ގޮނޑި ގެއްލިއްޖެ ކަމަށް ލިޔާ މީޑިއާތަކާ ދެކޮޅަށް ދައުވާ ކުރާނަން: އިދިކޮޅު ފަރާތްތައް

ގޮނޑި ގެއްލިއްޖެ ކަމަށް އީސީން ކަނޑައަޅާފައިވާ މެމްބަރުން ސުޕްރީމް ކޯޓު ކައިރީގައި. --ފޮޓޯ/ސޯޝަލްމީޑިއާ

ފަޒީނާ އަހުމަދު، މިހާރު

23 ޖެނުއަރީ 2018 - 15:10

ގޮނޑި ގެއްލިއްޖެ ކަމަށް ލިޔާ މީޑިއާތަކާ ދެކޮޅަށް ދައުވާ ކުރަން ނިންމާފައިވާ ކަމަށް، ރައްޔިތުންގެ މަޖިލީހުގައި އެ މެމްބަރުން ތަމްސީލު ކުރައްވަމުން ގެންދެވި ދާއިރާގެ ގޮނޑި ގެއްލިފައިވާ ކަމަށް އިލެކްޝަންސް ކޮމިޝަނުން ކަނޑައަޅާފައިވާ މެމްބަރުން މިއަދު ވިދާޅުވެއްޖެ އެވެ.

އެ 12 މެމްބަރުންގެ ފަރާތުން ވާހަކަ ދައްކަވަމުން، ތިމަރަފުށީ ދާއިރާގެ މެމްބަރު މުހައްމަދު މުސްތަފާ ވިދާޅުވީ، އެ މެމްބަރުންގެ ގޮނޑި ގެއްލުނު ކަމަކަށް ރާއްޖޭގެ ސުޕްރީމް ކޯޓުން މިހާތަނަކަށް ކަނޑައަޅާފައި ނުވާ ކަމަށެވެ. މަޖިލީހުގެ މެމްބަރެއްގެ ގޮނޑި ގެއްލިއްޖެ ކަމަށް ކަނޑައެޅޭނީ ސުޕްރީމް ކޯޓަށް ކަން، ގާނޫނުއަސާސީގައި ބުނެފައިވާ ކަމަށާއި އެހެން އޮއްވައި މީޑިއާތަކަށް "ގޮނޑި ގެއްލިފައިވާ މެމްބަރުންނޭ" ނުލިޔެވޭނެ ކަމަށް އޭނާ ވިދާޅުވި އެވެ.

"އެގޮތަށް ލިޔާ މީޑިއާތަކާ ދެކޮޅަށް ދައުވާކުރަން އަޅުގަނޑުމެން 12 މެމްބަރުން ނިންމައިފިން. ސަބަބަކީ އަޅުގަނޑުމެންނަކީ ރައްޔިތުން ހޮވާފައި ތިބި ބައެއް. މިހާތަނަށް، ގާނޫނުއަސާސީ އާއި ހެދިފައިވާ ގާނޫނުތަކާ ޚިލާފަށް އަޅުގަނޑުމެން ކަމެއް ނުކުރަން. އެހެންވީމާ އަޅުގަނޑުމެންގެ ވާޖިބަށް ހުރަސްއެޅޭ ގޮތަށް އާއްމުކޮށް އެ ގޮތަށް އިއުލާންކުރާ ނަމަ، މަޖުބޫރުވާނެ އެ މީޑިއާއަކާ ދެކޮޅަށް ދައުވާ ކުރަން،" މުސްތޮފާ ވިދާޅުވި އެވެ.

އޭނާ ވިދާޅުވި ގޮތުގައި ގޮނޑި ގެއްލިއްޖެ ކަމަށް ދައްކާ ވާހަކަތަކާ ގުޅިގެން، މެމްބަރުން އިއްޔެ އިލެކްޝަންސް ކޮމިޝަނާ ބައްދަލުކުރެއްވުމުން، އެ މެމްބަރުންގެ ގޮނޑި ގެއްލިފައިވާ ކަމަށް އެ ކޮމިޝަނުން ވެސް ނުބުނެ އެވެ. އެހެން ނޫނަސް، އެއީ އިލެކްޝަނަށް ލިބިގެންވާ ބާރެއް ވެސް ނޫން ކަމަށް މުސްތޮފާ ވިދާޅުވި އެވެ.

"ސުޕްރީމް ކޯޓު މެނުވީ، އެކަން އިއުލާން ކުރެވޭނެ އެއްވެސް ފަރާތެއް ނެތް،" މުސްތޮފާ ވިދާޅުވި އެވެ.

އީސީން ކަނޑައަޅާފައި ވަނީ، ވިލިނގިލީ ދާއިރާގެ ސައުދު ހުސައިނާއި ތުލުސްދޫ ދާއިރާގެ މުހައްމަދު ވަހީދު އިބްރާހީމާއި މަޑުއްވަރީ ދާއިރާގެ މުހައްމަދު އަމީތާއި ދިއްދޫ ދާއިރާގެ އަބްދުއްލަތީފާއި މައްޗަންގޮޅީ ދެކުނު ދާއިރާގެ އަބްދުﷲ ސިނާނާއި ދަގެނތީ ދާއިރާގެ އިލްހާމް އަހްމަދާއި ތިމަރަފުށީ ދާއިރާގެ މުހައްމަދު މުސްތަފާ އާއި ތިނަދޫ އުތުރު ދާއިރާގެ ސައުދުﷲ ހިލްމީ އާއި ތިނަދޫ ދެކުނު ދާއިރާގެ އަބްދުﷲ އަހުމަދާއި ފުވައްމުލަކު އުތުރު ދާއިރާގެ އަލީ ޝާހުގެ ގޮނޑި ގެއްލިފައިވާ ކަމަށެވެ.

މެމްބަރުންގެ ގޮނޑިއާ ގުޅޭ ގޮތުން ސުޕްރީމް ކޯޓުގެ ހުކުމާ ޚިލާފަށް ބައެއް މެމްބަރުން ވަކިކޮށްފައިވާތީ، މި މެމްބަރުންގެ ގޮނޑި ނުގެއްލޭނެ ކަމަށް އިދިކޮޅު ފަރާތްތަކުން ބުނަމުން ދަނިކޮށް، އިންތިޚާބުތައް ބާއްވަން ތައްޔާރުވަމުން އަންނަ ކަމަށް މިދިޔަ އަހަރުގެ ސެޕްޓެމްބަރު މަހުގެ ތެރޭގައި އެ ކޮމިޝަނުން ވަނީ ބުނެފަ އެވެ. އެކަމަކު އަދިވެސް އިންތިހާބު ބާއްވާނެ ތާރީހު އިއުލާންކޮށްފައި ނުވާތީ ވެސް އެ ކޮމިޝަނަށް ވަނީ ފާޑުކިއުން އަމާޒުވެފަ އެވެ.

ރައްޔިތުންގެ މަޖިލިސް މެމްބަރު މުހައްމަދު މުސްތަފާ ސުޕްރީމް ކޯޓް މަޖިލީހުގެ މެމްބަރުން އިލެކްޝަންސް ކޮމިޝަން މީޑިއާ ނޫސްވެރިކަން

15 ކޮމެންޓް, 32 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ގޮނޑި ގެއްލިއްޖެ

24 January 2018

ޤާނޫނު އަސާސީ ކޮންމެ ގޮތަކަށް މާނަކުރިއަސް ގޮނޑި ނުގެއްލޭ ކަމަކަށް ނުވާނެ. އެކަމަށް އެއޮތީ ސުޕްރީމް ކޯޓުގެ ރޫލިންގ ނެރެފަ... އިތުރު ވާހަކައެއް ނެތް. ތިޔަ 12 މެންބަރުންގެ ގޮނޑި ގެއްލިއްޖެ، ދެން އެގޮނޑިތައް ތިޔައިގެ ތެރެއިން އެއްވެސް މެންބަރަކަށް ނުފެންނާނެ. ގޮނޑި ގެއްލިއްޖެ.. ދެން ދައުވާ ކުރައްވާ....

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮފީމަޖިލިސް

24 January 2018

ގޮނޑި ކޮޅު ނުގެއްލޭ. ކޮފީ މޭޒު ކޮޅު ގެއްލުނީ ދޯ. މަޖިލީހަށް ކޮފީ ބޯން ނުދެވެނީ އެހެންވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޝޫޝް

24 January 2018

ހަމަ ގޮނޑިވެސް ގެއްލިފަ ތިތިބީ...

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޯހޯ

24 January 2018

ކިޔާނަން އަދިވެސް ކިޔާނަން ތީކޮންބައެއް . މަކުރީ ދުވަހެއްގަ ޗެކް މާރކް ތެރޭގައި ހުއްޓާ ގޮނޑި ގެއްލި ބިކަވެ އަނޫފަ ވެފަހުރި ކުރީގެ ތުލުސްދޫ ދާއިރާގެ މެމްބަރު ވަހީދު ( ގޮނޑި ގެއްލުނު) ބުނީ މިގައުމަށް ވަމުންދާގޮތް ނުފެނޭހޭ މި ގޮނޑި ގެއްލުނު މެންބަރު ކަލޭގެ ހިތުން ރުހުމުން ގަބޫލުކޮށްފި ގައުމަށް އަންނަމުންދާ ހެޔޮބަދަލު. ގޮނޑި ގެއްލުނު މެންބަރު ހަހަހަހާ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޢަހުމަދު

24 January 2018

ކޮންމެސް ޝޭހެއްވިދާޅުވެބައްލަވާ. ދައުލަތެއް ރޭޕްނުކުރެވޭނެތޯ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޑޮކްޓަރުންގެ ސިޓީ / އައްޑޫ ސިޓީ

24 January 2018

ދައުލަތުގެ ޤާނޫނު ހަދާމަޖިލީހަށް ރައްޔިތުން އިންތިހާބު ކުރި މެމްބަރުންތަކެއް “ޤާނޫނު އަސާސީ އާއި ހިލާފަށް” މަޖިލީހަށް ވަނުން ހުއްޓުވައިފިނަމަ އެއީކުށެއް. އެހެން ނަމަވެސް ދައުލަތުގެ ޤާނޫނު އަސާސީގެ ބަލަދު ވެރިފަރާތުން ތިކަމުގައި “އިންސާފު ކަޑައެޅުމުގައި ފަހަތު ފަޔަށް ބުތަވެފައިވާތީ” މަޖިލީހުގެ މެންބަރުކަން ނިގުޅައިގަނެވިއްޖެކަން ކަށަވަރުނުވާހާހިދު ކޮންމެ ދުވަހެއްގެ ޖަލްސާ އޮންނަ ދިވަހު މަޖިލީހުގެ އިދާރާގެ ދޮރާއި ހަމައަށް ދިއުމަކީ “ހުވާމަތީގައި ދެމިހުރުން” އަދި ޤާނޫނާއި ހިލާފުވާ މީހުން ވަކިކުރުނަށް ވެސް ލިބޭނެ ފުރުސަތެއް. ތިޔަ އިއްޒަތްތެރި މެންބަރުން މަޖިލީހަށް ދިއުމަށާއި މަތިލީހުގެ އިދާރާއަށާއި ޗެމްބަރަށް ވަނުމަށް އަމަލުންނާއި ބަހުން ލިއުމުން ހުރަސްއަޅާ ހަމަ ކޮންމެ މީހަކީ “ދައުލަތުގެ ޤާނޫނު އަސާސީގެ ބާރު ކަޑުވާލުމުގެ ކުށުން ކުށްވެރިވާނެ” މީހެއް. އުއްމީދަކީ މަޖިލީހުގެ ޖަލްސާތަކަށް ބަރާބަރަށް ހާޒިރުވުން. ވެއްދުމާއި ނުވެއްދުމަކީ އެހެން މައްސަލައެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޑޮކްޓަރުންގެސިޓީ /ލޫޓްވާ ސޭކްސިޓީ

24 January 2018

ރައްޔިތުން ވަކިދާއިރާއަކަށް ހޮވާދޭ މީހާ ހުވާކުރުމާއެކު ޕާޓީ ބަދަލުކޮށް ވިސްނުން ބަދަލުކުރީމަ ރައްޔިތުނަލިބޭ ގެއްލުމުގެ ބަދަލު ހޯދަން ދާނެތަނެ ކުރެވޭނެ ކަމެއްނެތި5އަހަރު އެރައްޔިތުންތިބޭ ތިބުމަށް ބަދަލު ހޯދާނީކިހިނެތް.... ވޯޓްދިން ރައްޔިތުން ބޭނުންނުވިޔަސް މެމްބަރުމީހާ ވީއައިޕީގަ އުޅޭއިރު ރައްޔިތުން ބިކަވެފަތިބޭތިމަށް ނިމުން ގެންނަންޖެހޭނުން... މަޖުލީހަށް އެފަދަ މެމްބަރުން ވަނަ ނުދީ ހިފަހައްޓަންޖެހޭ.... 5އަހަރުން މިލިޔަނަރުންނަވެ ބެންކޮކުގަ ދިރިއުޅެން ދޫކޮއްލަންވީތަ... ފެހިފިތަށް އޮބާލުމައްޓަކާ އިގިލި ހިއްލާލުމަށް މޭޒުދަށުން ދޭ ނޫޓްބޮޑި ނެގިޔަނުދޭން ކަމެކުރަންޖެހޭ.... އަމިއްލަ ޕާޓީގެ ވޯޓަކަށްވެސް ފައިސާގެ ޑިމާންޑްނެތި ވޯޓްނުދެވޭ ކަމަށްވަންޏާ އެކަން ބަދަލު ކުރަންޖެހޭނުނއ...

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވާލުސޮރު

23 January 2018

ތިޔައީ މޮޔަ ޚިޔާލެއް! ތިޔަކަމުގަ މަށަށް ގޯހީ މީޑިއާތަކެއްނޫން. ބަޔަކަށް "ގޯހެއް" ހެދިގެން އެކަމުން ސަލާމަތްނުވެގެން އުޅުމަކީ ނޫސްވެރިން އެކަމާ ކުށްވެރިވާންޖެހޭކަމެއްނޫން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަހުމަދުބެ

24 January 2018

މީޑިޔާތަކުން އެގޮތަށް ލިޔުނީމަ އާންމުންނަށްވެސް ހީވީ ގޮނޑިގެއްލުނީކަމަށް. ލިޔަންޏާ އަނބިމީހާ ފިރިމީހާއާ ދިމާލަށް ތިހިރީ ވަރިކޮށްފައޭ ބުނާއިރަށް "ޕަންލަންބޭގެ އަނބި ގޮމާފުޅު އޭނާގެ ފިރިމީހާ ވަރިކޮށްފި" އޭ ކިޔާފަ ސުރުހީ އަޅާލަންވީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގޮނޑި

23 January 2018

ގޮނޑި ނުގެއްލޭ މަގާމު ގެއްލުނީ.... ރުފިޔާގެއްލުނީ.... ލަގްޒަރީ ހިދުމަތްތަ ނުލިބި ގެއްލުނީ.. ދަށުންދެމި ފެހި ނޫޓުތައް ގެއްލުނީ.... ގޮނޑިދިން ރައްޔިތުން ގެއްލުނީ....

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ތަކުރާ

23 January 2018

އޯކޭ އޯކޭ އޯކޭ!!!!!!! އަހަރުމެން ދެން ލިޔާނީ މަޖިލީހައް ވަނުން މަނާކޮށްފައިވާ 12 މެމްބަރުންގެ ވާހަކަ... އެއިރުން އޯކޭ ދޯ.؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޒަހޫން

23 January 2018

ގޮނޑިއެއް ނުގެއްލޭ.. އެކަމު ގޮނޑި ލޮލަކަށް ނުފެނޭ އަތެއްނުލެވޭ.. ގޮނޑީގައި އިންނާތީ ލިބޭ ރުފިޔާތަކެއް ނުލިބޭ.. ޕެންޝަން ފަންޑްގައި ހުރި ފައިސާއެކޭ ތަފާތެއްނެތް..