ކުރީގެ ނައިބު ރައީސް އަދީބު. އެމަނިކުފާނު އަވަހާރަކޮށްލަން އުޅޭ ކަމަށް ދެކެވޭ ވާހަކަތައް ފުލުހުން ދޮގުކުރޭ. - ފޮޓޯ: މިހާރު
05 ޖުލައި 2017 - 11:46
22 comments
ޖަލުގައި ހުކުމް ތަންފީޒު ކުރައްވާ ކުރީގެ ނައިބު ރައީސް އަހުމަދު އަދީބު އަވަހާރަކޮށްލަން އުޅޭ ކަމަށް ބުނެ ދެކެވޭ ވާހަކަތަކަކީ ހަގީގަތެއް އޮތް ވާހަކަތަކެއް ނޫން ކަމަށް ފުލުހުން ބުނެފި އެވެ.
އަދީބު އަވަހާރަ ކޮށްލަން އުޅޭ ކަމަށް ތުހުމަތުކޮށް، އެކަން އެ މަނިކުފާނުގެ ވަކީލު މަހްފޫޒް ސައީދު، ކޮމިޝަނާ އޮފް ޕޮލިސް އަހުމަދު އަރީފަށް ވަނީ ސިޓީއެއް ވެސް ފޮނުއްވައިފަ އެވެ. އޭނާ ވިދާޅުވީ އަދީބު ދޫނިދޫ ގޮޅީގައި އޮއްވައި އަވަހާރަ ކޮށްލަން ރޭވުންތަކެއް ރާވަމުންދާ ކަމުގެ މައުލޫމާތު ލިބިފައިވާ ކަމަށެވެ.
އެކަމަކު ފުލުހުންގެ ތަރުޖަމާނު އަދި ސުޕްރިންޓެންޑެންޓް އޮފް ޕޮލިސް އަހުމަދު ޝިފާން ވިދާޅުވި ގޮތުގައި އަދީބު އަވަހާރަކޮށްލަން އުޅޭ ކަމަށް ބުނެ ދެކެވޭ ވާހަކަތަކުގައި ހަގީގަތެއް ނެތެވެ. އަދި ފުލުހުންގެ ބެލުމުގެ ދަށުގައި ހުންނަ ކޮންމެ މީހަކަށް ރައްކާތެރިކަން ލިބޭނެ ކަމަށް އޭނާ ވިދާޅުވި އެވެ. ހަމައެހެންމެ، އަދީބު ދޫނިދޫ ޖަލުގައި ހުންނެވީ ފުރިހަމަ ރައްކާތެރިކަމާ އެކު ކަމަށް ވެސް އޭނާ ވިދާޅުވި އެވެ.
"އަދީބު ފުލުހުންގެ ކަސްޓޯޑިއަލްގައި އެ ހުންނެވީ ހޯމް މިނިސްޓްރީގެ އެދުމަކަށް. އަދީބަށް އެއްވެސް ގެއްލުމެއް ނުލިބޭނެ ކަމުގެ ޔަގީންކަން ދެން،" ޝިފާން ވިދާޅުވި އެވެ.
ތަފާތު ތިން ކުށެއްގައި 33 އަހަރުގެ ޖަލު ހުކުމެއް ތަންފީޒު ކުރައްވާ އަދީބު އަވަހާރަކޮށްލަން އުޅޭ ކަމަށް ތުހުމަތުކޮށްފައި މިވަނީ، އަދީބު، ދޫނިދޫ ޖަލުގައި އޮންނެވި ފޮޓޯއެއް ސޯޝަލް މީޑިއާގައި އާންމުވެފައި ވަނިކޮށެވެ. ފޮޓޯއިން ފެންނަނީ އުސްކޮށް ހަދާފައިވާ އައްޓެއްގައި އަދީބު އޮންނެވި ތަނެވެ. ބާލީހެއްގައި ބައްދާލައްވައިގެން އޭނާ އޮންނެވި އިރު، ގޮޅީ ތެރޭގައި ކުޑަ މޭޒެއް ވެސް ހުއްޓެވެ. އަދި މޭޒު މަތީގައި ގިނަ އަދަދެއްގެ ފޮތް ހުއްޓެވެ.
ރައީސް އަބްދުﷲ ޔާމީން އަވަހާރަކޮށްލަން އުޅުނު މައްސަލާގައި އާއި ކޮރަޕްޝަންގެ މައްސަލަތަކުގައި ޖަލަށް ލާފައިވާ އަދީބުގެ އެތެރެ ހަށީގައި ސިސްޓެއް އުފެދި، ކިޑްނީގައި ހިލަ އުފެދުމާއި ލޮލުގެ ވަރަށް ނުރައްކާތެރި ބައްޔެއް ކަމަށްވާ "ގްލޮކޮމާ" ޖެހިފައިވާ ކަމަށް އާއިލާ އިން ބުނެ އެވެ.
އެހެންވެ، އެ މަނިކުފާނު ރާއްޖޭން ބޭރުން ފަރުވާ ކުރުމުގެ ހުއްދައަކަށް ވަނީ އެދިފަ އެވެ. ނަމަވެސް ސަރުކާރުން މިހާތަނަށް އެ ހުއްދައެއް ނުދެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ނުފޮނުވެންޔާ
06 July 2017
ބޭރަށް ނުފޮނުވެންޔާ ދެން ޑޮކްޓަރުން ގެނސްގެންވެސް ވެއްޖެނު ބަލި ރަނގޅުކުރަން
މެޓް ހާފިޒު
05 July 2017
ބްރޯ އަހަރެމެން ފްލެޓް ގަންނަންވެސް ލާރި ދިން.
ހަނު ހުންނަ މީހާ
05 July 2017
ދިވެހި ރައްޔިތެއްގެ ހައިސިޔަތުން، ދިވެހި ފުލުހުންނަކީ ވަރަށް ޕްރޮފެޝަނަލް ބައެކޭ ބުނާ ހިތްވެއެވެ. އެކަމަކު ބައެއް މައްސަލަތަކުގައި ރޭގަޑު ދުވާލަށް ހަދާ، ލޮލަށް ނުފެންނަ ކަމަށް ހަދާ، ކަންފަތަށް ނީވޭ ކަމަށް ހަދާތީ ދިވެހި ރައްޔިތެއްގެ ހައިސިއްޔަތުން ލަދު ގަންނަމެވެ. ޢެންމެ ހުދުމުހުތާރު ގައުމުތަކުގެ ފުލުހުންނަށްވުރެ ދިވެހި ސިފައިންގެ ޕްރޮފެޝަނަލް ކަން ކުޑަވެ އާންމު ރައްޔިތުންގެ އިތުބާރުވަނީ ގެއްލިފައެވެ. ހުދު ދަރުބާރުފެކްޝަންގެ މީހުންވެސް ފުލުހުންނަށް އިތުބާރު ނުކުރެއެވެ.
ހަބީބު
05 July 2017
ފުލުހުން ނެތް ދޮގެއް ހެދެންއޮއްވާ ތެދެއް ހަދާފަކާ ދެންކިހިނެއް ގަބޫލުކުރާނީ މަތިފަޑި ބަދަލު ކޮއްގެންނޫނީ ގައުމީ ރޫހުގަތިބި ފުލުހުންނައްވެސް ނެތް ރީތިނަމެއް
ޢަބްދުﷲނާފިޒް
05 July 2017
މިހާރު ފުލުހުންގެ އަމަލުތައް ހުންނަގޮތުން، ފުލުހުން ބުނާ ވާހަަކަތަކުގަވެސް އެއްވެސް ހަޤީގަތެއް ނޯވެ، ހަމަ ވިދާޅުވި ގޮތަކަށް ވިދާޅުވަނީ، ދެއްތޮ.
ނޯވޭދޯ
05 July 2017
އެހާ ފުލުހުންނަށް އިތުބާރު ނުކުރެވޭއިރު ކީއްވެތަ ނާޒިމްގެއިން ފެނުނު ފިސްތޯލައިން އަދީބުގެ ޑީއެންއޭ ފެނުނޭ ފުލުހުން ބުނީމަ އެވާހަކަ ގަބޫލުކުރެވެނީ؟ ހިތާވާހާ ވާހަކައެއްދޯ ގަބޫލުކުރުން އޮންނަނީ؟
ކުޑަދޫއަހްމަދު
05 July 2017
ޕޮލީސް އަކީ އެހާ ފެންވަރުގެ ބައެއްނޫން! ތަހުގީގެއްނުކޮށް ތިވަރުގެ ވާހަކަ ދައްކަން! ކޮބާ ފެންފޯއް ރުށްކެނޑި މީހުން؟ އެކަން ކުރީ ޕޮލިހުންނޭ ކިޔާ އުޅޭ؟ ކޮބާ އަފްރާޝިމްގެ މަރުގެ ތަހުގީގު ؟ ކޮބާ ރިލްވާނު؟ ކޮބާ ޔާމިން ރަޝީދު؟ ކޮބާ އެމް.އެމް.ޕީ.އާރު.ސީގެ މައްސަލަ؟ ކޮބާ މަނީ ލޯންޑަރިންގެ މައްސަލަ؟ ކޮބާ ބައިތުލްމާލުން ރުފިޔާ ގެއްލޭ މައްސަލަ؟ ކޮބާ މިގައުމުގައި ރޯމާދުވާލު ކުރާ ވައްކަންތަށް؟
ޢަބްދުﷲނާފިޒު
05 July 2017
ނޯވޭދޯ، އަދީބުގެ ޑީއެންއޭ ފެނުނޭ ފުލުހުން ބުނީމަ ޤަބޫލެއް ނުކުރަމޭ، ދެން އެހެން ނޫނަސް ދިވެހި ފުލުހުންނަށް އަހުން އިތުބާރު ނުކުރަނީ އެއްޔެއަކު މިއަދަކު ނޫނޭ، މީގެ ސާޅީސް އަހަރު ކުރިން ފެށިގެންވެސް އިތުބާރެއް ނުކުރަން، ސަބަބު ކިޔާދިނަސް ތިބޭފުޅާއަށް ޤަބޫލެއް ނުކުރެވޭނެ، މިދައްކަނީ ރައީސް މައުމޫނުގެ ވެރިކަމުގެ ކުރިން ފެށިގެންވެސް ދިވެހި ފުލުހުން އޭރު ( ސިފައިން ) ނަށް އިތުބާރު ނުކުރާ ވާހަކަ، މީ ވަރަށް ބޮޑެތި ވާހަކަ، މިދައްކަނީ ވަރަށް ކުރީގެ ވާހަކަ، ވިލިނގިލީ ޖަލެއްގެ ވާހަކަ އަޑު އެހީމުތީ.........އުމުރުން ދުވަސްވީ މީހެއްގާތު އަހާލާ މައުލޫމާތު ސާފުކޮށްލައްވާ.
ލގެ
05 July 2017
ޔާރައްބަނާ އިލާހީ. މިހެން މިބުނީ އަހަރެން މިތަންތަނުން ބުނާވަހަކަ މިވީ ހާ ދުވަހު މާނަކުރަނީ ދިމާ އިދިކޮޅަށް. ހަމަ ދިމާވެފައި ހުރީ. ސުބްޙާނަﷲި. އެއަށްވުރެ ކުރިްނ ގައުމު ހެޔޮމަގަށް ބަދަލުވުމުގެ ތައުފީގު ދެއްވާފާނދޭވެ.
އަހުމަދު
05 July 2017
މިހާރު ފުލުހުންގެ ބެލުމުގެ ދަށުގައި ހުށިކަމަށް ބުނާއިރު ބޭސްފަރުވާ ހޯދުމަށްޓަކައި އާއިލާގެ ފަރާތުން އެދުމުން ފުލުހުންދިން ޖަވާބަކީ ކޮބައި ތޯ ؟ މަރުވީމާ ޒިންމާ ނަގާނޭ ބަޔަކު ނުހުންނާނެއެވެ. ޒިންމާ ނަގަން ކެރޭނަމަ ޔާމިން މައްސަލާގައި ފުލުހުން ޒިންމާ ނުނެގީ ކީއްވެ ތޯ ؟
639
05 July 2017
މަރައެއް ނުލާނެ މަރުވާނީ. ބޭސްކައިގެން ހުއްޓާވެސް ހާޓް އެޓޭކްވެސް ޖެހޭވިއްޔަ ދޯ. މިބުނީ ވަރަށް ވާހަކަ!
މެންޓަލިސްޓް
05 July 2017
އަޅުގަނޑަށްވެސް ބޮޑަށް ހީވަނީ އެއީ ގޭމްއެއްހެން ،، ހަގީގަތުގައި އަދީބްއުޅެނީ ބަލިވެ ،،، ދެން އޭނާއަށް ފަރުވާކުރަން ބޭރަށްނުފޮނުވައިގެން އުޅެނީ ރައީސްޔާމިން ގަންނާ ކުރައްވާ ބިރަކުން ،،، އަދީބްއަކީ މިސަރުކާރުގެ ހުރިހާ ޖަރީމާތަކެއްގެ އެންމެބޮޑު ހެކިވެރިޔާ ،،، ވީމާ އޭނާ ދޫވެއްޖެނަމަ ރައީސްޔާމިންގެ ސޯޓްބޭލިގެން ދިއުމަކީ ވަރަށް ކައިރިކަމަކަށްވާތީވެ އަދީބް އެއްނެތް ފުރުވާލެވޭކަށް ،،، ވަރަށްވެދުން
ކީއްވެ
05 July 2017
ދެން ކީއްވެތަ އަދީބު ތިޔަ ހުރިހާ ކަމެއް ފަޅާއަރުވާލާނަމޭ ކިޔައި ބިރުދައްކައިގެން ޖަލުން މިނިވަންނުވެވިގެން އެއުޅެނީ؟ ނާޒިމް މައްސަލައިގަ ބޭނުންވީމަ އެއޮތީ ސިޓީވެސް ފޮނުވާފަ. ހަމަ އެގޮތަށް ތިޔަ ބުނާވަރުގެ ކަންކަން ޔާމީންގެ ފަޅާއަރުވަން ހުރިނަމަ އަދީބު ކުރަންވީނު؟ ކީއްކުރަން ޖަލުގަ އޮންނަނީ؟