އަދީބު. އެމަނިކުފާނުގެ ބޭސްފަރުވާ އަށް ރާއްޖޭން ބޭރަށް ފުރާވަޑައިގަތުމުގެ ހުއްދައަކަށް އާއިލާ އިން ވަނީ އެދިފައި. - ފޮޓޯ: މިހާރު
19 ޖޫން 2017 - 17:57
11 comments
ދިގު މުއްދަތުގެ ޖަލު ހުކުމެއް ތަންފީޒު ކުރައްވަމުން ގެންދަވާ ކުރީގެ ނައިބު ރައީސް އަހުމަދު އަދީބުއާ ހިއުމަން ރައިޓްސް ކޮމިޝަން (އެޗްއާރުސީއެމް) އިން މިއަދު ބައްދަލުކޮށްފި އެވެ.
އެނގިފައިވާ ގޮތުގައި މި ބައްދަލުވުން އޮތީ ދޫނިދޫ ޖަލުގަ އެވެ. ބައްދަލުވުމުގައި އެޗްއާރުސީއެމްގެ ބައެއް މެމްބަރުންނާއި މުވައްޒަފުން އަދީބާ ބައްދަލު ކުރެއްވި އެވެ. އެކަމަކު މިކަމާ ގުޅިގެން ފުލުހުންނާއި އެޗްއާރުސީއެމުން އެއްވެސް ވާހަކައެއް ނުދައްކަ އެވެ.
އެޗްއާރުސީއެމުން އަދީބާ ބައްދަލުކޮށްފައި މިވަނީ އެމަނިކުފާނުގެ ސިއްހީ ހާލަތާ މެދު އިހުމާލުވަމުންދާ ކަމަށް ބުނެ އާއިލާ އިން އެޗްއާރުސީއެމަށް މައްސަލަ ހުށަހަޅާފައިވަނިކޮށެވެ.
އަދީބުގެ އެތެރެހަށީގައި ސިސްޓެއް އުފެދިފައިވާ ކަމަށާއި ކިޑްނީގައި ހިލަ އުފެދި ލޮލަށް ޖެހޭ ވަރަށް ނުރައްކާތެރި ބައްޔެއް ކަމަށްވާ "ގްލުކޮމާ" ޖެހިފައިވާ ކަމަށް އާއިލާ އިން ވަނީ ބުނެފަ އެވެ. އެހެންވެ އަދީބު ރާއްޖޭން ބޭރަށް ފުރާވަޑައިގަތުމުގެ ހުއްދައަކަށް އާއިލާ އިން އެދިފައި އޮތަސް، އެކަމާ ގޮތުން މިހާތަނަށް އެއްވެސް މުއައްސަސާއަކުން ގޮތެއް ނިންމާފައެއް ނުވެ އެވެ.
އަދީބު ސިއްހީ ފަރުވާ އިން މަހްރޫމްކޮށްފައިވާ މައްސަލަ ބަލަން އދ. އަށް ވެސް ވަނީ ހުށަހަޅައިފަ އެވެ. އަދި ވެރިކަން ކުރާ ޕީޕީއެމް ޕާލަމެންޓްރީ ގްރޫޕްގެ މެމްބަރުންނާ ބައްދަލު ކުރުމަށް އެދި އަދީބުގެ އާއިލާ އިން ވަނީ ޕީޖީ ގްރޫޕްގެ ލީޑަރު އަހުމަދު ނިހާނަށް ސިޓީއެއް ފޮނުވައިފަ އެވެ.
އޭގެ އިތުރުން ކުރީގެ ރައީސް މުހައްމަދު ނަޝީދުގެ ފަރާތްޕުޅުން އަދީބާ ބައްދަލުކުރުމަށް ވެސް ހޯމް މިނިސްޓްރީ އަށާއި ފުލުހުންނަށް ވަނީ ސިޓީ ފޮނުވައިފަ އެވެ.
އަދީބު ސިއްހީ ފަރުވާއިން މަހްރޫމް ކުރުމަކީ ރާއްޖޭގެ ގާނޫނުތަކާއި އިންސާނީ ހައްގުތަކާ ގުޅޭ ބައިނަލްއަގުވާމީ ގާނޫނުތަކާ ވެސް ހިލާފުވުން ކަން ފާހަގަކޮށް، ބޭސްފަރުވާ ކުރުމުގެ ފުރުސަތު އަދީބަށް ދިނުމަށް އެމްނެސްޓީ އިންޓަނޭޝަނަލް އިން ވަނީ ގޮވާލައިފަ އެވެ.
ރާއްޖޭގައި ހިންގި އެންމެ ބޮޑު ކޮރަޕްޝަން ކަމަށްވާ އެމްއެމްޕީއާރުސީގެ ވައްކަމުގައި އަމަލީ ގޮތުން އެންމެ އިސް ދައުރެއް އަދާކުރުމާއި ރައީސް އަބްދުﷲ ޔާމީން އަވަހާރަކޮށްލަން ރޭވި ކަމުގެ ކުށުގައި ޖުމްލަ 33 އަހަރުގެ ޖަލު ހުކުމެއް އަދީބުގެ މައްޗަށް އައިސްފައިވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކުށްހީ
04 July 2017
އެފަހަރު އަދީބު ރޭވި ހަމަލާގައި ރައީސް ޔާމީނު އަވަހާރަވި ނަމަ މިހާރު އަދީބަަށް ހަމްދަރުދީ ވާ މީހުން ކިޔާނީ ކީކޭ ބާއެވެ.އަސްލު ވެގެން އުޅެ ގޮތަކީ ސިޔާސީ ގޮތުން ހަޔާތް ކެޑިފައި ތިބުމުން އަދީބު ފަދަ ބޮޑު މުޖްރިމެއް ގެ ކިބައިން ވެސް ސިޔާސީ ފައިދާއެއް ނެގިދާނެ ކަމަަށް ބަލަނީ އެވެ.
ގަންޖާބޯ
21 June 2017
ސަގަރު ލުތުފީ އަދީބާބައްދަލުކުރާކަށް ނޭދޭތަ؟ އޭނަވެސްވީ ޖަލުން ފިލާގެން ގޮހެއްނު.
މޫސަބޭ
20 June 2017
އިރާދަކުރެއްވިއްޔާ ތި އެޗްއާރްސީއެމުގައި ތިބި މީހުންނަށް އެމީހުން އެތާ ތިބެގެން އެހެން މީހުންގެ ޙައްޤުތަކަށް އަރައިގަތުމުގެ ބަދަލު ވަރަށް ރީްޗަށް ވަރަށް އަވަހަށް ފެނިގެންދާނެ. މާތް ﷲ ގަންދީ ކުރި ހުވަޔާ ތަކުރާރުކޮށް ޚިލާފުވުމަކީ ކުޑަކަމެއްނުމެ ނޫން.
ބާބަ
20 June 2017
ނުޖެހޭ ފޮނުވާކައް މިގައުމުން ކުރެވެންހުރި ފަރުވާ އެހެން ޖަލުގަތިބި މީހުން ނައްވެސް ކުރަނީ ތީވަކި ކާކުތަ މުޅި ގައުމު ކާލައިގެން
ބާބަބޯ
20 June 2017
ހާދަވަރެއް ތިވަނީ ރޯދަޔައްހުރެ ރުޅިނައިސް މީހުންނާ ދޭތެރޭ ރަނގަޅައް ހިތާބަލަ އެމްޑީޕީ ވެރިކަމުގަ ދިޓީވީން ނުފައިބަ ޓެކްސްކަމުނުގޮސްގެން ވާހަދެއްކިއިރު ބާބަބޯ ކޮބައިތަ ހިނދުކޮޅުގަތޯ
ޤުއްޓޭ
20 June 2017
އެޗް އާރ ސީއެމަކަށް އެއްވެސް އެއްޗެއް ނުބުނެވޭނެ. ސަބަބަކީ އެވެރިންގެވެސް މަޤާމު ގެއްލިދާނެތީ. ނަމަވެސް ﷲ ގެ އިރާދަ ފުޅުން ތި އެޗް އާރ ސީ އެމް ގައި ތިއްބަވާ ވެރިން ނަށްވެސް ވާނެގޮތް ރައްޔިތުން ދެކޭނެ ދުވަހެއް އަންނާނެ. އެދުވަހަކުން ތި މަންނަ މެންނަށް އޯޑަރު އައީ މަތީ ފަރާތުންނޭ ވިދާޅު ވާކަށް ޖާގައެއް ރައްޔިތުން ނެއް ނުދޭނެ.
ދީދީ
19 June 2017
ޢަދީބު ބޭރައް ބޭސް ކުރަން ފޮނުވަންވީ ވަގައްނެގި ފައިސާއިން ބޭސްފަރުވާއައް ހަރަދު ބަރަދު ނުކުރާ މަތިން.
ހަސަން
19 June 2017
ތިޔަފަދަ ޑޮކްޓަރަކު ހުއްޓާ ކީއްކުރަން އެހެން ޑޮކްޓަރަކަށް ދައްކަނަވީ.ޕު
ބުރުހާނުއްދީން ރައްބާނީ
19 June 2017
ރާއްޖެއިން ބޭރަށްވެސް އަދި ޖައްވަށްވެސް ފޮނުވިދާނެ. އެކަމަކު ފޮނުވައިފިއްޔާ ދެން ދައްކައެއްނުލާނެ. އެއީ ދެން ކަޑަވާތަންކޮޅަކީ.
އަޒީ
19 June 2017
ގުލްކޮމާއަކީ ނުރައްކާ އެއްޗެއްނޫން... ޒަމާނުއްސުރެ ދިވެހިން އެޔަށްކިޔަނީ ފުސްބަލި... އެކަން މިގައުމުގެ ލޮލުގެ ކުލިނިކުތަކުންވެސްވޭ
އަހުމަދު
20 June 2017
އަޒީ އަށް ވ ބޮޑަށް އިގެނީތަ. އެކަމަކު ތިޔައި ކުށް މައުލޫމާތެއް. މި ބައްޔަކީ މަދު އަހަރެއްގެތެރޭގައި ރަގަޅު ފަރުވާ ނުކޮށްފިނަމަ ލޮލުގެ ފެނުން ގެއްލިދާނެ ބައްޔެއް.