ކުއްލި ނުރައްކަލުގެ ހާލަތުގެ ދަށުން ހައްޔަރުކޮށްފައިވާ އުއްތަމަ ފަނޑިޔާރު އަބްދުﷲ ސައީދާއި ރައީސް މައުމޫންގެ އިތުރުން ފަނޑިޔާރު އަލީ ހަމީދު--
17 މާޗް 2018 - 17:07
100 comments
ކުއްލި ނުރައްކަލުގެ ހާލަތު ނިމުނު ނަމަވެސް އެ ހާލަތުގެ ދަށުން ހައްޔަރު ކޮށްފައިވާ މީހުން މިނިވަން ނުވާނެ ކަމަށް ޕީޕީއެމް ޕާލަމެންޓްރީ ގުރޫޕުގެ ލީޑަރު އަހުމަދު ނިހާން މިއަދު ވިދާޅުވެއްޖެ އެވެ.
ސިޔާސީ ލީޑަރުންތަކެއް ވެސް ހިމެނޭ ގޮތަށް ނުވަ ބޭފުޅަކު މިނިވަން ކުރުމަށް ސުޕްރީމް ކޯޓުން މިދިޔަ މަހުގެ ފުރަތަމަ ދުވަހު ކުރި ހުކުމް ތަންފީޒު ނުކޮށް، އިއުލާނު ކުރި ކުއްލި ނުރައްކަލުގެ ހާލަތުގެ ދަށުން ހައްޔަރު ކުރި ބޭފުޅުންގެ ތެރޭގައި އުއްތަމަ ފަނޑިޔާރު އަބްދުﷲ ސައީދާއި ސުޕްރީމް ކޯޓުގެ ފަނޑިޔާރު އަލީ ހަމީދުގެ އިތުރުން ކުރީގެ ރައީސް މައުމޫން އަބްދުލްގައްޔޫމް ހިމެނެ އެވެ. އޭގެ އިތުރުން ރައްޔިތުން މަޖިލީހުގެ ބައެއް މެމްބަރުންނާއި ކުރީގެ ޕޮލިސް ކޮމިޝަނަރު އަހުމަދު އަރީފާއެކު ގިނަ އަދަދެއްގެ ބަޔަކު ވަނީ ހައްޔަރުކޮށްފަ އެވެ.
ކުއްލި ނުރައްކަލުގެ ހާލަތުގެ 45 ދުވަސް އަންނަ ބުރާސްފަތި ދުވަހު ހަމަވާނެ އެވެ. ސަރުކާރުން ބުނީ ދެން އެ މުއްދަތު އިތުރު ކުރުމުގެ ވިސްނުމެއް ނުގެންގުޅޭ ކަމަށެވެ. އެއާ އެކު ހައްޔަރުކޮށްފައިވާ މީހުންގެ ބަންދާ މެދު ގޮތެއް ނިންމުމަށް ކޯޓަށް ހާޒިރު ކުރަން ޖެހޭނެ އެވެ.
ޕީޕީއެމުން މިއަދު ބޭއްވި ނޫސްވެރިންގެ ބައްދަލުވުމެއްގައި ނިހާން ވިދާޅުވީ ކުއްލި ނުރައްކަލުގެ ހާލަތުގެ ދަށުން ހައްޔަރު ކުރި މީހުން މިނިވަން ނުވާނެ ކަމަށާއި އެ މީހުންގެ މައްސަލަތައް ބަލާނެ ކަމަށެވެ.
ނިހާން ނޫސްވެރިންނަށް މައުލޫމާތު ދެއްވަނީ-- އޭނާ ވިދާޅުވީ ކުއްލި ނުރައްކަލުގެ ހާލަތުގެ ދަށުން ހައްޔަރު ކުރި މީހުން ދޫނުކުރާނެ ކަމަށް-- މިހާރު ފޮޓޯ
"ސްޓޭޓް އޮފް އިމަޖެންސީ ނިމުނު ނަމަވެސް އިމަޖެންސީގެ ދަށުން ހައްޔަރު ކުރެވުނު ދިވެހި ރާއްޖެ އަށް ނުރައްކާ ބަޣާވާތެއް ގެންނަން އުޅުނު މީހުންގެ މައްސަލަތައް ދާނީ ބާރަށް ކުރިއަށް،" ޕީޕީއެމްގެ ނޫސްވެރިންގެ ބައްދަލުވުމުގައި ނިހާން ވިދާޅުވި އެވެ.
ކުއްލި ނުރައްކަލުގެ ހާލަތު ނިމުމުން، މިހާރު ހައްޔަރު ކޮށްފައިވާ މީހުން މިނިވަން ވާނެ ކަމަށް ބުނެ އިދިކޮޅު ފަރާތްތަކުން ވާހަކަ ދައްކަނީ މަގުތަކަށް މީހުން ނެރުމަށް ކަމަށާއި އެކަން އެގޮތަށް ނުވާނެ ކަމަށް ނިހާން ވިދާޅުވި އެވެ.
އިދިކޮޅު ކޯލިޝަންގެ އިސް ބޭފުޅުން ރާއްޖެ އިން ބޭރުގައި ތިއްބަވައިގެން އާންމުން މުޒާހަރާތަކަށް ނެރޭ އިރު އޭގެ ސަބަބުން ހުރިހާ ގެއްލުމެއް ވަނީ ނިކަމެތި ރައްޔިތުންނަށްކަން ނިހާން ފާހަގަ ކުރެއްވި އެވެ.
ކުއްލި ނުރައްކަލުގެ ހާލަތުގެ ދަށުން ހައްޔަރުކޮށްފައިވާ ބޭފުޅުންގެ ތަހުގީގުތައް ދާދި ފަހަކުން ވަނީ ފަށައިފަ އެވެ. އޭގެ ތެރެއިން ބައެއް ބޭފުޅުންގެ ތަހުގީގުތައް ފަށާފައިވަނީ ބަންދު ކުރިތާ 30 ދުވަހަށް ވުރެ ފަހުންނެވެ. އޭގެ ތެރެއިން ބައެއް މީހުންގެ މައްޗަށް ދައުވާ ކޮށްދިނުމަށް އެދި ޕްރޮސެކިއުޓާ ޖެނެރަލްގެ އޮފީހަށް ވަނީ މައްސަލަ ފޮނުވައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ފެންނުވަރާ ޒިމާ.
19 March 2018
އެއްގޮތަކަށްވެސް ލީޑަރުން ދޫކުރާނެ ކަމެއް ނެތް. ލީޑަރަކަށް ވާން މީހަކު އުޅެންޔާވެސް ހިފާ ހައްޔަރުކޮށްފަ ކުޑަ ގޮޅިގައި ބައިންދާ. ތިކުރާ ވެރިކަމަކީ މި 21 ގަރުނުގަ ބަޔަކަށް ކުރެވެނު އެންމެ މޮޅުވެރިކަން. ދަރުބާރޭމެން އަވަހަށް އަތްޖަހާ.
އަހުމަދު ސަލީމް
19 March 2018
ނިހާނު ކަލޭތީ ކާކު؟ އަދުރޭ ބުނީމަ އަހަރުން ގަބޫލު ކުރާނީ... ކަލޭގެ ހިކުމަތު އަމަލީގެ ދަށުން ރައީސް މީހާ ބަދުނާމު ވަނީ... މިލިޔަން ޑޮލަރުގެ ވާހަކަވެސް އަލުން ކަލެޔާ ހެދި މީހުންތައް އެދައްކަނީ.. ކަލޭ އަނގަމަޑުން ލައިގެން ގަޑިއަޅާގެން ގޭގައި ހުރެބަލަ... އަދުރޭ ކަންކަން ރަނގަޅަށް ބައްލަވާނެ... ކަންކަން އިސްލާމް ދީނާ އެއްގޮތަށް ނިންމަވާނެ... ކަލޭ މާ ގަދަވެގެން އުޅޭނެކަމެއްނެތް އިނގޭ... ސޮރީ.. ޔޫ އާ ނައު އަ ވެރީ ބިގް ލަޔަބިލިޓީ ފޯ ރައީސް މީހާ... އަދުރޭ އިޒް އަ ޖެމް... ލަވް ޔޫ އަދުރޭ!
ފަސްވަގުތު
18 March 2018
ފުހުންނަކީވެސް ހާކިމާ، ރައީސްމީހާޢަކީވެސް ހާކިމާ ރައީސް ޔާމީނު ވަށައިގެން އެނބުރޭ މީހުންނަކީވެސް ހާކިމާ ނިހާނަކީވެސް ހާކިމާ އަދުރޭއަކީވެސް ހާކިމާ. ބުނާތީ އިވޭ ގާނޫނު ހަދަނީ މުޖުތަޢުގައި މީހުން އުޅެން ވަކިގޮތެއް ބާއްވަންޖެތީ މުޖުތަމަޢުގެ ރައްކަލަކަށޭ. އެކަމަކު މިހާރު އެމީހަކާއި އެމީހެއް ކޮންކަލަ ވެރިންނެއްތަ މިހާރު މިތިބެނީ ފަތުވާ ކޮމެޓީ ބުނެދީބަލަ؟
އީމަން
18 March 2018
ނިހާން، ގައުމުގެ ބާނީ ޖަލަށްލައިގެން ތިޔަތަޅުވާއަގަ ހުސްނުވާނެކަން އަހަންނަ ކަށަވަރު، ޒައީމާ އެއްހަމަޔަކަށް ނުވަތަ އެއްފެންވަރަކަ ނިހާނަށް ދުވަހަކަވެސް ނާދެވޭނެ. ނިހާން ހަދުމަފުޅަށް ގެންނަވީ ޒައީމް އޮތްތާ ނިހާން އޮންނަން ޖެހޭ ދުވަހެއް އަނާނެކަން. ޒައީމްގެ ނޫރުފުޅު ތާއަބަދަށް މިގަމުގައި އޮންނާނެ. ވައްސަލާމް.
އުމަރު
18 March 2018
އެހެންނުވެވޭނެ، ފުރަތަމަ ކުއްލި ނުރައްކަލުގެ ހާލަތު ގެނައީވެސް ޤާނޫނާއި ހިލާފަތް، އަދި އިތުރުކުރީވެސް ޤާނޫނާއި ހިލާފަތް، އެހެންކަމުން ކުއްލި ނުރައްކަލުގެ ހާލަތް އޮތީ ހަމައެކަނި ސިފައިންނާއި ފުލުހުންނަށް އޭގެ އިތުރުން ސިޔާސީ ސަރުކާރުގެ ވެރިންނަށް، ޤާނޫނު ގަބޫލެއް ނުކުރޭ ކުއްލި ނުރައްކަލުގެ ހާލަތު، އަދި ދިވެހި ރައްޔިތުންވެސް އެހާލަތު ގަބޫލެއް ނުކުރޭ އޭގެ އިތުރުން ބޭރު ޤައުމުތަކުންވެސް ގަބޫލެއް ނުކުރޭ، ނިހާނު ތިޔައުޅެނީ ރައީސް ޔާމީނުއާއި އޭނާއަށް ލަފާދޭ ހުރިހައި މީހުން ގޮޅިއަކަށް ފައްތަން، ބޮޑަށް ލަފާކުރެވޭގޮތުގައި ނިހާނު މަސައްކަތްކުރަނީ މިހާރު ރައީސް ޔާމީނުއަށް ލަނޑެއްދޭން
ދޮންއަމާ
18 March 2018
މީމިކަން ހިގާނެ ގޮތް މިކަމަށް ފުލުހުން ނަކަށް އެއްވެސް ކޯޓަކަށްވެސް ބަދަލެއް ނުގެނެވޭނެ މީސައްތައިން ސައްތަ މުސްލިމު ގައުމެއް ދެން އަތްޖަހާ
އާނިޔަތު ލަބީބު
18 March 2018
ތިޔައީ ފައްކާ ކޮމެނިސްޓު ގައުމެއް.!!
މަޒް
18 March 2018
ހައްޔަރު ކުރާ މީހުންނާއި ބަންދުގައި ބައިތިއްބަން ޖެހޭ މީހުން ނިހާނަށް އިނގޭ ހިސާބަށް ދިޔުން މީ ކަންބޮޑުވާކަމެއް.. ހާދަ ބާރު ގަދަ ވެގެނޭ ދޯ ތި އުޅެނީ.. ނިހާނުމެންނަށް އަދި ކަމެއް ނުވިޔަސް ހަމަ ނިހާނު ބިރުން ފިތްކަނޑައިގެން ދާވަރުގެ ކަންކަން ކުރުމުގެ ގާބިލް ރައްޔިތުން އެބަތިބި.. ފުލުހުން ގަނެގެން ތިބޭ
އަމާ
18 March 2018
ނިހާނުގެ އަތުން އަދީބަށް ކޭކު ކާން ނުދޭކަމަކަށް ނުވާނެ
އިގްބާލް
18 March 2018
މީނައާއި އަދުރޭގެ ތަރިކަ މުދަލެއްތަ މިރާއްޖެއަކީ.