މައުމޫނާއި އުއްތަމަ ފަނޑިޔާރު އަދި ފަނޑިޔާރު އަލީ ހަމީދު: އެ ތިން ބޭފުޅުންނަށް ދައުވާ ކުރަން ފޮނުވީ ހެކި ނައްތާލި ކަމުގެ ތުހުމަތުގައި --ފޮޓޯ/މިހާރު
04 މާޗް 2018 - 12:56
26 comments
ސަރުކާރު ވައްޓާލަން އުޅުމުގެ ތުހުމަތުގައި ހައްޔަރުކޮށްފައިވާ ކުރީގެ ރައީސް މައުމޫން އަބްދުލްގައްޔޫމާއި އުއްތަމަ ފަނޑިޔާރު އަބްދުﷲ ސައީދާއި ފަނޑިޔާރު އަލީ ހަމީދު ހެކި ނައްތާލި ކަމަށް ތުހުމަތުކުރާ މައްސަލާގައި ދައުވާކުރުމާ މެދު އަދި ގޮތެއް ނުނިންމާ ކަމަށް ޕްރޮސެކިއުޓާ ޖެނެރަލް (ޕީޖީ) އޮފީހުން މިއަދު ބުނެފި އެވެ.
ކުއްލި ނުރައްކަލުގެ ހާލަތު އިއުލާންކޮށް، މިދިޔަ މަހުގެ ފަސް ވަނަ ދުވަހު މައުމޫނާއި އުއްތަމަ ފަނޑިޔާރުގެ އިތުރުން ފަނޑިޔާރު އަލީ ހަމީދު ހައްޔަރުކުރީ ގާނޫނާ ޚިލާފަށް ސަރުކާރު ބަދަލުކުރަން ރޭވުމާއި ރިޝްވަތުގެ ތުހުމަތުތަކެއްގަ އެވެ. އެ ތިން ބޭފުޅުންގެ އިތުރުން ޖުޑިޝަލް އެޑްމިނިސްޓްރޭޓާ ހަސަން ސައީދު ވެސް ހައްޔަރުކުރި އެވެ.
އޭގެ ތެރެއިން މައުމޫނާއި އުއްތަމަ ފަނޑިޔާރު އަދި ފަނޑިޔާރު އަލީ ހަމީދު ތަހުގީގަށް ބޭނުންވާ ހެކި ނައްތާލިކަމުގެ ތުހުމަތުގައި އެ ބޭފުޅުންގެ މައްޗަށް ދައުވާކޮށް ދިނުމަށް އެދި ޕީޖީ އޮފީހަށް ފުލުހުން ފޮނުވީ މިދިޔަ ހަފުތާގަ އެވެ. މީގެ އިތުރުން ފުލުހަށް ހާޒިރުވާން އެންގުމުން ހާޒިރުނުވެ، ފިލައިގެން އުޅުނު މައްސަލާގައި ހަސަންގެ މައްޗަށް ވެސް ދައުވާކުރަން ފުލުހުން ޕީޖީއަށް ފޮނުވި އެވެ.
ޕީޖީ އޮފީހުގެ އޮފިޝަލަކު ވިދާޅުވީ އެ މައްސަލަތައް އެ އޮފީހުން މިހާރު ދިރާސާ ކުރަމުން އަންނަ ކަމަށާއި އެ ބޭފުޅުންގެ މައްޗަށް ދައުވާ ކުރުމާ މެދު އަދި ގޮތެއް ނުނިންމާ ކަމަށެވެ.
ގާނޫނުލް އުގޫބާތުގެ 530 ވަނަ މާއްދާ ބުނާ ގޮތުން މީހަކު ހައްޔަރު ކުރުމަށް ނުވަތަ ދައުވާއެއް އުފުލަން ނުވަތަ މީހެއްގެ ދިފާއު ބިނާކުރަން ހުރަސް އެޅުމުގެ މަގްސަދުގައި، މާއްދީ ހެއްކެއް ނައްތާލައިފި ނަމަ ނުވަތަ ފޮރުވައިފި ނަމަ ނުވަތަ ބަދަލުކޮށްފި ނަމަ އެއީ ޖިނާޔަތުގެ ހަތަރު ވަނަ ދަރަޖައިގެ ކުށެކެވެ. އެފަދަ ކުށެއް ސާބިތުވެއްޖެ ނަމަ އެއް އަހަރާއި ހަތް މަހާއި ހަ ދުވަހުގެ ޖަލު ހުކުމެއް އަންނާނެ އެވެ.
ރިޝްވަތާއި ގާނޫނާ ޚިލާފަށް ސަރުކާރު ވައްޓާލަން އުޅުމުގެ ތުހުމަތުގައި އިތުރު ހަ މީހަކު ވެސް ވަނީ ހައްޔަރުކޮށްފަ އެވެ. އޭގެ ތެރޭގައި މައުމޫންގެ ދަރިކަލުން ފާރިސް މައުމޫނާއި ޔުމްނާ މައުމޫންގެ ފިރިކަލުން މުހައްމަދު ނަދީމާއި ފަނޑިޔާރު އަލީ ހަމީދުގެ އަނބިކަނބަލުން ހިމެނިވަޑައިގަންނަވަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ތުއްތުބޭބެ
07 March 2018
ބަންދުކުރެވެނެ ގޮތެއްނެތިގެން ކުއްލިނުރައްކަލަކަށްހަދާ އެޤާނުނުގެ ދަށުން ބަންދުކޮށް ހެކިއުފެއްދުމާށް އުޅެ އެކަންވެސް ނުވުމުން ހެކިނައްތާލި ދަޢުވާކުރީމާ ފެންވަރުއެނގިބޭޒާރުވުން ނޫންކަމެއްވެހެއްޔެވެ.
ހަސަނު
05 March 2018
ކުށެއް ކުރިކަމަށް ފުލުހުންނަށް ފެނަނަ ކޮންމެ މީހަކީ ކުށްވެރިއެއް.. ދެ އެމީހާ އެ ބުނާ ކުށް ކުރި ކަމުގެ ހެކި ފުލުހުންނަށް ފެންނާން ނެތުމަކީ ވެސް އެމީހާ ކުރާ ކުށެއް..
އައްޑޫ ބެއްޔާ
05 March 2018
އެކްޓިން ކޮމިޝަނަރު އޮފް ޕޮލިސް އަބްދުﷲ ނަވާޒް ކުރެން އަހަން ބޭނުން https://mihaaru.com/news/30778 ގައި މިބުނާ އެތައް މިލިއަން ކޮބައިތޯ؟ ދިނީ ކާކުތޯ އެމައްސަލަ ޕީޖީއަށް ނުފޮނުވިގެން އުޅެނީ ކީއްވެތޯ؟ ސުޕްރިންޓެންޑެންޓް އޮފް ޕޮލިސް އަހުމަދު ޝިފާން އެވެ. https://mihaaru.com/news/30986 މި 3.4 މިލިއަން ރުފިޔާ ކޮބާއިތޯ؟ ދިނީ ކާކުތޯ އެމައްސަލަ ޕީޖީއަށް ނުފޮނުވިގެން އުޅެނީ ކީއްވެތޯ؟ "އެންދެރިމާގެ އިން ނެރިގެން ގެންދިޔަ ފޮށިން ލިބުނު ޑޮކިއުމެންޓް އެވިޑެންސްތަކުން އެނގޭ ކަމަށް ޝިފާން ވިދާޅުވި އެވެ." މި އެވިޑެންސް ކޮބައިތޯ ޝިފާން؟ ކޮފީތަށި ވެއްޓުނީތޯ؟ ރައީސް އާއި އަދުރޭ ބުނި ކަޅުފޮށީ ކޮބައިތޯ؟ https://mihaaru.com/news/31012 މި ލިންކުތައް ހިމެނީ ކިޔާލާ މީހުންނަށް ބޮޑޫ މަންޒަރު ފަސޭހަކޮށްލާން ކަމަށެވެ.
ކޮކްޓެއިލްރައީސް
04 March 2018
ނިކަން ދަޢުވާ އުފުލަބަލަ، ދަޢުވާ އުފުލާފަރާތުން ޖެހޭނެ، ހެކި ނައްތާލިކަމުގެ ހެކިދައްކަން އެކަން ސާބިތު ކޮށްދޭން، ނާޒިމަށް ހެދިހެން ނުހަދާތި، ހެކި ނައްތާ ނުލާކަން ސާބިތުކޮށެއް ނުދެވުނޭ ކިޔާފަ ހުކުމެއް ކުރީމަ ފަހު ތަޅާލުންގަނޑުގަ ވަރަށް ލުޚުސާން ހުންނާނެ ތިވެރިންނަށް.
ޢަބްދުﷲނާފިޒު
04 March 2018
ރިޝްވަތު ހިފާ ސަރުކާރު ވައްޓާލަން ބަޣާވާތްކުރަން އުޅުނު ކަމުގެ އެތައް ބައިވަރު ކިތާބީ ހެއްކެއްހުރެމެ މިދައުވާކުރަނީ ހެކި ނައްތާލިކަމަށް ބުނެ އުތަ، މީ އަޅެ މަޖާކަމެއްނު.
އިހުސާނު
04 March 2018
ގޮތްނިންމާނީ ޖެނެރަލް
ޤައުމު ބަޣާވާތް ކުރަނީ
04 March 2018
ޕީޖީ ވެސް "ބަޣާވާތް" ކުރަނީ އޭ ދެން ބުނޭ!
ޔޫވީ
04 March 2018
މީޑިއާއިން ތި ވާހަކަ އެހާ އަވަހަށް ގެނެސް ނުދިނުން މުހިއްމު. ސަބަބު އެނގޭނެ.
ހަސަނު
04 March 2018
ކުށެއް ކުރިކަމުގެ ހެކި ހުރީމަ ހައްޔަރު ކުރީ... ހައްޔަރު ކުރީ ހެކި ނައްތާލަފާނެތީ.. މިހާރަކު ހެއްކެއްނެތް.. ހައްޔަރު ކުރުމަށްފަހު އަދި އަދަށްވެސް އެވެރިން އެ ތިބީ ޖަލުގާ، ހެއްކަކާ ގާތްވެސް ނުވެވޭ ގޮތަށް.... ބައްލަވާ އަޅުގަނޑަށް އެބަ އެނގޭ މިވާއެއްޗެއް.. ހެކި އަސްލު ނައްތާލީ ފުލުސް ކުދިން... މި އަރަތުގެ އެ ނޫން އެއްވެސް ނަތީޖާއެއް ނުވިސްނޭ ...
އިންސާފު
04 March 2018
ކުށެއްނެތް ބަޔަކަށް ދައުވާކުރުމުގެ ހައްގެއްނެތް!