މަހްލޫފު ނޫސްވެރިންނާ ވާހަކަ ދައްކަވަނީ.---މިހާރު ފޮޓޯ: ހުސެއިން ވަހީދު
22 އޮކްޓޯބަރ 2017 - 23:24
73 comments
އަންނަ ރިޔާސީ އިންތިހާބުގައި ވާދަކުރުމަށް އިދިކޮޅު ޕާޓީތަކުން ނެރޭ އިންތިގާލީ ކެންޑިޑޭޓަކީ ސިޔާސީ ކަންކަމުގައި މާ ބޮޑަށް ނޫޅުއްވާ އެކަމަކު ހުރިހާ ޕާޓީތަކަށް ވެސް ގަބޫލު ކުރެވޭ ބޭފުޅަކަށް ވާނެ ކަމަށް ރައްޔިތުންގެ މަޖިލީހުގެ ގަލޮޅު ދެކުނު ދާއިރާގެ މެމްބަރު އަހުމަދު މަހުލޫފް މިރޭ ވިދާޅުވެއްޖެ އެވެ.
މިހާރު ސްރީލަންކާގައި ހުންނެވި މަހުލޫފް، ރާއްޖެ ޓީވީގައި ވާހަކަ ދައްކަވަމުން ވިދާޅުވީ އިންތިހާބުގައި އެއް ކެންޑިޑޭޓަކު ނެރެން މަޝްވަރާ ކުރަނީ ކުރީގެ ރައީސް މުހައްމަދު ނަޝީދު ނުވަތަ ޖުމްހޫރީ ޕާޓީގެ ލީޑަރު ގާސިމް އިބްރާހިމަށް އެ ފުރުސަތު ދެއްވުމަށް ނޫން ކަމަށެވެ. އެކަމަކު އިދިކޮޅު ހަތަރު ޕާޓީގެ ލީޑަރުންނާއި މެމްބަރުންނަށް ގަބޫލު ކުރެވޭ، އަދުލުވެރިކަމާ އެކު މަސައްކަތްކުރާ އަދި ގައުމަށް ބަލައިގަނެވޭނެ ފަދަ ހިދުމަތްތަކެއް ކޮށްދެއްވާފައިވާ ބޭފުޅަކު ހޮއްވެވުމަށް ކަމަށް އޭނާ ވިދާޅުވި އެވެ.
މަހުލޫފް ވިދާޅުވި ގޮތުގައި އެ ކެންޑިޑޭޓަކީ ސިޔާސީ ކަންކަމުގައި މާބޮޑަށް ފާޅުގައި އުޅުއްވާ ނުވަތަ "ސިޔާސީ ޕޯޑިއަމްތަކުގައި ހަޅޭއްލަވާ" ބޭފުޅަކަށް ވާކަށް ނުޖެހެ އެވެ.
އޭނާ ވިދާޅުވީ އިންތިގާލީ ސަރުކާރަކުން އެންމެ ފުރަތަމަ މަސައްކަތް ކުރާނީ އަދުލުވެރި ފަނޑިޔާރުގެއެއް ގާއިމުކޮށް، ގައުމުގެ ކަންކަން އިންސާފުވެރިކަމާ އެކު ކުރިއަށް ގެންގޮސް، ކޮމިޝަންތައް މިނިވަން ކުރުމަށް ކަމަށެވެ. އަދި ކަނޑައަޅާ ވަކި މުއްދަތެއްގެ ތެރޭގައި، އެކަންކަން ރަނގަޅު ކުރުމަށް ފަހު ހުރިހާ ޕާޓީތަކާއެކު އަނެއްކާ ވެސް ވާދަވެރި އިންތިހާބަކަށް ދާނެ ކަމަށް ވިދާޅުވި އެވެ.
"އެ އިންތިހާބުގައި ނަޝީދާއި ގާސިމަށް ވެސް ވާދަކުރެއްވޭނެ. އަދި ފާރިސް އާއި ކާނަލް ނާޒިމް ވެސް ވާދަކުރައްވަން ބޭނުމިއްޔާ އެ ފުރުސަތު އޮންނާނެ،" މަހުލޫފް ވިދާޅުވި އެވެ.
އޭނާ ވިދާޅުވީ އިންތިގާލީ ކެންޑިޑޭޓެއް ނެރެން ހުރިހާ ޕާޓީތަކުން ބޭނުން ނުވެއްޖެ ނަމަ، ވަކިން ކެންޑިޑޭޓެއް ނެރުމުގެ ފުރުސަތު ޕާޓީތަކަށް އޮންނާނެ ކަމަށާއި އެކަމަކު ދެ ވަނަ ބުރެއްގައި ހުރިހާ ޕާޓީތައް އޮންނާނީ އެކުގައި ކަމަށެވެ.
އަންނަ އަހަރު އޮންނަ ރިޔާސީ އިންތިހާބުގައި އިންތިގާލީ ރައީސެއް ހޮވަން ޖެހޭނެ ކަމަށް އެންމެ ފުރަތަމަ އިއުލާން ކުރެއްވީ ރައީސް ނަޝީދެވެ.
އެމްޑީޕީގެ ގައުމީ މަޖިލީހުގެ މެމްބަރުންނާ މުޚާތަބު ކުރައްވައި، ވާހަކަފުޅު ދައްކަވަމުން ނަޝީދު ވިދާޅުވީ މިހާރު ކަންކަން ހިނގަމުންދާ ގޮތަށް ބަލާއިރު މިނިވަން އިންތިޚާބެއް ހޯދުމަކީ ވަރަށް އުނދަގޫ ކަމެއް ކަމަށާއި އެހެންވެ، 2018ގައި ހޮވަން ޖެހޭނީ ގުޅިފައިވާ ޕާޓީތަކުން ނެރޭ އިންތިގާލީ ރައީސެއް ކަމަށް އެ މަނިކުފާނަށް ގަބޫލު ކުރެއްވޭ ކަމަށެވެ.
ނަޝީދު ވިދާޅުވި ގޮތުގައި އިންތިގާލީ ކެންޑިޑޭޓަކު ނެރޭނީ އިދިކޮޅު ކޯލިޝަނުން ގުޅިގެން ނެރޭ ލިސްޓަކުންނެވެ. އެކަން އެގޮތަށް ކުރަން ޖެހެނީ އެމަނިކުފާނު ވިދާޅުވި ގޮތުގައި، އިދިކޮޅު އެއްވެސް ޕާޓީއަކަށް 2018 ގެ އިންތިޚާބު ކާމިޔާބު ކުރެވޭނެ ކަމުގެ އެއްވެސް "ސައިންޓިފިކް ޔަގީންކަމެއް" ނެތުމުންނެވެ.
މަހުލޫފް މިރޭ ވިދާޅުވީ ސިޔާސީ ހިތި ތަޖުރިބާތައް އެ ބޭފުޅުން ވޭތުވެ ދިޔަ އަހަރުތަކުގައި ކުރައްވައިފި ކަމަށާއި "އެކި ގޮތްގޮތުން ބޯން ޖެހޭ ބޮނޑިތައް ބޮއިފި" ކަމަށެވެ. އެހެންވެ، އެކަންކަން ރަނގަޅު ކުރުމަށް އިންތިގާލީ ސަރުކާރެއް ވަރަށް މުހިއްމު ކަމަށް ވިދާޅުވި އެވެ.
ކޮމަންވެލްތުގެ އޮބްޒާވަރުންނާ ނުލައި އަދި މިނިވަންކަމެއް ނެތް އިލެކްޝަންސް ކޮމިޝަނަކުން އަންނަ އަހަރު ބާއްވާ ރިޔާސީ އިންތިހާބު އުނދަގޫވާނެކަން ފާހަގަ ކުރައްވައި އޭނާ ވިދާޅުވީ، ހުރިހާ ޕާޓީތަކުން އެއް ކެންޑިޑޭޓަކު ނެރެފި ނަމަ، ކުރިމަތިވާ ގޮންޖެހުންތައް ފޫއަޅުވާލަން ފަސޭހަވާނެ ކަމަށެވެ.
އިދިކޮޅު ފަރާތްތަކުން އިންތިގާލީ ސަރުކާރަކަށް ބޭނުންވި ނަމަވެސް ރައްޔިތުން އެގޮތް ބޭނުން ނުވާ ކަމަށް، ވެރިކަން ކުރާ ޕީޕީއެމުން ވަނީ ބުނެފަ އެވެ.
މިކަމަށް ރައްދު ދެއްވައި މަހުލޫފް ވިދާޅުވީ އިންތިގާލީ ކެންޑިޑޭޓެއް ހޮވުމާ މެދު މަޝްވަރާ ކުރަން ނިންމުމަކީ ރައީސް އަބްދުﷲ ޔާމީނަށް ފޮނުވާލި މިސައިލެއް ކަމަށާއި އެ މަނިކުފާނު އެކަމަށް އެއްވެސް ވަރަކަށް އުއްމީދު ނުކުރައްވާ ކަމަށެވެ. އަދި އެ ކެންޑިޑޭޓު ރައްޔިތުންގެ ބޮޑު ޕަސެންޓަކާއެކު ހޮވޭނެތީ، ރައީސް ޔާމީން ޖެހިލުންވެ ވަޑައިގަންނަވާ ކަމަށް ވެސް އޭނާ ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ބާރަށުމީހާ
24 October 2017
އެފަދަ މީހުންވެސް މިރާއްޖޭގައި އެބައުޅުއްވާ! މިސާލަކަށް އޮނަރަބަލް އަހްމަދު މުޖްތަބާ، އޮނަރަބަލް އިސްމާޢިލް ޝަފީޢު. ޑރ. ސައްތާރު ، އަދިވެސް މިފަދަ ބޭބޭފުޅުން ތިއްބަވާނެ ޤައުމަށް ވަރަށް ވަފާތެރި ބޭފުޅުން ! އަލްމަރްޙޫމް އަބްދުއްސައްތަރު މޫސާދީދީ ފަދަ ބޭފުޅުން މިޤައުމުގައި އަދިވެސް ތިއްބަވާނެ ! އެކަމަކު އެއީ ވަރަށްމަދު ބައެއް.
މަކްރަމް
24 October 2017
އަންނި ދަމާ ގުއި ރޯނުގައި އެންމެންޖެހޭ. '' އިންތިގާލީ'' އޭ ކިޔައިގެން މިއުޅެނީ އިންތިގާލީ މަރުހަލާގައި މީނާ މިނިވަންވެ، ވެރިކަމަށް އާދެވޭގޮތަށް ޤާނުނުތައް އިޞްލާޙުކުރަންވީ. އެއަށްފަހު އެބުނާ އިންތިގާލީ މަރުޙަލާ ނިމުނީ. ދެން އޮތީ އަންނި ވެރިކަމަށް ކުރިމަތިލާ އެކަލޭގެ ހޮވުން. ތިޔަ ބުނީ އިންތިގާލީ މަރުހަލާގައި ހުންނަ ވެރިއަކުވާނީ އަންނިގެ އަޅަކަށް. ހުރިހާ ރައްޔިތުންވެސް ވާންވީ އަންނިގެ އަޅުންނަށް. އެއިރުން އެއޮތީ ޑިމޮކްރަސީ ފައްކާވެ ދޮންވެފާ. ހުޅަގުގެ ދޮންކުދިންކޮޅަށްވެސް އެއިރުން ހުރިހާކަމެއް ބަރާބަރުވީ. ރާއްޖެއާބެހޭ ގޮތުން ނެރޭ ބަޔާންތައްވެސް ނެރުން ހުއްޓުނީ
މަގޭ ހިޔާލު
23 October 2017
ތިބޭފުޅާ ތިބުނާ ސިޔާސީނޫން، ކަންތައްތައް އިސްލާހުކުރެވޭ މީހަކަށް ފަސްއަހަރު ދިނުން މާ ރަނގަޅު. އޭރުން ދައުލަތުގެ ހަރަދުވެސް ކުޑަވާނެ. ކޮންމެހެން ސިޔާސީވައްތަރުގެ އެއްޗަކަށްނޫން މިގައުމުގެ ހިންގުން ހަވާލުކުރަންވީ. ތިއުޅެނީ ހަމަ ނުލަފާއަރުވަންވެގެން. ރާއްޖޭގަ ވެރިކަންކުރި 30 އަހަރުގެ ޑިކްޓޭޓަރާއި ވެރިކަން ދިނީމަ ނުކުރެވިގެން ވެއްޓުން ބޯބުރާންޗަށް ވެރިކަން ހޯދައިދޭން ދައުލަތުގެ ބަޖެޓުން ނުކަޓާވަރުގެ ޑަބަލް ޙަރަދުކުރާކަށް މޮޔައަކު ނޫނީ ތާއިދެއް ނުކުރާނެ. ޓިޔަށްވުރެށް މޮޅުހިޔާލެއް ކަލޭމެން އަތަކު ނެތް ދޯ...
ސޮކްތެރެޕީ
23 October 2017
ޔާމިނަކީ މިރާއްޖެ ތަރައްގީ ކުރަމުން ގޭންދާ ރައިސްއެ އަހަރެން ވޯޓްލާނީ ޔާމިނަ މިފަހަރު.
ޟުމޫ
23 October 2017
އިންތިޤާލީ ރައީސަކީ ކުކުޅަށްވުރެ ބިސް ދޮށިވެގެން އުޅޭ މިހިރަ ތުއްތު ތުއްތު ޅާކުއްޖާ މޮޔަ މަހުލޫފް
މެންޓަލިސްޓް
23 October 2017
ސިޔާސީ ބޭފުޅުންނަކީ ކޮބައިތޯ ؟؟ އެއީ އިންސާނުން މެނިޕިއުލޭޓްކޮށް ތެދުބަހުން ވާހަކަނުދައްކާ ބޭފުޅުންބާ ؟؟ ނޫނީ ދެއަނގައިން ވާހަކަދައްކާ ބޭފުޅުންބާ ؟؟ އަޅުގަނޑަށް ތިޔަކިޔާ ސިޔާސީ ބަހުގެ މާނައެއް ގެޓެއްނުވޭ ،،، އަޅެ ނޫސްވެރިން ވެއްޖެނޫންތޯ ސިޔާސީ މިބަހުގެ ޑެފިނިޝަންއާޢި ބޭހޭގޮތުން ލިއުމެއްގެނެސްދޭން ،،، އޭގައި ރާޢްޖޭގެ ސިޔާސީ މާނަކުރާގޮތާއި ސިޔާސީވެރިންގެ ކަންކަން ހުންނަގޮތާއި ބޭރުގައި އެކަންއޮންނަގޮތް ގެނެސްދެއްވީމައި ކުޑާކޮށް މީސްމީހުންނަށް ސާފްވާނެ ،، ރައްޔަތުން ކަނުއަނދިރީގައި އަބަދުބައިތިއްބާކަށްނުވާނެ ،،، އެމީހަކަށް އެނގޭ މިންވަރަކުން އަނެކާއަށް ކިޔާދިނުމަކީވެސް ސޮދަގާތެއް ،،، ހެޔޮކަމެށް ،،، ދައްކާ ހުރިހާ ވާހަކައަކީވެސް ޔުނިވާސްއަށް ބުރޯޑްކާސްޓް ވެގެން ދާއެއްޗެއް ،،، ވަރަށްވެދުން
ލީވާނއެަް
23 October 2017
މަހުލޫފް.ކަލޭތީ ހެޔޮވިސްނޭމީހާ އެކަމަކު ގަންނަގަނޑު ދޯ.ނަސީދު ގާތު ބުނޭ އިންތިގާލީ ނަގަން މި ރާޖެއަށް އަންނާށޭ.
މޮޔަމީހާ
23 October 2017
ކަލޯ ތިޔަ ގޮވެނީ މޮޔަ . ތިޔަ މޫހުނައް ކެރޭނެތަ . އެއްވެސް ވަރަކައް ސިޔާސީ ކަންކަމުގައި ނޫޅޭ މީހަކަށް ވެރިކަން ހަވާލު ކުރަން. މިސާލަކައް ތިޔަ ބުނާ މީހަކު ވެރިކަމަށް ނެރެގެނ ވެރި ކަމައް ހޮވޮނިއްޔޯ ، ހީވޭތަ ވެރިކަން ހަވާލު ކޮއްފި ނަމަ ތިޔަ ބުނާ މީހަކު ތިމީހުން ތިޔަ ބޭނުންވާ ގޮތަށް ވެރިކަން ދޫކޮއްލާފަ އަލުން އިންތިޚާބެއް ބާއްވާނެ ކަމަށް. ކާކު ވެރިކަމަށް އެރުނީމަ ވެރިކަން ކަމަކާ ނުލާ ދޫކޮއްލާނީ.
ޝިފާގު
23 October 2017
މަހުލޫފު އެބުނާ ވެރިޔަކު ހޮވާނީ ހަތަރުފަސްމީހަކުހެން އެބަހީވޭ ޚަބަރު ކިޔާލީމަ. އެވެސް ޑިމޮކްރަސީތޯ؟
ކެތްކުރޭ
23 October 2017
ދައުލަތް ދަރުވާލާފަ ވިޔަސް ވީހާވެސް އަވަހަކައް ވެރިކަމައް އަންނަން ދޯ ތި މަސައްކަތްކުރަނީ. އެކަމަކު ދެނޭވާ ދޭތެރެއިން ގޮވާނެ ރައްޔިތުންގެ ފައިސާ އިސްރާފު ކުރަނިއްޔޭ. ދައުލަތުގެ ޚަޒާނާ ހުސްވަނިއްޔޭ. ރައްޔިތުންނަށް ހެޔޮއެދިގެން އުޅެންޏާ އެންމެން އެއްބަސްވާމީހަކު 5 އަހަރު ބެހެއްޓީމަ ވީއެއްނުން. އެމީހަކު ރަގަޅިއްޔާ ރައްޔިތުން ދެވަނަ ދައުރަކައްވެސް އޭނަ ހޮވާނެ އެއްނުން. މިހާރު ތިކިޔާ އެއްޗަކުން ހީވަނީ ހަމަ އަމިއްލަ އެދުމާގެން ކެތްނުލަވާގެން އުޅޭހެން.