ހީހީ ހަލާކު
ދިވެހި ދަރިއެއް
07 June 2017
އެހެންވީމަ މިބުނަނީ މިމީހުންނަކީ ރައްޔިތުންގެ ލޮލުގައި އަނދުން އެޅުވުން ނޫންކަމެއް ނުކުރެޔޭ މިހާރު މަޖިލިހުގައި ކުރަންވީ ހަމައެކަނި ސަރުކާރަށް ފާރަލައިގެން ރިބެ ބަހުސްކުރުންތަ މިއުޅެނީ މަގުތަކުގަ ރޭގަނޑު ހިގާނުލެވިގެން ލޫޓުވާމީހުން ފޭރޭމީހުންގެ ބިރުން އަބަދު މެސެޖްލިބެނީ ބިރުދައްކައިގެން ލޫޓުވާ ވާހަކަޔާ ފޭރޭވާހަކަ އަނެއްކޮޅުން ތަކެތިއަގުބޮޑު ވުމާއި މަގުތަކުގެ ތޮއްޖެހުން މިކަންކަމާ މެދު ބަހުސްކޮށް ރައްޔިރުންނަށް ހަމަޖެހުމެއް ގެނެސްދިނުމަށް މަސައްކަތް ކުރިއްޔާ މާރަގަޅުވާނެކަމަށް ފެނޭ
ޕީޕީ ދަރިއެއް
07 June 2017
ލޫޓުވުން ސަރުކާރުން ނުހުއްޓުވަނީ ކީއްވެ؟
ގާހިރާ
07 June 2017
ސައުދީ ދާއިރާއިން މަޖުލީހައް ކުރިމަތިލައްވާ އެއްވެސް ކެންޑި ޑޭޓަކައް ވޯޓް ދޭނެކަމެއް ނެތް ދެން އޮންނަ މަޖުލީސް އިންތިހާބުގަ
ކާކީ
07 June 2017
ކަލޯމެނޭ؟ ކަލޯމެން ތިޔަދަނީ ޕޯޗްގީޒުން މިގައުމު އަޅުވެތިކުރިއިރު އޮތް ހިސާބަށެވެ. އަވަހަށް މިސޮރު ގެފަރާތުން މިގައުމު ިމންޖުކުރާށެވެ. ބޮޑުތަކުރުފާނަށް މިއަދު މިގައުމު އެބަގޮވައެވެ.
ނެޝަނަލިސްޓް
07 June 2017
މި މައްސަލައިގައި ރައްޔިތުންގެ މަޖްލީހުން ބަހުސް ކުރަން ޖެހޭނެ ކަމުގައި ދެކެން! ދިވެހި ރައްޔިތުން ގެފަރާތުން ވަކާލާތު ކުރަން، ބޮޑު މުސާރައެއް، ދީފައި ތިބި ބަޔެއް މެންބަރުންނަކީ!
އަހުމަދު މޫސާ
07 June 2017
ސަރުކާރުންކަމެއްނިންމާނީ އެކަމާއި ދޭތެރޭ ފުންކޮށްވިސްނާފައި، ހަމަޔަގީނުންވެސް ރައްޔިތުންނަށް އަދި ސަރުކާރެއްބޮޑެތި ގެއްލުންތަކެއް ލިބޭގޮތަށް މިފަދަކަމެއް ނުނިންމާނެ، އެހެންވީމާ އިދިކޮޅުމީހުން ސިޔާސީ ކަމަކަށް ހަދައިގެން ރައްޔިތުންނަށް އޮޅުވާލަންނޫޅޭތި.
ގަމީސް
07 June 2017
ސަރުކާރަކައް ނުނިންމޭނެ ރައްޔިތުންކައިރީގަ އަހާފަ ނޫނީ އެފަދަކަންކަމެއް ރައްޔިތުން ކައިރީގަ އެހުމަކީ ރައްޔިތުންގެ މަޖުލީސްގަ ބަހުސްކުރެވި ފާސްވުން.
ފުންކަމުން އަޑިނުވެސް ފެނޭ
07 June 2017
ތިޔަބުނާ ފުންކޮށްވިސްނާ ސަރުކާރު އޮއްވަނޫންތޯ ބިލިއަނުން ފައިސާގެއްލިގެން އެއުޅެނީ؟
ފަޅުވެރިން
07 June 2017
އައްދެ އެއްކަލަ 42 ވޯޓު އަންބޮނޑިއަށް ލައިގެން އުޅޭ މީހުންނަށް މިއަދުވެސް މިލިބުނީ ކުރިންވެސް ލިބިއުޅުނު މުސްކުޅި 22 ވޯޓުދޯ؟ ބެކް ޓު ސްކޮޔަރ ވަން؟ ޖެހިވަޅަށްދޯ ހަމަ އަނެއްކާވެސް މިޖެހީ؟ އަބަދުވެސް އަހުރެން ބުނަމުން މިގެންދާ އެއްޗަކީ މެޗެއް ކުޅެން ދެބަޔަކު ދަނޑަށް އަރާފައި، އެއް ޓީމް ނުކުޅެ އޮންނާނެ ކަމަށް އަނެއް ޓީމް ހީކޮށްގެން ނުވާނެއޭ! ޓީސީ އާއި އީގަލް ކުޅެން އަރާފައި ޓީސީ ހީކޮށްގެން ނުވާނެއޭ އީގަލް މީހުން އަތް އުރާލައިގެން ތިބޭނެއޭ. ދެ ޓީމުންވެސް ހަމަ ކުޅެވެން އޮތް އެންމެ ގަދައަކަށް ކުޅޭނެއޭ!! ބޮޑު ސުވާލަކީ، މިލިއަން ޑޮލަރުގެ ސުވާލަކީ، ފެނުތެރެއިން ނަގާފައި ތިބި މަސްތަކެއް ތެޅޭހެން މިހާރަކަށް އައިސް އިދިކޮޅީން މިތެޅެނީ ކީއްވެގެންހޭ؟؟
ސޭކްސްތާން
07 June 2017
ކަލޯ ތި ލޮލަށް ބޭސް ކުރަން ދަމާ ބަހީ، ވަރަށް ބައިވަރު މަޢްސަލަ އުޅޭ ހެން އެބަ ހީވޭ
މެމްބަރު މުހައްމަދު
07 June 2017
އެންމެ ފަހުގެ ނިންމުން ނިއްމާނީ SC ން
ނާނީ
07 June 2017
ރަނގަޅު ކަމަކަށް ބަހުސް ކުރަން ވީމާ ތަކްލީފްހުރި (ބުރަ) ކަމަކަށް ވަނީތާ؟ ޖީބަށް ފައިސާ ވަންނަ ގޮތަކަށް ކޮންމެ މީހަކު ވެސް މިހާރު ބަހުޝް ކުރަނީ؟