ހިންމަފުށި: އެ ރަށުގައި ކާނާ ވިހަވި ބިދޭސީއަކަށް ފަރުވާ ދެނިކޮށް ވަނީ މަރުވެފައި. - ފޮޓޯ: ހައުސިން މިނިސްޓްރީ
02 ޖުލައި 2017 - 22:30
6 comments
ކ. ހިންމަފުށީގައި ކާނާ ވިހަވެގެން މިއަދު ހެނދުނު ފަރުވާ ދިން ބަނގްލަދޭޝް މީހަކު، ފިޓު ޖެހިގެން މިރޭ މަރުވެއްޖެ އެވެ.
އެ ރަށު ސިއްހީ މަރުކަޒުގެ އޮފިޝަލަކު ވިދާޅުވީ ހިންމަފުށީގައި ހުންނަ މަސް ފެކްޓަރީއެއްގައި މަސައްކަތް ކުރާ 10 ވަރަކަށް ބިދޭސީން ކާނާ ވިހަވެގެން މިއަދު ހެނދުނު އެ ތަނަށް ގެންދިޔަ ކަމަށެވެ. އަދި މިއަދު މެންދުރު ފަހު އެ މީހުން ދޫކޮށްލި ނަމަވެސް އޭގެ ތެރެއިން އެކަކު، މާ ބޮޑަށް މޭގައި ރިއްސައި ފިޓް ޖެހޭތީ މިރޭ އަލުން ހޮސްޕިޓަލަށް ގެންގޮސް ފަރުވާ ދެނިކޮށް މަރުވެފައިވާ ކަމަށް އޭނާ ވިދާޅުވި އެވެ.
"އޭނާ އަކީ ހިތުގެ ބަލީގެ މީހެއް. އެކަމަށް ބޭސް ކުރާ މީހަކު ފުޑްޕޮއިޒަން ވުމުން މި ފަދަ ކަމެއްވުން އެކަށީގެންވޭ. އެކަމަކު އަޅުގަނޑުމެންނަކަށް ބުނާކަށް ނުކެރޭނެ އޭނާ މަރުވީ ފުޑްޕޮއިޒަން ވުމުންނޭ،" އޮފިޝަލް ވިދާޅުވި އެވެ.
އޭނާ ވިދާޅުވި ގޮތުގައި ބިދޭސީންތައް ކާނާ ވިހަވީ، ގިނަ ދުވަސްވެފައިވާ ފަރުމަސްތަކެއް ކެއުމުންނެވެ. އަދި އެ މީހުން ހޮސްޕިޓަލުން ދޫކޮށްލި އިރު ހާލު ރަނގަޅު ކަމަށް ވިދާޅުވި އެވެ.
ހިންމަފުށީ ކައުންސިލުން ބުނީ ކާނާ ވިހަވެގެން ބިދޭސީންތަކެއް ހޮސްޕިޓަލަށް ގެންދިޔަކަން އެނގިފައި ނުވާ ކަމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޝަރޫ
03 July 2017
ސިގުއެޓޭރާ ޓޮކްސިން ކަމައްވެސް ވެދާނެ
ގޮބޮޅި ސިޓީ
03 July 2017
ގިނަދުވަސް ވީ މަސް މުވައްޒަފުންނައް ކާން ދިނުމަކީ ރިސޯޓު ސިޓީ ހޮޓާތަކުގަ އާންމުކަމެއް. ގެސްޓުންނައް ފަރުމަސް ކަންޑާފައި ( ޕޯޝަން/ސާވިން އައް ކަންޑާފައި) ބޭކާރު ވާ ކޮޅުދާލި މަސްތައް ހުންނާ ނީ ފުރީޒަރައް ލާ ގިނަކޮއްފަ، މިއެއްޗެހި މިހެންހުރެ ގިނަދުވަސް ވަނީ. މަސް ވިއްކާ ތަންނާގަވެސް މިހާރު ވިއްކަން ހުންނާނެ ކޮޅުދާލި މަސް، މީ ކޮލިޓީދައް ކަންޑާ މަހުގެ އެތައް ބެޗަކުން އެއްކުރެވޭ މަސް. މި މަސް ތަކޮޅެއް އަގުހެޔޮވީމަ ގޭގޭގަ ކާން އަދި ހޮޓާ ތަކުގަ ހެދިކާ ހަދަން ބޭނުންކުރަނީ. ނުރައްކާތެރިކަމެއްމީ،1000 ފަހަރު މިމަސް ކައިގެން ކަމެއް ނުވެދާނެ، އެކަމު ކަމެއް ދިމާވާނީ 1 ފަހަރު،. މިކަހަލަ ގޯސް ޓުރޭޑު ޕުރެކްޓިސް ރިސޯޓުތަކާ ، ހޮޓާ ތަކަ، މަސް ވިއްކާ ތަންތަނުން ޕުރެކްތިސް ކުރާއިރު. ކޮބާތަ ހެލްތު މިނިސްޓުރީ އާ ފުޑް އެންޑް ޑުރަގު އޮތޯރިޓީ
ސޯލްޖާ
03 July 2017
ގިނަ ދުވަސް ތަކެއް ވަންދެން މަސް ބަހައްޓަން ޖެހުނީ ކީއްވެ.... މޮނިޓަރ ކުރުމެއްވެސް ނެތީތަ ތި މަސް ފެކްޓްރީގަ. ފެކްޓަރީގެ ނަން ޖަހާލި ނަމަ ސަޅި... ކޮންމެ ގެއެއްގަ ލެބޯރޓަރީ އެއް ހަދަންވެސް ބުނެދާނެ މި މައްސަލަ ސަރުކާރުގަ ޖައްސާފިއްޔާ...
މާހިރު/ތިނަދޫ
03 July 2017
މާލޭ މަސް މާރުކޭޓްގަ މަސް ގެންގުޅޭ ނުތާހިރު ގޮތް ބަޔަކު ބަލާނަމަ ބިރުން ވެސް މަރުވާނެ! ޢައިސް ކޮށްފަ ފިނިކަނޑުވާފަ އަނެއްކާ އައިސް ބޮކްސް އަށް! ޙެލްތު މިނިސްޓަރ ކޮބަަ؟
ހުނަރުކުޑަބެ
03 July 2017
ހެލްތު މިނިސްޓަރު ސަލާންބުނި މާހިރު އަށް
ސެރަފް
02 July 2017
އެމީހުނަށް ފުރަތަމަ ކާނާ ވިހަވާން ދިމާވީ ކީއްވެކަން ބެލެން ޖެހޭނެ. މިކަހަލަ ކަންކަން އާންމުވުމަކީ ނުތަނަވަސް ވާންޖެހޭވަރުގެ ކަމެއް. ދެން އެކަން ނިންމާފަ ފަރުވާދިން މީހުން ޒިންމާ ރަނަގަޅަށް އަދާކުރިތޯ ބަލަން ޖެހޭ. މިބުނީ ބަޔަކު ކުށްވެރި ކުރާކަށް ނޫން. އެކަމަކު މިކަހަލަ ކަންކަން ހިނގުމުން މެދުވެރިވި ސަބަބު ބަލާ، މިންގަނޑުތަށް ހިފެހެޓޭތޯ ބަލާ ހަދަން ޖެހޭނެ