ރާއްޖެ އާއި ކޮންގޯއާ ދެމެދު ސިޔާސީ ގުޅުން ގާއިމްކޮށްފި

ރާއްޖެ އާއި ކޮންގޯއާ ދެމެދު ސިޔާސީ ގުޅުން ގާއިމް ކުރުމުގެ އެއްބަސްވުމުގައި އަލީ ނަސީރު (ކ) ސޮއިކުރައްވަނީ. - ފޮޓޯ: ފޮރިން މިނިސްޓްރީ

މުހައްމަދު ޔާމީން، މިހާރު

20 އެޕްރީލް 2018 - 21:46

6 comments

ރާއްޖެ އާއި ރިޕަބްލިކް އޮފް ކޮންގޯއާ ދެމެދު ސިޔާސީ ގުޅުން މިރޭ ގާއިމްކޮށްފި އެވެ.

މިއީ ރާއްޖެ އިން ސިޔާސީ ގުޅުން ގާއިމްކުރި 168 ވަނަ ގައުމެވެ.

ފޮރިން މިނިސްޓްރީން ބުނީ ނިއު ޔޯކްގައި ހުންނަ ރާއްޖޭގެ ދާއިމީ މިޝަންގައި ބޭއްވި ރަސްމިއްޔާތުގައި، ސިޔާސީ ގުޅުން ގާއިމް ކުރުމުގެ އެއްބަސްވުމުގައި ސޮއިކުރެއްވީ ރާއްޖެ އިން އދ. އަށް ކަނޑައަޅާފައި ހުންނަވާ ދާއިމީ މަންދޫބު ޑރ. އަލީ ނަސީރު މުހައްމަދު ކަމަށެވެ.

ފޮރިން މިނިސްޓަރު އާސިމް (މ) އާއި އަލީ ނަސީރު (ކ). - ފޮޓޯ: ފޮރިން މިނިސްޓްރީ

މި ރަސްމިއްޔާތުގައި ރާއްޖޭގެ ފޮރިން މިނިސްޓަރު ޑރ. މުހައްމަދު އާސިމް ވެސް ބައިވެރިވެވަޑައިގަތެވެ. އާސިމް، ނިއުޔޯކަށް ވަޑައިގަތީ އދ. ގެ ބައްދަލުވުމެއްގައި ބައިވެރިވެވަޑައިގަތުމަށެވެ.

ފަހަކަށް އައިސް، ރާއްޖެ އިން އަންނަނީ އެފްރިކާގެ ގިނަ ގައުމުތަކާ ސިޔާސީ ގުޅުން ގާއިމް ކުރަމުންނެވެ. އެގޮތުން ރާއްޖެ އިން ދާދި ފަހުން ވަނީ އައިވަރީ ކޯސްޓް އަދި ޒެމްބިއާއާ އެކު ސިޔާސީ ގުޅުން ގާއިމް ކޮށްފަ އެވެ. ފޮރިން މިނިސްޓްރީން ކުރިން ބުނެފައިވާ ގޮތުގައި އެފްރިކާ ގައުމުތަކާ އެކު ސިޔާސީ ގުޅުން ގާއިމް ކުރުމަކީ އެކި ދާއިރާތަކުން ގުޅުން ބަދަހި ކުރަން ހުޅުވުނު ފުރުސަތެކެވެ.

Raajje aai Zambia aa dhemedhu siyaasee gulhun gaaim koffi

The most trusted news source in the Maldives

Mihaaru

Raajje aai Ivory coast aa dhemedhu siyaasee gulhun gaaimu koffi

The most trusted news source in the Maldives

Mihaaru

ކޮންގޯއާ އެކު ރާއްޖެ އިން ސިޔާސީ ގުޅުން ގާއިމްކުރި އިރު، އދ. ގެ އެންމެ ބާރު ގަދަ އަދި އެންމެ ވާދަވެެރި ކައުންސިލް ކަމަށްވާ ސެކިއުރިޓީ ކައުންސިލްގެ މެމްބަރު ކަމަށް ރާއްޖެ އިން ވާދަ ކުރުމަށް ކުދި ގައުމުތަކުގެ ވޯޓު ހޯދުމުގެ ކެމްޕޭނެއް ވަނީ ފަށައިފަ އެވެ.

އެފްރިކާ ބައްރުގެ މެދުތެރޭގައި އޮންނަ ކޮންގޯ އަކީ އާބާދީގައި 5.1 މިލިއަން މީހުން ދިރިއުޅޭ ގައުމެކެވެ.

ފޮރިން މިނިސްޓްރީ ކޮންގޯ ޑިޕްލޮމެސީ ޑިޕްލޮމެޓިކް ގުޅުން ކުރީގެ މިނިސްޓަރު މުހައްމަދު އާސިމް އދ ސަލާމަތީ މަޖިލިސް ރާއްޖެ-ކޮންގޯ

6 ކޮމެންޓް, 9 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އުމަރު

22 April 2018

ޔޫރަޕްގެ ގައުމުތަކާއި ދުރަށް އަދި އެންމެ ބޮޑަށް ތަރައްޤީވެފައިވާ ގައުމުތަކާއިވެސް ދުރަށް، ހަމަ ބޭނުމަކީ ޑިމޮކްރަސީ އާއި ދުރަށް ދިއުމަށް، އެފްރިކާގެ ގިނަ ގައުމުތަކަކީ ފަގީރު ގައުމުތަށް އަދި ކޮރަޕްޝަނާއި ފަސާދަ ހައްދު ފަހަނަޅާފައިވާ ގައުމުތަށް، ދިވެހިންނަށް އެގައުމުތަކުން ލިބޭނީ ކޮން މަންފާއެއް،

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އ.ދ.

21 April 2018

"ފަހަކަށް އައިސް، ރާއްޖެ އިން އަންނަނީ އެފްރިކާގެ ގިނަ ގައުމުތަކާ ސިޔާސީ ގުޅުން ގާއިމް ކުރަމުންނެވެ." އ.ދ. ގަ ވޯޓެއް ގަނެލަން ރެޑީވަނީތަ؟. ކާކުބާ މިފައިސާ ދޭނީ؟ ޗައިނާއިން ނޫނީ ސައުދީއިން ބޭނުންވާ ކަންކަން ކުރުވަން ސަލާމަތީ މަޖިލީހުން ގޮނޑިއެއް ގަނެލަނީހެން މަށަށް ހީވަނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރަދީފް

21 April 2018

މަރުހަބާ ދިވެހިރާއްޖެ.މަރުހަބާ ކަބީލާ.ބުރުންޑީ އަދި ހެއިޓީ ފަދަ ގައުމުތައް ވެސް ލިސްޓަށް އިތުރުވެގެން ދާނެކަަމަށް އުއްމީދުކުރަން.އިފް ޔޫ ނޯ ވަޓް އައި މީން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ލަނޑަޔާ ވާނީ ލަނޑޔާ

21 April 2018

ކޮންގޯގެ ރައީސް ގެ ވެރިކަމުގެ ދައުރު ހަމަވީ 2016 ވަނަ އަހަރުގައި ނަމަވެސް އޭނާ ހުރީ އަދިވެސް މަގާމުގައެވެ. އިންތިހާބު ވަނީ އެތައް ފަހަރަކު ޤާނޫނާ ހިލާފަށް ފަސްކޮށްފައެވެ. އިދިކޮޅު އެންމެން ވަނީ ޓެރަރިޒަމްގެ ދައުވާކޮށް ޖަލަށްލާފައެވެ. މުޒާހަރާ ކުރާ މީހުންނަކީ ޓެރަރިސްޓުން ކަމަށް ބަލައި ބަޑިޖަހާ މަރައެވެ. މީޑިއާތައް ވަނީ އެއްކޮށްހެން ނެތި ގޮއްސައެވެ. ދައުލަތުން ބުނަނީ ރައްޔިތުންނަށް ފުރިހަމަ މިނިވަންކަން އެބައޮތް ކަމަށެވެ. ޖުޑިޝަރީގެ މިނިވަންކަން ނިގުޅައިގަނެފައިވާއިރު ޤާނޫނީ ވަކީލުންނަށް ގިނަ އަނިޔާކުރެއެވެ. އިންތިހާބެއް ބޭއްވިޔަސް މިނިވަން ނުވާނެ ކަމަށް ރައްޔިތުން ދެކެއެވެ. އާންމު ރައްޔިތުންގެ ހާލަތު ވަރަށް ދައްވެ ނިކަމެތި ވެފައިވީ އުފަން ބިމުގައެވެ. ހުޅަނގުގެ ޕްރެޝަރަށް އަޅާ ނުލާ އަނިޔާވެރިކަން ކުރިއަށް ގެންދަނީ ޗައިނާގެ ބިޔަ ޕްރޮޖެކްޓްތައް ލިބޭތީއެވެ. ކޮންގޯގެ ވެރިކަން ކުރާ ޕާޓީ ސަޕޯޓަރުން ބާރަށް އަޖަހައެވެ.